ⵉⵜⵜⵢⵓⵙⵙⴰⵏ ⵙⴳ ⵜⵡⵊⴰ ⵏ ⵉⴳⵍⵍⵉⵏ ⵎⴰⵙ ⵉⴳⵍⵍⵉⵏ ⵉⴽⵛⵎ ⵚⵚⴱⵉⵟⴰⵕ ⴷⴼⴼⵉⵔ ⵏ ⵢⴰⵏ ⵓⵎⴰⴹⵓⵏ ⵍⵍⵉ ⵢⵙⵢⴰⴼⴰ, ⵉⴹⵀⵕ ⴷⴼⴼⵉⵔ ⵍⵍⵉⵖ ⵉⵙⴽⵔ ⵡⵣⵣⵔⴰⵢ ⴰⴷⵓⵙⴰⵏ ⵎⴰⵙ ⵉⵙ ⵜ ⵢⵓⵜ ⵓⴼⵉⵔⵓⵙ "ⴽⵓⵕⵓⵏⴰ" ⵉⵎⴰⵢⵏⵓⵏ, ⵜⴼⵔⴰ ⵜⵏⵏⴰ ⵎⴰⵙ ⵙⵓⵍ ⵇⵇⴰⵎⴰⵏⵜ ⵜⵍⴽⴰⵎⵉⵏ ⵜⵉⴷⵓⵙⴰⵏⵉⵏ ⴷⴰⵔ ⵉⴳⵍⵍⵉⵏ ⴰⵔ ⵍⵍⵉⵖ ⵉⵎⵎⵓⵜ ⴳ ⵜⴼⴰⵡⵜ ⵏ ⵡⴰⵙⵙ ⵏ ⵓⵙⵉⴹⵢⴰⵙ ⵉⵣⵔⵉⵏ.
ⵉⵍⵓⵍ ⵉⴳⵍⵍⵉⵏ ⴳ ⵓⴳⴰⴷⵉⵔ ⴳ ⵓⵙⴳⴳⵯⴰⵙ ⵏ 1950 ⴷ ⵉⴹⴼⴰⵕ ⵎⵏⵏⴰⵡ ⵏ ⵜⵣⵣⵓⵍⴰⵏⵉⵏ ⴷⴼⴼⵉⵔ ⵍⵍⵉⵖ ⵉⵜⵎⵎⴰ ⵡⵏⵎⵍⴰⵏ ⵏ ⵓⵙⵉⵏⴰⵏ ⵏⵏⵙ, ⴷ ⵉⵔⴰⵔ ⵜⵓⵏⵏⵓⵏⵜ ⵏ ⵜⴽⵓⵔⵜ ⵏ ⵓⴹⴰⵕ ⴷ ⵜⵔⴰⴱⴱⵓⵜ ⵏ ⵍⵃⴰⵙⴰⵏⵢⴰ ⵏ ⵓⴳⴰⴷⵉⵔ ⵏ ⵜⵄⵄⵓⵔⵎⴰ ⴳ ⵓⵙⴳⴳⵯⴰⵙ ⵏ 1967-1968.
ⴳ ⵜⵙⴳⴰ ⵜⴰⵏⴰⵥⵓⵕⵟ, ⵉⵙⵙⵓⴼⵖ ⵉⴳⵍⵍⵉⵏ ⴰⴳⵔⴰⵡ ⴰⵎⴰⵣⵉⵖ ⴰⵎⵣⵡⴰⵔⵓ ⵏ ⵓⵎⵣⴳⵓⵏ, "ⴰⵎⴰⵏⴰⵕ ⵡⵓⵎⵔ", ⴷⴼⴼⵉⵔ ⵍⵍⵉⵖ ⵉⵎⵎⴰⵜⴰ ⵙ ⵉⵏⵣⴳⴳⵯⴰⵏ ⴳ ⵓⵙⴳⴳⵯⴰⵙ ⵏ 1972. ⴷ ⵉⴽⵛⵎ ⵙ ⵜⵎⵙⵎⵓⵏⵜ "ⵜⵉⴼⴰⵡⵉⵏ" ⴳ 1985, ⴷ ⵎⵓ ⵢⵙⴽⵔ ⵎⵏⵏⴰⵡ ⵏ ⵜⵎⵣⴳⵓⵏⵉⵏ ⵉⴼⵓⵍⴽⵉⵏ. ⴳ 1989, ⵉⴷⵔⴰ ⴳ ⵍⴼⵉⵍⵎ ⴰⵎⴰⵣⵉⵖ ⴰⵎⵣⵡⴰⵔⵓ "ⵜⴰⵎⵖⴰⵣⵜ ⵏ ⵡⵓⵔⵖ".