ⴰⵎⵎⴰⵙ ⵏ ⵓⵙⵉⵡⴹ ⴰⴷ, ⵙⵙⵔⵖⵓⴷⵏ ⵙⵉⵏ ⵏ ⵉⵏⵙⵙⵅⵉⴼⵏ ⵏ ⵓⵡⴰⵏⴽⵏ ⵅⴼ ⴰⵕⵥⵥⵓⵎ ⵏ ⵜⵎⵙⵇⴰⴷⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵜⴳⴷⵓⴷⴰⵏⵜ ⵏ ⵍⴽⵓⵏⴳⵓ, ⵎⴰⵢⴰⴷ ⵉⴳⴰⵏ ⵢⴰⵜ ⵜⴰⵎⵙⵙⵉⵍⵉⵜ ⵏ ⵜⵏⴽⵔⴰ ⵙ ⵉⵙⵏⴼⵍⵏ ⴷ ⵓⵎⵢⴰⵡⴰⵙ ⴳⵔ ⵙⵏⴰⵜ ⵏ ⵜⵎⵉⵣⴰⵔ.
ⵉⵣⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⵡ ⵉⵙⵙ ⵚⴹⵉⵚ ⵜⵉⵙⵏⵜⴰⵢⵉⵏ ⵜⵉⵎⵣⵓⵍⵏ ⵏ ⵓⵏⵙⵙⵉⵅⴼ ⵎⴰⵙⵙ ⴷⵉⵏⵉⵙ ⵙⴰⵙⵓ ⵏⴳⵉⵙⵓ ⴰⴼⴰⴷ ⵜⴰⵡⵉ ⵜⴰⵏⴰⴳⵔⵉⵜ ⵙ ⴽⵔⴰ ⵢⴳⴰⵜ ⵜⵙⴳⴰ ⵏ ⵜⵎⴰⵣⵉⵔⵜ ⵏⵏⵙ ⴷ ⴰⴷ ⵉⵙⵔⵙ ⵢⴰⵜ ⵜⴳⵎⵉ ⵜⴰⵅⴰⵜⴰⵔⵜ ⴳ ⵜⴳⴷⵓⴷⴰⵏⵜ ⵏ ⵍⴽⵓⵏⴳⵓ. ⴼ ⵖⵉⴽⴰⵏⵏ, ⵉⵎⵍⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵎⴰⵙⵙ ⵙⴰⵙⵓ ⵏⴳⵉⵙⵓ ⴰⵏⵏⴰⵍ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⴼⴰⴷ ⵜⴱⴹⵓ ⵜⴰⵎⵓⵣⴰⵢⵜ ⵏⵏⵙ ⴳ ⵉⴳⵔ ⵏ ⵜⴳⵎⵉ ⵜⴰⵏⴰⵎⵓⵏⵜ, ⴷ ⵜⴰⴷⵎⵙⴰⵏⵜ, ⴷ ⵜⴰⴼⴳⴰⵏⵜ, ⴷ ⵜⴰⴷⵍⵙⴰⵏⵜ.
ⴰⵎⵎⴰ ⵡⵏⵙⵙⵉⵅⴼ ⴷⵉⵏⵉⵙ ⵙⴰⵙⵓ ⵏⴳⵉⵙⵓ, ⵉⵣⵓⵍ ⵜⵉⴳⵎⵉ ⵍⵍⵉ ⵢⵙⵙⵏ ⵍⵎⵖⵔⵉⴱ ⴼ ⵎⵏⵏⴰⵡ ⵏ ⵉⴳⵔⵏ ⵓⵍⴰ ⵜⵏⵙⵙⵉⵅⴼⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵉⴳⵔ ⵏ ⵜⵏⴰⴳⵔⵉⵜ ⴷ ⵓⵔⴳⴳⵉⴳ ⴷ ⵜⴳⵎⵉ ⵜⴰⵙⵓⵍⴰⵏⵜ ⴳ ⵉⴼⵔⵉⵇⵢⴰ.
ⵣⵔⵉⵔⵉⵏ ⵙⵏⴰⵜ ⵏ ⵜⴼⵓⵍⵉⵏ ⵜⴰⵎⵙⴷⴷⵓⵔⵜ ⵏ ⵓⵙⴷⵓⵙ ⴷ ⵏ ⵓⵙⵎⵢⴰⵏⴰⵡ ⵏ ⵓⵎⵢⴰⵡⴰⵙ ⴰⵎⵖⵔⵉⴱⵉ ⴰⴽⵓⵏⴳⵓⵍⵉ ⴳ ⴽⵔⴰ ⵢⴳⴰⵜⵜ ⵉⴳⵔ. ⴼ ⵖⵉⴽⴰⵏⵏ, ⵙⵙⵉⵅⴼⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴷ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⵍⴽⵓⵏⴳⵓ, ⵎⴰⵙⵙ ⴷⵉⵏⵉⵙ ⵙⴰⵙⵓ ⵏⴳⵉⵙⵓ, ⵜⴰⴼⵓⴳⵍⴰ ⵏ ⵓⵙⴳⵎⴹ ⵏ 14 ⵓⵎⵙⴰⵙⴰ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⴳ ⵎⵏⵏⴰⵡ ⵏ ⵉⴳⵔⵏ.
ⴼⴽⴰⵏ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴷ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⵍⴽⵓⵏⴳⵓ, ⵎⴰⵙⵙ ⴷⵉⵏⵉⵙ ⵙⴰⵙⵓ ⵏⴳⵉⵙⵓ, ⵍⴱⴷⵓ ⵏ ⵜⵡⵓⵔⵉⵡⵉⵏ ⵏ ⵜⵓⵚⴽⴰ ⵏ ⵢⴰⵏ ⴰⵙⵔⵙ ⵉⵜⵜⵓⵎⴰⵡⴰⵏ ⵏ ⵜⴼⵔⵉⵖ ⵏ ⵉⵙⵍⵎⴰⵏ ⵏ ⵢⵓⵕⵓ ⴳ ⴱⵕⴰⵥⴰⴼⵉⵍ, ⵎⴰⵢⴰⴷ ⵉⴳⴰⵏ ⵢⴰⵏ ⴰⵙⵏⵜⵉ ⵍⵍⵉ ⵉⵎⵍⴰⵏ ⵜⴰⵏⴰⵢⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵅⴼ ⵜⴰⵎⴷⵔⴰⵡⵜ ⵉⴼⴼⵓⵙ-ⵉⴼⴼⵓⵙ ⵍⵍⵉ ⵢⴱⵉⴷⴷⵏ ⵅⴼ ⴰⵙⵏⴼⵍ ⵏ ⵜⵓⵙⵙⵏⵉⵏ ⴷ ⵜⵉⵙⵓⴳⵔⵏ ⴷ ⵉⵔⵉⵎⵏ ⴷ ⵉⵙⴰⴳⵎⵏ.
ⵉⵣⵓⵍ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⵍⴽⵓⵏⴳⵓ, ⵎⴰⵙⵙ ⴷⵉⵏⵉⵙ ⵙⴰⵙⵓ ⵏⴳⵉⵙⵓ, ⵜⵉⵎⴰⴳⵍⴰⵢⵏ ⵏ ⵍⵎⵖⵔⵉⴱ ⴰⴼⴰⴷ ⵉⵍⴽⵎ ⵙ ⵢⴰⵏ ⵓⴼⵙⵙⴰⵢ ⴰⵙⵔⵜⴰⵏ ⵉⵜⵜⵓⵎⵀⴰⵡⴰⴹⵏ ⵉ ⵡⵎⵏⵣⴰⵖ ⵅⴼ ⵜⴰⵎⵙⴰⵔⵜ ⵏ ⵚⵚⵃⵕⴰ.
ⵉⵣⵓⵍ ⵓⵏⵙⵙⵉⵅⴼ ⴰⴽⵓⵏⴳⵓⵍⵉ ⵜⴰⵎⴷⵔⴰⵡⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⴰⴼⴰ ⴰⵎⵣⵡⴰⵔⵓ ⵏ ⵉⵏⵙⵙⵉⵅⴼⵏ ⵏ ⵉⵡⴰⵏⴽⵏ ⴷ ⵏ ⵜⵏⴱⴰⴹⵉⵏ ⵏ ⵜⵙⵇⵇⵉⵎⵜ ⵏ ⵓⵡⵏⴰⴹ ⴷ ⵏ ⵜⴼⵏⵉⵇⵜ ⵜⴰⵏⵉⵍⵉⵜ ⵏ ⵓⵎⴷⴰ ⵏ ⵍⴽⵓⵏⴳⵓ, ⴰⵙⵙ ⵏ 29 ⵉⴱⵔⵉⵔ 2018 ⴳ ⴱⵕⴰⵥⴰⴼⵉⵍ, ⴷ ⴰⵙⴳⵎⴹ ⵏ ⵓⴱⵕⵓⵟⵓⴽⵓⵍ ⵉⵙⵔⵙⵏ ⵏ ⵜⵙⵇⵇⵉⵎⵜ ⵏ ⵓⵏⵣⵡⵉ ⵏ ⵓⵎⴷⴰ ⵏ ⵍⴽⵓⵏⴳⵓ.
ⵉⵙⵎⴰⵢⵏⵓ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵉ ⵎⴰⵙⵙ ⴷⵉⵏⵉⵙ ⵙⴰⵙⵓ ⵏⴳⵉⵙⵓ ⵜⴰⵖⵓⵔⵉ ⵏⵏⵙ ⴰⴷ ⵉⵙⴽⵔ ⴰⵔⵣⴰⴼ ⴰⵎⴰⴷⴷⵓⴷ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ. ⵉⵇⴱⵍ ⵓⵏⵙⵙⵉⵅⴼ ⴷⵉⵏⵉⵙ ⵙⴰⵙⵓ ⵏⴳⵉⵙⵓ ⵜⴰⵖⵓⵔⵉ ⵢⴰⴷ ⵍⵍⵉ ⵔⴰⴷ ⵉⴹⵀⵕ ⴰⵙⴰⴽⵓⴷ ⵏⵏⵙ ⵙ ⵓⴱⵔⵉⴷ ⴰⴷⵉⴱⵍⵓⵎⴰⵙⵉ.