ⵢⵓⵛⴽⴰⴷ ⴳ ⵉⵙⵉⵡⴹ ⴰⴷ ⵎⴰⵙ ⴳ ⵓⵕⵥⵥⵓⵎ ⵏ ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ ⴰⴷ, ⵉⵙⴰⵇⵙⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵎⴰⵡⵙⴰⵙ ⵏ ⵓⴳⵏⵙⵓ ⵅⴼ ⵓⵏⴳⴰⵙ ⵉⵅⵛⵏⵏ ⵉⵣⵔⵉⵏ ⴳ ⵟⴰⵏⵊⴰ. ⵉⵏⵏⴰ ⵓⵎⴰⵡⵙⴰⵙ ⵏ ⵓⴳⵏⵙⵓ ⵎⴰⵙ ⵉⵍⵍⴰ ⵓⵙⴰⴳⴳⵓ ⴷ ⵔⴰⴷ ⵜⵜⵓⵙⴽⴰⵔ ⵢⴰⵏ ⵓⵖⴰⵡⴰⵙ ⴰⵎⵣⵡⴰⵔⵓ. ⵉⴼⴽⴰ ⴷⴰⵖ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵏⴹ ⵏⵏⵙ ⵢⴰⵜⵜⵓⵢⵏ ⴰⴼ ⴰⴷ ⵜⵜⵓⵙⴽⴰⵔ ⵢⴰⵜ ⵜⵡⵓⵔⵉ ⴳⵔ ⴰⴽⴽⵯ ⵉⴳⵔⵏ ⴰⴼ ⴰⴷ ⵉⴼⴼⵖ ⵓⵖⴰⵡⴰⵙ ⴰⴷ. 

ⵉⵙⴰⵇⵙⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⵍⴰⵏⵜ ⴷ ⵜⵉⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵜ ⵅⴼ ⵓⵙⵓⵔⵙ ⵏ ⵜⵏⴼⵍⴰⵃⵜ, ⵙⵍⴰⵡⴰⵏ ⴰⴽⴽⵯ ⴷⴼⴼⵉⵔ ⵏ ⵓⵏⵥⴰⵕ ⵉⴳⴳⵯⵔⴰⵏ ⵉⴹⵕⵏ ⴳ ⵜⵎⴰⵣⵉⵔⵜ ⵏⵏⵖ.

ⵉⵏⵏⴰ ⵡⵎⴰⵡⵙⴰⵙ ⵎⴰⵙ ⵓⵙⴳⴳⵯⴰⵙ ⴰⴷ ⵉⵙⵙⵏ ⴰⵏⵥⴰⵕ ⵉⴳⴳⵓⵜⵏ ⵉⵣⵔⵉⵏ +50% ⴰⵎ ⵓⵙⴳⴳⵯⴰⵙ ⵉⵣⵔⵉⵏ, ⴷ ⵎⴰⵙ 80% ⵏ ⵎⴰⴷ ⵣⵣⴳⵔⵏ ⵎⴷⴷⵏ ⵉⵍⵍⴰ ⴳ ⵢⴰⵏ ⵓⵙⵡⵉⵔ ⵉⵄⵍⴷⵏ, ⴷ ⵎⴰⵙ ⵓⵙⴳⴳⵯⴰⵙ ⴰⴷ ⵔⴰⴷ ⵉⴼⴰⵍⴽⵉ ⵉⵖ ⵜ ⵉⵏⵏⴰ ⵕⴱⴱⵉ.

ⴷⴼⴼⵉⵔ ⵏ ⵖⵉⴽⴰⵏⵏ, ⵉⵙⴰⵇⵙⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵓⵎⴰⵡⵙⴰⵙ ⵏ ⵜⴷⵓⵙⵉ ⵅⴼ ⵜⵎⵙⵓⵜⴰⵍ ⵏ ⵓⵣⵔⵔⵓⵢ ⵏ ⵓⵎⵣⵉⵣⵣⵍ ⴰⵏⴰⵎⵓⵔ ⵏ ⵜⴳⵣⵣⴰⵢⵜ ⵎⴳⴰⵍ ⵓⴱⴰⵢⵢⵓⵕ ⵏ "ⴽⵓⴼⵉⴷ-19". 

ⵉⵏⵏⴰ ⵡⵎⴰⵡⵙⴰⵙ ⵎⴰⵙ ⵓⵎⵣⵉⵣⵣⵍ ⴰⴷ ⵉⵣⵔⵉ ⴳ ⵜⵎⵙⵓⵜⴰⵍ ⵄⴷⵍⵏⵉⵏ ⴷ ⵉⵙⵙⵏ ⴰⴽⵛⵛⵓⵎ ⵉⵎⵇⵇⵓⵕⵏ ⵏ ⵉⵏⴰⵎⵓⵔⵏ. 

ⴷⴼⴼⵉⵔ ⵏ ⵖⵉⴽⴰⵏⵏ, ⵉⴹⴼⵕ ⵓⵙⵇⵇⵉⵎ ⴽⴽⵓⵥ ⵏ ⵉⵏⵙⵜⵉⵏ ⵏ ⵓⵙⵍⴳⵏ ⵉⵙⵓⴷⵙⴰⵏ. ⵉⴳⴰ ⵍⵃⴰⵍ :

- ⴰⵙⵏⵜⵉ ⵏ ⵓⵙⵍⴳⵏ ⵉⵙⵓⴷⵙⴰⵏ ⵉⵙⵙⵏⴼⵍⵏ ⴷ ⵉⵜⵎⵎⴰⵏ ⴰⵙⵍⴳⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵉⵔⴰⵏ ⵙⵍⴰⵡⴰⵏ ⴰⴽⴽⵯ ⴰⴷ ⵉⵏⴽⵔ ⵙ ⵓⵎⵉⴽⴰⵏⵉⵣⵎ ⵓⵣⵔⵉⴼ ⵏ ⵓⵙⵎⴷⵢⴰ ⵏ ⵜⵎⵖⴰⵕⵉⵏ, ⵙ ⵓⵙⴱⴷⴷⵍ ⵏ ⵜⵥⴰⵢⵕⵜ ⵏ ⵓⵙⵜⴰⵢ ⵜⴰⵏⴰⵎⵓⵔⵜ ⵙ ⵜⵥⴰⵢⵕⵜ ⵏ ⵓⵙⵜⴰⵢ ⵜⴰⵙⴳⴰⵜ. 

- ⴰⵙⵏⵜⵉ ⵏ ⵓⵙⵍⴳⵏ ⵉⵙⵓⴷⵙⴰⵏ ⵉⵙⵙⵏⴼⵍⵏ ⴷ ⵉⵜⵎⵎⴰⵏ ⴰⵙⵍⴳⵏ ⵉⵙⵓⴷⵙⴰⵏ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⵉⵔⴰⵏ ⴰⴷ ⵢⴰⵊⵊ ⵉⵙⵓⴷⵙⵏ ⵉⵣⵣⵓⵍⴰⵏ ⵏ ⵉⵎⵙⵡⵓⵔⵉⵏ ⴰⴽⴽⵯ ⵉⵙⵎⴷⵢⴰⵏ ⴰⴷ ⴷⴰⵔⵜⵏ ⵙⵓⵍ ⵜⵉⵍⵉ ⵢⴰⵏ ⵓⴳⵔⴰⵡ ⴰⴱⵕⵍⴰⵎⴰⵏⵉ ⴳ ⵓⵙⵇⵇⵉⵎ.

- ⴰⵙⵏⵜⵉ ⵏ ⵓⵙⵍⴳⵏ ⵉⵙⵓⴷⵙⴰⵏ ⵉⵙⵙⵏⴼⵍⵏ ⴷ ⵉⵜⵎⵎⴰⵏ ⴰⵙⵍⴳⵏ ⵉⵙⵓⴷⵙⴰⵏ ⵏ ⵓⵙⵜⴰⵢ ⵏ ⵉⴳⵎⴰⵎⵏ ⵏ ⵉⵙⵇⵇⵉⵎⵏ ⵏ ⵍⵊⴰⵎⴰⵄⴰⵜ ⵏ ⵡⴰⴽⴰⵍ ⴰⵏⴰⵎⵓⵔ ⵉⵔⴰⵏ ⴰⴷ ⵢⴰⵊⵊ ⵉⵙⵓⴷⵙⵏ ⵉⵣⵣⵓⵍⴰⵏ ⵏ ⵉⵎⵙⵡⵓⵔⵉⵏ ⴰⴽⴽⵯ ⵉⵙⵎⴷⵢⴰⵏ ⴰⴷ ⴷⴰⵔⵜⵏ ⵙⵓⵍ ⵜⵉⵍⵉ ⵢⴰⵏ ⵓⴳⵔⴰⵡ ⴰⴱⵕⵍⴰⵎⴰⵏⵉ ⴳ ⵓⵙⵇⵇⵉⵎ. ⵉⵔⴰⵏ ⵓⵙⵏⵜⵉ ⵏ ⵓⵙⵍⴳⵏ ⴰⴷ, ⵙⵍⴰⵡⴰⵏ ⴰⴽⴽⵯ, ⴰⴷ ⵉⵙⴱⴷⴷⵍ ⵜⴳⵔⴰⵡⵉⵏ ⵍⵍⵉ ⵥⴹⴰⵕⵏⵉⵏ ⴰⴷ ⴽⵛⵎⵏ ⴳ ⵓⵙⵜⴰⵢ ⵏ ⵜⵍⴳⴰⵎⵜ ⵍⵍⵉⵖ ⵣⴷⵖⵏ 35.000 ⵎⴷⴷⵏ ⴰⵔ ⵅⵜⵉⵏⵏ ⵍⵍⵉⵖ ⵣⴷⵖⵏ 50.000 ⵏⵖⵔ ⵓⴳⴳⴰⵔ.

- ⴰⵙⵏⵜⵉ ⵏ ⵓⵙⵍⴳⵏ ⵉⵙⵓⴷⵙⴰⵏ ⵉⵙⵙⵏⴼⵍⵏ ⴰⵙⵍⴳⵏ ⵏ ⵉⵎⵓⵍⵍⵉⵏ ⵉⵙⵔⵜⴰⵏⵉⵏ

ⵉⴹⴼⵕ ⵙⵓⵍ ⵓⵙⵇⵇⵉⵎ ⵏ ⵉⵎⴰⵡⴰⵙⵏ ⴰⵙⵏⵜⵉ ⵏ ⵓⵙⵍⴳⵏ ⵉⵙⵓⴷⵙⴰⵏ ⵉⵙⵙⵏⴼⵍⵏ ⴷ ⵉⵜⵜⵎⵎⴰⵏⵏ ⴰⵙⵍⴳⵏ ⵉⵙⵓⴷⵙⴰⵏ ⵏ ⵓⵙⵔⴰⵙ ⴳ ⵜⵙⵖⵏⵉⵏ ⵢⴰⵜⵜⵓⵢⵏ ⵖⵉⴽ ⵍⵍⵉ ⵏⵏⴰⵏ ⵉⵎⵉⵔⵏ ⵡⵉⵙⵙ 49 ⴷ ⵡⵉⵙⵙ 92 ⵏ ⵓⴷⵓⵙⵜⵓⵔ. 

ⵉⵔⴰ ⵓⵙⵏⵜⵉ ⵏ ⵓⵙⵍⴳⵏ ⴰⴷ ⵉⵙⵙⴽⵛⵎ "ⵜⴰⴼⵏⵉⵇⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵙⵙⴰⵔⵓ" ⴳ ⵜⵍⴳⴰⵎⵜ ⵏ ⵜⵎⵙⵙⵏⵜⵉⵏ ⵜⵉⴳⴷⵓⴷⴰⵏⵉⵏ ⵜⵉⵙⵜⵕⴰⵜⵉⵊⵉⵏ. 

ⵉⵔⴰ ⵙⵓⵍ ⴰⴷ ⵉⵙⴱⴷⴷⵍ ⵉⵙⵎⴰⵡⵏ ⵏ ⴽⵔⴰ ⵏ ⵜⵎⵔⵙⵍⵉⵏ ⴷ ⵜⵎⵙⵙⵏⵜⵉⵏ ⵜⵉⴳⵓⴷⴰⴷⵏⵉⵏ. ⵉⴳⴰ ⵍⵃⴰⵍ :  

- ⵜⵉⵎⵔⵙⵍⵜ ⵍⵃⴰⵙⴰⵏ ⵡⵉⵙⵙ ⵙⵉⵏ ⵏ ⵉⴳⵉⵏ ⵉⵏⴰⵎⵓⵏⵏ ⵏ ⵉⵎⵙⵜⴳⴳⴰⵔⵏ ⵏ ⵜⵏⴱⴰⴹⵜ ⴷ ⵉⵎⵙⵖⴰⵏⵏ ⵏ ⵜⵎⴰⵡⴰⵙⵜ ⵏ ⵓⴳⵏⵙⵓ"

- ⴰⵏⴳⵎⴰⵎ ⵏ ⵓⴳⵊⴷⵉ ⴰⵥⵕⴼⴰⵏ ⵏ ⴹⴹⴰⵕⵍⴱⵉⴹⴰ

- ⴰⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵎⴰⵙⵙⵏ ⴷ ⵓⵙⵙⴰⵢ ⴷ ⵜⵍⵓⵊⵉⵙⵜⵉⵜ ⴷ ⵡⴰⵎⴰⵏ

ⵉⴹⴼⵕ ⵙⵓⵍ ⵓⵙⵇⵇⵉⵎ ⵏ ⵉⵎⴰⵡⴰⵙⵏ ⵢⴰⵏ ⵓⵙⵏⵜⵉ ⵏ ⵓⵙⵍⴳⵏ ⴰⵙⴰⵜⵉ ⵏ ⵓⵔⴰⵢ ⴰⵏⴰⵎⵓⵏ, ⵉⵔⴰⵏ ⴰⴷ: 

- ⵉⵙⵙⵓⵙⵄⵓ ⴰⵔⴰⵢ ⵏ ⵜⵎⴰⴹⵓⵏⵜ ⵉⵣⵓⵛⵛⵍⵏ ⴳ ⵉⵙⴳⴳⵯⴰⵙ ⵏ 2021 ⴷ 2022, ⴰⴼ ⴰⴷ ⵉⵃⴱⵓ 22 ⵓⵎⵍⵢⵓⵏ ⵓⴼⴳⴰⵏ ⵢⴰⴹⵏⵉⵏ.

- ⵉⵙⵙⵓⵙⵄⵓ ⵏ ⵜⵜⵄⵡⵉⴹⴰⵜ ⵏ ⵜⵡⵊⵊⴰ ⴳ ⵉⵙⴳⴳⵯⴰⵙ ⵏ 2032 ⴷ 2024 

- ⵉⵙⵙⵓⵙⵄⵓ ⵏ ⵜⴰⵙⵉⵍⴰ ⵏ ⵉⵎⵍⵜⴰⵖⵏ ⴳ ⵓⵏⴱⵉⴹⵏ ⵏ ⵜⵏⴰⴼⵜ ⴰⴼ ⴰⴷ ⴳⵉⵜ ⵉⵍⵉⵏ ⵎⴷⴷⵏ ⵉⵙⴽⴰⵔⵏ ⵜⴰⵡⵓⵔⵉ ⴷ ⵓⵔ ⵉⵟⵟⴰⴼⵏ ⴽⵔⴰ ⵢⴳⴰⵜⵜ ⵜⴰⵏⴰⴼⵜ

- ⵉⵙⵙⵓⵙⵄⵓ ⵜⵜⵄⵡⵉⴹ ⵅⴼ ⵓⵙⵙⵉⴽⵉ ⵏ ⵜⵡⵓⵔⵉ ⴳ 2025 ⴰⴼ ⴰⴷ ⵉⵃⴱⵓ ⵓⵍⴰ ⵎⴷⴷⵏ ⵉⵟⵟⴰⴼⵏ ⵜⴰⵡⵓⵔⵉ ⵓⵔⴳⴳⵏ

ⴳ ⵓⵙⴰⵜⵉ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⴷ ⵜⵎⴷⵔⴰⵡⵜ ⴳⵔ ⵍⵎⵖⵔⵉⴱ ⴷ ⴰⴽⴽⵯ ⵜⵎⵉⵣⴰⵔ ⵜⵓⵍⵜⵎⴰⵜⵉⵏ ⴷ ⵜⵉⵎⴷⵓⴽⴽⴰⵍ, ⵉⴹⴼⵕ ⵓⵙⵇⵇⵉⵎ ⵏ ⵉⵎⴰⵡⴰⵙⵏ ⵚⴹⵉⵚ ⵏ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⴳ ⵉⴳⵔ ⵏ ⵜⴳⵎⵔⵜ ⵜⴰⵢⵍⴰⵏⵜ ⴷ ⵔⵓⵙⵢⴰ, ⴷ ⵓⵙⵙⵍⵎⴷ ⵏ ⵜⵓⵜⵍⴰⵢⵜ ⵜⵄⵕⴰⴱⵜ ⴷ ⴼⵕⴰⵏⵚⴰ, ⴷ ⵜⵎⴷⵔⴰⵡⵜ ⵜⴰⵣⵔⴼⴰⵏⵜ ⴳ ⵓⴽⵕⴰⵏⵢⴰ, ⴷ ⵢⴰⵜ ⵜⵎⵢⴰⵇⵇⴰⵏⵜ ⴷ ⵜⵎⵜⵜⴰ ⵢⵎⴰⵏⵏ ⵅⴼ ⵓⵙⵔⴰⵙ ⵏ ⵓⵙⵉⵔⴰ ⵏ ⵓⵖⴰⵡⴰⵙ ⵏ ⵓⵙⴱⵉⴷⴷ ⵏ ⵍⵉⵕⵀⴰⴱ ⴷ ⵓⵙⵎⵓⵜⵜⴳ ⴳ ⵉⴼⵔⵉⵇⵢⴰ ⴳ ⵕⵕⴱⴰⵟ.

ⵖⵉⴽ ⵍⵍⵉ ⵢⵏⵏⴰ ⵉⵎⵉⵔ ⵡⵉⵙⵙ 49 ⵏ ⵓⴷⵓⵙⵜⵓⵔ, ⴷ ⵙ ⵜⵙⵓⵎⵔⵜ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ :

- ⴷ ⵙ ⵜⵙⵏⵜⴰⵢⵜ ⵏ ⵜⵎⴰⵡⴰⵙⵜ ⵏ ⵜⵎⴰⵍⴰⵢⵜ ⴷ ⵜⵏⵉⴹⵉ ⴷ ⵓⵙⵙⴰⵢ ⴰⵡⵏⴰⴹ ⴷ ⵜⴷⵎⵙⴰ ⵜⴰⵏⴰⵎⵓⵏⵜ, ⵉⵙⵜⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵏⵚⵕ ⵕⴱⴱⵉ, ⵎⴰⵙⵙⴰ ⵃⴰⴱⵉⴱⴰ ⵍⵇⵍⴰⵍⵛ ⴰⴷ ⵜⴳ ⵜⴰⵏⵎⵀⴰⵍⵜ ⵜⴰⵎⴰⵜⴰⵢⵜ ⵏ ⵓⵙⵉⵔⴰ ⴰⵏⴰⵎⵓⵔ ⵏ ⵉⵣⴰⴳⵯⵣⵏ.

- ⴷ ⵙ ⵜⵙⵏⵜⴰⵢⵜ ⵏ ⵓⵎⴰⵡⵙⴰⵙ ⵏ ⵜⵡⵓⵔⵉ ⴷ ⵉⵙⴷⴼ ⴰⵣⵣⵓⵍⴰⵏ, ⵉⵙⵜⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵏⵚⵕ ⵕⴱⴱⵉ, ⵎⴰⵙⵙ ⵃⴰⵙⴰⵏ ⴱⵓⴱⵔⵉⴽ, ⴰⴷ ⵉⴳ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⴼⵏⵉⵇⵜ ⵜⴰⵏⴰⵎⵓⵔⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ.