ⵔⴰⴷ ⵜⵙⴼⵓⴳⵍⴰ ⵜⵡⵊⴰ ⵜⴰⴳⵍⴷⴰⵏⵜ ⴷ ⵓⴳⴷⵓⴷ ⴰⵎⵖⵔⵉⴱⵉ, ⴰⵙⴽⴽⴰ ⵏ ⴰⵙⵙ ⵏ ⵓⵙⵉⵎⵡⴰⵙ (28 ⴱⵕⴰⵢⵕ), ⴰⵙⵙ ⵏ ⵜⵍⴰⵍⵉⵜ ⵡⵉⵙⵙ ⴽⵕⴰⴹ ⴷ ⵎⵔⴰⵡ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵅⴰⴷⵉⵊⴰ, ⵎⴰ ⵢⴰⴷ ⵉⴳⴰⵏ ⵢⴰⵜ ⵜⵎⵙⴰⵔⵜ ⵉⵃⵍⴰⵏ ⵍⵍⵉ ⵢⵎⵍⴰⵏ ⵜⴰⵣⴷⴷⴰⵢⵜ ⵜⴰⵅⴰⵜⴰⵔⵜ ⵉⵍⵍⴰⵏ ⴳⵔ ⵓⴳⴷⵓⴷ ⴰⵎⵖⵔⴰⴱⵉ ⴷ ⵓⴷⴰⴱⵓ ⴰⵄⴰⵍⴰⵡⵉ ⴰⵎⴰⴷⴷⵓⵔ.

ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⴰⵍⵜ ⵏ ⵓⵔⴰⵢ ⵅⴼ ⵓⵢⴷⴰ ⴰⴷⵍⵙⴰⵏ ⴳ ⵜⵖⵔⵎⵜ ⵏ ⵕⵕⴱⴰⵟ, ⴰⵙⵙ ⵏ ⵓⵙⵉⵎⵡⴰⵙ, ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ ⵏ ⵜⵎⵙⵙⵓⴳⵓⵔⵜ ⵏ ⵜⵎⵔⵙⴰⵍⵜ ⴰⴷ, ⵍⵍⵉ ⵢⵥⵍⵉⵏ ⵉ ⵡⵙⵓⵜⴳ ⵏ ⵜⴽⵍⵉ ⵏ ⵓⵔⴰⵢ ⵅⴼ ⵓⵢⴷⴰ ⴰⴷⵍⵙⴰⵏ ⵏ ⵕⵕⴱⴰⵟ ⴷ ⵓⵥⵍⴰⵢ ⵏ ⵓⵖⴰⵡⴰⵙ ⵏ ⵜⵙⵏⵜⴰⵢⵉⵏ ⵍⵍⵉ ⵔⴰⴷ ⵜⵜⵓⵙⴽⴰⵔⵏⵜ ⴳ ⵓⵙⴳⴳⵯⴰⵙ ⴰⴷ.

ⵉⵍⴽⵎ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵙ ⵎⴰⵚⵇⵉⵟ ⵎⵔⴰ ⴰⴷ ⵉⵙⵎⴷⵢⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵓⵙⵎⵏⵉⴷ ⵏ ⵓⴼⵛⴰⴷ ⵏⵏⵙ ⵅⴼ ⵜⵎⵜⵜⴰⵏⵜ ⵏ ⴱⴰⴱ ⵏ ⵡⴰⴷⴷⵓⵔ ⵚⵚⵓⵍⵟⴰⵏ ⵇⴰⴱⵓⵙ ⴱⵏ ⵙⴰⵄⵉⴷ.