ⵉⵙⴽⵔ ⵓⵏⴱⵔⴰⵣ ⴰⵎⵖⵔⵉⴱⵉ ⵙⵓⴼⵢⴰⵏ ⵍⴱⵇⵇⴰⵍⵉ ⴰⵢⴷⴰ ⵏⵏⵙ ⴳ ⵜⵉⵣⵉ ⵏ ⵜⵜⴰⵎⵜ ⵏ ⵜⵓⵙⴷⵉⴷⵉⵏ ⴷ ⴽⵕⴰⴹⵜ ⵏ ⵜⵉⵙⵙⵏⴰⵜⵉⵏ ⴷ 53 ⵏ ⵜⵉⴽⵍⵉⵜⵉⵏ, ⵍⵍⵉⵖ ⵉⵔⵏⴰ ⴰⵜⵢⵓⴱⴱⵉ ⵍⴰⵎⵉⵛⴰ ⵖⵉⵔⵎⴰ 8:05:44 ⵏⵏⴰ ⵢⵉⵡⵉⵏ ⵜⴰⵣⵍⵖⴰ ⵏ ⵓⵥⵕⴼ ⴷ ⵓⴽⵉⵏⵉ ⴰⴱⵕⴰⵀⴰⵎ ⴽⵉⴱⵓⵜ ⵏⵏⴰ ⵢⵉⵡⵉⵏ ⵜⴰⵣⵍⵖⴰ ⵏ ⵡⴰⵏⴰⵙ.

ⵙ ⵜⵎⵍⴷⴰ ⴰⴷ ⵉⵣⵎⵎⵉⵎ ⵓⵎⵓⵔⴰⵔ ⵙⵓⴼⵢⴰⵏ ⵍⴱⵇⵇⴰⵍⵉ ⵜⵉⴽⴽⵍⵉⵜ ⵢⴰⴷⵏ ⴳ ⵓⵎⵣⵔⵓⵢ ⵏ ⵓⵔⴰⵔⵏ ⵏ ⵜⴷⵓⵙⵉ ⴷⴼⴼⵉⵔ ⵍⵍⵉⵖ ⵉⵔⵏⴰ ⴰⴽⵉⵏⵉ ⴳ ⵉⴳⵔ ⴰⴷ ⵓⵏⵏⵓⵏⴰⵏ.

ⵉⵍⵍⴰ ⵢⴰⵏ ⵓⵏⴰⵣⴰⵕ ⵉⴷⵓⵙⵏ ⴳⵔ ⵓⵎⵖⵔⵉⴱⵉ ⵙⵓⴼⵢⴰⵏ ⵍⴱⵇⵇⴰⵍⵉ ⴷ ⵓⴽⵉⵏⵉ ⵍⴰⵎⵉⵛⴰ ⴰⵢⵍⵍⵉⵖ ⵉⵣⵎⵎⵉⵎ ⵓⵎⵓⵔⴰⵔ ⴰⵎⵖⵔⵉⴱⵉ ⵙⵓⴼⵢⴰⵏ ⵍⴱⵇⴰⵍⵉ ⴰⵎⵣⵔⵓⵢ ⴳ ⵉⴷ ⵎⵉⵜⵔⵓ ⵉⵎⴳⴳⵓⵔⴰ ⵍⵍⵉⵖ ⵉⵙⴽⵔ ⵓⵟⵟⵓⵏ ⴰⵎⴰⴹⵍⴰⵏ ⴳ ⵉⴳⵔ ⴰⴷ ⴷ ⵜⴱⵔⵣⴰ ⴰⴷ.

ⵙ ⵓⵔⵏⴰⵡ ⴰⴷ ⴰⵎⵇⵔⴰⵏ ⵉⴽⵛⵎ ⵍⵎⵖⵔⵉⴱ ⵙ ⵜⵔⴰⵜⵙⴰ ⵏ ⵉⵙⵜⴰⵢⵏ ⵉⵎⴰⴷⵍⴰⵏⵏ ⴳ ⵜⵙⵙⵓⵜⵍⵜ ⴰⴷ ⵜⵉⵙ 19 ⵏ ⵜⴱⵔⵣⴰ ⵜⴰⵎⴰⴷⵍⴰⵏⵜ ⵏ ⵓⵔⴰⵔⵏ ⵏ ⵜⴷⵓⵙⵉ ⵍⵍⵉⵖ ⵉⵍⵍⴰ ⴳ ⵜⵙⴽⴼⵍⵜ ⵜⵉⵙⵙ ⵜⵜⴰⵎⵜ.

ⵉⵎⵓⵔⴰⵔⵏ ⵍⴱⵇⵇⴰⵍⵉ ⴷ ⵖⵉⵔⵎⴰ ⵓⵍⵉⵏ ⵙ ⵜⵉⵏⴳⵉⵔⴰ ⵏ ⵜⴱⵔⵣⴰ ⴰⴷ ⵜⴰⵎⴰⴷⵍⴰⵏⵜ ⵏⵏⵓⵔⵣⵏ ⴰⴷ ⵔⵏⵓⵏ ⵙ ⵜⵎⴰⵜⴰⵔⵜ ⵜⴰⵎⴰⴷⵍⴰⵏⵜ ⵍⵍⵉ ⵢⵉⵡⵉ ⵓⵎⵖⵔⵉⴱⵉ ⴳ ⵓⵊⵉⵏ ⴳ ⵜⵎⵜⵜⴰ ⵉⵎⵓⵏⵏ ⴰⵙⴳⴳⵯⴰⵙ ⵏ 2022 ⵍⵍⵉⵖ ⵢⵉⵡⵉ ⵜⴰⵣⵍⵖⴰ ⵏ ⵡⵓⵔⵖ ⴳ ⵓⵔⴰⵔⵏ ⵏ ⵟⵓⴽⵢⵓ ⴰⵙⴳⴳⵯⴰⵙ ⵏ 2021 ⵢⵉⵡⵉ ⴳⵉⵙⵏ ⴰⴽⴽ ⵓⵎⵖⵔⵉⴱⵉ ⵍⴱⵇⵇⴰⵍⵉ ⵜⵉⵙⴽⴼⴰⵍ ⵜⵉⵎⵣⵡⵓⵔⴰ ⵙ ⵓⵏⴰⵥⴰⵕ ⴰⴷ ⵏⵏⵙ ⵉⴷⵓⵙⵏ.

ⵙⵓⴼⵢⴰⵏ ⴷⴰⵔⵙ 27 ⵏ ⵓⵙⴳⴳⵯⴰⵙ ⵏⵏⴰ ⵉⵜⵜⵔⵏⵓⵏ ⴳ ⵜⴱⵔⵣⵉⵡⵉⵏ ⵏⵏⵙ ⵙⴳ ⵓⵙⴳⴳⵯⴰⵙ ⵏ 2021 ⵍⵍⵉⵖ ⵉⴳⴰ ⴰⵎⵙⵜⴳⴳⴰⵔ ⵏ ⵜⴰⵙⵏⴰ ⵏ 3000 ⵎⵉⵜⵔⵓ ⵉⵎⵄⵕⴰⴹ ⵉⴳⴰ ⵜⵜⵎⵉ ⵉ ⵜⴱⵔⵣⴰ ⵏ ⵓⴽⵉⵏⵉ ⴳ ⵜⴱⵔⵣ ⴰⴷ.

ⴷⴼⴼⵉⵔ ⵏ ⵓⵔⵏⴰⵡ ⵏⵏⵙ ⴳ ⵜⴱⵔⵣⴰ ⵏ ⵓⵊⵉⵏ ⵉⵙⵎⴷ ⵍⴱⵇⵇⴰⵍⵉ ⵜⴰⵔⴰⵜⵙⴰ ⵏ ⵙⴰ ⵏ ⵜⴱⵔⵣⵉⵡⵉⵏ ⵜⵉⵎⴰⴹⵍⴰⵏⵉⵏ ⵙⴳ ⴷⴰⵔ ⵉⴽⵉⵏⵉⵏ ⴰⵎⴳⴳⴰⵔⵓ ⵏ ⵜⴱⵔⵣⴰ ⵏⵏⵙ ⵎⵏⵉⴷ ⵏ ⴽⵓⵏⵙⵉⵍⵙⵓⵙ ⴽⵉⴱⵔⵓⵜⵓ.

ⵍⴰⵎⵉⵛⴰ ⵊⵉⵔⵎⴰ ⴷⴰⵔⵙ 22 ⵏ ⵓⵙⴳⴳⵯⴰⵙ ⵉⵙⴽⵔ ⴰⵔⵏⵓ ⴳ ⵜⴱⵔⵣⴰ ⵏ ⴱⴰⵔⵉⵣ ⵓⵟⵟⵓⵏ ⴰⵎⴰⴹⵍⴰⵏ ⵏ ⵜⴰⵙⵏⴰ ⵏ 3000 ⵎⵉⵜⵔⵓ ⵉⵎⵄⵕⴰⴹ ⵎⵏⵉⴷ ⵏ ⵃⵓⵣⴰ ⵍⵇⵉⵟⵉ ⵙⴰⵄⵉⴷ ⵛⴰⵀⵉⵏ ⵙⴳ ⵓⵙⴳⴳⵯⴰⵙ ⵏ 2004 .

ⵙ ⵓⵔⵏⴰⵡ ⴰⴷ ⵏ ⵜⵣⵍⵖⴰ ⵏ ⵡⵓⵔⵖ ⵏⵏⴰ ⵢⵉⵡⵉ ⵍⴱⵇⵇⴰⵍⵉ ⵉⴳⴰ ⴰⵎⵓⴼⴰⵢ ⴳ ⴳⵜⴱⵔⵣⴰ ⴰⴷ ⵜⴰⵎⴰⴷⵍⴰⵏⵜ ⵉⵏⵏⵓⵔⵣ ⴰⴷ ⵢⴰⵡⵉ ⴰⵔⵏⴰⵡ ⴰⴷ ⴳ ⵜⴱⵔⵣⴰ ⵏⵏⴰ ⴷ ⵉⴷⴷⴰⵏ ⵏⵏⴰ ⵔⴰⴷ ⵢⵉⵍⵉ ⴳ ⵜⵎⴰⵣⵉⵔⵜ ⵏ ⴱⴰⵔⵉⵣ ⴰⴼⴰⴷ ⴰⴷ ⵉⵏⵣⵖ ⵅⴼ ⵓⵣⵎⵎⵉⵎ ⴰⴷ ⵏⵏⵙ ⴰⵎⴰⴹⵍⴰⵏ.

ⴰⵔⵏⴰⵡ ⴰⴷ ⵏ ⵍⴱⵇⵇⴰⵍⵉ ⵉⵙⵓⵍⵉ ⵜⵉⵣⵍⵖⵉⵏ ⵏ ⵡⵓⵔⵖ ⵏⵏⴰ ⴰⴽⴽⵯ ⵢⵉⵡⵉ ⵍⵎⵖⵔⵉⴱ ⴰⵔ 32 ⵏ ⵜⵣⵍⵖⴰ ⵙⴳ ⴳⵉⵙⵏⵜ 12 ⵏ ⵜⵉⵏ ⵡⵓⵔⵖ ⴷ 12 ⵏ ⵏⵏⵇⵇⵕⵟ ⴷ ⵜⵜⴰⵎⵜ ⵏ ⵜⵉⵏ ⵡⴰⵏⴰⵙ.

ⵜⴳⴰ ⵓⴽⴰⵏ ⵙⵓⵍ ⵜⴱⵔⵣⴰ ⵏ ⵉⵛⴱⵉⵍⵢⴰ ⵜⴰⵎⵓⴼⴰⵢⵜ ⴳ ⵓⵟⵟⵓⵏ ⵏ ⵜⵣⵍⵖⵉⵡⵉⵏ ⵙⴳ ⵓⵙⴳⴳⵯⴰⵙ ⵏ 1999 ⵙ ⵙⵏⴰⵜ ⵏ ⵜⵣⵍⵖⵉⵡⵉⵏ ⵏ ⵡⵓⵔⵖ ⵙⴳ ⴷⴰⵔ ⵀⵉⵛⴰⵎ ⵍⴳⵔⵔⵓⵊ ⴷ ⵚⴰⵍⴰⵃ ⵃⵉⵙⵙⵓ ⴷ ⵙⵏⴰⵜ ⵏ ⵏⵏⵇⵇⵕⵜ ⵙⴳ ⴷⴰⵔ ⵏⵣⵀⴰ ⴱⵉⴷⵡⴰⵏ ⴳ 400 ⵎⵉⵜⵔⵓ ⵉⵎⵄⵕⴰⴹⴷ ⵣⵀⵕⴰ ⵡⴰⵄⵣⵉⵣ ⴳ 5000 ⵏ ⵎⵉⵜⵔⵓ ⴷ ⵙⵏⴰⵜ ⵏ ⵓⵥⵕⴼ ⵙⴳ ⴷⴰⵔ ⵄⵍⵉ ⵣⵣⵉⵏ ⴳ 3000 ⵎⵉⵜⵔⵓ ⵉⵎⵄⵕⴰⴹ , ⵉⵍⵍⴰ ⴰⴽⵓⴷ ⴰⵏⵏ ⵍⵎⵖⵔⵉⴱ ⴳ ⵜⵙⴽⴼⵍⵜ ⵜⵉⵙ ⵙⵎⵎⵓⵙⵜ ⴳ ⵓⵙⵡⵉⵔ ⴰⵎⴰⴹⵍⴰⵏ.

ⵀⵉⵛⴰⵎ ⵍⴳⵔⵔⵓⵊ ⵉⵍⵍⴰ ⵅⴼ ⵉⵅⴼ ⵏ ⵉⵎⵔⵏⴰ ⵙ ⵙⴹⵉⵙⵜ ⵏ ⵜⵣⵍⵖⵉⵡⵉⵏ ⴽⴽⵓⵙⵜ ⴳⵉⵙⵏⵜ ⴳⴰⵏⵜ ⵜⵉⵏ ⵡⵓⵔⵖ ⴳ ⵜⴱⵔⵣⴰ ⵏ 1500 ⵎⵉⵜⵔⵓ ⴷ ⵙⵏⴰⵜ ⵏ ⵓⵥⵕⴼ ⴳ 1500 ⵎⵉⵜⵔⵓ ⴳ ⵜⴱⵔⵣⴰ ⵏ ⵡⴰⵢⴷⴰ ⵏ 5000 ⵎⵉⵜⵔⵓ.

ⴰⵎⵎⴰ ⵏⵣⵀⴰ ⴱⵉⴷⵡⴰⵏ ⵏⵏⴰ ⵉⴳⴰⵏ ⵜⴰⵎⵔⵏⵓⵜ ⴳ ⵜⴱⵔⵣⴰ ⵏ 400 ⵎⵉⵜⵓ ⵉⵎⵄⵕⴰⴹ ⵜⵍⵍⴰ ⴳ ⵓⵙⵡⵉⵔ ⵡⵉⵙⵙ ⵙⵉⵏ ⵙ ⴽⵕⴰⴹⵜ ⵏ ⵜⵣⵍⵖⵉⵡⵉⵏ ⵏ ⵡⵓⵔⵖ ⴳ ⵜⵙⵓⵜⵍⵜ ⵏ ⴰⵜⵉⵏⴰ ⴰⵙⴳⴳⴰⵙ ⵏ 2997 ⴷ ⵉⴷⵎⵓⵏⵜⵓⵏ ⴰⵙⴳⴳⵯⴰⵙ ⵏ 2001 ⴷ ⵢⴰⵜ ⵜⵣⵍⵖⴰ ⵏ ⵓⵥⵕⴼ ⴳ ⵜⵙⵙⵓⵜⵍⵜ ⵏ ⵉⵛⴱⵉⵍⵢⴰ ⴳ ⵓⵙⴳⴳⵯⴰⵙ ⵏ 1999.