ⵍⵍⵉⵖ ⵉⵍⴽⵎ ⵙ ⵓⴷⵖⴰⵔ ⵏ ⵜⴼⵓⴳⵍⴰ, ⵉⵙⵙⵣⵔⵉ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵏ ⵜⴽⵓⵙⵜ ⵏ ⵍⵃⴰⵙⴰⵏ ⵡⵉⵙⵙ ⵙⵉⵏ ⵏ ⵍⴳⵓⵍⴼ, ⵢⴰⵏ ⴰⴳⵔⴰⵡ ⵏ ⵜⴳⴳⴰⵍⵉⵏ ⵏ ⵜⵡⵉⵙⵉ ⵍⵍⵉ ⵢⴰⵜ ⵉⴼⴽⴰⵏ ⴰⵣⵓⵍ, ⴷⴰⵔ ⴰⴷ ⵜ ⵣⵓⵍⵏ ⵎⴰⵙⵙ ⵎⵓⵃⵎⵎⴷ ⵙⴰⵊⵉⴷ, ⴰⵎⴰⵡⵙⴰⵙ ⵏ ⵜⵎⴰⵍⵍⴰⵢⵜ ⴷ ⵓⵙⵙⴰⵢ ⴰⵎⴰⴹⵓ ⴷ ⵜⴳⵎⴰⵔⵜ ⵜⴰⵇⴱⵓⵕⵜ ⴷ ⵜⴷⵎⵙⴰ ⵜⴰⵏⴰⵎⵓⵏⵜ, ⴷ ⵎⴰⵙⵙ ⵕⴰⵛⵉⴷ ⵟⵟⴰⵍⴱⵉ ⵄⴰⵍⴰⵎⵉ, ⴰⵎⴰⵡⵙⴰⵙ ⵏ ⵜⵄⵓⵔⵎⴰ ⴷ ⵜⵓⵏⵏⵓⵏⵜ, ⴷ ⵎⵏⵏⴰⵡ ⵏ ⵉⵎⵙⵜⴳⴳⴰⵔⵏ ⵢⴰⴹⵏⵉⵏ.
ⵣⵓⵍⵏ ⵙⵓⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵓⵏⵙⵙⵉⵅⴼ ⵏ ⵓⴳⵔⴰⵡ "ⵍⵉⴷⵉⵣ ⵢⵓⵔⵓⴱⵢⴰⵏ ⵜⵓⵔ", ⵎⴰⵙⵙ ⵎⴰⵕⴽ ⵍⵉⵛⵜⵉⵏⵀⴰⵢⵏ, ⴷ ⵓⵏⵙⵙⵉⵅⴼ ⴰⵏⵎⵀⴰⵍ ⴰⵎⴰⵜⴰⵢ ⵏ "ⵓⵕⵓⴱⵢⴰⵏ ⵜⵓⵔ", ⴽⵉⵟ ⴱⵉⵍⵉ, ⴷⴰⵜ ⴰⴷ ⵉⴷⴷⵓ ⵙ ⵜⵎⵚⵕⵉⵜ ⵏ ⴰⴷⴷⵓⵔ, ⴳ ⵎⴰⵏ ⵉⴹⴼⵕ ⵜⴰⵎⴳⴳⴰⵔⵓⵜ ⵏ ⵓⵎⵃⵉⵣⵡⵔ ⵏ ⵜⴽⵓⵙⵜ ⵍ ⵍⵃⴰⵙⴰⵏ ⵡⵉⵙⵙ ⵙⵉⵏ.
ⴷⴼⴼⵉⵔ ⵍⵍⵉⵖ ⵜⵜⵓⵖⵕⴰⵏ ⵉⵙⵎⴰⵡⵏ ⵏ ⵉⵏⴱⵔⴰⵣⵏ, ⵉⴼⴽⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵜⴽⵓⵙⵜ ⵍⵃⴰⵙⴰⵏ ⵡⵉⵙⵙ ⵙⵉⵏ ⵉ ⵡⵚⴱⵍⵢⵓⵏⵉ ⵅⵓⵕⵅⵉ ⴽⴰⵎⴱⵉⵢⵢⵓ, ⴷ ⵜⴰⴽⵓⵙⵜ ⵍⴰⵍⵍⴰ ⵎⵔⵢⵎ ⵉ ⵜⴰⵚⴱⵍⵢⵓⵏⵉⵜ ⵏⵓⵕⵢⵢⴰ ⵉⵜⵓⵕⵢⵓⵙ.
ⴷⴼⴼⵉⵔ ⵍⵍⵉⵖ ⵢⵓⵎⵥ ⵜⴰⵡⵍⴰⴼⵜ ⵏ ⵓⴽⵜⵜⴰⵢ ⴷ ⵉⵏⴱⵔⴰⵣⵏ, ⵉⴼⴽⴰ ⵙⵓⵍ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵜⵉⵙⵎⵖⵓⵔⵏ ⵜⵉⵙⵙ ⵙⵏⴰⵜ ⴷ ⵜⵉⵙⵙ ⴽⵕⴰⴹ ⵉ ⵢⵎⵓⵔⴰⵔⵏ ⴷ ⵜⵉⵎⵓⵔⴰⵔⵉⵏ ⵏ ⵍⴳⵓⵍⴼ ⵍⵍⵉ ⵢⵓⵎⵥⵏ ⴰⵏⵙⴰ ⵏⵏⵙⵏ ⴰⵎⵎⴰⵙ ⵏ ⵙⵏⴰⵜ ⵜⴽⵓⵙⵉⵏ ⵜⵉⵅⴰⵜⴰⵔⵉⵏ ⴰⴷ.
ⴷⴼⴼⵉⵔ ⵏ ⵖⵉⴽⴰⵏⵏ, ⵉⴼⴽⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵜⴰⵙⵎⵖⵓⵔⵜ ⵜⴰⵎⵣⵡⴰⵔⵓⵜ ⵏ "ⴱⵔⵓⵎ ⴰⵎ" ⵏ ⵜⴽⵓⵙⵜ ⵍⴰⵍⵍⴰ ⵎⵔⵢⵎ ⵉ ⵜⵔⴰⴱⴱⵓⵜ ⵍⵍⵉ ⵜⵙⵙⵉⵅⴼ ⵜⴰⵙⵡⵉⴷⵉⵜ ⵊⵉⵏⵉ ⵀⴰⴳⵍⵓⵏⴷ, ⵓⵍⴰ ⵜⴰⵙⵎⵖⵓⵔⵜ ⵜⴰⵎⵣⵡⴰⵔⵓⵜ ⵏ "ⴱⵔⵓⵎ ⴰⵎ" ⵏ ⵜⴽⵓⵙⵜ ⵃⴰⵙⴰⵏ ⵡⵉⵙⵙ ⵙⵉⵏ ⵉ ⵜⵔⴰⴱⴱⵓⵜ ⵍⵍⵉ ⵢⵙⵙⵉⵅⴼ ⵓⵎⵉⵔⵉⴽⴰⵏⵉ ⴽⵓⵔⵜ ⴽⵉⵜⴰⵢⴰⵎⴰ.
ⵙⵙⵏⵜ ⵜⵡⴰⵍⵉⵡⵉⵏ ⵜⵡⴰⵍⴰ ⵜⵉⵙⵙ 46 ⵏ ⵜⴽⵓⵙⵜ ⵍⵃⴰⵙⴰⵏ ⵡⵉⵙⵙ ⵙⵉⵏ ⵏ ⵍⴳⵓⵍⴼ ⴷ ⵜⵉⵙⵙ 25 ⵏ ⵜⴽⵓⵙⵜ ⵍⴰⵍⵍⴰ ⵎⵔⵢⵎ ⵏ ⵍⴳⵓⵍⴼ ⵜⴰⴷⵔⴰⵡⵜ ⵏ 156 ⵡⵎⵓⵔⴰⵔ ⴷ 126 ⵜⵎⵓⵔⴰⵔⵜ ⵙⴳ ⴽⵔⴰ ⵢⴳⴰⵜⵜ ⵜⵖⵍⴰⵏⵜ.