ⵉⴼⴽⴰ ⵡⵣⵎⵣⵣⵓ ⵢⴰⴷ ⵢⴰⵜ ⵜⴽⵍⵉⵜ ⵢⴰⴹⵏ ⴰⵎⴷⵢⴰ ⵏ ⵓⵣⴷⴰⵢ ⵉⴳⴳⵓⵜⵏ ⴳⵔ ⵜⵎⵜⵜⵉ ⴷ ⵓⴷⴰⴱⵓ ⴰⵄⴰⵍⴰⵡⵉ, ⵉⴳⴰⵏ ⵜⴰⵢⴰⴼⵓⵜ ⵏ ⵓⴳⵣⵣⵓⵎ ⴷ ⵜⴰⵎⵓⵏⵜ ⵏ ⵜⴳⵍⴷⵉⵜ. ⴰⵔ ⴷ ⵉⵙⵙⴽⵜⴰⵢ ⵡⴰⵙⵙ ⵏ ⵜⵍⴰⵍⵉⵜ ⴰⴷ ⴰⴽⵓⴷ ⵉⵥⵉⵍⵏ ⵏ ⵓⴽⵡⴰⵙ 8 ⵎⴰⵢⵢⵓ 2003, ⵡⴰⵎⵉ ⵜⵡⵛⴰ ⵜⵎⴰⵡⴰⵙⵜ ⵏ ⵜⴰⴷⴷⴰⵔⵜ ⵜⴰⴳⵍⴷⴰⵏⵜ ⵉⵥⵍⵉⵏ ⵙ ⵓⴱⵕⵓⵟⵓⴽⵓⵍ, ⵜⵓⵙⵎⵉⵔⵜ ⵏ ⵜⵍⴰⵍⵉⵜ ⵏ ⵢⴰⵏ ⵓⵔⴱⴰ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⵕⵕⴱⴰⵟ.
ⵉⵙⵜⵉ ⴰⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵉⵙⵎ ⵏ ⵎⵓⵍⴰⵢ ⵍⵃⴰⵙⴰⵏ. ⵉⵙⵎ ⴰⴷ ⵉⴳⴰ ⵜⴰⵙⵎⵖⵓⵔⵜ ⵏ ⵢⵉⵎⴰⵏ ⵏ ⴷⴰⴷⴷⴰⵙ ⵏ ⵓⵎⴽⴽⵓⵙⵓ ⵏ ⵜⴳⵍⴷⵉⵜ, ⵉⴳⵍⵍⵉⵏ ⵏ ⵍⵃⴰⵙⴰⵏ ⵡⵉⵙⵙ ⵙⵙⵉⵏ ⴰⴷ ⵜ ⵉⴳ ⵕⴱⴱⵉ ⴳ ⵓⵎⴰⵍⵓ ⵏⵏⵙ.
ⵎⴽ ⵢⴰⴷ ⴰⵙ ⵉⴳⴰ ⵡⵙⴼⵓⴳⵍⵓ ⵡⵉⵙⵙ 16 ⵏ ⵡⴰⵙⵙ ⵏ ⵜⵍⴰⵍⵉⵜ ⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵓⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⵢⴰⵏ ⵓⵣⵎⵣⵣⵓ ⴰⵎⴰⵢⵏⵓ ⴷⴰⵔ ⵉⵎⵖⵔⴰⴱⵉⵏ ⵃⵎⴰ ⴰⴷ ⵎⵍⵏ ⴰⵙⵓⴼⵓ ⵏⵏⵙⵏ ⵙ ⵓⴷⴰⴱⵓ ⴰⵄⴰⵍⴰⵡⵉ ⵙ ⵍⴱⴰⵢⵄⴰ ⵏⵏⴰ ⵢⵙⵎⴰⵏⵏ ⴰⴳⵍⵍⵉⴷ ⴷ ⵉⵏⵎⵓⵔⵉⵏ.
ⴰⵙⴳⴳⵯⴰⵙ ⵎⴰⵢ ⴷ ⵉⵍⴰ, ⴰⵎ ⵉⵙⴳⴳⵯⴰⵙⵏ ⵣⵔⵉⵏⵉⵏ, ⵓⵔ ⴷⴰ ⵉⵜⵜⴼⴼⵖ ⵓⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⵜⴰⵙⴳⴰ ⵏ ⵓⴳⵍⵍⵉⴷ ⴳ ⵉⵎⵓⵙⵙⵓⵜⵏ ⵉⵎⴰⴷⴷⵓⴷⵏ.
ⵉⴳⴰ ⴰⵙⵙ ⴰⴷ ⴰⵣⵎⵣⵣⵓ ⵏ ⵓⵙⵙⴽⵜⵉ ⵏ ⵜⵖⴰⵡⵙⵉⵡⵉⵏ ⵜⵉⵅⴰⵜⴰⵔⵉⵏ ⵍⵍⵉ ⵢⵙⴽⵔ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ. ⴳ ⵓⵙⴳⴳⵯⴰⵙ ⴰⴷ, ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⴰⵙⵙ ⵏ ⵓⵙⵉⵏⴰⵙ ⴳ ⵚⵚⵀⵕⵉⵊ ⵙⵙⵡⴰⵏⵉ ⴳ ⵎⴽⵏⴰⵙ, ⴰⵕⵥⵥⵓⵎ ⵏ ⵜⵡⴰⵍⴰ ⵜⵉⵙⵙ 14 ⵏ ⵓⵙⴼⵙⴰⵔ ⴰⵎⴰⴹⵍⴰⵏ ⵏ ⵜⵏⴼⵍⴰⵃⵜ ⴳ ⵍⵎⵖⵔⵉⴱ (ⵙⵢⴰⵎ 2019) ⵉⵜⵓⵙⵏⵎⴰⵍⴰ ⴳⵔ 16 ⴷ 21 ⵉⴱⵔⵉⵔ ⵙ ⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ.
ⵉⵙⵏⵓⴱⴳ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⵓⵙⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ, ⴰⵙⵙ ⵏ ⵓⵙⵉⴹⵢⴰⵙ ⴳ ⵜⴳⴰⴷⵉⵔⵜ ⵏ ⵉⵎⵖⵕⴰⵏ ⴳ ⵕⵕⴱⴰⵟ, ⴰⴳⵍⴷⵓⵏ ⵀⴰⵕⵉ ⵏ ⵏⵏⴳⵍⵉⵣ, ⴰⴷⵓⵇ ⵏ ⵙⵓⵙⵉⴽⵙ, ⴷ ⵜⴰⵎⵖⴰⵕⵜ ⵏⵏⵙ ⵜⴰⴳⵍⴷⵓⵏⵜ ⵎⵉⴳⴰⵏ ⵎⴰⵕⴽⵍ, ⵜⴰⴷⵓⵇⵜ ⵏ ⵙⵓⵙⵉⴽⵙ, ⵍⵍⵉ ⵢⵙⴽⵔⵏ ⴰⵔⵣⴰⴼ ⵉ ⵜⴳⵍⴷⵜ.
ⵉⵙⵎⴷⵢⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵓⵎⴹⴰⵍ ⵏ ⵍⴽⵓⵎⵟ ⵏ ⴱⴰⵔⵉⵣ, ⵀⵓⵏⵔⵉ ⴷⵓⵕⵍⵉⵢⵓⵏ, ⵍⵍⵉ ⵢⵣⵔⵉⵏ ⴳ ⵜⵣⴷⵡⵉⵜ ⵏ ⴰⵙⵙ ⵏ ⵓⵙⵉⴹⵢⴰⵙ ⴳ ⵜⵎⵥⵥⴰⵍⵓⵜ ⵏ ⵉⵕⵓⵎⵉⵢⵏ ⵜⴰⴳⵍⴷⴰⵏⵜ ⵏ "ⵙⴰⵏ ⵍⵡⵉ" ⴳ ⴷⵔⵓ (80 ⴰⴽⵉⵍⵓⵎⵉⵜⵔ ⵙⴳ ⴱⴰⵔⵉⵣ).
ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ, ⴰⵙⵙ ⵏ ⵓⵙⴰⵎⴰⵙ ⴳ ⵓⴷⴷⵉⵙ ⴰⴳⵍⴷⴰⵏ ⵏ ⵜⵓⵏⵏⵓⵏⵉⵏ ⵜⵉⵢⵢⵉⵙⴰⵏⵉⵏ ⴷ ⵜⴱⵓⵕⵉⴹⴰ ⵏ ⴹⴰⵕ ⵙⵙⴰⵍⴰⵎ ⴳ ⵕⵕⴱⴰⵟ, ⵜⴰⵎⵏⵢⵓⴳⴰⵔⵜ ⵜⴰⵎⴳⴳⴰⵔⵓⵜ ⵜⵉⵙⵙ ⵚⴹⵉⵚ ⵏ ⵜⴽⵓⵙⵜ ⵏ ⵓⴷⴰⴱⵓ ⵏ ⵉⵙⴳⵔⴰⵡⵏ ⵏ ⵓⴽⵯⵉ ⵏ ⵉⴳⵉⵏⴰⵏⵏ.
ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⴰⵙⵙ ⵏ ⵓⵢⵏⴰⵙ ⴳ ⵓⵙⵖⵉⵎ ⵏ ⵜⵎⵔⵙⴰⵍⵜ ⴰⴱⵓ ⴱⴰⴽⵔ ⵍⵇⴰⴷⵉⵔⵉ ⵏ ⵓⵡⵏⴳⵎ ⴷ ⵜⴰⴷⵍⵙⴰ ⴳ ⵙⵍⴰ ⵜⴰⴼⵓⴽⵍⴰ ⵏ ⵓⵕⵥⵥⵓⵎ ⵏ ⵉⴼⵔⵉⵣ ⵏ ⵜⵉⵔⵔⴰ ⵏ ⵓⵎⵣⵔⵓⵢ ⵍⵍⵉ ⵜⵙⵙⵓⴼⵖ ⵜⴰⵎⵔⵙⴰⵍⵜ ⵎⵔⴰ ⴰⴷ ⵜⴷⵔⴰ ⴳ ⵓⴱⴰⵢⵏ ⵏ ⵉⴷⵔⵉⵣⵏ ⵏ ⵜⵉⵎⴽⵜⵉⵜ ⵖⵓⵔ ⵜⴰⵙⵓⵜ ⵜⵄⵄⵓⵔⵎⴰ ⴷ ⵜⵖⴱⵉ ⵏ ⵓⴼⵔⴰⵢ ⵏ ⵜⴰⴳⵯⵎⴰⵏⵉⵜ ⵏ ⵜⴰⵎⵓⵔⵜ.