Published on MAPNews (https://www.mapnews.ma/am)

Accueil > ⵉⵎⵎⵓⵜ "ⵉⴷⵉⵔ", ⴰⵏⴰⵥⵓⵕ ⴰⵎⴰⵣⵉⵖ ⴰⵎⵇⵕⴰⵏ ⴷ ⴱⴰⴱ ⵏ ⵉⵣⵍⵉ "ⴰ ⴼⴰⴼⴰ ⵢⵏⵓⴼⴰ"

ⵉⵎⵎⵓⵜ "ⵉⴷⵉⵔ", ⴰⵏⴰⵥⵓⵕ ⴰⵎⴰⵣⵉⵖ ⴰⵎⵇⵕⴰⵏ ⴷ ⴱⴰⴱ ⵏ ⵉⵣⵍⵉ "ⴰ ⴼⴰⴼⴰ ⵢⵏⵓⴼⴰ"

04 ⵎⴰⵢⵢⵓ 2020 Version Imprimable
ⴱⴰⵔⵉⵣ - ⵉⵎⵎⵓⵜ "ⵉⴷⵉⵔ", ⵓⵙⵏⴰⵢ ⵏ ⵉⵣⵍⵉ ⵉⵜⵜⵢⵙⵙⴰⵏⵏ ⴱⴰⵀⵔⴰ "ⴰ ⴼⴰⴼⴰ ⵢⵏⵓⴼⴰ", ⴰⵙⵙ ⵏ ⵓⵙⵉⴹⵢⴰⵙ ⵉⵣⵔⵉⵏ ⴳ ⴱⴰⵔⵉⵣ. ⴼ ⵖⵉⴽⴰⵏⵏ, ⵉⴷⴷⴰ ⵢⴰⵏ ⵉⵏⵉⴳⵍ ⴰⵅⴰⵜⴰⵔ ⵏ ⵓⵎⴰⴹⴰⵍ ⵏ ⵉⵣⵍⵉ ⴷ ⵜⵓⵙⵙⵏⴰ ⵜⵎⴰⵣⴰⵖⵜ.

ⵉⵍⴽⵎ ⵓⵏⵖⵎⵉⵙ ⵏ ⵜⵎⵜⵜⴰⵏⵜ ⵏ ⵓⵏⴰⵥⵓⵕ ⴰⵇⴱⴰⵢⵍⵉ, ⴳ ⵢⵉⴹ ⵏ ⵉⴹ ⴳⴰⵎ ⵏ ⴰⵙⵙ ⵏ ⵓⵙⵉⴹⵢⴰⵙ, ⵙⴳ ⵜⵡⵊⴰ ⵏ ⵉⴳⵍⵍⵉⵏ ⵉⴷⵉⵔ ⴳ ⵢⴰⵏ ⵓⵏⵖⵎⵉⵙ ⵉⵜⵜⵓⵙⵔⴰⵙⵏ ⴳ ⵉⵙⵉⵜⵏ ⵏ ⵓⵎⵢⴰⵡⴰⴹ, ⵍⵍⵉⵖ ⵏⵏⴰⵏ ⵎⴰⵙ ⵉⵎⵎⵓⵜ "ⵉⴷⵉⵔ" ⴷⴼⴼⵉⵔ ⵏ ⵢⴰⵏ ⵓⵎⴰⴹⵓⵏ ⴰⵏⵉⵎⴰⵏ ⴳ ⵚⵚⴱⵉⵟⴰⵕ ⴱⵔⵉⵛⴰⵜ-ⴽⵍⵓⴷ-ⴱⵉⵔⵏⴰⵔ ⴳ ⴱⴰⵔⵉⵣ.

ⵉⵍⵍⵓⵍ "ⵉⴷⵉⵔ", ⵎⴰ ⵢⴰⴷ ⵉⴳⴰⵏ ⵉⵙⵎ ⵏⵏⵙ ⵃⴰⵎⵉⴷ ⵛⵔⵢⴰⵜ, ⴰⵙⵙ ⵏ 25 ⴽⵟⵓⴱⵕ 1949 ⴳ ⴰⵢⵜ ⵍⵃⵙⵏ, ⵜⴰⵎⴰ ⵏ ⵜⵉⵣⵉ ⵡⵣⵣⵓ, ⵜⴰⵎⴰⵣⵓⵏⵜ ⵏ ⵇⴱⴰⵢⵍ ⵜⴰⵎⵇⵔⴰⵏⵜ.

ⴰⵎⵎⴰⵙ ⵏ ⵉⵣⵍⵉⵏ ⵏⵏⵙ ⵉⵜⵜⵓⵙⵙⴰⵏⵏ, ⴷ ⵉⵜⵜⵔⵔⴰⵔⵏ ⵙ ⵜⵎⴰⵣⵉⵖⵜ ⵜⵇⴱⴰⵢⵍⵉⵜ ⴷ ⵙ ⵜⴼⵕⴰⵏⵚⵉⵚⵜ, ⵍⵍⴰⵏ "ⴰ ⴼⴰⴼⴰ ⵢⵏⵓⴼⴰ", ⴷ "ⵣⵡⵉⵜ ⵔⵡⵉⵜ", ⴷ "ⵙⵉⴼⵢⵉ", ⴷ "ⴰⵙⵙⵏⴷⵓ".

ⴳ ⵍⵎⵖⵔⵉⴱ, ⵉⵜⵜⵓⵖⵔⴰ "ⵉⴷⵉⵔ" ⵎⵏⵏⴰⵡ ⵏ ⵜⴽⵍⴰⵢ ⴰⴷ ⵉⵃⴰⴹⵕ ⴳ ⵎⵛⵜⴰ ⵏ ⵜⴼⵓⴳⵍⴰⵡⵉⵏ, ⴰⵛⴽⵓ ⵉⵎⵣⵣⴰ ⵡⵏⴰⵣⵓⵕ ⴰⵇⴱⴰⵢⵍⵉ ⵢⴰⴷ ⴷⴰⵔ ⵎⵏⵏⴰⵡ ⵏ ⵉⵎⵖⵔⴰⴱⵉⵏ.

ⴳ 2016, ⵢⵉⵡⵉ ⴳ ⵡⵊⴷⴰ ⵜⴰⵙⵎⵖⵔⵜ "ⵔⵔⵉⴱⴰⴱ ⵏ ⵓⵔⵖ", ⴷⴷⵓ ⵏ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵎⴰⴹⵍⴰⵏ ⵏ ⵓⵣⴰⵡⴰⵏ, ⴰⵎⴷⵔⴰⵡ ⴰⵎⴰⴷⴷⵓⴷ ⵏ ⵍⵢⵓⵏⵉⵙⴽⵓ-ⴱⴰⵔⵉⵣ.

Dernière modification : 04 ⵎⴰⵢⵢⵓ 2020
Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B4%B9%E2%B4%B0%E2%B5%8F/%E2%B5%89%E2%B5%8E%E2%B5%8E%E2%B5%93%E2%B5%9C-%E2%B5%89%E2%B4%B7%E2%B5%89%E2%B5%94-%E2%B4%B0%E2%B5%8F%E2%B4%B0%E2%B5%A5%E2%B5%93%E2%B5%95-%E2%B4%B0%E2%B5%8E%E2%B4%B0%E2%B5%A3%E2%B5%89%E2%B5%96-%E2%B4%B0%E2%B5%8E%E2%B5%87%E2%B5%95%E2%B4%B0%E2%B5%8F-%E2%B4%B7-%E2%B4%B1%E2%B4%B0%E2%B4%B1-%E2%B5%8F-%E2%B5%89%E2%B5%A3%E2%B5%8D%E2%B5%89-%E2%B4%B0-%E2%B4%BC%E2%B4%B0%E2%B4%BC%E2%B4%B0-%E2%B5%A2%E2%B5%8F%E2%B5%93%E2%B4%BC%E2%B4%B0