ⵙⴷⵓⵙⵏ ⵉⵣⵔⵉⴳⵏ ⵉⴳⵍⴷⴰⵏⵏ ⵏ ⵍⵎⵖⵔⵉⴱ ⵉⵎⵉⴽ ⵙ ⵉⵎⵉⴽ ⴰⵖⴰⵡⴰⵙ ⵏ ⵉⵎⵓⴷⴷⵓⵏ ⵉⴳⵏⵙⴰⵏ ⵏⵏⵙ

02 ⵢⵓⵍⵢⵓⵣ 2020 Version Imprimable

ⵕⵕⴱⴰⵟ - ⴷⴼⴼⵉⵔ ⵏ ⵢⴰⵏ ⵉⵎⴰⵍⵍⴰⵙ ⵏ ⵜⵔⵏⵓⵏⵜ ⵏ ⵉⵎⵓⴷⴷⵓⵏ ⵉⴳⵏⵙⴰⵏ, ⵔⴰⴷ ⵙⴷⵓⵙⵏ ⵉⵣⵔⵉⴳⵏ ⵉⴳⵍⴷⴰⵏⵏ ⵏ ⵍⵎⵖⵔⵉⴱ ⵙⴳ 06 ⵢⵓⵍⵢⵓⵣ ⴰⴷ ⴰⵖⴰⵡⴰⵙ ⵏ ⵉⵎⵓⴷⴷⵓⵏ ⵉⴳⵏⵙⴰⵏ ⵏⵏⵙ ⵙ ⵓⵙⵙⵖⵍⵉ ⵏ ⵓⵎⵓⵙⵙⵓ ⵏ ⵓⴽⵛⵛⵓⵎ ⵓⵍⴰ ⵜⵔⵏⵓⵜ ⵏ ⵜⵏⵉⵍⴰⵏ ⵜⵉⵎⴰⵢⵏⵓⵏ, ⴰⵛⴽⵓ ⵔⴰⴷ ⵉⵃⴱⵓ ⵡⵖⴰⵡⴰⵙ ⵏ ⵉⵎⵓⴷⴷⵓⵏ ⵜⵥⴰ ⵏ ⵜⵏⵉⵍⴰⵏ.

ⵉⴼⵔⴰ ⵢⵏⵏⴰ ⵢⴰⵏ ⵓⵙⵉⵡⴹ ⵏ ⵜⵎⵙⵙⵓⵔⵜ ⵎⴰⵙ ⵉⴳⴰ ⵍⵃⴰⵍ ⵏ ⴽⴽⵓⵥ ⵏ ⵉⵣⵔⵉⴳⵏ ⵉⵣⴷⵉⵏ ⴹⴹⴰⵕⵍⴱⵉⴹⴰ ⴷ ⵜⵉⵟⵡⴰⵏ ⴷ ⵍⵃⵓⵙⵉⵎⴰ ⴷ ⵡⵔⵣⴰⵣⴰⵜ, ⵙ ⵓⵎⵓⵙⵙⵓ ⵏ ⵙⵉⵏ ⵉⵎⵓⴷⴷⵓⵏ ⴽⵔⴰ ⵢⴳⴰⵜⵜ ⵉⵎⴰⵍⴰⵙⵙ, ⴷ ⵕⵕⴰⵛⵉⴷⵢⵢⴰ ⵙ ⴽⵕⴰⴹ ⵉⵎⵓⴷⴷⵓⵏ ⴽⵔⴰ ⵢⴳⴰⵜⵜ ⵉⵎⴰⵍⵍⴰⵙ, ⵓⵍⴰ ⵡⵣⵔⵉⴳ ⵉⵣⴷⵉⵏ ⵜⵉⵟⵡⴰⵏ ⴷ ⵍⵄⵓⵙⵉⵎⴰ ⵙ ⵓⵎⵓⵙⵙⴰ ⵏ ⵙⵉⵏ ⵉⵎⵓⴷⴷⵓⵏ ⴳ ⵉⵎⴰⵍⵍⴰⵙ.

ⵉⵙⵓⵍ ⵉⵏⵏⴰ ⵡⵙⵉⵡⴹ ⵎⴰⵙ ⵜⵎⵙⵙⵓⵔⵜ ⵜⵏⴰⵎⵓⵔⵜ ⵔⴰⴷ ⵜⵙⵙⵖⵍⵉ ⵡⵎⵓⵙⵙⵓ ⵏ ⵉⵎⵓⴷⴷⵓⵏ ⵙ ⴽⵕⴰⴹ ⵏ ⵜⵏⵉⵍⴰⵏ ⴳⵔ ⴽⴽⵓⵥ ⵏ ⵜⵏⵉⵍⴰⵏ ⵍⵍⵉ ⵔⵏⴰⵏ ⵉⵎⵓⴷⴷⵓⵏ ⵏⵏⵙⵏ ⴰⵙⵙ ⵏ 25 ⵢⵓⵏⵢⵓ ⵉⵣⵔⵉⵏ, ⵉⵔⵏⴰ ⵢⵏⵏⴰ ⵎⴰⵙ ⵉⴳⴰ ⵍⵃⴰⵍ ⴹⴹⴰⵕⵍⴱⵉⴹⴰ-ⴷⴷⴰⵅⵍⴰ ⴷ ⴹⴹⴰⵕⵍⴱⵉⴹⴰ-ⵍⵄⵢⵓⵏ, ⴷ ⵔⴰⴷ ⵙⵖⵉⵡⵙⵏ ⵉⵎⵓⴷⴷⵓⵏ ⵙ ⵓⵎⵓⵙⵙⵓ ⵏ ⵙⵎⵎⵓⵙ ⵉⵎⵓⴷⴷⵓⵏ ⴳ ⵓⵏⵙⴰ ⵏ ⴽⵕⴰⴹ ⴽⵔⴰ ⵢⴳⴰⵜⵜ ⵉⵎⴰⵍⴰⵙⵙ, ⴷ ⴳⵔ ⴹⴹⴰⵕⵍⴱⵉⴹⴰ ⴷ ⴰⴳⴰⴷⵉⵔ ⵍⵍⵉ ⵔⴰⴷ ⵉⵙⴷⵓⵙ ⵙ ⴽⴽⵓⵥ ⵏ ⵉⵎⵓⴷⴷⵓⵏ ⴳ ⵉⵎⴰⵍⴰⵙⵙ.

Source URL: https://www.mapnews.ma/am/actualites/%E2%B4%B0%E2%B5%8F%E2%B5%8E%E2%B5%8F%E2%B4%B0%E2%B4%B9/%E2%B5%99%E2%B4%B7%E2%B5%93%E2%B5%99%E2%B5%8F-%E2%B5%89%E2%B5%A3%E2%B5%94%E2%B5%89%E2%B4%B3%E2%B5%8F-%E2%B5%89%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%8F-%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B5%89%E2%B5%8E%E2%B5%89%E2%B4%BD-%E2%B5%99-%E2%B5%89%E2%B5%8E%E2%B5%89%E2%B4%BD-%E2%B4%B0%E2%B5%96%E2%B4%B0%E2%B5%A1%E2%B4%B0%E2%B5%99-%E2%B5%8F-%E2%B5%89%E2%B5%8E%E2%B5%93%E2%B4%B7%E2%B4%B7%E2%B5%93%E2%B5%8F-%E2%B5%89%E2%B4%B3%E2%B5%8F%E2%B5%99%E2%B4%B0%E2%B5%8F-%E2%B5%8F%E2%B5%8F%E2%B5%99