ⴰⵍⵍⴰⵙ ⵏ ⵉⵙⵉⵏ ⵙ ⵜⴼⵓⴳⵍⴰ ⵏ ⵓⵙⴳⴳⵯⴰⵙ ⴰⵎⴰⵣⵉⵖ ⴰⵎⴰⵢⵏⵓ ⵉⴳⴰ ⵢⵙⵉⵏ ⵙ ⵜⵇⴱⵓⵕⵜ ⵏ ⵓⴼⵔⴷⵉⵙ ⴰⵎⴰⵣⵉⵖ ⴳ ⵜⵎⴰⴳⵉⵏ ⵜⴰⵏⴰⵎⵓⵔⵜ (ⴰⵎⵉⵏⴰⴳ )

12 ⵉⵏⵏⴰⵢⵔ 2019 Version Imprimable

ⵕⵕⴱⴰⵟ - ⵉⵏⵏⴰ ⵍⵎⵃⴼⵓⴹ ⴰⵙⵎⵀⵔⵉ, ⵓⵎⵉⵏⴰⴳ ⴳ ⵓⵎⵣⵔⵓⵢ ⵏ ⵉⵣⵣⵍⵎⴹ ⵏ ⵉⴼⵔⵉⵇⵢⴰ ⴳ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⵎⴰⵙ ⴰⵍⵍⴰⵙ ⵏ ⵉⵙⵉⵏ ⵙ ⵜⴼⵓⴳⵍⴰ ⵏ ⵓⵙⴳⴳⵯⴰⵙ ⴰⵎⴰⵣⵉⵖ ⴰⵎⴰⵢⵏⵓ ⵉⴳⴰ ⵢⵙⵉⵏ ⵙ ⵜⵇⴱⵓⵕⵜ ⵏ ⵓⴼⵔⴷⵉⵙ ⴰⵎⴰⵣⵉⵖ ⴳ ⵜⵎⴰⴳⵉⵏ ⵜⴰⵏⴰⵎⵓⵔⵜ, ⵓⵍⴰ ⴳ ⵉⵣⵣⵍⵎⴹ ⵏ ⵉⴼⵔⵉⵇⵢⴰ ⵍⵍⵉ "ⴷⵉⴷ ⵜ ⵏⴷⵔⴰ ⴰⵖⴱⵓ ⴰⵎⵣⵔⵓⵢ ⴷ ⴰⵖⵔⵎⴰⵏ".

ⵉⴼⵔⴰ ⵢⵏⵏⴰ ⵎⴰⵙⵙ ⴰⵙⵎⵀⵔⵉ ⴳ ⵢⴰⵜ ⵜⵙⴳⵓⵔⵉ ⵉ ⵜⵡⵡⵓⵔⵜ ⵜⴰⵎⴰⵣⵉⵖⵜ ⵏ ⵜⵙⵏⵓⵔⴰⵢⵜ ⵜⴰⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ, ⵎⴰⵙ ⵉⵏⵙⴰⵢⵏ ⵍⵍⵉ ⴰⵔ ⵜⵜⵓⵙⴽⴰⵔⵏⵜ ⴳ ⵓⵣⵎⵎⵣⵓ ⵢⴰⴷ ⵎⵣⴰⵔⴰⵏⵜ ⴳ ⴽⵔⴰ ⵢⴳⴰⵜⵜ ⵜⵙⴳⴰ, ⵣⵓⵏⴷ ⴰⵙⵓⵊⴷ ⵏ ⵜⴳⵓⵍⵍⴰ ⴷ ⴰⵔⵣⵣⵓ ⵏ ⵜⵉⵢⵏⵉ ⴳ ⵓⴳⵏⵙⵓ ⵏⵏⵙ.

ⵎⴰⵛ ⵎⵍⴰⵏⵜ ⴽⵓⵍⵍⵓ ⵏⵜⵏ ⵜⴰⵏⴰⵢⵜ ⵉⵖⵓⴷⴰⵏ ⵅⴼ ⵓⵙⴳⴳⵯⴰⵙ ⴰⵏⴼⵍⴰⵃ ⵉⴼⵓⵍⴽⵉⵏ, ⴰⵛⴽⵓ ⵢⴰⴷ ⵓⵙⵎⵍⵓⵙⵙⴰⵏ ⵉⴳⴰ ⴰⵏⴼⵍⴰⵃ, ⴷ ⵜⴰⵏⴼⵍⴰⵃⵜ ⵜⴳⴰ ⵙⴳ ⴰⵣⵎⵣ ⵉⵇⴱⵓⵕⵏ ⵜⵓⵚⴽⴰ ⵍⵍⵉ ⴼ ⵜⴱⵉⴷⴷ ⵜⴰⴷⵎⵙⴰ, ⵎⴰ ⵢⴰⵙ ⵓⵍ ⵉⵏⵏⴰ ⵎⴰⵙⵙ ⴰⵙⵎⴰⵀⵔⵉ.

ⴳ ⵢⴰⵜ ⵜⵙⴳⵓⵔⵉ ⵢⴰⴹⵏⵉⵏ ⵉ ⵜⵙⵏⵓⵔⴰⵢⵜ, ⵉⵏⵏⴰ ⴰⴱⵓⵍⵇⴰⵙⵉⵎ ⵍⵅⴰⵜⵉⵔ, ⴰⵏⵎⵀⴰⵍ ⵏ ⵓⵎⵎⴰⵙ ⵏ ⵜⵖⵓⵔⵉⵡⵉⵏ ⵜⵉⵙⵏⴰⴼⴳⴰⵏⵉⵏ ⴷ ⵜⵉⵙⵏⴰⵎⵓⵏⵉⵏ ⴳ ⵓⵙⵉⵏⴰⴳ, ⵎⴰⵙⵙ ⵜⴰⴼⵓⴳⵍⴰ ⵖⵓⵔⵙ ⵜⵓⵇⵇⵏⵉⵏ ⴷ ⵓⵡⵏⴰⴹ ⴷ ⴰⴽⵓⴷ, ⴷ ⵉⴽⵛⵎ ⴳ ⵓⵙⴰⵜⵉ ⵏ ⵉⵏⵖⵎⵉⵙⵏ ⵏ ⵓⵡⵏⴰⴹ ⴳ ⵓⵙⴰⵜⵉ ⵍⵍⵉ ⵢⵙⵙⵏ ⵜⴳⵎⵉ ⵜⴰⵙⵓⵍⴰⵏⵜ, ⴰⵛⴽⵢ ⵢⵇⵇⵏ ⵖⵉⴽ ⴰⵏⵏ ⴷ ⵓⵙⴳⴳⵯⴰⵙ ⴰⵎⴰⵣⵉⵖ ⴰⵏⴼⵍⴰⵃ ⴰⵎⴰⵢⵏⵓ.

Dernière modification : 21 ⵢⵓⵍⵢⵓⵣ 2020

Source URL: https://www.mapnews.ma/am/dossier/%E2%B4%B0%E2%B5%8D%E2%B5%8D%E2%B4%B0%E2%B5%99-%E2%B5%8F-%E2%B5%89%E2%B5%99%E2%B5%89%E2%B5%8F-%E2%B5%99-%E2%B5%9C%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B5%99%E2%B4%B3%E2%B4%B3%E2%B5%AF%E2%B4%B0%E2%B5%99-%E2%B4%B0%E2%B5%8E%E2%B4%B0%E2%B5%A3%E2%B5%89%E2%B5%96-%E2%B4%B0%E2%B5%8E%E2%B4%B0%E2%B5%A2%E2%B5%8F%E2%B5%93-%E2%B5%89%E2%B4%B3%E2%B4%B0-%E2%B5%A2%E2%B5%99%E2%B5%89%E2%B5%8F-%E2%B5%99-%E2%B5%9C%E2%B5%87%E2%B4%B1%E2%B5%93%E2%B5%95%E2%B5%9C-%E2%B5%8F-%E2%B5%93%E2%B4%BC%E2%B5%94%E2%B4%B7%E2%B5%89%E2%B5%99-%E2%B4%B0%E2%B5%8E%E2%B4%B0%E2%B5%A3%E2%B5%89%E2%B5%96-%E2%B4%B3-%E2%B5%9C%E2%B5%8E%E2%B4%B0%E2%B4%B3%E2%B5%89%E2%B5%8F-0