ⵉⵏⵏⴰ ⵎⴰⵙⵙ ⵊⵊⵡⴰⵀⵔⵉ ⵙ ⵓⵣⵎⵣⵣⵓ ⴷⵖ ⵎⴰⵙ ⴰⵎⵎⴰⵙ ⵏ ⵢⴰⵏ ⵓⵡⵏⴰⴹ ⵉⴳⵔⴰⵖⵍⴰⵏ ⵉⵛⵇⵇⴰⵏ ⴷ ⵜⵉⵎⵙⵓⵜⴰⵍ ⵉⵏⵣⵡⵉⵏ ⵉⵅⵛⵏⵏ, ⵜⵙⵙⵏ ⵜⴷⵎⵙⴰ ⵜⴰⵏⴰⵎⵓⵔⵜ ⵢⴰⵏ ⵓⴳⴳⵯⵥ ⵏ 2,5%, ⵉⵔⵏⴰ ⵢⵏⵏⴰ ⵎⴰⵙⵙ ⵎⵇⵇⴰⵕ ⵖⵉⴽ ⴰⵏⵏ, ⵜⴳⴳⵯⵣ ⵜⵔⵡⵓⵔⵉ ⴰⵔ 9,2%, ⴷⴼⴼⵉⵔ ⵍⵍⵉⵖ ⴼⴼⵖⵏ ⵎⵏⵏⴰⵡ ⵉⵏⵙⴰⵏ ⵏ ⵓⵙⵡⵓⵔⵉ ⴳ ⵉⴳⵔ ⵏ ⵜⵏⴰⴼⵓⵜⵉⵏ.
ⵙ ⵎⴰⴷ ⵉⵥⵍⵉⵏ ⵙ ⵓⵎⵢⴰⵙ ⴰⵎⴰⴽⵕⵓ-ⴰⴷⵎⵙⴰ, ⵉⵏⵏⴰ ⵍⵡⴰⵍⵉ ⵏ ⴱⴰⵏⴽ ⵍⵎⵖⵔⵉⴱ ⵎⴰⵙ ⵢⵓⵡⴹⵏ ⵍⵄⴰⵊⵣ ⵏ ⵜⵎⵙⴰⵙⵜⵍⵜ ⵙ 4,1 % ⴳ ⵓⵢⴰⴼⵓ ⴰⴳⵯⵏⵙⴰⵏ ⴰⵎⵙⴰⵔⵉ, ⴷ ⵉⵡⴹⵏ ⵍⵄⴰⵊⵣ ⵏ ⵓⵙⵉⴹⵏ ⴰⵏⵙⴱⴰⴱ ⵙ ⵓⵙⵙⵎⵓⵏ ⵏ 4,1%. ⴰⵎⵎⴰ ⵉⵙⵙⴰⵔⵓⵏ ⵉⵙⵔⵉⴷⵏ ⵉⴱⵕⵕⴰⵏⵉⵢⵏ, ⵍⴽⵎⵏ 33,5 ⵓⵎⵍⵢⴰⵕ ⵏ ⴷⴷⵔⵀⵎ, ⴷ ⵃⴱⴰⵏ ⵉⵍⵉⵏ ⵉⵎⴰⴷⴷⵓⴷⵏ 6 ⵉⵢⵢⵉⵔⵏ ⴷ 8 ⵡⵙⵙⴰⵏ ⵏ ⵓⵙⵙⴽⵛⵎ, ⵎⴰ ⵢⴰⴷ ⵉⵔⵏⴰ ⵢⵏⵏⴰ ⵎⴰⵙⵙ ⵊⵊⵡⴰⵀⵔⵉ.
ⵉⵏⵏⴰ ⵙⵓⵍ ⵎⴰⵙⵙ ⵊⵡⵡⴰⵀⵔⵉ ⵎⴰⵙⵙ ⵉⴳⴳⵯⵣ ⴱⴰⵀⵔⴰ ⵜⴰⴹⴰⵅⵅⵓⵎ ⴰⵔ 0,2%, ⵎⴰ ⵢⴰⴷ ⵉⵎⵍⴰⵏ ⴰⴳⴳⵯⵥ ⵏ ⵉⵜⵉⴳⵏ ⵏ ⵉⵢⴰⴼⵓⵏ ⵉⵎⵙⴰⴷⵓⵔⵏ ⴷ ⵍⵎⵃⵕⵓⵇⴰⵜ.
ⵙ ⵓⵣⵎⵣⵣⵓ ⴷⵖ, ⵉⵖⵕⴰ ⵍⵡⴰⵍⵉ ⵏ ⴱⴰⵏⴽ ⵍⵎⵖⵔⵉⴱ, ⵎⴰⵙⵙ ⵄⴱⴷⵍⵍⵟⵉⴼ ⵊⵊⵡⴰⵀⵔⵉ, ⴰⴷ ⵜⵇⵇⴰⵎⴰ ⵜⴰⵙⵔⵜⵉⵜ ⵜⵓⴷⵔⵉⵎⵜ ⵖⵉⴽ ⵍⵍⵉ ⵜⴳⴰ ⵖⵉⵍ ⴰⴷ, ⵎⴰ ⵢⴰⴷ ⵉⵙⵙⴳⵣⵏ ⵍⵉⵃⵜⵉⵢⴰⵟ ⵏ ⵉⴷⵔⵉⵎⵏ ⴰⵔ 2%, ⵎⴰ ⵢⴰⴷ ⵢⴰⵡⵉⵏ ⴰⴳⴳⵯⵥ ⵏ ⵓⵙⵖⵍ ⵏ ⵓⵙⴱⵖⵔ ⴷ ⵉⵙⴼⵙⵙⵓⵙ ⴰⵕⵟⴰⵍ ⴰⴱⴰⵏⴽⵉ, ⵎⴰ ⵢⴰⴷ ⵉⵏⵏⴰ ⵍⵡⴰⵍⵉ ⵏ ⴱⴰⵏⴽ ⵍⵎⵖⵔⵉⴱ.
ⴳ ⵜⵉⴳⴳⵓⵔⵉ ⵏ ⵜⵏⴰⴹⵜ ⴰⴷ, ⵉⴼⴽⴰ ⵍⵡⴰⵍⵉ ⵏ ⴱⴰⵏⴽ ⵍⵎⵖⵔⵉⴱ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵜⴰⵏⴰⴹⵜ ⵜⴰⵙⴳⴳⵯⵙⴰⵏⵜ ⵏ ⵍⴱⴰⵏⴽ ⴰⵏⴰⵎⵎⴰⵙ ⵅⴼ ⴰⴷⴷⴰⴷ ⵜⴰⴷⵎⵙⴰⵏⵜ ⴷ ⵜⴰⵥⵕⴼⴰⵏⵜ ⵜⴰⵏⴰⵎⵓⵔⵜ ⵏ ⵓⵙⴳⴳⵯⴰⵙ ⵏ 2019.
ⴳ ⵓⵣⵎⵣⵣⵓ ⴷⵖ, ⵉⵏⵏⴰ ⵎⴰⵙⵙ ⵄⴱⴷⵍⵍⵟⵉⴼ ⵊⵊⵡⴰⵀⵔⵉ, ⵍⵡⴰⵍⵉ ⵏ ⴱⴰⵏⴽ ⵍⵎⵖⵔⵉⴱ, ⵎⴰⵙ ⵉⵇⵇⵏⵏ ⴱⴰⵏⴽ ⵍⵎⵖⵔⵉⴱ ⴷ ⵜⵎⴰⵡⴰⵙⵜ ⵏ ⵜⴷⵎⵙⴰ ⴷ ⵓⵣⵔⵉⴼ, ⵙ ⵢⴰⵜ ⵜⴱⵔⵉⴷⵜ ⵜⴰⵎⴷⵔⴰⵡⵜ, ⴰⵙⵓⴼⴼⵖ ⵏ ⵢⴰⵜ ⵜⵙⵜⵔⴰⵜⵉⵊⵉⵜ ⵜⴰⵏⴰⵎⵓⵔⵜ ⵏ ⵓⴳⵛⵓⵎ ⵓⵣⵔⵉⴼ, ⵍⵍⵉ ⵢⵔⴰⵏ ⴰⴷ ⵜⵃⴱⵓ ⵜⴰⴹⵅⵎ ⴷ ⴰⴷ ⵜⵏⴰⵇⵚ ⵉⵎⵣⵔⴰⵢⵏ ⵉⵍⵍⴰⵏ ⴳ ⵉⴳⵔ ⴰⴷ.
ⵉⵏⵏⴰ ⵍⵡⴰⵍⵉ ⵏ ⴱⴰⵏⴽ ⵍⵎⵖⵔⵉⴱ ⵎⴰⵙⵙ ⵊⵊⵡⴰⵀⵔⵉ ⵎⴰⵙ ⴰⵏⴳⵎⵓ ⵍⵍⵉ ⵢⵙⵙⵏ ⵓⵙⴳⴳⵯⴰⵙ ⵏ 2019 ⵉⵎⵍⴰ ⵎⴰⵙ ⵜⴰⴷⵎⵙⴰ ⵜⴰⵏⴰⵎⵓⵔⵜ ⵓⵔ ⵜⴳⵓⵎ ⴰⴼ ⴰⴷ ⵜⵔⴰⵔ ⵅⴼ ⵓⵔⵣⵣⵓⵏ ⵉⵏⴰⵎⵓⵏⵏ ⵉⵜⵜⵔⵏⵓⵏ.
ⵉⵔⵏⴰ ⵢⵏⵏⴰ ⵍⵡⴰⵍⵉ ⵏ ⴱⴰⵏⴽ ⵍⵎⵖⵔⵉⴱ ⵎⴰⵙ ⵎⵇⵇⴰⵕ ⵍⵍⵉⵖ ⵍⵍⴰⵏⵜ ⵜⵉⵥⵔⵉⵏ ⴰⴷ, ⵉⵔⵏⴰ ⵍⵎⵖⵔⵉⴱ ⴳ ⵜⵏⴰⵢⵜ ⵉⴼⵓⵍⴽⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵏⵙⴰ ⵉⵖⵓⴷⴰⵏ ⵏⵏⵙ ⴳ ⵓⵙⵡⵉⵔ ⴰⵏⵎⵏⴰⴹ ⴷ ⴰⵎⴰⴹⵍⴰⵏ.
ⴳ ⵓⵣⵎⵣⵣⵓ ⴷⵖ, ⵉⴼⴽⴰ ⵍⵡⴰⵍⵉ ⵏ ⴱⴰⵏⴽ ⵍⵎⵖⵔⵉⴱ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵏⵚⵕ ⵕⴱⴱⵉ, ⵜⴰⵏⴰⴹⵜ ⵜⴰⵎⵙⴳⴳⵯⴰⵙⵜ ⵏ ⵍⴱⴰⵏⴽ ⴰⵏⴰⵎⵎⴰⵙ ⵅⴼ ⴰⴷⴷⴰⴷ ⴰⴷⵎⵙⴰⵏ ⴷ ⴰⵥⵕⴼⴰⵏ ⴰⵏⴰⵎⵓⵔ ⴳ ⵓⵣⵎⵣ ⵏ ⵓⵙⴳⴳⵯⴰⵙ ⵏ 2019.
ⵉⵏⵏⴰ ⵍⵡⴰⵍⵉ ⵏ ⴱⴰⵏⴽ ⵍⵎⵖⵔⵉⴱ, ⴳ ⵓⵣⵎⵣⵣⵓ ⵢⴰⴷ, ⵎⴰⵙ ⵜⵏⵙⵙⵉⵅⴼⵜ ⵉⵅⴰⵜⴰⵔⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⵓⵊⵊⴰ ⵍⵎⵖⵔⵉⴱ ⴰⴷ ⵉⴱⵉⴷⴷ ⴷⴰⵜ ⵏ ⵓⴱⴰⵢⵢⵓⵕ ⵏ ⴽⵓⵕⵓⵏⴰ ⴷ ⴰⴷ ⵉⵣⵣⵓⴳⵣ ⵜⵓⵙⵓⵔⵜ ⵏⵏⵙ, ⴷ ⵎⴰⵙ ⵉⵙⵖⵍⴼⵏ ⵏ ⵜⵙⵇⵇⵉⵎⵜ ⵏ ⵓⵣⵓⵔⵜ ⵏ ⵜⴳⵎⵉ, ⵍⵍⵉ ⵢⵙⵔⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵜⵥⴹⴰⵕ ⴰⴷ ⵜⴷⵔⵓ ⴳ ⵓⵙⵓⴼⴼⵖ ⵏ ⵢⴰⵏ ⵓⵏⵏⴰⵢ ⴰⵎⴰⵢⵏⵓ ⴷⴼⴼⵉⵔ ⵏ ⵜⵙⵙⴰⵙⵜ ⴰⴷ.