ⵉⵣⵔⵉⴳⵏ ⵉⴳⵍⴷⴰⵏⵏ ⵏ ⵍⵎⵖⵔⵉⴱ ⵙⴳⵎⴹⵏ ⵢⴰⵏ ⵓⵎⵙⴰⵙⴰ ⵏ ⵓⵎⵢⴰⵡⴰⵙ ⴷ ⵜⵎⵙⵙⵓⵔⵜ ⵏ ⵡⴰⴹⵓ "ⵍⵄⴰⵍ"

11 ⴽⵟⵓⴱⵕ 2021 Version Imprimable

ⵕⵕⴱⴰⵟ - ⵙⴳⵎⴹⵏ ⵉⵣⵔⵉⴳⵏ ⵉⴳⵍⴷⴰⵏⵏ ⵏ ⵍⵎⵖⵔⵉⴱ ⴷ ⵜⵎⵙⵙⵓⵔⵜ ⵏ ⵡⴰⴹⵓ ⵜⵉⵚⵕⴰⵢⵍⵉⵜ "ⵍⵄⴰⵍ", ⴳ ⵓⵙⵙⴰⵏ ⴰⴷ ⵉⵣⵔⵉⵏ, ⵢⴰⵏ ⵓⴱⵕⵓⵟⵓⴽⵓⵍ ⵏ ⵓⵎⵢⴰⵡⴰⵙ ⵉⵏⴽⵔⵙ ⵏ ⵉⵎⵢⴰⵙⵙⴰⵏ ⴳⵔ ⵙⵏⴰⵜ ⵜⵎⴷⵔⴰⵡⵉⵏ ⵎⵔⴰ ⴰⴷ ⵡⵡⵓⵔⵉⵏⵜ ⴳⵔⴰⵜⵙⵏ ⴷ ⵓⵙⵎⵏⵉⴷ ⵏ ⵉⵙⵡⵉⵔⵏ ⵉⴼⵓⵍⴽⵉⵏ ⵏ ⵜⵏⴰⴼⵓⵜⵉⵏ.

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵉⵣⵔⵉⴳⵏ ⵉⴳⵍⴷⴰⵏⵏ ⵏ ⵍⵎⵖⵔⵉⴱ ⵎⴰⵙ ⵓⵎⵙⴰⵙⴰ, ⵍⵍⵉ ⵢⵙⴳⵎⴹ ⵖⴼⵙ ⵓⵏⵙⵙⵉⵅⴼ ⴰⵎⴰⵜⴰⵢ ⵎⴰⵙⵙ ⵃⴰⵎⵉⴷ ⵄⴷⴷⵓ ⴷ ⵓⵏⵙⵙⵉⵅⴼ ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵎⵙⵙⵓⵔⵜ ⵏ "ⵍⵄⴰⵍ" ⵎⴰⵙⵙ ⴰⴼⵉⴳⴰⵍ ⵙⵓⵔⵉⴽ, ⵜⴰⵎⴰ ⵏ ⵜⵙⵓⵜⵍⵜ ⵜⵉⵙⵙ 77 ⵍⵍⵉ ⵢⵙⵎⴰⵏⵏ ⵜⵡⵡⵓⵔⵉⵡⵉⵏ ⵏⵏⵙ ⴳ ⵓⵙⵙⴰⵏ ⴰⴷ ⵣⵔⵉⵏⵉⵏ ⴳ ⴱⵓⵚⵟⵓⵏ, ⵙ ⵜⵉⵍⵉⵜ ⵏ ⵜⵎⴹⵉ ⵏ ⵉⵏⴼⴳⴰⵏ ⴷ ⵉⵎⴰⵔⵉⵏ ⴷ ⵉⵙⵡⵓⴷⵓⵏ ⵏ ⵜⵎⵙⵙⵓⵔⵉⵏ ⵏ ⵡⴰⴹⵓ ⵜⵉⴳⵔⴰⵖⵍⴰⵏⵉⵏ (IATA) ⵏ ⵜⵙⵎⵓⵏⵉ ⵜⴰⵎⴰⵜⴰⵢⵜ ⵏ ⵜⵎⵙⵎⵓⵏⵜ ⵜⴰⵎⴰⴹⵍⴰⵏⵜ ⵏ ⵓⵙⵙⴰⵢ ⵏ ⵡⴰⴹⵓ.

ⵉⵙⵓⵍ ⵉⵏⵏⴰ ⵡⵙⵉⵡⴹ ⵎⴰⵙ ⵉⴽⵛⵎ ⵓⵎⵙⴰⵙⴰ ⴳ ⵢⴰⵏ ⵓⵙⵜⵉ ⵍⵍⵉⵖ ⵔⴰⵏ ⵉⵣⵔⵉⴳⵏ ⵉⴳⵍⴷⴰⵏⵏ ⵏ ⵍⵎⵖⵔⵉⴱ ⴷ ⵜⵎⵙⵙⵓⵔⵜ ⵏ "ⵍⵄⴰⵍ" ⴰⴷ ⵡⵡⵓⵔⵉⵏ ⴰⴼ ⴰⴷ ⴼⴽⵉⵏ ⵜⵏⴰⴼⵓⵜⵉⵏ ⵏ ⵓⵙⵙⴰⵢ ⵏ ⵡⴰⴹⵓ ⴳⵔ ⵙⵏⴰⵜ ⵜⵎⵉⵣⴰⵔ ⴰⵎⵎⴰⵙ ⵏ ⵉⵙⴳⵡⴰⵏⵏ ⴳ ⵓⵣⴰⴳⵯⵣ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴷ ⵓⵣⴰⴳⵯⵣ ⴰⵎⴰⴹⵍⴰⵏ ⴱⵏ ⴳⵓⵕⵢⵓⵏ ⴳ ⵜⴰⵍⵍ ⴰⴱⵉⴱ, ⵉⴼⵔⴰ ⵢⵏⵏⴰ ⵎⴰⵙ ⵓⵎⵙⴰⵙⴰ ⵉⵎⴰⵏ ⵓⵍⴰ ⴷ ⵓⵇⵇⵕⴱ ⵏ ⵓⵕⵥⵥⵓⵎ ⵏ ⵉⵣⵔⵉⴳⵏ ⵉⴳⵍⴷⴰⵏⵏ ⵏ ⵍⵎⵖⵔⵉⴱ, ⴳ ⴰⴽⵎⵓⵔ ⵉⵖⴰⵡⵍⵏ ⴷ ⵉⵖ ⴼⴰⵍⴽⵉⵏ ⵉⵎⵙⵓⵜⵍⵏ, ⵢⴰⵏ ⵓⵣⵔⵉⴳ ⵏ ⵡⴰⴹⵓ ⵓⵙⵔⵉⵙ ⴳⵔ ⴹⴹⴰⵕⵍⴱⵉⴹⴰ ⴷ ⵜⴰⵍⵍ ⴰⴱⵉⴱ.

Dernière modification : 11 ⴽⵟⵓⴱⵕ 2021

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%A3%E2%B5%94%E2%B5%89%E2%B4%B3%E2%B5%8F-%E2%B5%89%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%8F-%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B5%99%E2%B4%B3%E2%B5%8E%E2%B4%B9%E2%B5%8F-%E2%B5%A2%E2%B4%B0%E2%B5%8F-%E2%B5%93%E2%B5%8E%E2%B5%99%E2%B4%B0%E2%B5%99%E2%B4%B0-%E2%B5%8F-%E2%B5%93%E2%B5%8E%E2%B5%A2%E2%B4%B0%E2%B5%A1%E2%B4%B0%E2%B5%99-%E2%B4%B7-%E2%B5%9C%E2%B5%8E%E2%B5%99%E2%B5%99%E2%B5%93%E2%B5%94%E2%B5%9C-%E2%B5%8F-%E2%B5%A1%E2%B4%B0%E2%B4%B9%E2%B5%93-%E2%B5%8D%E2%B5%84%E2%B4%B0%E2%B5%8D