Published on MAPNews (https://www.mapnews.ma/am)

Accueil > ⵔⵡⵉⵛⴰ ⵏ ⵄⵉⵏ ⵍⵍⵓⵃ : ⵙⴳ ⵓⵏⵍⵎⴰⴷ ⵏ "ⵃⵎⵎⵓ ⵓⵍⵢⴰⵣⵉⴷ" ⴰⵔ ⵉⵏⵉⴳⵍ ⵏ ⵉⵣⵍⵉ ⴰⵎⴰⵣⵉⵖ ⵏ ⵍⴰⵟⵍⴰⵚ ⴰⵏⴰⵎⵎⴰⵙ

ⵔⵡⵉⵛⴰ ⵏ ⵄⵉⵏ ⵍⵍⵓⵃ : ⵙⴳ ⵓⵏⵍⵎⴰⴷ ⵏ "ⵃⵎⵎⵓ ⵓⵍⵢⴰⵣⵉⴷ" ⴰⵔ ⵉⵏⵉⴳⵍ ⵏ ⵉⵣⵍⵉ ⴰⵎⴰⵣⵉⵖ ⵏ ⵍⴰⵟⵍⴰⵚ ⴰⵏⴰⵎⵎⴰⵙ

25 ⵏⵓⵡⴰⵏⴱⵉⵔ 2021 - par : (ⵢⵓⵔⴰⵜ: ⵍⵎⵚⵟⴰⴼⴰ ⵄⵢⵢⴰⵛ) Version Imprimable
ⵕⵕⴱⴰⵟ - ⵙⴳ ⵜⴼⵔⴰⵏⵜ ⵏ ⵄⵉⵏ ⵍⵍⵓⵃ ⴳ ⵍⴰⵟⵍⴰⵚ ⴰⵏⴰⵎⵎⴰⵙ ⴰⵖⴷ ⵢⵓⵛⴽⴰ, ⴷ ⵉⵜⵜⵢⵓⵙⵙⴰⵏ ⴷⴼⴼⵉⵔ ⵏ ⵜⴰⵡⵓⵔⵉ ⵜⵎⵇⵇⵕⴰⵏⵜ ⵏⵏⵙ ⴰⵎ ⵓⵏⵙⵙⵉⵅⴼ ⵏ ⵜⵥⵓⵕⵉ ⵜⵎⴰⵣⵉⵖⵜ ⵜⵎⵖⵔⴰⴱⵉⵜ ⵃⵎⵎⵓ ⵓⵍⵢⴰⵣⵉⴷ, ⵖⵉⴽⵍⵍⵉ ⴳⴰⵏ ⵉⵙⵎⴰⵡⵏ ⵉⴼⵓⵍⴽⵉⵏ ⴳ ⵉⴳⵍ ⵏ ⵜⵥⵓⵕⵉ ⵜⵎⴰⵣⵉⵖⵜ, ⵎⴰ ⵢⴰⴷ ⵉⴳⴰ ⵔⵡⵉⵛⴰ ⵏ ⵄⵉⵏ ⵍⵍⵓⵃ ⵍⵍⵉ ⵔⴰⵏ ⵉⵣⵍⴰⵏ ⵏⵏⵙ ⵏ ⵎⴷⴷⵏ ⵙⴳ ⵜⵥⵓⵕⵉ ⴷ ⵉⵣⵍⵉ ⴰⵎⴰⵣⵉⵖ ⴳ ⵍⴰⵟⵍⴰⵚ ⴰⵏⴰⵎⵎⴰⵙ.

ⵜⵙⵙⵏ ⵜⵡⵡⵓⵔⵉⵡⵉⵏ ⵏ "ⵔⵡⵉⵛⴰ ⵏ ⵄⵉⵏ ⵍⵍⵓⵃ", ⵎⴰ ⵢⴰⴷ ⵉⴳⴰⵏ ⵍⵉⵙⵎ ⵏ ⵚⵚⴰⵃⵜ ⵏⵏⵙ ⵍⵢⵓⵙⴼⵉ ⴱⵏ ⵎⵓⵃⴰ, ⵉⵎⵎⵓⵔⵙ ⴰⵎⵇⵇⵕⴰⵏ ⴰⵛⴽⵓ ⵙⴰⵡⵍⵏⵜ ⵏⵅⴼ ⴰⴷⴷⴰⴷ ⴰⵏⵎⵓⵏ ⴷ ⵜⴰⵢⵔⵉ ⴷ ⵜⵎⵖⵔⵜ ⵓⵍⴰ ⵉⵣⵍⵉⵏ ⵏ ⵜⵖⵔⴰ ⵜⴰⵏⴰⵎⵓⵔⵜ ⵏ ⵜⵎⵜⵜⴰ ⵜⴰⵎⴰⵖⵔⴰⴱⵉⵜ ⴷ ⵓⴷⴰⴱⵓ ⴰⵄⴰⵍⴰⵡⵉ ⴰⴼⵓⵍⴽⵉ, ⵎⴰ ⵢⴰⴷ ⵢⵓⵊⵊⴰⵏ ⵕⵛⵎ ⵅⴼ ⵎⵉⴷⴷ ⵜⴰⵢⵔⵉⵏ ⵏ ⵉⵣⵍⵉ ⴰⵎⴰⵣⵉⵖ ⵏ ⵉⵍⵍ ⴰⵟⵟⵍⴰⵚ ⴷ ⵓⴳⴳⵔ ⵏ ⵎⴷⴷⵏ ⵓⵍⵍⴰⵙⵏ.

ⵙⴳ ⵜⵥⵓⵕⵉ ⵉⵅⴰⵜⴰⵔⵏ ⵏ ⵍⵢⵓⵙⴼⵉ ⴱⵏ ⵎⵓⵃⵃⴰ ⵍⵍⵉ ⵢⵣⴷⵖ ⴳ ⵜⵖⵔⵎⵜ ⵏ ⵄⵉⵏ ⵍⵍⵓⵃ ⵙⵓⵃⵍⴰⵖ ⴰⵎⴰⵣⴰⵏ ⴽⵓ ⵢⴰⵙ "ⵉⴼⵔⵃ ⵛⵛⴰⴱⴰⴱ ⵉⵏⵚⵕ ⵕⴱⴱⵉ ⵓⴳⵍⵍⵉⴷ" ⴷ "ⵃⴰⵕⵚ ⴰⵎⵎⵉⵏⵓ" ⴷ "ⵃⴰⵡⴰⵍ ⴰⵡⴰ ⵜⵄⵎⵉⴷⵉ" ⴷ ⵉⵣⵍⵉⵏ ⵢⴰⴹⵏⵉⵏ ⵉⴳⵍⵏ ⵏ ⵜⵥⵓⵕⵉ ⵜⴰⵎⴰⵣⵉⵖⵜ.

ⴳ ⵢⴰⵜ ⵜⵙⴳⵓⵔⵉ ⵉ ⵜⵡⵡⵓⵔⵜ ⵜⵎⴰⵣⵉⵖⵜ ⵏ ⵜⵙⵏⵓⵕⴰⵢⵜ ⵜⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ "ⵍⴰⵎⴰⴱ", ⵉⵙⵙⴽⵜⵉ ⵎⴰⵙⵙ ⵍⵢⵓⵙⴼⵉ ⴱⵏ ⵎⵓⵃⴰ ⵍⵍⵉ ⵢⵍⵓⵍⵏ ⴳ ⵓⵙⴳⴳⵯⴰⵙ ⵏ 1947, ⴰⵖⴰⵔⴰⵙ ⵏⵏⵙ ⵉⵣⵔⵉⵏ ⵓⴳⴳⴰⵔ ⵏ ⵓⵣⴳⵏ ⵏ ⵜⵙⵓⵜ, ⵎⴰ ⵢⴰⴷ ⵉⴳⴰⵏ 55 ⵓⵙⴳⴳⵯⴰⵙ ⵏ ⵜⵡⵡⵓⵔⵉ, ⴷ ⵉⵙⵙⴽⵜⵉ ⵓⵍⴰ "ⵃⵎⵎⵓ ⵓⵍⵢⴰⵣⵉⴷ", ⵎⴰ ⵢⴰⴷ ⵉⴼⴽⴰⵏⵜ "ⵕⵡⵉⵛⴰ ⴳ ⵓⵙⴳⴳⵯⴰⵙ 1960 ⵍⵍⵉⵖ ⵉⵙⴱⴰⵢⵏ ⴰⵎⵎ ⴰⵏⴰⵥⵓⵕ ⵏ ⵜⵎⵣⴷⴰⵖⵜ ⵜⴰⴷⵖⵔⴰⵏⵜ ⴷ ⵜⴼⵓⵍⴳⴰⵡⵉⵏ ⵜⵉⵏⴰⵎⵓⵏⵉⵏ ⴷ ⵜⵎⵖⵕⴰ ⴷ ⵜⴼⵓⵍⴳⴰⵡⵉⵏ ⵓⵍⴰ ⴳ ⵜⴼⵓⵍⴳⴰⵡⵉⵏ ⵉⵣⵍⵉⵏ ⵏ ⵉⵎⴷⴷⴽⴽⵯⵍ ⵏⵏⵙ ⴷ ⵜⵡⵊⴰ.

ⴳ ⵢⴰⵜ ⵜⵙⴳⵓⵔⵉ ⵉ ⵜⵡⵡⵓⵔⵜ ⵜⵎⴰⵣⵉⵖⵜ ⵏ ⵜⵙⵏⵓⵕⴰⵢⵜ ⵜⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ "ⵍⴰⵎⴰⴱ", ⵉⵙⵙⴽⵜⵉ ⵎⴰⵙⵙ ⵍⵢⵓⵙⴼⵉ ⴱⵏ ⵎⵓⵃⴰ ⵍⵍⵉ ⵢⵍⵓⵍⵏ ⴳ ⵓⵙⴳⴳⵯⴰⵙ ⵏ 1947, ⴰⵖⴰⵔⴰⵙ ⵏⵏⵙ ⵉⵣⵔⵉⵏ ⵓⴳⴳⴰⵔ ⵏ ⵓⵣⴳⵏ ⵏ ⵜⵙⵓⵜ, ⵎⴰ ⵢⴰⴷ ⵉⴳⴰⵏ 55 ⵓⵙⴳⴳⵯⴰⵙ ⵏ ⵜⵡⵡⵓⵔⵉ, ⴷ ⵉⵙⵙⴽⵜⵉ ⵓⵍⴰ "ⵃⵎⵎⵓ ⵓⵍⵢⴰⵣⵉⴷ", ⵎⴰ ⵢⴰⴷ ⵉⴼⴽⴰⵏⵜ "ⵕⵡⵉⵛⴰ ⴳ ⵓⵙⴳⴳⵯⴰⵙ 1960 ⵍⵍⵉⵖ ⵉⵙⴱⴰⵢⵏ ⴰⵎⵎ ⴰⵏⴰⵥⵓⵕ ⵏ ⵜⵎⵣⴷⴰⵖⵜ ⵜⴰⴷⵖⵔⴰⵏⵜ ⴷ ⵜⴼⵓⵍⴳⴰⵡⵉⵏ ⵜⵉⵏⴰⵎⵓⵏⵉⵏ ⴷ ⵜⵎⵖⵕⴰ ⴷ ⵜⴼⵓⵍⴳⴰⵡⵉⵏ ⵓⵍⴰ ⴳ ⵜⴼⵓⵍⴳⴰⵡⵉⵏ ⵉⵣⵍⵉⵏ ⵏ ⵉⵎⴷⴷⴽⴽⵯⵍ ⵏⵏⵙ ⴷ ⵜⵡⵊⴰ.

ⵉⵏⵏⴰ ⵎⴰⵙⵙ "ⵔⵡⵉⵛⴰ ⵏ ⵄⵉⵏ ⵍⵍⵓⵃ" ⵎⴰⵙ ⵜⴰⵢⵔⵉ ⵏⵏⵙ ⵙ ⵓⵣⴰⵡⴰⵏ ⵉⴱⴷⴰ ⵍⵍⵉⵖ ⵣⵣⵉⴽ ⵙⵍⴰⵡⵏ ⴰⴽⴽⵯ ⴳ ⵓⵙⴳⴳⵯⴰⵙ 1961 ⵍⵍⵉⵖ ⵉⵍⴽⵎ 14 ⵓⵙⴳⴳⵯⴰⵙ ⴷ ⵉⴱⴷⴰ ⴰⴷ ⵢⴰⵎⵣ ⴰⵏⵙⴰ ⴰⵅⴰⵜⴰⵔ ⴳ ⵓⵎⴰⴹⴰⵏ ⵏ ⵜⴰⵥⵓⵕⵉ ⵍⵍⵉ ⵉⵎⵓⵏ ⵉⵏⴰⵥⵓⵕⵏ ⵅⵔⴷⴰⵍⵉ ⵄⴰⵎⵉⴷ ⴷ ⵃⴰⵙⴰⵏ ⵏⵏⴰⵚⵉⵕⵉ ⵉⵜⵜⵢⵓⵙⵙⴰⵏ " ⴱⵓⵢⵇⴼⵉ" ⴳ ⵓⵙⴰⵜⵉ ⵏ ⵜⴼⴳⵍⴰⵡⵉⵏ ⴷ ⵜⵎⵖⵕⴰ ⴷ ⵜⴼⵓⴳⵍⴰⵡⵉⵏ ⵉⵏⴰⵎⵓⵏⵏ ⵢⴰⴹⵏⵉⵏ ⴳ ⵜⵙⴳⴰ.

ⴳ ⵓⵙⴳⴳⴰⵙ 1963 ⵉⵣⵎⵎⵓⵎ ⵎⴰⵙⵙ ⵍⵢⵓⵙⴼⵉ ⵉⵣⵍⵉ ⴰⵎⵣⵡⴰⵔⵓ ⴳ ⴰⵏⵣⵡⴰⵢ  ⵏ ⵜⵜⵉⵍⵉⴼⵉⵣⵢⵓⵏ ⴰⵎⵖⵔⴰⴱⵉ ⴳ ⵉⵡⵙ ⵏ ⵎⴰⵙⵙ ⵄⴷⵔⵉⵙ ⴱⵍⵇⴰⵙⵎ ⵎⴰⵢⴰⴷ ⵉⴳⴰⵏ ⵉⵣⵍⵉ "ⵎⴰⴷ ⵓⵍⵏⵛ ⴰⵙ ⵜⵙⴰⵡⴰⵍⵜ ⵙⵉⵔⵙⵜ ⴰⵢⵍ ⵡⵉⵏⵏⵓ" ⴳ ⵓⵎⵓⵏ ⵏ ⵉⵏⴰⵥⵓⵕⵉⵏ ⵉⵅⴰⵜⴰⵔⵏ ⴳ ⵉⴳⵔ ⵏ ⵉⵣⵍⵉ ⴰⵎⴰⵣⵉⵖ ⵅⵔⴷⴰⵍⵉ ⵃⴰⵎⵉⴷ ⴷ ⵏⵏⴰⵚⵕⵉ ⵃⵙⴰⵏ ⴱⵓⵢⵇⴼⵉ.

ⵉⵙⵙⴽⵜⵉ ⵎⴰⵙⵙ ⵍⵢⵓⵙⴼⵉ ⵎⴰⵙ ⵉⵣⵎⵎⴻⵎ ⵏ ⵉⵣⵍⴰⵏ ⵏⵏⵙ ⴳ ⵜⵙⴼⵉⴼⵍⵉⵏ ⵉⵜⵜⵢⵓⵙⴰⵏ ⴳ ⴰⴽⵓⴷ ⴰⴷ ⴷ ⵉⵣⵎⵎⵓⵎ ⵎⴰⴷ ⵉⵜⵜⵢⵓⵙⵙⴰⵏ "ⵍⴱⵓⴱⵉⵏⴰⵜ" (ⴰⵙⴷⴰⵡ ⴰⴽⵀⵔⵓⵎⵖⵏⵟⵚⵉ) ⴷ ⵜⴰⵙⴼⵍⵉⵏ ⵙⴳⵍⵍⵉⵖ ⵉⵙⴱⴰⵢⵏⵏ ⴳ ⵍⵃⴰⵡⴰⵍ ⵏ ⵓⵙⴳⴳⴰⵙ 1975 ⴷ ⵉⵎⴰⵙⵙⵏ ⴰⵜⵔⴰⵜ ⵏ ⴷⵖⵉ.

ⵉⵙⵙⴽⵜⵉ ⵎⴰⵙⵙ ⵍⵢⵓⵙⴼⵉ ⵎⴰⵙ ⵉⵣⵎⵎⵓⵎ ⵏ ⵉⵣⵍⴰⵏ ⵏⵏⵙ ⴳ ⵜⴰⵙⴼⵉⴼⵍⵉⵏ ⵉⵜⵜⵢⵓⵙⴰⵏ ⴳ ⴰⴽⵓⴷ ⴰⴷ ⴷ ⵉⵣⵎⵎⵓⵎ ⵎⴰⴷ ⵉⵜⵜⵢⵓⵙⵙⴰⵏ "ⵍⴱⵓⴱⵉⵏⴰⵜ" (ⴰⵙⴷⴰⵡ ⴰⴽⵀⵔⵓⵎⵖⵏⵟⵚⵉ) ⴷ ⵜⴰⵙⴼⵍⵉⵏ ⵙⴳⵍⵍⵉⵖ ⵉⵙⴱⴰⵢⵏⵏ ⴳ ⵍⵃⴰⵡⴰⵍ ⵏ ⵓⵙⴳⴳⴰⵙ 1975 ⴷ ⵉⵎⴰⵙⵙⵏ ⴰⵜⵔⴰⵜ ⵏ ⴷⵖⵉ.

ⵉⵙⵓⵍ ⵉⵏⵏⴰ ⵡⵏⴰⵥⵓⵕ ⴰⴷ ⵍⵍⵉ ⵢⵍⵍⵓⵍ ⴳ ⴹⴹⵡⴰⵕ "ⴰⵢⵜ ⵇⵙⵓ ⵓⵃⴷⵓ, ⴰⵔⴽⵍⴰⵡⵏ " ⵜⴰⴼⵔⴰⵏⵜ ⵏ ⵜⴳⵯⵔⵉⴳⵯⵔⴰ" ⵎⴰⵙ ⵢⵓⵜ ⵅⴼ ⵍⵡⵜⴰⵔ ⴰⵜⴽⵍⴰⵙ ⴷ ⵉⵙⴽⵔ ⵉⵣⵍⵉⵏ ⵏⵏⵏⵙ ⵙ ⵜⵎⴰⵣⵉⵖⵜ ⴷ ⵜⴰⵄⵔⴰⴱⵉⵢ ⵍⵍⵉⵖ ⵉⵔⴰ ⵡⴳⴷⴷⵓⴷ.

ⵉⵙⵓⵍ ⵉⵏⵏⴰ ⵎⴰⵙ ⵢⵓⵜ ⵏ ⴰⵜⴽⵍⴰⵙ ⴳ ⵓⵙⴳⴳⵯⴰⵙ 1959 ⴷⴼⴼⵉⵔ ⵏ ⵓⵙⵍⵎⴰⴷ ⵏⵏⵙ ⵍⵄⴰⵎⵉⴷ ⵏ ⵜⴰⵥⵓⵕⵉ ⵜⴰⵟⵍⴰⵚⵉⵜ ⵉⴳⵍⵍⵉⵏ " ⵓⵖⵚⵉⵎ ⵄⵎⵓ ⵍⵢⴰⵣⵉⴷ" ⵎⴰⵢⴰⴷ ⵏ ⵓⵎⴷⵢⴰ ⴰⵏⴼⵍⵍⴰ ⵏⵏⵙ.

ⵉⵔⵏⴰ ⵢⵏⵏⴰ ⵎⴰⵙ ⵉⵙⴽⵔ ⵜⴷⴳⴳⵯⴰⵜⵉⵏ ⴷ ⵎⵏⵏⴰⵡ ⵏ ⵉⵎⵎⵓⵙⵙⵓⵏ ⴱⵕⵕⴰ ⵏ ⵍⵎⵖⵔⵉⴱ ⵣⵓⵏⴷ ⵜⴰⵎⴷⴷⵉⵜ ⵜⴰⵏⴰⵥⵓⵕⵜ ⵍⵍⵉ ⵢⵙⴽⵔ ⴳ ⴼⵕⴰⵏⵚ ⴳ ⵓⵙⴳⴳⵯⴰⵙ 1978 (ⴳ ⵜⵖⵔⵎⵉⵏ ⵓⵔⵍⵢⴰⵏ ⴷ ⴷⵔⵓⴽ ⴷ ⵍⵢⵓⵏ) ⴷ ⴱⵍⵊⵉⴽⴰ (ⴱⵔⵓⴽⵙⵉⵍ ⴷ ⴰⵏⴼⵉⵔⵙ" ⵓⵍⴰ ⴰⵍⵎⴰⵏⵢⴰ ⴳ ⵓⵙⴳⴳⴰⵙ 1982 ⴳ ⵜⵖⵔⵎⵉⵏ ⴷⵓⵙⵍⴷⵓⴼ ⴷ ⴰⵍⵣⴷⵔⵓⴼ".

ⵢⵓⵎⵣ ⵕⵡⵉⵛⴰ ⵏ ⵄⵉⵏ ⵍⵍⵓⵃ" ⴰⵏⵙⴰ ⵉⵣⵍⵉⵏ ⵙ ⵉⴳⵔ ⵏ ⵜⴰⵥⵓⵕⵉ ⵜⴰⵎⴰⵣⵉⵖⵜ ⴳ ⴰⵟⵟⵍⴰⵚ ⴰⵛⴽⵓ ⵜⵡⵓⵔⵉⵡⵉⵏ ⵏⵏⵙ ⵜⵙⵓⵍ ⵓⵔ ⵜⵎⵎⵓⵜ ⴳ ⵉⵅⴼ ⵏ ⵎⵏⵏⴰⵡ ⵏ ⵜⴰⵢⵔⵉⵏ ⵏ ⵜⴰⵥⵓⵕⵉ ⵜⴰⵎⴰⵖⵔⴰⵉⵜ ⵉⴼⵓⵍⴽⵉⵏ ⵎⴰⵢⴰⴷ ⵜⵙⴼⵓⴳⵍⵓ ⵏ ⵜⵓⴷⵔⵜ ⴷ ⵙⴰⵡⵍⵏ ⵅⴼ ⵉⵙⴳⵓⵎⵏ ⵏ ⵜⵙⵔⴰⴳⵜ ⴳ ⴰⴽⵓⴷ ⴰⴷ ⵏⵏⵉⵜ.

Dernière modification : 25 ⵏⵓⵡⴰⵏⴱⵉⵔ 2021
Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%94%E2%B5%A1%E2%B5%89%E2%B5%9B%E2%B4%B0-%E2%B5%8F-%E2%B5%84%E2%B5%89%E2%B5%8F-%E2%B5%8D%E2%B5%8D%E2%B5%93%E2%B5%83-%E2%B5%99%E2%B4%B3-%E2%B5%93%E2%B5%8F%E2%B5%8D%E2%B5%8E%E2%B4%B0%E2%B4%B7-%E2%B5%8F-%E2%B5%83%E2%B5%8E%E2%B5%8E%E2%B5%93-%E2%B5%93%E2%B5%8D%E2%B5%A2%E2%B4%B0%E2%B5%A3%E2%B5%89%E2%B4%B7-%E2%B4%B0%E2%B5%94-%E2%B5%89%E2%B5%8F%E2%B5%89%E2%B4%B3%E2%B5%8D-%E2%B5%8F-%E2%B5%89%E2%B5%A3%E2%B5%8D%E2%B5%89-%E2%B4%B0%E2%B5%8E%E2%B4%B0%E2%B5%A3%E2%B5%89%E2%B5%96-%E2%B5%8F-%E2%B5%8D%E2%B4%B0%E2%B5%9F%E2%B5%8D%E2%B4%B0%E2%B5%9A-%E2%B4%B0%E2%B5%8F%E2%B4%B0%E2%B5%8E%E2%B5%8E%E2%B4%B0%E2%B5%99