ⵉⴷⴷⴰⴷ ⵓⵙⴽⴽⵉⵔ ⵏ ⵜⵙⵔⵓⵙⵜ ⴰⴷ ⵏ ⵓⵙⵖⵓⵙ ⵏ ⵡⴰⵎⴰⵏ ⴳ ⵜⵙⴳⴰ ⵏ ⴷⴷⵡⵉⵔⴰ ⵏⵏⴰ ⵉⵡⴰⵍⴰⵏ ⵉ ⵜⴳⵔⴰⵡⵜ ⵏ ⵉⵏⵛⵛⴰⴷⵏ ⴳ ⵜⵙⴳⴰ ⵏ ⵡⴰⵛⵜⵓⴽⵏ ⴰⵢⵜ ⴱⴰⵀⴰ, ⵙ ⵓⵙⴷⴷⵉⴷ ⵏ ⵉⵡⵜⵜⴰⵙⵏ ⵏ ⵓⵙⵏⴼⴰⵔ ⴰⴷ ⴳ ⵜⵉⵣⵉ ⵏⵏⴰ ⵉⵍⵍⴰⵏ ⴳⵔ 2020 ⴷ 2027, ⵏⵏⴰ ⵎⵓ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⵙⵏⵜⵉ ⵏⵏⵙ ⴳ ⵓⵙⴳⴳⴰⵙ ⵏ 2020 ⴰⵙⵏⴼⴰⵕ ⴰⴷ ⵉⴳⴰ ⵓⵡⵜⵜⴰⵙ ⵏⵏⵙ ⵜⵉⴽⴽⵉ ⵏ ⵡⴰⵎⴰⵏ ⵏ ⵜⵉⵙⵙⵉ ⵉ ⵉⵎⵣⴷⴰⵖ ⴷ ⵓⴷⴼⴰⵕ ⵉⵣⴰⵢⴷⵏ ⵅⴼ ⵓⵙⵎⴰⴷ ⵏ ⵉⵙⵙⵓⵜⵔⵏ ⴳ ⵉⴳⵔ ⵏ ⵜⵏⴼⵔⵓⵜ ⵏ ⵡⴰⵎⴰⵏ ⴷ ⵡⴰⴱⴱⴰⵢ ⵏ ⵜⵓⵎⴰⵏⵜ ⵏ ⵉⵙⵏⴼⴰⵍ ⵏ ⵓⵏⵣⵡⵉ.
ⵉⴳⴰ ⵓⵙⵏⴼⴰⵕ ⴰⴷ ⵡⴰⵏⵏⴰ ⵉⴳⴰⵏ ⴰⵎⵇⵔⴰⵏ ⴳ ⵓⵙⵡⵉⵔ ⵏ ⵜⵎⵏⴰⴷⵜ ⵜⴰⵏⴰⵎⵎⴰⵙⵜ ⵜⴰⴼⵔⵉⵇⵉⵜ ⵙ ⵎⴰⴷ ⵉⵜⵜⴳⴳⴰⵏ 275 ⵏ ⵉⴼⴹ ⵏ ⵎⵉⵜⵔⵓ ⴰⵎⴽⴽⵓⵥ ⴳ ⵡⴰⵙⵙ, ⴳⵉⵙ ⵎⴰⴷ ⵉⵜⵜⴳⴳⴰⵏ 150 ⵉⴼⴷ ⵏ ⵎⵉⵜⵔⵓ ⴰⵎⴽⴽⵓⵥ ⴳ ⵡⴰⵙⵙ ⴳⴰⵏ ⵡⵉⵏ ⵡⴰⵎⴰⵏ ⵏ ⵜⵉⵙⵙⵉ, ⵉⵣⴹⴰⵔ ⴰⴷ ⵜⵜⵢⴰⴽⴽⴰ ⵍⴼⴰⵢⵜⵜ ⴰⵡⴷ ⵉ ⵎⴰⴷ ⵉⵜⵜⴳⴳⴰⵏ 600 ⵏ ⵉⴼⴹ ⵏ ⵉⵡⴷⴰⵏⴳ ⵎⴰⴷ ⵉⵣⵍⵉⵏ ⵙ ⵡⴰⵎⴰⵏ ⵏ ⵜⵉⵙⵙⵉ ⴳ ⵓⴳⴰⴷⵉⵔ ⴰⵎⵇⵔⴰⵏ, ⵉⵎⵙⴰⵙⴰ ⴷ ⵓⵙⴱⵓⵖⵍⵓ ⵏ ⵉⴳⵔ ⵏ ⵜⴷⴰⵎⵙⴰ ⵜⴰⴽⵔⵣⴰⵏⵜ ⴷ ⵉⵎⵓⴽⵔⵉⵙⵏ ⵣⴷⴻⵉⵏⵉⵏ ⴳ ⵜⵏⴳⴳⵯⴰⴼⵜ ⴳ ⵡⴰⵛⵜⵓⴽⵏ ⴰⵢⵜ ⴱⴰⵀⴰ.
ⵜⴰⵙⵔⵓⵙⵜ ⴰⴷ ⵏ ⵓⵙⵙⵖⵓⵙ ⵏ ⵡⴰⵎⴰⵏ ⵏ ⵢⵉⵍⵍ ⴰⴼⴰⴷ ⴰⴷ ⴳⵉⵏ ⵡⵉⵏ ⵜⵉⵙⵙⵉ ⵜⵙⵙⵎⵔⵙ ⴽⵔⴰ ⵏ ⵜⵉⵜⵉⵇⵏⵉⵢⵢⵉⵏ ⵜⵉⵜⵔⴰⵔⵉⵏ ⵏ ⵓⴼⴰⵔⵙ ⴷ ⵓⵣⵓⵣⵣⵔ ⵏ ⵡⴰⵎⴰⵏ ⴰⴷ , ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⵔⴰⴷ ⵜⴼⴽ ⴰⵎⴰⵏ ⵏ ⵜⵉⵙⵙⵉ ⵉ ⴽⵉⴳⴰⵏ ⵏ ⵓⵙⵓⵏⵏ ⵏⵏⴰ ⵉⵡⴰⵍⴰⵏ ⵉ ⵜⵖⵔⵎⵜ ⵏ ⵓⴳⴰⴷⵉⵔ ⵜⵣⵎⵔ ⴰⵡⴷ ⴰⴷ ⵜⴼⵔⴳ ⴰⵙⵜⴰⵍ ⴷ ⵓⵙⵡⵉⵔ ⵏ ⵡⴰⵎⴰⵏ ⴳ ⵉⴳⴳⵉ ⵏ ⵡⴰⴽⴰⵍ.