Published on MAPNews (https://www.mapnews.ma/am)

Accueil > ⴰⵙⵏⵜⵉ ⵏ ⵉⵙⵏⴼⴰⵕⵏ ⵏ ⵜⵏⴼⵍⵉⵜ ⴳ ⵜⵖⵔⵎⵜ ⵏ ⵛⵛⴰⵡⵏ

ⴰⵙⵏⵜⵉ ⵏ ⵉⵙⵏⴼⴰⵕⵏ ⵏ ⵜⵏⴼⵍⵉⵜ ⴳ ⵜⵖⵔⵎⵜ ⵏ ⵛⵛⴰⵡⵏ

18 ⴱⵕⴰⵢⵕ 2022 Version Imprimable
ⵕⵕⴱⴰⵟ - ⵉⴼⴽⴰ ⵎⴰⵙⵙ ⵎⵓⵃⵎⵎⴰⴷ ⵄⵍⵎⵉ ⵡⴷⴷⴰⵏ, ⵏⵏⴰ ⵉⴳⴰⵏ ⴰⵏⵙⵙⵉⵅⴼ ⵏ ⵜⵖⵉⵡⴰⵏⵜ ⵏ ⵛⵛⴰⵡⵏ ⵏⵜⵜⴰ ⴷ ⵎⴰⵙⵙ ⵎⵓⵏⵉⵔ ⵍⴱⵓⵙⴼⵉ, ⵏⵏⴰ ⵉⴳⴰⵏ ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵙⵏⵓⵔⴰⵢⵜ ⵏ ⵓⵙⴱⵓⵖⵍⵓ ⵏ ⵜⵏⴼⵍⵉⵜ ⴳ ⵜⵖⵔⵎⵜ ⵏ ⵛⵛⴰⵡⵏ, ⴷ ⵎⴰⵙⵙ ⵎⵓⵃⵎⵎⴰⴷ ⵙⵙⵓⴼⵢⴰⵏⵉ, ⵏⵏⴰ ⵉⴳⴰⵏ ⴰⵏⵙⵙⵉⵅⴼ ⵏ ⵜⴳⵔⴰⵡⵜ ⵏ ⵛⵛⴰⵡⵏ, ⴷ ⵎⴰⵙⵙ ⵍⵢⴰⵣⵉⴷ ⵟⵟⴰⵖⵉ, ⵏⵏⴰ ⵉⴳⴰⵏ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵙⴳⴰⵡⴰⵏ, ⴷ ⵜⴰⵢⵎⵓⵏⵜ ⵜⴰⵜⵉⵇⵏⵉⵜ,ⵣⵉⴽⵙⴱⴰⵃ ⵏ ⵡⴰⵙⵙ ⴰⴷ ⴰⵙⵉⵎⵡⴰⵙ ⴳ ⵓⵙⴰⵜⵉ ⵏ ⵓⵙⵏⵜⵉ ⵏ ⵉⵙⵏⴼⴰⵕⵏ ⵏ ⵉⵏⵙⴰⵜⵏ ⵏ ⵓⵣⵣⵏⵣ ⴷ ⵉⵙⴰⵢⵔⴰⵔⵏ.

ⵔⴰⴷ ⵉⵍⵉⵏ ⴽⵕⴰⴹ ⵉⵎⵏⴰⴷⵏ ⴳ ⵓⵙⵏⴼⴰⵕ ⴰⴷ ⵙ ⵎⴰⴷ ⵉⵜⵜⴰⵙⵉⵏ256 ⵏ ⵜⵀⵉⵔⵔⵉⵜ,ⴷ 26 ⵏ ⵡⴰⵏⵣⴰⵏ ⵜⵙⴱⴱⴰⴱⵜⴷ ⵙⵏⴰⵜ ⵜⵖⵍⵍⵓⵙⵉⵏ ⴷ ⵢⴰⵏ ⵓⵙⴰⵢⵔⴰⵔ ⵏⵏⴰⴳ ⵜⵍⵍⴰ ⵜⵓⴳⴰ ⴰⴼⴰⴷ ⴰⴷ ⴳⵉⵙ ⵜⵜⵓⵙⴽⴰⵔ ⵜⵓⵏⵏⵓⵏⵜ ⴳ ⵜⴰⵙⵏⴰ ⵏ 1500 ⵎⵉⵜⵔⵓ ⴷ ⵉⵙⴰⵢⵔⴰⵔⵏ ⵏ ⵜⴰⵣⵣⴰⵏⵉⵏ.

ⵉⴳⴰ ⵓⵙⵏⴼⴰⵔ ⴰⴷ ⵢⴰⵏ ⵓⵙⵏⴼⴰⵕ ⴰⵎⵇⵔⴰⵏ ⴳ ⵜⵖⵔⵎⵜ ⵏ ⵛⵛⴰⵡⵏ,ⵙ ⵓⵜⵓⵢ ⵏ ⵓⵙⴱⵓⵖⵍⵓ ⵏⵏⵙ ⴷ ⵜⵓⵙⴽⵉⵡⵉⵏ ⵜⵉⴷⵎⵙⴰⵏⵉⵏ ⴷ ⵜⵏⴰⵎⵓⵏⵉⵏ ⴷ ⵡⴰⵍⴰⵙ ⵏ ⵓⵙⴳⴳⴷ ⵏ ⵜⵓⵙⴽⵉⵡⵜ ⴰⴽⴽⵯ ⵏ ⵜⵖⵔⵎⵜ ⴰⴷ.

ⵜⴳⴰ ⵜⴷⵔⵉⵎⵜ ⵏ ⵓⵙⵏⴼⴰⵕ ⴰⴷ 36 ⵎⵍⵢⵓⵏ ⴷⵔⵀⵎ, ⵙ ⵜⴷⵔⴰⵡⵜ ⵏ ⵜⵙⵏⵓⵔⴰⵢⵜ ⵏ ⵓⵙⴱⵓⵖⵍⵓ ⵏ ⵜⵡⵡⵓⵔⵉ ⴷ ⵜⵏⴼⵍⵉⵜ ⵏ ⵉⵣⵣⵍⵎⴹ,ⴷ ⵜⴳⵔⴰⵡⵜ ⵏ ⵛⵛⴰⵡⵏ, ⴷ ⵓⵙⵇⵇⵉⵎ ⴰⵏⵎⵏⴰⴷ.

ⵔⴰⴷ ⵉⴽⴽ ⵓⵙⵏⴼⴰⵔ ⴰⴷ ⵎⴰⴷ ⵉⵜⵜⴳⴳⴰⵏ 18 ⵏ ⵡⴰⵢⵢⵓⵔ,ⵔⴰⴷ ⴳⵉⵙ ⵙⵡⵡⵓⵔⵉⵏ ⴽⵉⴳⴰⵏ ⵏ ⵉⵎⵙⵡⵡⵓⵔⵉⵏ ⴷ ⵉⵡⵡⵓⵔⴰⵏⵏ ⵎⴰ ⴰⵏⵏ ⴰⵔⴰⴷ ⵉⵙⵎⵓⵙⵙⵓ ⵜⴰⴷⵎⵙ ⵜⴰⴷⵖⵕⴰⵏⵜ ⴰⴼⴰⴷ ⴰⴷ ⵜⵜⴰⵡⵉ ⵜⵖⵔⵎⵜ ⴰⴷ ⵉⵥⵉⵍⵏ ⴽⵉⴳⴰⵏ ⵏ ⵉⵎⴰⵍⵍⴰⵢⵏ ⵙ ⵉⵏⵙⴰⵜⵏ ⴰⴷ ⵉⵀⵉⵢⵢⴰⵏ.

Dernière modification : 18 ⴱⵕⴰⵢⵕ 2022
Source URL: https://www.mapnews.ma/am/actualites/%E2%B4%B0%E2%B5%8F%E2%B5%8E%E2%B5%8F%E2%B4%B0%E2%B4%B9/%E2%B4%B0%E2%B5%99%E2%B5%8F%E2%B5%9C%E2%B5%89-%E2%B5%8F-%E2%B5%89%E2%B5%99%E2%B5%8F%E2%B4%BC%E2%B4%B0%E2%B5%95%E2%B5%8F-%E2%B5%8F-%E2%B5%9C%E2%B5%8F%E2%B4%BC%E2%B5%8D%E2%B5%89%E2%B5%9C-%E2%B4%B3-%E2%B5%9C%E2%B5%96%E2%B5%94%E2%B5%8E%E2%B5%9C-%E2%B5%8F-%E2%B5%9B%E2%B5%9B%E2%B4%B0%E2%B5%A1%E2%B5%8F