ⵉⵏⵏⴰ ⵎⴰⵙⵙ ⵍⵍⵄⴱⵉ ⴳ ⵎⴰⴷ ⵉⵥⵍⵉⵏ ⵙ ⵜⴰⵣⵡⴰⵔⵜ ⵏ ⵜⴰⵏⵟⵓⵍⵓⵊⵉⵢⵢⵜ ⴰⴷ, ⵎⴰⵙⴷ ⵉⵎⴷⵢⴰⵣⵏ ⵏⵏⴰ ⵙⵙⵍⴽⴰⵎⵏⵉⵏ ⵉⵎⵙⵍⵉ ⵏⵏⵙⵏ ⴳ ⵉⴳⵔ ⴰⴷ ⵓⵣⵣⵔⵏ ⴰⴽⴽⵯ ⴳ ⵜⵙⴳⴳⵉⵡⵉⵏ ⴽⴽⵓⵙⵟ ⵏ ⵓⵎⴰⴹⴰⵍ, ⵎⵓⵏⵏ ⴰⴽⴽⵯ ⴳ ⵜⵙⴳⴰ ⵏ ⵖⴰⵣⵣⴰ ⴷ ⵍⵇⵓⴷⵙ.
ⵉⵣⴰⵢⴷ ⵎⴰⵙⵙ ⴰⵎⴷⵢⴰⵣ ⵍⵍⵄⴱⵉ ⴳ ⵓⵎⵔⴰⵔⴰ ⵏ ⵡⴰⵡⴰⵍ ⵅⴼ ⵉⵎⴷⵢⴰⵣⵏ ⴰⴷ, ⵏⵏⴰ ⵉⴽⴽⴰⵜⵏ ⵜⴰⴽⵔⵔⴰⵢⵜ ⴳ ⵓⴳⵏⵙ ⵏ ⵉⵙⵕⴰⵢⵉⵍ,ⵏⵏⴰ ⵉⵎⵓⵏⵏ ⴳ ⴽⵔⴰ ⵏ ⵉⴳⵔⴰⵡⵏ ⴷ ⵜⵓⵣⴷⵖⵉⵏ ⵎⵢⴰⴷⴰⵙⵏⵉⵏ ⴳ ⵜⵎⵉⵣⴰⵔ ⵏⵏⴰ ⵢⴰⵣⴹⵏ, ⵣⵓⵏⴷ ⵍⵓⵕⴹⵓⵏ, ⴷ ⵍⵓⴱⵏⴰⵏ, ⴷ ⵙⵓⵔⵢⴰ.
ⴰⴷⴷⴰⴷ ⴰⴷ ⴰⴷ ⵉⴳⴰⵏ ⵉⵙⵔⴰⴳⵏ, ⵙⴳ ⴰⵢⵏⵏⴰ ⵙ ⵉⵏⵏⴰ ⵎⴰⵙⵙ ⵍⵍⵄⴱⵉ ⴷⴼⴼⵉⵔ ⵏ ⵓⵣⵓⵣⵣⵔ ⵏ ⵜⴰⵏⵜⵓⵍⵓⵊⵉⵜ ⴰⴷ ⵏⵏⴰ ⵉⵣⴷⵉⵏ ⴷ ⵜⵎⴷⵢⴰⵣⵜ,ⵙⵍⴰⵡⴰⵏ ⴰⴽⴽⵯ ⵎⴰⵙ ⵜⵥⵍⵉ ⵙ ⵜⵉⵕⵥⵉ ⵏ ⵉⴼⵙⵜⵉ ⴰⴷ, ⴰⴼⴰⴷ ⴰⴷ ⵓⵔ ⵜⵏⵖⵓⴱⵓ ⵜⵎⴷⵢⴰⵣⵜ ⴰⴷ.
ⴳ ⵎⴰⴷ ⵉⵥⵍⵉⵏ ⵙ ⵜⴰⵣⵡⴰⵔⵜ ⵏⵏⵙ, ⵉⵏⵏⴰ ⵎⴰⵙⵙ ⵍⵍⵄⴱⵉ ⵎⴰⵙ ⵔⴰⴷ ⵉⵣⵣⴼ ⵉⵙⵎⴰⵜⵜⵉ ⵜⵓⴼⴼⵔⴰ ⵏⵏⴰ ⵉⵍⵍⴰⵏ ⴼ ⵜⵎⴷⵢⴰⵣⵜ ⴰⴷ, ⴰⴼⴰⴷ ⴰⴷ ⵣⵣⵉⴹⵕⵏ ⵉⵎⴷⵢⴰⵣⵏ ⵉⵜⵔⴰⵔⵏ ⴰⴼⴰⴷ ⴰⴷ ⵣⵓⵣⵣⵓⵔⵏ ⵜⵉⵎⴷⵢⴰⵣⵉⵏ ⵏⵏⵙⵏ ⵉ ⵜⴰⵙⵓⵜⵉⵏ ⴷ ⵉⴷⴷⴰⵏ.
ⵎⴽⵍⵍⵉ ⵉⴳⴰ ⵓⵡⵜⵜⴰⵙ ⵏ ⵜⴰⵏⵟⵓⵍⵓⵊⵉⵢⵢⵜ ⴰⴷ ⴰⴷ ⵜⵙⵙⵖⵥⵏ ⵜⴰⵡⵡⵓⵔⵉ ⵉⵣⴷⴷⵉⴳⵏ ⵏⵏⴰ ⵙⴽⴰⵔⵏ ⵉⵎⴷⵢⴰⵣⵏ ⴳ ⵓⵣⵎⵣ ⵏ ⵜⴰⵙⵙⴰⵙⵉⵏ ⵏⵏⴰ ⵜⵜⵉⴷⵉⵔⵏ ⴳ ⵓⵎⵣⵔⵓⵢ ⵏⵏⵙⵏ.