ⵉⵏⵏⴰ ⵓⵙⵉⵡⴹ ⵏ ⵓⵎⴰⵡⵙⴰⵙ ⵏ ⵓⴳⵏⵙ ⵅⴼ ⵜⵖⴰⵡⵙⴰ ⵏ ⵓⵙⵜⴰⵢ ⴷ ⵡⴰⴷⴰⴼ ⵏ ⵉⵙⵔⴷⴰⵙ ⵙ ⵉⵎⵉⵔ ⵏ ⵓⵙⴳⴳⵯⴰⵙ ⵏ 2022 ⵎⴰⵙⴷ ⴰⵎⴰⵡⵙⴰⵙ ⵏ ⵓⴳⵏⵙ ⴰⵔ ⵉⵜⵜⵉⵏⵉ ⵉ ⵉⵄⵔⵔⵉⵎⵏ ⵏⵏⴰ ⵎⵓ ⵉⵜⵜⵓⵖⵔⴰ ⴰⴷ ⵣⵣⵔⵉⵏ ⴰⵙⵎⵓⵜⵜⴳ ⵏ ⵜⵙⵔⴷⴰⵙⵜ ,ⴰⴼⴰⴷ ⴰⴷ ⵣⵎⵎⵉⵎⵏ ⵉⵅⴼⴰⵡⵏ ⵏⵏⵙⵏ ⴳ ⵡⴰⵎⵎⴰⵙⵏ ⴷ ⵡⴰⴽⵓⴷ ⵏⵏⴰ ⵉⵜⵜⵓⵙⵔⴰⵏ ⵉ ⵜⵏⴰⴼⵓⵜ ⴷⴷⵖ, ⴰⴼⴰⴷ ⴰⴷ ⵣⵣⵔⵉⵏ ⵢⴰⵏ ⵉⵔⵉⵎ ⵉⵥⵍⵉⵏ ⵙ ⵜⵎⵣⵉⵣⵣⵍⵜ ⴷⴷⵖ ⵏ ⵜⵙⵔⴷⴰⵙⵜ .
ⴳ ⵓⵏⵎⴰⵍⴰ ⴷⴷⵖ, ⵉⵇⵇⴰⵏⴷ ⵅⴼ ⵉⵄⵔⵔⵉⵎⵏ ⵏⵏⴰ ⵉⵙⵜⴰⵡⵀⵎⵎⴰⵏ ⵙ ⵎⴰ ⴰⴷ ⴰⴷ ⵎⵎⴰⵜⵜⵉⵏ ⵙ ⵡⴰⵎⵎⴰⵙⵏ ⴷ ⵡⴰⴷⴰⴼ ⴰⵡⵉⵏ ⴷⵉⵙⵏ ⵜⵉⴽⴰⵕⴹⵉⵡⵉⵏ ⵏⵏⵙⵏ ⵜⵉⵏⴰⵎⵓⵔⵉⵏ ⴷ ⵜⵏⴼⵓⵍⵜ ⵏ ⵜⵍⴰⵍⵉⵜ ⴷ ⵜⵓⴳⴳⴰ ⵜⴰⵏⵎⵍⴰⵏⵜ ⴷ ⵜⵓⵔⴰⴳⵜ ⵉⵖ ⴷⴰⵔⵙⵏ ⵜⵍⵍⴰ ⴷ ⵉⵀⴷⵓⵎⵏ ⵙⵔⵙⵏ ⵉⵥⵍⵉⵏ .
ⴳ ⵜⵙⴳⴰ ⵢⴰⴹⵏ ,ⵉⵏⵏⴰ ⵓⵎⴰⵡⵙⴰⵙ ⵏ ⵓⴳⵏⵙ ⵎⴰⵙ ⴷ ⴰⵙⵙⴰⵢ ⵙ ⵡⴰⵎⵎⴰⵙⵏ ⵙⴳ ⴷⴰⵔ ⵉⵄⵔⵔⵉⵎⵏ ⵔⴰⴷ ⵉⴳ ⴱⵍⴰ ⴰⴼⵔⵔⵓ ⵅⴼ ⵡⴰⵙⵙⴰⵢⵏ ⵉⵏⴰⵎⵓⵔⵏ ⵙ ⵓⵙⵎⵔⵙ ⵏ ⵜⴰⵏⴼⵓⵍⵜ ⵏ ⵜⵏⴰⴼⵓⵜ ⴰⴷ ⵏⵏⴰ ⵉⵎⵓⵏⵏ ⴷ ⵜⵏⴼⵓⵍⵉⵏ ⵏ ⵓⵣⵎⵎⵉⵎ .
ⴳ ⵎⴰⴷ ⵉⵥⵍⵉⵏ ⵙ ⵜⵓⵎⵍⴰⵢⵉⵏ ⵏⵏⴰ ⴷⴰⵔ ⵜⴰⵣⴷⴰⵢⵜ ⴷ ⵡⴰⵙⵙⴰⵢⵏ ⴷ ⵡⴰⵎⵎⴰⵙ ⵏⵏⴰ ⴳ ⵔⴰⴷ ⵉⵍⵉⵏ , ⵉⵣⴹⴰµⵕ ⴰⴷ ⵜⵏ ⵉⵏⵏ ⴰⴼⵉⵏ ⵉⵄⵔⵔⵉⵎⵏ ⴳ ⵡⴰⵏⵙⴰ ⵢⴰⴷ ⴰⵍⵉⴽⵜⵕⵓⵏⵉ : www.tajnid.ma ⵏⵖⴷ ⴰⴷ ⵏⵢⴰⵍⴽⴰⵎⵏ ⴷ ⵉⵎⵙⵜⴳⴳⴰⵔⵏ ⵏⵏⴰ ⴰⵙⵏ ⵢⴰⵣⴹⵏ ⵉ ⵡⴰⵏⵙⴰ ⵏ ⵜⵓⵣⴷⵖⵜ ⵏⵏⵙⵏ .
ⴳ ⵜⴳⵉⵔⴰ, ⵉⵏⵏⴰ ⵓⵙⵉⵡⴹ ⵎⴰⵙⴷ ⵉⵇⵇⴰⵏ ⵡⵉⵏⵏⴰ ⵜⵜⵓⵙⵜⴰⵢⵏⵉⵏ ⴳ ⵉⵙⵔⴷⴰⵙⵏ ⴰⴷ ⴷⴰⵔⵙⵏ ⵉⵍⵉⵏⵜ ⵜⵣⵎⵎⴰⵔ ⴷⵓⵙⵏⵉⵏ, ⴷ ⵔⴰⴷ ⴷⴷⵓⵏ ⵙ ⵡⴰⵎⵎⴰⵙⵏ ⵙ ⵜⵖⴰⵔⴰⵙⵜ ⵜⵓⵙⵔⵉⴷⵜ ⴰⴼⴰⴷ ⴰⴷ ⵣⵣⵔⵉⵏ ⴰⵙⵎⵓⵜⴳ ⵏⵏⵙⵏ .