ⵉⵏⵏⴰ ⵓⵙⵉⵡⴹ ⵏ ⵜⵙⵎⵉⵔⵉⵜ ⵜⴰⵎⴰⵜⴰⵢⵜ ⵏ ⵉⵙⵔⴷⴰⵙ ⵉⴳⵍⴷⴰⵏⵏ, ⵎⴰⵙⴷ ⵉⵏⵙⵙⵉⵅⴼ ⵙⵙⵉⵖⵥⵉⵏⵏ ⴰⵎⵢⴰⵡⴰⵙ ⴰⵙⵔⴷⴰⵙ ⴳ ⵉⴳⵔ ⵏ ⵓⵏⵣⴰⵖ ⴰⵏⴰⵎⵓⵔ ⴷ ⵓⵙⴷⵓⵙ ⵏ ⵉⵙⵏⴼⴰⵍ ⵏ ⵜⵣⵎⵎⴰⵔ ⴳⵔ ⵉⵙⵔⴷⴰⵙ ⴳⵔ ⵜⵎⵉⵣⴰⵔ ⴷⴷⵅ ⵙ ⵙⵏⴰⵜ ⵉ ⵜⵏⴰⴼⵓⵜ ⵏ ⵓⵏⵣⴰⵖ ⴰⵙⵔⴷⴰⵙ.
ⵙⵙⵎⵖⵔⵏ ⵉⵎⵙⵜⴳⴳⴰⵔⵏ ⵙ ⵙⵉⵏ ⵙ ⵜⵣⵎⵎⴰⵔ ⵏ ⵍⵎⵖⵔⵉⴱ ⴷ ⵎⵓⵕⵉⵟⴰⵏⵢⴰ ⴳ ⵓⵙⴰⵜⵉ ⵏ ⵓⵙⵏⴼⵍ ⵏ ⵓⵎⵢⴰⵡⴰⵙ ⴰⵏⵎⵏⴰⴹⴳ ⵓⵜⵡⴰⵏ ⵏ ⵢⵉⵍⵍ ⴰⵎⵍⵍⴰⵍ ⴰⵏⴰⵎⵎⴰⵙ ⴳ ⵓⵙⴰⵜⵉ ⵏ ⵜⵙⵏⵜⴰⵢⵜ 5+5 ⵏ ⵓⵏⵣⴰⵖ, ⵙ ⵜⵎⵍⴷⴰ ⵏ ⵜⵎⵙⵜⴳⴳⴰⵔⵜ ⵏ ⵎⵓⵕⵉⵟⴰⵏⵢⴰ ⵏ ⵓⵙⴳⴳⵯⴰⵙ ⵏ 2021 ⴷ ⵜⵏⵙⵙⵉⵅⴼⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⵙⴳⴳⵯⴰⵙ ⵏ 2022 .
ⴳ ⵡⴰⵙⵙ ⴰⵏⵏ ⵏⵉⵜ, ⵙ ⵜⵓⵎⵍⴰⵢⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴰⴷ ⵡⵉⵙⵙ ⵙⴷⵉⵙ ⴰⵏⵙⵙⵉⵅⴼ ⵏ ⵉⵙⵔⴷⴰⵙ ⵉⴳⵍⴷⴰⵏⵏ ⵉⵙⵏⵓⴱⴳ ⵓⵊⵉⵏⵉⵕⴰⵍ ⴷⵓⴳⵓⵔⴹⴰⵕⵎⵉ ⴰⵎⴳⴳⵉⵡⵙ ⴰⵎⴰⵜⴰⵢ ⵏ ⵜⴷⵓⵙⵉ ⵏ ⵉⵙⵔⴷⴰⵙⵏ ⵉⴳⵍⴷⴰⵏⵏ ⴰⵎⵙⵜⴳⴳⴰⵔ ⵏ ⵜⵎⵏⴰⴷⵜ ⵏ ⵉⴼⴼⵓⵙ ⴳ ⵡⴰⵏⵙⴰ ⵏ ⵜⵎⴰⵜⴰⵢⵜ ⵏ ⵉⵙⵔⴷⴰⵙ ⵉⴳⵍⴷⴰⵏⵏ ⴳ ⵕⵕⴱⴰⵟ, ⴰⵊⵉⵏⵉⵕⴰⵍⴷⵓ ⴷⵉⴼⵉⵣⵢⵓⵏ ⵎⴰⵙⵙ ⵍⵎⵅⵜⴰⵔ ⴱⵓⵍ ⵛⵄⴱⴰⵏ .
ⴳ ⵓⵏⵎⵓⵇⵇⴰⵔ ⴰⴷ, ⵏⵏⴰ ⵉⵜⵜⵓⴳⴰⵏ ⵙ ⵜⵡⵉⵙⵉ ⵏ ⵉⵏⵙⵙⵉⵅⴼⵏ ⵏ ⵉⵙⵉⵔⴰⵜⵏ ⴳ ⵜⵎⵀⵍⵉⵡⵉⵏ ⵏ ⵜⵏⴼⵍⵓⵙⵜ ⵜⴰⵎⴰⵜⴰⵢⵜ ⵏ ⵉⵙⵔⴷⴰⵙ ⵏ ⵍⵎⵖⵔⵉⴱ ⴷ ⵉⴳⵎⴰⵎⵏ ⵏ ⵓⴷⵡⴰⵍ ⵏ ⵎⵓⵕⵉⵟⴰⵏⵢⴰ, ⵉⵜⵜⵓⵎⵔⴰⵔⴰ ⵡⴰⵡⴰⵍ ⴼ ⵜⵣⴷⴰⵢⵉⵏ ⴷ ⵜⵉⴷⴷⵓⴽⴽⵍⴰ ⵜⵉⵙⵔⴷⴰⵙⵉⵏ ⴳⵔ ⵍⵎⵖⵔⵉⴱ ⴷ ⵜⵎⴰⵣⵉⵔⵜ ⵏ ⵎⵓⵕⵉⵟⴰⵏⵢⴰ .
ⴳ ⵜⵙⴳⴰ ⵢⴰⴹⵏ, ⵉⴼⴼⴰⵖ ⵓⴳⵔⴰⵡ ⵙ ⵓⵙⴽⴽⵉⵔ ⵏ ⵢⴰⵏ ⵓⵏⵎⴰⵍⴰ ⵏ ⵓⵎⵢⴰⵡⴰⵙ ⴳⵔ ⵎⵓⵕⵉⵟⴰⵏⵢⴰ ⴷ ⵍⵎⵖⵔⵉⴱ,ⵏ ⵉⵎⵉⵔ ⵏ 2021 ⴷ ⵉⵎⵓⵙⵙⵓⵜⵏ ⵉⵙⵔⴷⴰⵙⵏ ⵏ ⵉⵙⴳⴳⵯⴰⵙⵏ 2022/2023, ⴳ ⵎⴰⴷ ⵉⵥⵍⵉⵏ ⵙ ⵉⴳⵔ ⵏ ⵓⵙⵎⵓⵜⵜⴳ ⴷ ⵡⴰⵏⵏⴰⵍ ⴰⵜⵉⵇⵏⵉ ⴷ ⵉⵔⵣⴰⴼⵏ ⵉⵥⵍⵉⵏ ⵙ ⵜⵣⵎⵎⴰⵔ ⵜⵉⵙⵔⴷⴰⵙⵉⵏ .