ⵉⵏⵏⴰ ⵓⵙⵉⵡⴹ ⵏ ⵉⵎⵙⵏⵎⴰⵍⴰⵜⵏ, ⵎⴰⵙⴷ ⵜⴰⵙⵙⵓⵜⵍⵜ ⴷⴷⵅ ⵏⵏⴰ ⴷ ⵉⴷⴷⴰⵏ ⴷⴼⴼⵉⵔ ⵏ ⵙⵉⵏ ⵉⵙⴳⴳⵯⴰⵙⵏ ⵏ ⵡⴰⴱⴱⴰⵢ ⵙ ⵓⵙⵔⴰⴳ ⵏ ⴽⵓⴼⵉⴷ 19, ⵜⴻⵜⵜⵓⵙⵜⴰⵢ ⴰⵙ ⵜⵎⴰⵜⴰⵔⵜ ⵏ - ⴰⵢⵢⵉⵙ ⵢⴰⵏ ⵓⴼⵕⴹⵉⵚ ⵏ ⵜⵏⴼⵍⵉⵜ ⵜⴰⴷⵖⵔⴰⵏⵜ- ⵍⵍⵉⵖ ⵉⵣⴷⵉ ⵡⴰⵢⵢⵉⵙ ⴷ ⵜⵓⴷⵔⵜ ⵜⴰⴽⵓⵢⴰⵙⵜ ⵏ ⵉⵎⵖⵔⵉⴱⵉⵏ ⴳ ⵜⵙⴳⴳⵉⵡⵉⵏ ⴰⴽⴽⵯ ⵏ ⵡⴰⵎⵓⵏ ⴰⵎⵖⵔⵉⴱⵉ , ⵙ ⵓⵙⵎⵔⵙ ⵏⵏⵙ ⴳ ⵜⴼⵓⴳⵍⵉⵡⵉⵏ ⵏ ⵜⵡⵊⵉⵡⵉⵏ ⴷ ⵜⴼⵓⴳⵍⵉⵡⵉⵏ ⵜⵉⵏⴰⵎⵓⵔⵉⵏ, ⴷ ⵓⵙⴼⵓⴳⵍⵓ ⵙ ⵜⵏⴳⵉⵔⴰ ⵏ ⵉⵎⵉⵔ ⴰⴽⵔⵣⴰⵏ, ⴰⵢⵢⵉⵙ ⴷⴰⵔⵙ ⴰⵜⵉⴳ ⵢⴰⵜⵜⵓⵢⵏ ⴷⴰⵔ ⵉⵎⵖⵔⵉⴱⵉⵏ ⴰⴽⴽⵯ .
ⴳ ⵜⵙⴳⴰ ⵢⴰⴹⵏ, ⵉⵏⵏⴰ ⵓⵙⴰⴳⵯⵎ ⴰⴷ ⵏⵉⵜ ⵏⵏⴰ ⵉⴳⴰⵏ ⴰⵙⵉⵡⴹ, ⵎⴰⵙⴷ ⵜⵉⵍⴰⵍ ⵏ ⵡⴰⵢⵢⵉⵙ ⴳ ⵉⴳⵔ ⴰⴽⵔⵣⴰⵏ ⵜⴷⵓⵙ ⵛⵉⴳⴰⵏ , ⵜⵣⴷⵉ ⴷ ⵜⵏⴼⵍⵉⵜ ⵜⴰⵏⴰⵎⵓⵏⵜ ⴷ ⵜⴷⵎⵙⴰⵏⵜ, ⵔⴰⴷ ⵜⵜⵓⵙⵎⴰⵍⵏ ⵉⴳⵔⴰⵏ ⴷⴷⵅ ⴳ ⵓⴼⵙⴰⵔ ⴰⴷ ⵏ ⵡⴰⵢⵢⵉⵙ ⵏⵏⴰ ⵉⴳⴰⵏ ⵢⴰⵜ ⵜⵎⵢⵓⵔⵜ ⵜⴰⵙⴳⴳⵯⴰⵙⴰⵏⵜ
ⵉⵜⵜⵓⵙⵔⴰⵙ ⵢⴰⵏ ⵡⴰⵀⵉⵍ ⵉⴱⵓⵖⵍⴰⵏ ⴳ ⵎⴰⴷ ⵉⵥⵍⵉⵏ ⵙ ⵉⵎⵓⵙⵓⵜⵏ ⵏⵏⴰ ⵔⴰⴷ ⵉⵜⵜⵓⴳ ⵣⵓⵏⴷ ⴰⵎⵃⵉⵣⵡⴰⵔ ⵏ ⵜⵜⴱⵓⵕⵉⴹⴰ ⵏⵖⴷ ⵜⴰⵖⵣⵓⵜ ⵏⵏⴰⵖ ⵔⴰⴷ ⴰⵡⵙⵏⵜ ⴽⵉⴳⴰⵏ ⵏ ⵜⵔⵓⴱⴱⴰ ⵍⴰⵏⵉⵏ ⴰⵜⵉⴳ ⵢⴰⵜⵜⵓⵢⵏ, ⴷ ⵔⴰⴷ ⵜⵜⵓⴼⴽⴰ ⴰⵡⴷ ⵜⵙⵎⵖⵓⵔⵜ ⵏ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵚ .
ⵉⵏⵏⴰ ⵓⵙⵉⵡⴹ ⵎⴰⵙⴷ ⴰⵖⴰⵡⴰⵙ ⵜⵍⵍⴰ ⴳⵉⵙ ⴰⵡⴷ ⵜⴰⵙⵎⵖⵓⵔⵜ ⵜⴰⵎⵇⵔⴰⵏⵜ ⵏ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵚ ⵏ ⵓⵏⴹⴰⵡ ⵅⴼ ⵉⴼⵔⴰⴳⵏ ⵏⵏⴰ ⵉⴳⴰⵏ ⵜⴰⴼⵔⴽⵜ ⵜⴰⵎⴳⴳⴰⵔⵓⵜ ⵏ ⵜⴱⵔⵣⴰ ⵜⴰⴳⵍⴷⴰⵏⵜ ⵜⴰⵎⵖⵔⵉⴱⵉⵜ .
ⵉⵔⵏⴰ ⵓⵙⵉⵡⴹ ⵉⵏⵏⴰ, ⵎⴰⵙ ⵔⴰⴷ ⵢⵉⵍⵉ ⵓⵙⵖⵉⵡⵙ ⵏ ⴽⵉⴳⴰⵏ ⵏ ⵉⵎⵃⵉⵣⵡⴰⵔⵏ ⵉⵏⴰⵎⵓⵔⵏ ⵉⵎⴰⴹⵍⴰⵏⵏ ⵙⴳ ⴳⵉⵙⵏ :
ⵜⴰⵎⵏⵢⵓⴳⴰⵔ ⵜⴰⵎⴰⴹⵍⴰⵏⵜ ⵏ ⵡⴰⵏⴰⵡ -ⴰ- ⵏ ⵓⴼⵓⵍⴽⵉ ⵏ ⵢⵉⵙⴰⵏ ⵉⴷⵙⵍⴰⵏⵏ ,ⴷ ⵜⵇⴱⴱⵓⵛⵜ ⵏ ⵉⵎⵙⵙⴳⵎⴰⵏ ⵉⵎⵖⵔⵉⴱⵉⵏ ⵏ ⵓⴼⵓⵍⴽⵉ ⵏ ⵉⵙⴰⵏ ⵉⴷⵙⵍⴰⵏ , ⴷ ⵜⵇⴱⴱⵓⵛⵜ ⵏ ⵢⵉⵙⴰⵏ ⵉⵎⴰⵣⵉⵖⵏ ⴷ ⵜⵇⴱⴱⵓⵛⵜ ⵏ ⵉⵎⵔⵏⵓⵜⵏ ⵏ ⵉⵙⴰⵏ ⴰⵄⵕⴰⴱⵏ ⵉⵎⴰⵣⵉⵖⵏ, ⴷ ⵓⵔⴰⵔⵏ ⵏ ⵜⵏⴰⴽⴰ ⵏ ⵉⵎⵥⵢⴰⵏⵏ, ⴷ ⵜⵎⵏⵓⴳⴰⵔⵉⵏ ⵜⵉⵎⴰⴹⵍⴰⵏⵉⵏ ⵏ ⵓⵏⴹⴰⵡ ⵅⴼ ⵉⴼⵔⴰⴳⵏ ⵙⴳ ⵡⴰⵏⴰⵡ ⵏ ⵢⴰⵏ ⵉⵜⵔⵉ ⴷ ⴽⴽⵓⵥ ⵉⵜⵔⴰⵏ ⴳ ⵓⵙⴰⵜⵉ ⵏ ⵜⴱⵔⵣⴰ ⵜⴰⴳⵍⴷⴰⵏⵜ ⵜⴰⵎⵖⵔⴰⴱⵉⵜ .
ⵉⵎⵃⵉⵣⵡⴰⵔⵏ ⴷⴷⵅ ⴷ ⵉⵙⴼⵙⴰⵔ ⴷⴷⵅ ⵏⵏⴰ ⵎⵓ ⵢⴰⵜⵜⵓⵢ ⵓⵙⵡⵉⵔ, ⵔⴰⴷ ⵉⵙⵙⵏ ⵓⵙⴼⵙⵔ ⵏ ⵡⴰⵢⵢⵉⵙ ⴰⵙⵏⵎⴰⵍⴰ ⵏ ⴽⵉⴳⴰⵏ ⵏ ⵉⵎⵓⵙⵙⵓⵜⵏ ⵏ ⵜⵥⵓⵕⵉ ⴷ ⵜⵓⵏⵏⵓⵏⵜ ⴷ ⵢⴰⵏ ⵓⵖⴰⵡⴰⵙ ⵉⵙⵎⴷⵏ ⴰⴼⴰⴷ ⴰⴷ ⵉⵙⵙⴱⵖⵙ ⵜⴰⵣⵣⵓⵍⵉⵏ ⵜⵓⵙⵙⵏⵉⵡⵉⵏ ⵏⵏⴰ ⵉⵣⴷⵉⵏ ⴷ ⵓⵎⴰⴹⴰⵍ ⵏ ⵡⴰⵢⵢⵉⵙ .