ⴳ ⵉⴳⵔ ⴰⴷ, ⵉⵏⵏⴰ ⵓⵎⴰⵡⵙⴰⵙ ⴰⵎⵙⵜⴳⴳⴰⵔ ⵙ ⵜⵣⴷⴰⵢⵉⵏ ⴷ ⵓⴱⵕⵍⴰⵎⴰⵏ, ⴰⵎⵙⴰⵡⴰⵍ ⴰⵎⴰⴷⴷⵓⴷ ⵏ ⵜⵏⴱⴰⴹⵜ, ⵎⴰⵙⵙ ⵎⵚⵟⴰⴼⴰ ⴱⴰⵢⵜⵜⴰⵙ , ⴳ ⵜⴳⵓⵔⵉ ⵏⵏⵙ ⵙ ⵉⵙⵎ ⵏ ⵜⵎⴰⵡⵙⴰⵙⵜ ⵏ ⵜⴷⵎⵙⴰ ⴷ ⵜⴷⵔⵉⵎⵜ ⵎⴰⵙⵙⴰ ⵏⴰⴷⵢⴰ ⴼⵜⵜⴰⵃ, ⵎⴰⵙⴷ ⴰⵙⵙⵓⴼⵖ ⵏ ⵓⵙⵏⴼⴰⵕ ⵏ ⵓⵙⵍⴳⵏ ⴷ ⵜⵙⵜⵕⴰⵜⵉⵊⵉⵜ ⵉⵣⴷⵉⵏ ⴷ ⵉⴳⵔ ⵏ ⵜⴷⵔⵉⵎⵜ ⴳ ⵜⴳⵍⴷⵉⵜ ⵎⴰⵙ ⵉⵍⵍⴰ ⵢⴰⵏ ⵓⵃⵟⵟⵓ ⵏ ⵜⴷⵔⵉⵎⵜ ⵉⵙⵓⵍⵏ ⴳ ⵉⴳⵔ ⵏ ⵜⴷⵎⵙⴰ ⵙ ⵓⵎⴰⵜⴰ, ⴷ ⵉⴳⵔ ⵏ ⵜⵓⵙⴽⵉⵡⵉⵏ ⴷ ⵜⴳⵔⴰⵡⵉⵏ ⵜⵉⵔⴰⴽⴰⵍⵉⵏ .
ⵉⵣⴰⵢⴷ ⵎⴰⵙⵙ ⴱⴰⵢⵜⵜⴰⵙ ⵉⵏⵏⴰ ⵎⴰⵙⴷ ⴰⵙⵏⴼⴰⵔ ⵏ ⵓⵙⵍⴳⵏ ⴰⴷ ⵔⴰⴷ ⵉⵙⴷⴷⵉⴷ ⵉⵙⵙⵓⵜⵓⵔⵏ ⵏⵏⴰ ⵉⵍⵍⴰⵏ ⵏⵏⴰ ⵉⵣⴷⵉⵏ ⴷ ⵉⵎⴰⵙⵙⵏ ⴷ ⵜⵎⴰⵎⴽⵉⵏ ⵏ ⵓⵙⴷⵔⵉⵎ, ⵎⴽⵍⵍⵉ ⵔⴰⴷ ⵉⴼⴽ ⵉ ⵜⵎⵔⵙⴰⵍ ⵏ ⵓⵙⵙⵓⴼⵖ ⵏ ⵉⴼⴰⵔⵙⵏ ⵙ ⴱⵕⵕⴰ ⴽⵉⴳⴰⵏ ⵏ ⵜⵖⴰⵡⵙⵉⵡⵉⵏ ⵏⵏⴰ ⵔⴰⴷ ⴰⵙⵏⵜ ⵢⴰⵡⵙ, ⵙⵍⴰⵡⴰⵏ ⴰⴽⴽⵯ ⴰⵣⵓⵣⵣⵔ ⵏ ⵜⵎⴰⵎⴽⵉⵏ ⵏ ⵓⵙⴼⵍⵙ ⴷ ⵓⵎⵢⴰⵏⴰⵡ ⵏ ⵜⵓⵥⵍⴰⵢⵉⵏ ⴷ ⵉⵎⵓⵙⵙⵓⵜⵏ ⵏⵏⵙⵏⵜ .
ⵉⵏⵏⴰ ⴷⴰⵖ ⵎⴰⵙⴷ ⵉⵕⵟⵟⴰⵍⵏ ⵏ ⵜⵏⴼⵔⵓⵜ ⴳⴰⵏ ⵢⴰⵜ ⵜⵎⴰⵎⴽⵜ ⵏⵏⴰ ⵉⵍⴰⵏ ⵢⴰⵏ ⵓⵏⵎⴰⵍⵍⵓ ⵉⵣⵍⵉⵏ ⵏⵏⴰⴷ ⵉⴼⴼⴰⵖⵏ ⵙⴳ ⵜⵎⵔⵙⴰⵍ ⴷ ⵓⴼⵏⵉⵇ ⵏ ⵓⵏⴱⴱⵕ ⴰⴼⴰⴷ ⴰⴷ ⵜⵜⵢⴰⵎⴰⵥ ⵢⴰⵜ ⵜⵓⵔⴰⴳⵜ ⵙⴳ ⵓⴱⴰⵏⴽ ⴰⵎⴰⴹⵍⴰⵏ, ⵉⵏⵏⴰ ⵎⴰⵙⴷ ⵉⵕⵟⵟⴰⵍⵏ ⴷⴷⵅ ⵔⴰⴷ ⵜⵜⵓⴼⵔⴰⴳⵏ .
ⵉⵣⴰⵢⴷ ⵎⴰⵙⵙ ⴱⴰⵢⵜⵜⴰⵙ ⵉⵏⵏⴰ ⵎⴰⵙ ⵉⵜⵜⵓⵙⴽⴰⵔ ⵓⵙⵍⴳⵏ ⴰⴷ ⵙ ⵜⵣⵎⵎⴰⵔ ⵏ ⴽⵉⴳⴰⵏ ⵏ ⵜⵣⵎⵎⴰⵔ ⵜⵉⵎⴰⴷⵍⴰⵏⵉⵏ, ⵉⴳ ⵓⵡⵜⵜⴰⵙ ⵏⵏⵙ ⵡⴰⵍⵍⵉ ⵔⴰⴷ ⵉⵙⴽⵔ ⴰⵙⵖⵓⴷⵓ ⵉ ⵉⵕⵟⵟⴰⵍⵏ ⵏ ⵜⵏⴼⵔⵓⵜ ⴷ ⵓⵙⴼⵍⵙ ⴷ ⵡⴰⵔⴰⵢ ⵙⴳ ⵉⵎⵓⴽⵔⵉⵙⵏ ⵏⵏⴰ ⵉⵜⵜⵉⵍⵉⵏ ⴳ ⵉⴳⵔ ⴰⴷ .
ⵉⵙⵙⵎⵖⵕ ⵎⴰⵙⵙ ⴱⴰⵢⵜⵜⴰⵙ ⵙ ⵜⵉⵍⴰⵍ ⵏ ⵉⴳⵔ ⵏ ⵉⴱⴰⵏⴽⵏ ⴳ ⵓⵙⴷⵓⵙ ⵏ ⵜⴷⵎⵙⴰ ⵜⴰⵏⴰⵎⵓⵔⵜ, ⵉⵏⵏⴰ ⵎⴰⵙ ⵉⴹⴼⴰⵕ ⵉⵜⴳⴰⵔⵏ ⵏ ⵓⵙⵙⴰⵔⵓ ⵏⵏⴰ ⵉⵙⵙⵏ ⵍⵎⵖⵔⵉⴱ ⴳ ⵉⴳⵔ ⴰⴷ ⵏ ⵜⴷⵎⵙⴰ ⴷ ⵓⵙⴼⵍⵙ, ⵙⵍⴰⵡⴰⵏ ⴰⴽⴽⵯ ⴳ ⵉⵙⴳⴳⵯⴰⵙⵏ ⴰⴷ ⴳⴳⵯⵔⴰⵏⵉⵏ ⵙⴳ ⴽⵉⴳⴰⵏ ⵏ ⵜⵎⵔⵙⴰⵍ ⵜⵉⵏⴰⵎⵓⵏⵉⵏ ⵏⵏⴰ ⵉⵙⴽⴰⵔⵏ ⴰⵙⴼⵍⵙ ⴷ ⵓⵙⴷⵔⵉⵎ ⵏ ⵉⵙⵏⴼⴰⵕⵏ .
ⵉⵡⵜⵜⴰⵙⵏ ⴷ ⵉⵜⴳⴰⵔⵏ ⵏ ⵓⵙⵍⴳⵏ ⴰⴷ ⵣⴷⵉⵏ ⴰⴽⴽⵯ ⴷ ⵜⵉⴽⴽⵉ ⵏ ⵜⵏⴰⴼⵓⵜⵉⵏ ⴷ ⵓⵙⵜⴳⴳⵔ ⵉ ⵓⴱⴰⵏⴽ ⵏ ⵍⵎⵖⵔⵉⴱ ⴰⴼⴰⴷ ⴰⴷ ⵉⴳ ⴰⵎⵙⵜⴳⴳⴰⵔ ⴳ ⵉⴳⵔ ⵏ ⵉⵕⵟⵟⴰⵍⵏ ⵙ ⵉⵏⵎⴰⵍⵍⵓⵜⵏ ⵏ ⵜⵏⴼⵔⵓⵜ, ⵔⴰⴷ ⵜⵙⴽⴰⵔ ⴰⵡⴷ ⴰⴹⴼⵓⵕ ⴷ ⵓⵖⵓⴷⵓ ⵏ ⵜⵏⴰⴼⵓⵜⵉⵏ ⵏⵏⵙ ⵉⵥⵍⵉⵏ .