ⴳ ⵓⵙⵉⵡⴹ ⵏⵏⵙ , ⵜⵏⵏⴰ ⵜⵎⵔⵙⵍⵜ ⵎⴰⵙⴷ ⵉⴼⴷⵉⵡⵏ ⵏ ⵉⵏⵔⵣⴰⴼ ⴰⴷ ⵉⴷⴷⴰⵏ ⵙ ⵓⵎⵓⵙⵙⵓ ⴰⴷ ⵏⵏⴰ ⵎⵓ ⵉⴼⴽⴰ ⵓⵏⵙⵙⵉⵅⴼ ⵏ ⵜⵏⴱⴰ!ⴷⵜ ⵎⴰⵙⵙ ⵄⴰⵣⵉⵣ ⴰⵅⵏⵓⵛ ⴰⵙⵏⵜⵉ ⵏⵏⵙ, ⴳ ⵓⵙⴰⵍⴰⵢ ⵏ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⵏ ⵜⵣⵓⵕⵉ ⵜⴰⵇⵇⴱⵓⵔⵜ ⴷ ⵜⴰⵜⵔⴰⵔⵜ ⴳ ⵕⵕⴱⴰⵟ, ⵙⴳ ⵜⵉⵣⵉ 18 ⴰⵔ ⴰⵣⴳⵏ ⵏ ⵢⵉⴹ, ⵜⴰⵙⵏⵜⴰⵢⴷ ⴷⴷⵅ ⵜⴷⴷⴰ ⵙ ⴽⵉⴳⴰⵏ ⵏ ⵉⵙⴰⵍⴰⵢⵏ ⵢⴰⴹⵏ, ⵉⵏⵔⵣⴰⴼ ⴰⴷ ⵙⵏⵓⵏⴼⴰⵏ ⴽⵉⴳⴰⵏ ⵏ ⵜⵓⵥⵍⴰⵢⵉⵏ ⵏ ⵜⴰⵢⵙⵉ ⴷ ⵜⵡⵡⵓⵔⵉ ⵏ ⵉⵏⴰⵥⵓⵕⵏ ⵉⵎⵖⵔⵉⴱⵉⵏ .
ⵉⵏⵏⴰ ⵓⵙⵉⵡⴹ ⴰⴷ ⵏⵉⵜ, ⵎⴰⵙⴷ ⵎⴰⵙⵙ ⴰⵅⵏⵓⵛ ⵉⵍⵍⴰ ⴳ ⵓⵙⵏⵜⵉ ⵏ ⵓⵎⵓⵙⵙⵓ ⴰⴷ ⴷ ⴽⵉⴳⴰⵏ ⵏ ⵉⵎⴰⵡⵙⴰⵙⵏ ⵢⴰⴹⵏ, ⵣⵓⵏⴷ ⴰⵎⴰⵡⵙⴰⵙ ⵏ ⵜⵄⵓⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ ⵎⴰⵙⵙ ⵎⵀⴷⵉ ⴱⵏⵙⵄⵉⴷ, ⴷ ⵜⵏⵖⵍⴰⴼⵜ ⵏ ⵜⵎⴰⵍⵍⴰⵢⵜ ⴷ ⵜⵎⴳⵓⵔⵉ ⵜⴰⵇⵇⴱⵓⵔⵜ ⴷ ⵜⴷⵍⵙⴰ ⵜⴰⵏⴰⵎⵓⵏⵜ ⴷ ⵓⵎⵢⴰⵡⴰⵙ, ⵎⴰⵙⵙⴰ ⴼⴰⵟⵉⵎⴰ ⵣⵀⵕⴰ ⵄⵎⵎⵓⵕ, ⴷ ⵓⵏⵙⵙⵉⵅⴼ ⵏ ⵜⵎⵔⵙⵍⵜ ⵜⴰⵏⴰⵎⵓⵔⵜ ⵏ ⵉⵙⴰⵍⴰⵢⵏ , ⵎⴰⵙⵙ ⵍⵎⵀⴷⵉ ⵇⵟⴱⵉ, ⴷ ⵍⵄⵓⵎⴷⴰ ⵏ ⵜⵖⵔⵎⵜ ⵏ ⵕⵔⴱⴰⵟ, ⵎⴰⵙⵙⴰ ⴰⵙⵎⴰ ⵖⵍⴰⵍⵓ, ⴷ ⵓⵏⵙⵙⵉⵅⴼ ⵏ ⵜⵎⵔⵙⵍⵜ ⵏ ⵜⵓⵔⵜⵉⵜⵉⵏ ⵏ ⵎⴰⵊⵓⵕⵉⵍ, ⵎⴰⵙⵙ ⵎⴰⴷⵉⵙⵓⵏ ⴽⵓⴽⵙ,ⵎⵎⵔⵏ ⴽⵉⴳⴰⵏ ⵍⵍⵉⵖ ⵜⵙⵙⵏⵜⴰ ⵜⵙⵏⵜⴰⵢⵜ ⴰⴷ ⵏⵏⴰ ⵉⴳⴰⵏ ⵜⴰⵙⵙⵓⵜⵍⵜ ⵜⴰⵎⵣⵡⴰⵔⵓⵜ ⵏ ⵢⵉⴹ ⵏ ⵉⵙⴰⵍⴰⵢⵏ ⴷ ⵉⵏⵙⴰⵜⵏ ⵉⴷⵍⵙⴰⵏⵏ .
ⴳ ⵓⵙⴰⵜⵉ ⴰⴷ , ⵉⵏⵏⴰ ⵎⴰⵙⵙ ⵄⴰⵣⵉⵣ ⴰⵅⵏⵓⵛ ⵎⴰⵙⴷ ⵜⴰⵙⵏⵜⴰⵢⵜ ⴰⴷ ⵜⵜⵓⵙⴽⴰⵔ ⴷⴷⵓ ⵏ ⵓⵜⵓⵢ ⴷ ⵜⵓⵎⵍⴰⵢⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ, ⵉⵍⵉⵏ ⴽⵉⴳⴰⵏ ⵏ ⵉⵙⴰⵍⴰⵢⵏ ⴷ ⵜⵎⴰⵎⴽⵉⵏ ⵜⵉⵍⵓⵊⵉⵙⵜⵉⴽⵉⵢⵉⵏ ⴷⴰⵔ ⵍⵎⵖⵔⵉⴱ ⴰⴼⴰⴷ ⴰⴷ ⵉⵙⵙⵔⵏⵓ ⴰⴷⴰⴼ ⵙ ⵉⵙⴰⵍⴰⵢⵏ ⴷ ⵉⵏⵙⴰⵜⵏ ⵉⵥⵓⵕⴰⵏⵏ ⴷ ⵡⵉⵏ ⵜⴷⵍⵙⴰ .