ⵜⵉⵎⴽⵜⵉⵜ ⵜⵉⵙⵙ 69 ⵏ ⵜⴳⵔⴰⵡⵍⴰ ⵏ ⵓⴳⵍⵍⵉⴷ ⴷ ⵓⵖⵔⴼ..ⵜⴰⴳⵔⴰⵡⵍⴰ ⵜⴰⵏⴰⵎⵓⵔⵜ ⵉⵙⵎⴰⵢⵏⵓⵜⵏ ⵉ ⵜⵓⵍⵙⴰ ⵏ ⵓⵙⴽⵓ ⵏ ⵡⴰⵎⵓⵔ ⴷ ⵡⴰⵔⴰⵢ ⵏ ⵜⴰⵎⵓⵏⵜ ⵜⴰⵏⴰⵎⵓⵔⵜ

19 ⵖⵓⵛⵜ 2022 Version Imprimable

ⵕⵕⴱⴰⵟ - ⵉⴳⴰ ⵓⵙⴼⵓⴳⵍⵓ ⵙ ⵓⴽⵯⵜⵜⴰⵢ ⵡⵉⵙⵙ 69 ⵏ ⵜⴳⵔⴰⵡⵍⴰ ⵏ ⵓⴳⵍⵍⵉⴷ ⴷ ⵓⵖⵔⴼ, ⵢⴰⵜ ⵜⵎⵍⴷⴰ ⵏ ⵓⵙⵖⵥⵏ ⵏ ⵢⴰⵜ ⵜⴳⵔⴰⵡⵍⴰ ⵜⴰⵏⴰⵎⵓⵔⵜ ⵉⵙⵎⴰⵢⵏⵓⵜⵏ, ⴰⴼⴰⴷ ⴰⴷ ⵏⵙⴽⵓ ⵏⴰⵔⵉ ⵜⴰⵎⵓⵏⵜ ⵜⴰⵏⴰⵎⵓⵔⵜ .

ⵙ ⵢⴰⵜ ⵜⵓⵎⵔⵜ ⵉⴷⵓⵙⵏ ⴷ ⵜⵏⴰⵎⵓⵔⵜ ⴰⵙⴰⵔ ⵉⵙⴼⵓⴳⵍⵓ ⵓⵖⵔⴼ ⴰⵎⵖⵔⵉⴱⵉ ⴷ ⵉⴳⵎⴰⵎⵏ ⵏ ⵓⵎⵓⵙⵙⵓ ⴰⵏⴰⵎⵓⵔ ⴷ ⵉⵙⵔⴷⴰⵙ ⴰⵙⴽⴽⴰ ⴰⵙⵉⴹⵢⴰⵙ ⴰⴽⵯⵜⵜⴰⵢ ⵡⵉⵙⵙ 69 ⵏ ⵜⴳⵔⴰⵡⵍⴰ ⵏ ⵓⴳⵍⵍⵉⴷ ⴷ ⵓⵖⵔⴼ, ⵏⵏⴰ ⵉⵎⵎⴰⵍⴰⵏ ⵉⵜⴳⴰⵔⵏ ⵏ ⵓⵎⵢⴰⵡⴰⵙ ⴷ ⵜⵖⵏⵙⴰ ⵏⵏⴰ ⵉⵙⴽⵔ ⵓⵖⵔⴼ ⴰⵎⵖⵔⵉⴱⵉ ⵉ ⵜⵏⴰⴼⵓⵜ ⵏ ⵜⵙⵉⵎⴰⵏⵜ ⵏ ⵜⵎⴰⵣⵉⵔⵜ ⵏⵏⵖ ⴷ ⵜⴰⵎⵓⵏⵜ ⵏⵏⵙ .

ⵜⵍⵍⴰ ⵜⴳⵔⴰⵡⵍⴰ ⴷⴷⵅ ⴳ ⵡⴰⵙⵙ ⵏ 20 ⵖⵓⵛⵜ 1953 ⵍⵍⵉⵖ ⵉⵍⵍⴰ ⵓⵎⵙⴷⵓⵔⵔⵉ ⴳ ⵜⵎⴰⵣⵉⵔⵜ ⵏⵏⵖ ⴳ ⵓⵣⵎⵣ ⵏ ⵉⴳⵍⵍⵉⵏ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⵎⵎⵓⵙ ⵍⵍⵉⵖ ⵜ ⵣⵓⴳⵏ ⵏⵜⵜⴰ ⴷ ⵜⴰⵡⵊⴰ ⵏⵏⵙ ⵜⴰⴳⵍⴷⴰⵏⵜ ,ⴷⴼⴼⵉⵔ ⵍⵍⵉⵖ ⵜⵍⵍⴰ ⵢⴰⵜ ⵜⵖⵏⵙⴰ ⵏ ⵡⴰⵎⵓⵏ, ⵎⴽⴰⵏⵏ ⴰⵙ ⵜⵍⵍⴰ ⵢⴰⵜ ⵜⵣⴷⴰⵢⵜ ⴳⵔ ⵓⴳⵍⵍⵉⴷ ⴷ ⵡⴰⵎⵓⵏ, ⵜⵉⵣⵉ ⴰⴷ ⴰⴷ ⵉⴳⴰⵏ ⵜⵉⴳⵉⵔⴰ ⵏ ⵓⵎⵙⴷⵓⵔⵔⵉ ⴳ ⵜⵎⴰⵣⵉⵔⵜ ⵏⵏⵖ ⵍⵍⵉⵖ ⵢⵓⵙⵉ ⵡⴰⵎⵓⵏ ⴷ ⵓⴳⵍⵍⵉⴷ ⴰⵛⵏⵢⴰⵍ ⵏ ⵜⵔⵏⵏⴰⵡⵜ ⴷ ⵜⵙⵉⵎⴰⵏⵜ ⵜⴰⵏⴰⵎⵓⵔⵜ .

ⵜⴳⴰ ⵜⴳⵔⴰⵡⵍⴰ ⵏ ⵓⴳⵍⵍⵉⴷ ⴷ ⵓⵖⵔⴼ ⵢⴰⵜ ⵜⵍⴳⴳⵯⵉⵜ ⵏ ⵓⵎⵣⵔⵓⵢ ⵏⵏⴰ ⵙⴽⵔⵏ ⵉⵎⵖⵔⵉⴱⵉⵏ ⴰⴼⴰⴷ ⴰⴷ ⵏⵣⵖⵏ ⵅⴼ ⵡⴰⵎⵓⵔ ⵏⵏⵙⵏ ⵎⴳⴰⵍ ⵏ ⵓⵎⵙⴷⵓⵔⵔⵉ, ⴼⴽⴰⵏ ⵢⴰⵏ ⵓⵎⴷⵢⴰ ⵉⵥⵉⵍⵏ ⵏ ⵜⵖⵏⵙⴰ ⴷ ⵓⵎⵢⴰⵎⴰⵥ ⴰⵏⴰⵎⵓⵔ ⴰⴼⴰⴷ ⴰⴷ ⵏⵣⵖⵏ ⴼ ⵜⵎⴰⵣⵉⵔⵜ ⵏⵏⵖ ⴷ ⵉⵜⴳⴰⵔⵏ ⵏ ⵓⵙⴳⴷ ⴷ ⵡⴰⵎⵓⵏ, ⵜⴰⴳⵔⴰⵡⵍⴰ ⴷⴷⵅ ⵜⵍⴰ ⴰⵜⵉⴳ ⴰⵎⵇⵔⴰⵏ ⴷⴰⵔ ⵉⵎⵖⵔⵉⴱⵉⵏ ⴰⴽⴽⵯ ⵍⵍⵉⵖ ⵜⵙⴽⵔ ⵢⴰⵜ ⵜⵔⵏⵏⴰⵡⵜ ⵉ ⵡⴰⵎⵓⵏ ⴷ ⵓⵖⵔⴼ ⴰⵎⵖⵔⵉⴱⵉ ⵙ ⵓⵎⴰⵜⴰ .

Dernière modification : 19 ⵖⵓⵛⵜ 2022

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B5%89%E2%B5%8E%E2%B4%BD%E2%B5%9C%E2%B5%89%E2%B5%9C-%E2%B5%9C%E2%B5%89%E2%B5%99%E2%B5%99-69-%E2%B5%8F-%E2%B5%9C%E2%B4%B3%E2%B5%94%E2%B4%B0%E2%B5%A1%E2%B5%8D%E2%B4%B0-%E2%B5%8F-%E2%B5%93%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B7-%E2%B5%93%E2%B5%96%E2%B5%94%E2%B4%BC%E2%B5%9C%E2%B4%B0%E2%B4%B3%E2%B5%94%E2%B4%B0%E2%B5%A1%E2%B5%8D%E2%B4%B0-%E2%B5%9C%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%94%E2%B5%9C-%E2%B5%89%E2%B5%99%E2%B5%8E%E2%B4%B0%E2%B5%A2%E2%B5%8F%E2%B5%93%E2%B5%9C%E2%B5%8F-%E2%B5%89-%E2%B5%9C%E2%B5%93%E2%B5%8D%E2%B5%99%E2%B4%B0-%E2%B5%8F