Published on MAPNews (https://www.mapnews.ma/am)

Accueil > ⵜⴰⵙⵏⵜⴰⵢⵜ ⵜⴰⵎⵖⵔⵉⴱⵉⵜ ⵏ ⵓⵙⵏⴱⴹ ⴰⵏⵉⵎⴰⵏ ⴰⴼⵙⵙⴰⵢ ⵏ ⵜⵉⴷⵜ ⵏ ⵓⵙⴷⴰⵡ ⵏ ⵜⵏⵣⵔⵓⴼⵜ

ⵜⴰⵙⵏⵜⴰⵢⵜ ⵜⴰⵎⵖⵔⵉⴱⵉⵜ ⵏ ⵓⵙⵏⴱⴹ ⴰⵏⵉⵎⴰⵏ ⴰⴼⵙⵙⴰⵢ ⵏ ⵜⵉⴷⵜ ⵏ ⵓⵙⴷⴰⵡ ⵏ ⵜⵏⵣⵔⵓⴼⵜ

04 ⴽⵟⵓⴱⵕ 2022 Version Imprimable
ⵕⵕⴱⴰⵟ -  ⵉⵏⵏⴰ ⵓⴱⵔⵍⴰⵎⴰⵏⵉ ⴷ ⵍⵄⵓⵎⴷⴰ ⵏ ⵜⵖⵔⵎⵜ ⵏ ⴰⵏⴼⵔⵙ ⴳ ⴱⵍⵊⵉⴽⴽⴰ ⵎⴰⵙⵙ ⴱⴰⵔⵜ ⴷⵉⵡⵉⴼⵔ, ⴰⵙⵙ ⵏ ⵓⵢⵏⴰⵙ ⴳ ⵕⵕⴱⴰⵟ ⵎⴰⵙⴷ ⵜⴰⵙⵏⵜⴰⵢⵜ ⵏ ⵓⵙⵏⴱⴹ ⴰⵏⵉⵎⴰⵏ ⵏⵏⴰ ⵉⴼⴽⴰ ⵍⵎⵖⵔⵉⴱ ⴰⴼⴰⴷ ⴰⴷ ⵉⴼⵓⴽⴽⵓ ⴰⵏⵅⵉⴱⴱⵍ ⵏ ⵜⵏⵣⵔⵓⴼⵜ ⵉⴳⴰ ⵢⴰⵏ ⵓⴼⵙⵙⴰⵢ ⵏ ⵜⵉⴷⵜ ⵏ ⵓⵙⴷⴰⵡ ⴰⴷ .

ⵉⴷⴷⴰⴷ ⵎⴰ ⴰⴷ ⴳ ⵓⵏⵎⵓⵇⵇⵇⴰⵔ ⵏⵏⴰ ⵉⵙⵎⵓⵏⵏ ⴳⵔ ⵎⴰⵙⵙ ⵡⵉⴼⵔ ⵏⵏⴰ ⵉⵙⴽⵔⵏ ⴰⵔⵣⴰⴼ ⵉ ⵍⵎⵖⵔⵉⴱ ⴳ ⵢⴰⵏ ⵓⴷⵡⴰⵍ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵕⴰⵛⵉⴷ ⵟⵟⴰⵍⴱⵉ ⵍⵄⴰⵍⴰⵎⵉ .

ⵉⵏⵏⴰ ⵓⵙⵉⵡⴹ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⴷ ⵍⵄⵓⵎⴷⴰ ⵏ ⴰⵏⴼⵔⵙ ⵎⴰⵙⴷ ⵍⵎⵖⵔⵉⴱ ⵉⴳⴰ ⵢⴰⵜ ⵜⵍⴳⴳⵯⵉⵜ ⴷ ⵜⴰⴳⴳⵓⵔⵜ ⵏ ⵉⴼⵔⵉⵇⵢⴰ ⴷ ⵓⵕⵓⴱⴱⴰ ⵉⴳ ⵡⴰⵍⵍⵉ ⴳ ⵜⵍⵍⴰ ⵜⵏⴼⵍⵉⵜ ⵉⴷⵓⵙⵏ .

ⵎⴽⵍⵍⵉ ⵉⵙⵙⵎⵖⵕ ⵎⴰⵙⵙ ⵡⵉⴼⵔ ⵙ ⵜⵣⵎⵎⴰⵔ ⴷ ⵓⴱⵓⵖⵍⵓ ⵏⵏⴰ ⵉⵍⵍⴰⵏ ⴳ ⵉⴳⵔ ⵏ ⵜⴰⵔⵏⵉⵡⵉⵏ ⵉⵙⵎⴰⵢⵏⵓⵜⵏ ⴷ ⵜⵓⵙⴽⵉⵡⵜ ⵙⵍⴰⵡⴰⵏ ⴰⴽⴽⵯ ⴰⵙⵕⵙⵉⵡ ⵏ ⵟⴰⵏⵊⴰ ⵜⴰⵏⴰⵎⵎⴰⵙⵜ , ⵎⴽⵍⵍⵉ ⵉⵏⵏⴰ ⵎⴰⵙ ⴷ ⴰⵔⵣⴰⴼ ⵏⵏⵙ ⵙ ⵍⵎⵖⵔⵉⴱ ⵉⴳⴰ ⵡⵉⵏ ⵓⵙⵏⵓⵏⴼ ⵏ ⵜⵎⵍⴷⵉⵡⵉⵏ ⵏ ⵓⵙⵙⵔⵏⵓ ⴷ ⵓⵙⴷⴷⵉⴷ ⵏ ⵜⵣⴷⴰⵢⵉⵏ ⵜⵉⴷⵎⵙⴰⵏⵉⵏ ⴳⵔ ⵍⵎⵖⵔⵉⴱ ⴷ ⴱⵍⵊⵉⴽⴽⴰ .

ⴳ ⵜⵙⴳⴰ ⵏⵏⵙ, ⵉⴼⵙⵔ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴽⵉⴳⴰⵏ ⵏ ⵜⵍⴳⴳⵯⵉⵜⵉⵏ ⵏ ⵓⵎⵣⵔⵓⵢ ⴳ ⵎⴰⴷ ⵉⵥⵍⵉⵏ ⵙ ⵓⵏⵅⵉⴱⴱⵍ ⵏ ⵜⵣⴷⴰⵢⵉⵏ ⵏ ⵜⵏⵣⵔⵓⴼⵜ, ⵎⴽⵍⵍⵉ ⵉⵏⵏⴰ ⵎⴰⵙⴷ ⴰⵙⵏⴱⴹ ⴰⵏⵉⵎⴰⵏ ⵏⵏⴰ ⵉⴼⴽⴰ ⵍⵎⵖⵔⵉⴱ ⵉⴳⴰ ⴰⴼⵙⵙⴰⵢ ⵏ ⵜⵉⴷⵜ ⴷ ⵓⵙⵔⵜⴰⵏ ⴰⴼⴰⴷ ⴰⴷ ⵜⵉⵍⵉ ⵜⵏⴼⵔⵓⵜ ⴳ ⵜⵙⴳⴰ ⴷⴷⵅ .

ⵎⴽⵍⵍⵉ ⵉⴱⴷⵔ ⵎⴰⵙⵙ ⵍⵄⴰⵍⴰⵎⵉ ⵉⵙⵏⴼⴰⵕⵏ ⵉⵎⵇⵔⴰⵏⵏ ⵏⵏⴰ ⵉⵙⴽⵔ ⵍⵎⵖⵔⵉⴱ ⴷⴷⵓ ⵏ ⵓⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⵡⵉⵏⵏⴰ ⵣⴷⵉⵏⵉⵏ ⴷ ⵜⴰⵔⵏⵉⵡⵉⵏ ⵉⵙⵎⴰⵢⵏⵓⵜⵏ ⴷ ⵓⵏⴱⴱⵕ ⵏ ⵓⵙⵎⵔⵙ ⵏ ⵡⴰⵎⴰⵏ ⴷ ⵜⵏⴼⵔⵓⵜ ⵏ ⵡⵓⵜⵛⵉ ⴷ ⵓⵙⵏⴼⴰⵕ ⵏ ⵉⵙⵓⵔⴰ ⵏ ⵍⴳⴰⵣ ⵏⵏⴰ ⵉⵣⴷⵉⵏ ⴳⵔ ⵏⵉⵊⵉⵔⵢⴰ ⴷ ⵍⵎⵖⵔⵉⴱ ⵙ ⵜⵙⴳⴰ ⵏ ⵓⵕⵓⴱⴱⴰ ⴷ ⴽⵉⴳⴰⵏ ⵏ ⵉⵙⵏⴼⴰⵕⵏ ⵢⴰⴹⵏ .

ⵉⴳⴰ ⵓⵏⵎⵓⵇⵇⴰⵔ ⴰⴷ ⵢⴰⵜ ⵜⵎⵍⴷⴰ ⵏ ⵓⵙⵓⵙⵙⵏ ⵙ ⵓⵏⵎⴰⵍⵍⵓ ⵏ ⵓⵙⴳⴷ ⴰⵎⵖⵔⵉⴱⵉ ⴷ ⵓⵏⴱⴱⵕ ⵏⵏⵙ ⴷⴷⵓ ⵏ ⵓⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⴰⴳⵍⴷⵓⵏ ⵏ ⵉⵎⵓⵎⵏⵏ ⴳ ⵉⴳⵔ ⵏ ⵓⵙⵎⵓⵜⵜⴳ ⵏ ⵉⵎⵙⵜⴳⴳⴰⵔⵏ ⵏ ⵓⵙⴳⴷ ⴷ ⴽⵉⴳⴰⵏ ⵏ ⵉⵙⵏⵜⴰⵍ ⵏⵏⴰ ⵉⵣⴷⵉⵏ ⴳⵔ ⵜⵎⵉⵣⴰⵔ ⴰⴷ ⵙ ⵙⵏⴰⵜ .

 

Dernière modification : 04 ⴽⵟⵓⴱⵕ 2022
Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B4%B0%E2%B5%99%E2%B5%8F%E2%B5%9C%E2%B4%B0%E2%B5%A2%E2%B5%9C-%E2%B5%9C%E2%B4%B0%E2%B5%8E%E2%B5%96%E2%B5%94%E2%B5%89%E2%B4%B1%E2%B5%89%E2%B5%9C-%E2%B5%8F-%E2%B5%93%E2%B5%99%E2%B5%8F%E2%B4%B1%E2%B4%B9-%E2%B4%B0%E2%B5%8F%E2%B5%89%E2%B5%8E%E2%B4%B0%E2%B5%8F-%E2%B4%B0%E2%B4%BC%E2%B5%99%E2%B5%99%E2%B4%B0%E2%B5%A2-%E2%B5%8F-%E2%B5%9C%E2%B5%89%E2%B4%B7%E2%B5%9C-%E2%B5%8F-%E2%B5%93%E2%B5%99%E2%B4%B7%E2%B4%B0%E2%B5%A1-%E2%B5%8F-%E2%B5%9C%E2%B5%8F%E2%B5%A3%E2%B5%94%E2%B5%93%E2%B4%BC%E2%B5%9C