Published on MAPNews (https://www.mapnews.ma/am)

Accueil > ⴰⵙⵇⵇⵉⵎ ⵏ ⵓⴼⵔⴰ ⴷ ⵜⵏⴼⵔⵓⵜ ⵉⵡⴰⵍⴰⵏ ⵉ ⵜⴰⵎⵓⵏⵜ ⵜⴰⴼⵔⵉⵇⵉⵜ .. ⵍⵎⵖⵔⵉⴱ ⴷⴷⵓ ⵓⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⵉⵙⴽⵔ ⴳ ⵓⵙⴷⵓⵙ ⵏ ⵉⵣⵔⴼⴰⵏ ⵏ ⵜⵎⵖⴰⵔⵜ ⵢⴰⵜ ⵜⵖⴰⵡⵙⴰ ⵜⴰⵎⵣⵡⴰⵔⵓⵜ

ⴰⵙⵇⵇⵉⵎ ⵏ ⵓⴼⵔⴰ ⴷ ⵜⵏⴼⵔⵓⵜ ⵉⵡⴰⵍⴰⵏ ⵉ ⵜⴰⵎⵓⵏⵜ ⵜⴰⴼⵔⵉⵇⵉⵜ .. ⵍⵎⵖⵔⵉⴱ ⴷⴷⵓ ⵓⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⵉⵙⴽⵔ ⴳ ⵓⵙⴷⵓⵙ ⵏ ⵉⵣⵔⴼⴰⵏ ⵏ ⵜⵎⵖⴰⵔⵜ ⵢⴰⵜ ⵜⵖⴰⵡⵙⴰ ⵜⴰⵎⵣⵡⴰⵔⵓⵜ

04 ⴽⵟⵓⴱⵕ 2022 Version Imprimable
ⴰⴷⵉⵙ ⴰⴱⴰⴱⴰ - ⵉⵏⵏⴰ ⵓⴷⵡⴰⵍ ⴰⵎⵖⵔⵉⴱⵉ ⵏⵏⴰ ⵉⴷⵔⴰⵏ ⴳ ⵓⴳⵔⴰⵡ ⵏ ⵓⵙⵇⵇⵉⵎ ⵏ ⵓⴼⵔⴰ ⴷ ⵜⵏⴼⵔⵓⵜ ⵏⵏⴰ ⵉⵡⴰⵍⴰⵏ ⵉ ⵜⴰⵎⵓⵏⵜ ⵜⴰⴼⵔⵉⵇⵉⵜ ⵅⴼ ⵜⵎⵖⴰⵔⵜ ⴷ ⵜⵏⴼⵔⵓⵜ ⴰⵙⵙ ⵏ ⵓⵢⵏⴰⵙ ⴳ ⴰⴷⵉⵙ ⴰⴱⴰⴱⴰ ⵎⴰⵙⴷ ⵍⵎⵖⵔⵉⴱ ⴷⴷⵓ ⵓⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⵉⵙⴽⵔ ⴳ ⵓⵙⵎⴳⵉⴷⴷⵉ ⴳⵔ ⵡⴰⵏⴰⵡⵏ ⴷ ⵡⴰⵔⴰⵢ ⵏ ⵉⵣⵔⴼⴰⵏ ⵏ ⵜⵎⵖⴰⵔⵜ ⵢⴰⵜ ⵜⵖⴰⵡⵙⴰ ⵜⴰⵎⵣⵡⴰⵔⵓⵜ ⴳ ⵓⵙⴰⵜⵉ ⵏ ⵜⵙⵔⵜⵉⵜⵉⵏ ⵜⵉⵏⴰⵎⵓⵔⵉⵏ .

ⵜⵙⵙⵉⵅⴼ ⵎⴰⵙⵙⴰ ⵔⴰⴼⵉⵇⵉ ⴼⴰⵟⵉⵎⴰ ⵣⵣⵀⵕⴰ ⴰⴷⵡⴰⵍ ⴰⵎⵖⵔⵉⴱⵉ ⴳ ⵜⵙⵙⵓⵜⵍⵜ ⴰⴷ ⵏ ⵓⵙⵇⵇⵉⵎ ⵏ ⵜⵏⴼⵔⵓⵜ ⴷ ⵓⵎⵙⵇⴰⴷ ⵉⵙⵓⵍⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷⴰⵔ ⵜⴰⵎⵓⵏⵜ ⵜⴰⴼⵔⵉⵇⵉⵜ ⴷ ⵜⴰⵢⵎⵓⵏⵜ ⵜⴰⴷⵎⵙⴰⵏⵜ ⵏ ⵉⴼⵔⵉⵇⵢⴰ ⵏⵏⴰ ⵉⵡⴰⵍⴰⵏ ⵉ ⵜⵎⵜⵜⴰ ⵉⵎⵓⵏⵏ, ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵎⵓⵃⵎⵎⴰⴷ ⵄⵕⵕⵓⵛⵉ, ⵎⴰⵙⴷ ⴰⵙⴷⴷⵉⴷ ⵏ ⵍⵎⵖⵔⵉⴱ ⵏ ⵓⵍⵓⵢ ⵙ ⵉⵣⵔⴼⴰⵏ ⴷ ⵓⵙⵎⴳⵉⴷⴷⵉ ⴳⵔ ⵡⴰⵏⴰⵡⵍ ⵉⵙⵙⵎⵔⵙ ⴽⵉⴳⴰⵏ ⵏ ⵜⵎⴰⵎⴽⵉⵏ , ⵣⵓⵏⴷ ⴰⵍⵖⵓ ⵏ ⵜⵎⵜⵜⴰ ⵉⵎⵓⵏⵏ ⵏ ⵜⵉⴽⴽⵉ ⵏ ⵜⵜⵎⵉ ⵏ ⵜⵖⵡⵡⴰⵖⵜ ⵎⴳⴰⵍ ⵏ ⵜⵎⵖⴰⵔⵜ ⴷ ⵓⵏⵎⴰⵍⵍⵓ ⵏ ⴱⵉⵊⵉⵏ 1995 ⴷ ⵓⵙⵙⴳⵎⴹ ⵏ ⵜⵉⴼⴹⴰⵏⵜ ⵏ ⵜⵎⵜⵜⴰ ⵉⵎⵓⵏⵏ ⵙⵍⴰⵡⴰⵏ ⴰⴽⴽⵯ ⴰⵡⵜⵜⴰⵙ ⵓⵟⵟⵓⵏ ⵡⵉⵙⵙ 3 ⵏⵏⴰ ⵉⵙⴽⴰⵔ ⵅⴼ ⵡⴰⵔⴰⵢ ⵏ ⵉⵣⵔⴼⴰⵏ ⴳⵔ ⵡⴰⵏⴰⵡⵏ .

ⵉⵏⵏⴰ ⵎⴰⵙⵙ ⵔⴰⴼⵉⵇⵉ ⴳ ⵉⴳⵔ ⴰⴷ ⵎⴰⵙⴷⴷ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⵜⵙⴽⵔ ⴽⵉⴳⴰⵏ ⵏ ⵉⵙⴳⴳⴷⵏ ⴳ ⵉⴳⵔ ⵏ ⵉⵙⵍⴳⴰⵏⵏ ⵏ ⵓⵙⴷⵓⵙ ⵏ ⵉⵣⵔⴼⴰⵏ ⵏ ⵜⵎⵖⴰⵔⵜ ⴷ ⵜⵉⴽⴽⵉ ⵏ ⵉⵡⵜⵜⴰ ⵎⴳⴰⵍ ⵏ ⵜⵖⵡⵡⴰⵖⵜ ⵏ ⵜⵎⵖⴰⵔⵜ .

ⵜⴰⴷⵉⴱⵍⵓⵎⴰⵙⵉⵜ ⵜⴰⵎⵖⵔⵉⴱⵉⵜ ⵜⵙⴽⵔ ⴽⵉⴳⴰⵏ ⵏ ⵉⵙⵍⴳⴰⵏⵏ ⵉⵣⴷⵉⵏ ⴷ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵜⵎⵖⴰⵔⵜ ⵙ ⵓⵣⵡⵍ ⵏ ⵜⵏⴼⵔⵓⵜ ⴷ ⵓⴼⵔⴰ ⵉⵍⵜⵜⵖ ⴰⵡⴷ ⵍⵎⵖⵔⵉⴱ ⴳ ⵓⵙⴰⵜⵉ ⵏ ⵉⵜⴳⴰⵔⵏ ⵏⵏⴰ ⴳⴰⵏⵉⵏ ⴽⴽⵓⵥ ⵏⵏⴰ ⵉⵡⴰⵍⴰⵏ ⵉ ⵜⵏⴼⵔⵓⵜ ⵏ ⵜⵎⵜⵜⴰ ⵉⵎⵓⵏⵏ ⵓⵟⵟⵓⵏ 1325 ⵏⵏⴰ ⵉⵣⴷⵉⵏ ⴷ ⵡⴰⵔⴰⵢ ⵏ ⵜⵡⵜⵎⵜ ⴷ ⵜⵎⵖⴰⵔⵜ ⴷ ⵜⴼⵔⵓⵅⵜ ⴷ ⴽⵓ ⵎⴰⴷ ⵉⵣⴷⵉⵏ ⴷ ⵓⵙⵎⴳⵉⴷⴷⵉ ⴳⵔ ⵡⴰⵏⴰⵡⵏ .

ⵉⵏⵏⴰ ⵓⴷⵡⴰⵍ ⴰⵎⵖⵔⵉⴱⵉ ⴰⵡⴷ ⵜⴰⵣⵡⴰⵔⵜ ⵏⵏⴰ ⵜⵙⴽⵔ ⵜⵏⴱⴰⴹⵜ ⵜⴰⵎⵖⵔⵉⴱⵉⵜ ⴳ 2022 ⴳ ⵓⵙⴰⵜⵉ ⵏ ⵜⵣⵎⵎⴰⵔ ⵏⵏⵙ ⴳ ⵉⴳⵔ ⵏ ⵓⵙⵎⴳⵉⴷⴷⵉ ⴳⵔ ⵡⴰⵏⴰⵡⵏ ⵏ ⵓⵏⵎⴰⵍⵍⵓ ⴰⵏⴰⵎⵓⵔ ⵏ ⵓⵙⴷⴷⵉⴷ ⵏ ⵓⵡⵏⵏⵉ ⵏ ⵓⵙⵇⵇⵉⵎ ⵏ ⵜⵏⴼⵔⵓⵜ ⵜⴰⵎⴰⴹⵍⴰⵏⵜ ⵓⵟⵟⵓⵏ 1325 .

ⵉⴱⵉⴷⴷ ⵓⴷⵡⴰⵍ ⴰⵎⵖⵔⵉⴱⵉ ⵎⵏⵉⴷ ⵏ ⵡⴰⴷⴷⴰⴷ ⵉⵛⵃⴰⵏ ⵏ ⵜⵎⵖⴰⵔⵜ ⴳ ⵓⵙⵡⵉⵔ ⴰⴼⵔⵉⵇⵉ ⵙⵍⴰⵡⴰⵏ ⴰⴽⴽⵯ ⴳ ⵓⵣⵎⵣ ⵏ ⵜⴰⵙⵙⴰⵙⵉⵏ , ⵍⵍⵉⵖ ⵜⴼⴽⴰ ⵉⵙⵇⵇⵙⵉⵜⵏ ⵉ ⵓⵙⵇⵇⵉⵎ ⵏ ⵜⵏⴼⵔⵓⵜ ⵎⴰⵙⴷ ⵉⵇⵇⴰⵏ ⴰⴷ ⵉⵎⵙⴰⵙⴰ ⵡⴰⴷⴷⴰⴷ ⵏ ⵜⵡⵜⵎⵜ ⴳ ⵉⴼⵔⵉⵇⵢⴰ ⵙ ⵜⵙⵖⵔⵜ ⵏⵏⵙⵏ ⵉ ⵜⵎⴰⴳⵔⴰⵡⵉⵏ ⵜⵉⵎⴰⴹⵍⴰⵏⵉⵏ ⴰⴼⴰⴷ ⴰⴷ ⵙⴽⵔⵏⵜ ⵉⵏⵎⴰⵍⵍⵓⵜⵏ ⴷ ⵉⵙⵍⴳⴰⵏⵏ ⴰⴼⴰⴷ ⴰⴷ ⵉⵍⵉⵏⵜ ⵜⵡⵜⵎⵉⵏ ⴳ ⵜⵎⵔⵙⴰⵍ ⵜⵉⵏⴱⴱⴰⴹⵉⵏ ⴳ ⵉⴳⵔ ⵏ ⵡⴰⵔⴰⵢ ⵏ ⵉⵣⵔⴼⴰⵏ ⵏⵏⵙⵏⵜ ⵙⵍⴰⵡⴰⵏ ⴰⴽⴽⵯ ⴳ ⵜⴰⵙⵙⴰⵙⵜ .

ⴳ ⵜⵙⴳⴰ ⵢⴰⴹⵏ, ⵉⵏⵏⴰ ⵓⴷⵡⴰⵍ ⴰⵎⵖⵔⵉⴱⵉ ⵎⴰⵙⴷ ⵉⵇⵇⴰⵏ ⵓⵎⵙⴰⵙⴰ ⴳⵔ ⵜⵎⵉⵣⴰⵔ ⴰⴽⴽⵯ ⵜⵉⴼⵔⵉⵇⵉⵢⵉⵏ ⴷ ⵜⵎⵜⵜⴰ ⵉⵎⵓⵏⵏ ⴰⴼⴰⴷ ⴰⴷ ⵉⵜⵜⵓⵙⴽⴰⵔ ⵓⵙⵎⴳⵉⴷⴷⵉ ⴷ ⵜⵏⴼⵔⵓⵜ ⴷ ⵓⴼⵔⴰ ⴰⵎⴰⵜⴰⵢ .

Dernière modification : 04 ⴽⵟⵓⴱⵕ 2022
Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%99%E2%B5%87%E2%B5%87%E2%B5%89%E2%B5%8E-%E2%B5%8F-%E2%B5%93%E2%B4%BC%E2%B5%94%E2%B4%B0-%E2%B4%B7-%E2%B5%9C%E2%B5%8F%E2%B4%BC%E2%B5%94%E2%B5%93%E2%B5%9C-%E2%B5%89%E2%B5%A1%E2%B4%B0%E2%B5%8D%E2%B4%B0%E2%B5%8F-%E2%B5%89-%E2%B5%9C%E2%B4%B0%E2%B5%8E%E2%B5%93%E2%B5%8F%E2%B5%9C-%E2%B5%9C%E2%B4%B0%E2%B4%BC%E2%B5%94%E2%B5%89%E2%B5%87%E2%B5%89%E2%B5%9C-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B7%E2%B4%B7%E2%B5%93-%E2%B5%93%E2%B5%9C%E2%B5%93%E2%B5%A2-%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94