Published on MAPNews (https://www.mapnews.ma/am)

Accueil > ⵕⵕⴱⴰⵟ- ⴰⵙⴳⵎⴹ ⵏ ⵢⵎⵢⴰⵇⵇⴰⵏⵜ ⵏ ⵓⵙⵜⵉⴳ ⵏ ⵡⴰⵢⴷⴰ ⴰⵙⵏⵉⵖⴰⵏ ⴳ ⵍⵎⵖⵔⵉⴱ

ⵕⵕⴱⴰⵟ- ⴰⵙⴳⵎⴹ ⵏ ⵢⵎⵢⴰⵇⵇⴰⵏⵜ ⵏ ⵓⵙⵜⵉⴳ ⵏ ⵡⴰⵢⴷⴰ ⴰⵙⵏⵉⵖⴰⵏ ⴳ ⵍⵎⵖⵔⵉⴱ

01 ⴷⵓⵊⴰⵏⴱⵉⵔ 2022 Version Imprimable
ⵕⵕⴱⴰⵟ - ⵜⵙⴳⵎⴹ ⵜⵎⴰⵡⴰⵙⵜ ⵏ ⵉⵄⵔⵔⵉⵎⵏ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ ⴷ ⵜⵎⵔⵙⵍⵜ ⵜⴰⵏⴰⵎⵓⵔⵜ ⵏ ⵜⵙⵏⵉⵖⵉⵏ ⴳ ⵓⵙⵙⴰⵏ ⵣⵔⵉⵏⵉⵏ  ⴳ ⵕⵕⴱⴰⵟ ⵜⴰⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⵏ ⵓⵙⴷⵓⵙ ⵏ ⵡⵣⵢⴷⴰ ⴰⵙⵏⵉⵖⴰⵏ ⴷ ⵜⵏⴽⵔⴰ ⵙⵉⵙ ⴳ ⵍⵎⵖⵔⵉⴱ.

ⵜⵍⵍⴰ ⵜⵎⵢⴰⵇⵇⴰⵏⵜ ⴰⴷ ⵏⵏⴰ ⵉⵙⴳⵎⴹ ⵓⵎⴰⵡⵙⴰⵙ ⵏ ⵉⵄⵔⵔⵉⵎⵏ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ ⵎⴰⵙⵙ ⵎⵓⵃⵎⵎⴰⴷ ⵎⵀⴷⵉ ⴱⵏⵙⵄⵉⴷ, ⴷ ⵓⵏⵙⵙⵉⵅⴼ ⵏ ⵜⵎⵔⵙⵍⵜ ⵜⴰⵏⴰⵎⵓⵔⵜ ⵏ ⵜⵙⵏⵉⵖⵉⵏ ⵎⴰⵙⵙ ⵎⵀⴷⵉ ⵇⵓⵟⴱⵉ ⴳ ⵓⵙⴰⵜⵉ ⵏ ⵓⵎⵢⴰⵡⴰⵙ ⴰⴷⵍⵙⴰⵏ ⴷ ⵓⵎⴰⵙⵙⴰⵏ ⵊⴰⵔⴰⵜⵙⵏ, ⴰⴼⴰⴷ ⴰⴷ ⵉⴱⵓⵖⵍⵓ ⵓⵎⵢⴰⵡⴰⵙ ⴷ ⵜⵏⴽⵔⴰ ⵙ ⵡⴰⵢⴷⴰ ⴰⴷⵍⵙⴰⵏ ⴷ ⵓⵙⵜⵉⴳ ⵏⵏⵙ ⴷ ⵓⵙⵓⴷⵙ ⵏ ⵓⵙⵎⵓⵜⵜⴳ ⴷ ⵓⴷⵏⵓⴱⴱⵛ ⴳ ⵢⵉⴳⵔ ⴰⴷ.

ⴳ ⵜⵎⵢⴰⵇⵇⴰⵏⵜ ⴰⴷ, ⵎⵙⴰⵙⴰⵏⴷ ⵅⴼ ⵓⵙⴽⴽⵉⵔ ⵏ ⵜⵡⵓⵔⵉⵡⵉⵏ ⵜⵉⴷⵍⵙⴰⵏⵉⵏ ⴷ ⵜⵎⴰⵙⵙⴰⵏⵉⵏ ⵉⵛⵛⴰⵔⵏ, ⵙⵍⴰⵡⴰⵏ ⴰⴽⴽⵯ ⴰⵙⵔⵓⵙ ⵏ ⵢⴰⵜ ⵜⵙⵓⵜⵍⵜ ⵏ ⵓⵙⵎⵓⵜⵜⴳ ⵏⵏⴰ ⵉⵙⴰⵡⴰⵍⵏ ⵅⴼ ⵜⵓⵙⵙⵏⴰ ⵏ ⵜⵙⵏⵉⵖⵉⵏ ⴷ ⴰⴷ ⴳⵉⵙ ⵜⵉⵍⵉ ⵜⵓⴳⴳⴰ ⵉ ⵡⵓⵏⵏⴰ ⵉⴷⵔⴰⵏ ⴳ ⵜⵙⵓⵜⵍⵜ ⴰⴷ, ⴰⵡⴷ ⵜⴰⵖⵓⵔⵉ ⵏ ⵜⵓⴳⴳⵜ ⵏ ⵜⵙⵏⵉⵖⵉⵏ ⴷ ⵓⵙⵎⴰⵜⵓ ⵏ ⵜⵢⴰⴼⵓⵜⵉⵏ ⵏ ⵉⵙⵏⵓⴱⴱⵛⵏ ⵉⵎⴰⵙⵙⴰⵏ ⴳ ⵢⴰⵏ ⵓⵙⴰⵜⵉ ⴰⵎⵉⵔⵉⵡ, ⴰⵡⴷ ⴰⵃⵟⵟⵓ ⴷ ⵓⵙⵏⴳⴰⴷⴷⴰ ⴷ ⵓⵙⵜⵉⴳ ⵏ ⵜⵔⴰⵜⵉⵡⵉⵏ ⵏⵏⴰ ⵓⴼⴰⵏ, ⴷ ⵓⵎⵔⴰⵔⴰ ⵏ ⵡⴰⵔⵔⴰⵜⵏ ⴷ ⵉⵙⵉⴷⴼⵉⵡⵏ ⴷ ⵉⴼⵙⴰⵔⵏ ⵉⵎⴰⵙⵙⴰⵏ, ⴰⵡⴷ ⴰⴼⵙⴰⵔ ⵏ ⵜⵢⴰⴼⵓⵜⵉⵏ ⵏ ⵉⵙⵏⵓⴱⴱⵛⵏ.

ⵎⴽ ⵍⵍⵉ ⵙ ⵖⵜⵙⵏ ⵉⵎⵢⴰⵇⵇⴰⵏ ⵅⴼ ⵜⵓⴼⴽⴰ ⵓⵎⵙⴰⵙⴰ ⵏ ⵓⵣⵔⴼ ⵏ ⵓⴽⵛⵛⵓⵎ ⵉ ⵉⵙⵏⵓⴱⴱⵛⵏ ⴷ ⵉⵎⵣⵔⴰⵡⵏ ⴳ ⵉⵙⵏⴰⴳⵏ ⵏ ⵓⵙⵎⵓⵜⵜⴳ ⴷ ⵜⵎⵙⵙⵓⴳⵓⵔⵜ ⵏ ⵡⴰⵢⴷⴰ ⴰⴷⵍⵙⴰⵏ ⵏⵏⴰ ⵉⴹⴼⵔⵏ ⵉ ⵜⵎⴰⵡⴰⵙⵜ ⵏ ⵉⵄⵔⵔⵉⵎⵏ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ, ⵙ ⵉⵕⵉⵕⴹⵏ ⵏ ⵡⴰⵢⴷⴰ ⴷ ⵜⵔⴰⴱⴱⵓⵜⵉⵏ ⵜⵉⵜⵏⵓⴳⵔⴰⴼⵉⵢⵉⵏ ⵉ ⵜⵖⵓⵔⵉ ⵏⵉⵖ ⴽⵔⴰ ⵏ ⵜⵖⴰⵅⵙⴰ ⵏⵏⴰ ⵔⴰⴷ ⵢⴰⵡⵙ ⴳ ⵓⵙⴷⵓⵙ ⵏⵏⵙ ⴷ ⵓⵃⵟⵟⵓ ⵏⵏⵙ.

ⵙ ⵜⵎⵍⴷⴰ ⴰⴷ, ⵉⵏⵏⴰ ⵎⴰⵙⵙ ⵇⵓⵟⴱⵉ ⴳ ⵢⴰⵏ ⵓⵎⵙⴰⵡⴰⵍ ⵏ ⵜⴱⴰⴷⵓⵜ ⵏ ⵉⵏⵖⵎⵉⵙⵏ (ⵎ24) ⵏⵏⴰ ⵉⴹⴼⵕⵏ ⵜⴰⴷⵏⵓⵔⴰⵢⵜ ⵜⴰⵎⵖⵔⴰⴱⵉⵢⵜ ⵏ ⵉⵏⵖⵎⵉⵙⵏ , ⵎⴰⵙ ⴷ ⵙⴳ ⵜⵎⵢⴰⵇⵇⴰⵏⵜ ⴰⴷ , ⵔⴰⴷ ⵜⵜⵓⴼⴽⴰⵏⵜ ⵜⵖⴰⵡⵙⵉⵡⵉⵏ ⵏⵏⴰ ⵓⴼⴰⵏ ⴷ ⵜⵉⴷ ⵏⵏⴰ ⵉⵍⵍⴰⵏ ⴷⵖⵉ ⴳ ⵓⵙⵉⵏⴰⴳ ⴰⵏⴰⵎⵓⵔ ⵏ ⵜⵍⴰⵙⵙⴰⵏⵉⵏ ⵏ ⵡⴰⵢⴷⴰ ⵉ ⵜⵎⵔⵙⵍⵜ ⵜⴰⵏⴰⵎⵓⵔⵜ ⵏ ⵜⵙⵏⵉⵖⵉⵏ ⴰⴼⴰⴷ ⴰⴷ ⵜⵏ ⴼⵙⵔⵏ, ⵉⵏⵏⴰ ⴰⵡⴷ ⵎⴰⵙ ⴷ ⵉⵎⵖⵔⵉⴱⵉⵢⴱ ⵔⴰⴷ ⵥⴹⴰⵔⵏ ⴰⴷ ⵥⵔⵉⵏ ⵜⴰⵡⴰⵏⵜ ⴷ ⵓⵙⵏⵓⵃⵢⵓ ⵏ ⵡⴰⵢⴷⴰ ⵏⵏⵖ.

ⵉⵙⴷⴷⵉⴷ ⴰⵡⴷ ⵎⴰⵙ ⴷ " ⵜⴰⵎⵔⵙⵍⵜ ⵜⴰⵏⴰⵎⵓⵔⵜ ⵏ ⵜⵙⵏⵉⵖⵉⵏ ⵔⴰⴷ ⵜⵙⵡⵓⵔⵉ ⴳ ⵓⵙⴰⵜⵉ ⵏ ⵜⵎⵢⴰⵇⵇⴰⵏⵜ ⴰⴷ ⵅⴼ ⵓⵙⵎⵓⵜⵜⴳ ⵏ ⵉⵎⵣⵔⴰⵡⵏ ⴳ ⵓⵙⵉⵏⴰⴳ ⴰⵏⴰⵎⵓⵔ ⵏ ⵜⵎⴰⵙⵙⴰⵏⵉⵏ ⵏ ⵡⴰⵢⴷⴰ , ⴷ ⵓⵙⴷⵓⵙ ⵏ ⵜⵓⵙⵙⵏⴰ ⵏⵏⵙⵏ ⵅⴼ ⵜⵙⵏⵉⵖⵉⵏ ⵏ ⵎⵖⵔⵉⴱ " ⵉⵏⵏⴰ ⵎⴰⵙⵙ ⵇⵓⵟⴱⵉ ⵎⴰⵙ ⴷ " 90 ⵅⴼ ⵜⵎⵉⴹⵉ ⵏ ⵉⵎⵣⵔⴰⵡⵏ ⵔⴰⴷ ⴰⵛⴽⵉⵏ ⴰⴼⴰⴷ ⴰⴷ ⵙⵡⵓⵔⵉⵏ ⴳ ⵜⴳⵉⵔⴰ ⵏ ⵜⵖⵔⵉ ⵏⵏⵙⵏ ⴳ ⵜⵙⵏⵉⵖⵉⵏ ⵏ ⵜⴳⵍⴷⵉⵜ, ⵉⵣⵎⴻⵎⵎ ⵎⴰⵙ ⴷ " ⴰⴽⵛⵛⵓⵎ ⵏⵏⵙⵏ ⵙ ⵜⵙⵏⵉⵖⵉⵏ ⵔⴰⴷ ⴰⵙⵏ ⵢⴰⵡⵙ ⴷ ⵓⵔⵎⴰⵙ ⵏ ⵜⵡⵓⵔⵉ ⵏ ⵜⵎⵔⵙⵍⵜ.

ⵉⵏⵏⴰ ⵓⵏⵙⵙⵉⵅⴼ ⵏ ⵜⵎⵔⵙⵍⵜ ⵜⴰⵏⴰⵎⵓⵔⵜ ⵏ ⵜⵙⵏⵉⵖⵉⵏ ⴰⵡⴷ ⵎⴰⵙ ⴷ ⵜⴰⵎⵢⴰⵇⵇⴰⵏⵜ ⴰⴷ ⵔⴰⴷ ⵜⵉⵍⵉ ⵙⵎⵎⵓⵙ ⵉⵙⴳⴳⵯⴰⵙⵏ ⴷ ⵉⵥⴹⴰⵕ ⴰⴷ ⵙ ⵜⵜ ⵙⵎⴰⵢⵏⵓⵏ, ⵔⴰⴷ ⵔⴰⴷ ⵜⵙⴽⵔ ⵢⴰⵏ ⵓⴱⵔⵉⴷ ⵉⴷⵓⵙⵏ ⵊⴰⵔ ⵜⵎⵔⵙⵍⵜ ⴷ ⵜⵎⴰⵡⴰⵙⵜ ⵏ ⵉⵄⵔⵔⵉⵎⵏ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ, ⴳ ⵓⵙⴰⵜⵉ ⵏ ⵓⵙⵎⵎⵓⵜⴳ ⴰⴷ.

ⴷ ⴳ ⵓⵙⴰⵜⵉ ⵏ ⵜⵎⵢⴰⵇⵇⴰⵏⵜ ⴰⴷ ⵏ ⵓⵎⵢⴰⵡⴰⵙ, ⵔⴰⴷ ⵜⴻⵜⵜⵓⵙⴽⴰⵔ ⵢⴰⵜ ⵜⵙⵇⵇⵉⵎⵜ ⵜⴰⵎⵥⵢⴰⵏⵜ ⵔⴰⴷ ⴷⵉⴳⵙ ⵉⵍⵉⵏ ⵉⵎⵙⴳⵎⴹⵏ , ⴰⴼⴰⴷ ⴰⴷ ⴹⴼⵔⵏ ⴷ ⵙⴽⵔⵏ ⴰⵙⵜⴰⵍ ⵏ ⵜⵎⵙⴽⴰⵔ ⵏⵏⴰ ⵉⵜⵜⴰⵡⵙⴽⴰⵔⵏ, ⴰⵡⴷ ⴼⴽⵉⵏ ⵜⴰⵏⵏⴰⵢⵉⵏ ⵏⵏⵙⵏ ⵅⴼ ⵉⵙⴳⵉⴷⴷⵉⵜⵏ ⵏⵏⴰ ⵔⴰⴷ ⵢⵉⵍⵉ.

 

Dernière modification : 01 ⴷⵓⵊⴰⵏⴱⵉⵔ 2022
Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%95%E2%B5%95%E2%B4%B1%E2%B4%B0%E2%B5%9F-%E2%B4%B0%E2%B5%99%E2%B4%B3%E2%B5%8E%E2%B4%B9-%E2%B5%8F-%E2%B5%A2%E2%B5%8E%E2%B5%A2%E2%B4%B0%E2%B5%87%E2%B5%87%E2%B4%B0%E2%B5%8F%E2%B5%9C-%E2%B5%8F-%E2%B5%93%E2%B5%99%E2%B5%9C%E2%B5%89%E2%B4%B3-%E2%B5%8F-%E2%B5%A1%E2%B4%B0%E2%B5%A2%E2%B4%B7%E2%B4%B0-%E2%B4%B0%E2%B5%99%E2%B5%8F%E2%B5%89%E2%B5%96%E2%B4%B0%E2%B5%8F-%E2%B4%B3-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1