ⴷⴼⴼⵉⵔ ⵏ ⵡⴰⴱⴱⴰⵢ ⵏ ⵓⵎⵄⵕⴰⴹ, ⵜⵙⴽⵔ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⴰⵔⵣⴰⴼ ⵉ ⴽⵉⴳⴰⵏ ⵏ ⵉⵏⵙⴰⵜⵏ ⵏⵏⴰ ⵉⵍⵍⴰⵏ ⴳ ⵓⴱⴰⵥⴰⵕ ⴰⴷ ⵏⵏⴰⵖ ⴰⵔ ⵜⵜⵓⴼⵙⴰⵔⵏⵜ ⵜⵖⴰⵡⵙⵉⵡⵉⵏ ⵏ ⵜⵎⴳⵓⵔⵉ ⵜⴰⵇⵇⴱⵓⵕⵜ ⵏ ⴽⵉⴳⴰⵏ ⵏ ⵜⵎⵉⵣⴰⵔ ⵏ ⵓⵎⴰⴹⴰⵍ.
ⴳ ⵜⴳⵉⵔⴰ ⵏ ⵜⴼⵓⴳⵍⴰ ⵜⵜⵓⵙⴽⴰⵔ ⵢⴰⵜ ⵜⵡⵍⴰⴼⵜ ⵏⵏⴰ ⵉⵙⵎⵓⵏⵏ ⵍⴰⵍ ⵏ ⵜⴰⵜⵜⵓⵢⵜ ⴷ ⵉⴳⵎⴰⵎⵏ ⵏ ⵓⵙⵉⵔⴰ ⴰⴷⵉⴱⵍⵓⵎⴰⵙⵉ.
ⵙⴽⵔⵏ ⵉⵙⵔⴷⴰⵙ ⵉⴳⵍⴷⴰⵏⵏ ⵢⴰⵏ ⵓⵙⴱⵔⵔⴽ ⵉ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵍⵍⵉⵖ ⵏⵏ ⵜⴳⵓⵍⴰ ⵎⵏⵉⴷ ⵏ ⵜⵙⴷⵍⵉⵙⵜ ⵜⴰⵏⴰⵎⵓⵔⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵉⵙⵍⵍⵎ ⴼⵍⵍⴰⵙ ⵓⵎⴰⵡⵙⴰⵙ ⵏ ⵜⵄⵓⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ ⵎⴰⵙⵙ ⵎⵓⵃⵎⵎⴰⴷ ⵎⵀⴷⵉ ⴱⵏⵙⵄⵉⴷ, ⴷ ⵜⵎⴰⵡⵙⴰⵙⵜ ⵏ ⵓⵎⵢⴰⵡⴰⵙ ⴷ ⵡⴰⴷⴰⴼ ⴰⵏⴰⵎⵓⵏ ⴷ ⵜⵡⵊⴰ ⵎⴰⵙⵙⴰ ⵄⴰⵡⴰⵟⵉⴼ ⵃⵉⵢⵢⴰⵕ ⴷ ⵍⵡⴰⵍⵉ ⵏ ⵜⵙⴳⴰ ⵏ ⵕⵕⴱⴰⵟ ⵙⵍⴰ ⵍⵇⵏⵉⵜⵕⴰ ⵎⴰⵙⵙ ⵎⵓⵃⵎⵎⴰⴷ ⵍⵢⴰⵄⵇⵓⴱⵉ.
ⵎⴽⵍⵍⵉ ⴼⵍⵍⴰⵙ ⵉⵣⵣⵓⵍ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵙⴳⴰ ⵏ ⵕⵕⴱⴰⵟ ⵙⵍⴰ ⵍⵇⵏⵉⵜⵕⴰ ⵎⴰⵙⵙ ⵕⴰⵛⵉⴷ ⵍⵄⴱⴷⵉ, ⴷ ⵜⵏⵙⵙⵉⵅⴼ ⵏ ⵓⵙⵇⵇⵉⵎ ⴰⴳⵔⴰⵡⴰⵏ ⵏ ⵕⵕⴱⴰⵟ ⵎⴰⵙⵙⴰ ⴰⵙⵎⴰ ⴰⵖⵍⴰⵍⵓ, ⴷ ⵓⵏⵙⵙⵉⵅⴼ ⵏ ⵜⵖⵉⵡⴰⵏⵜ ⵏ ⵕⵕⴱⴰⵟ ⵎⴰⵙⵙ ⵍⵄⴰⵣⵉⵣ ⴷⴷⵔⵉⵡⵛ, ⴷ ⵓⵏⵙⵙⵉⵅⴼ ⵏ ⵓⵙⵉⵔⴰ ⴰⴷⵉⴱⵍⵓⵎⴰⵙⵉ ⵜⴰⵡⵜⵎⵜ ⵏ ⵓⵎⴰⵣⴰⵏ ⵏ ⵍⴱⴱⵉⵔⵓ ⴳ ⵍⵎⵖⵔⵉⴱ ⴰⵍⵉⵙⴰⵏµⴹⴰ ⵎⴰⵏⵜⵛⵉⵙⵉ ⴷⵉ ⵜⵛⵉⴱⵓⴽⵓ, ⴷ ⵜⴳⵎⴰⵎⵉⵏ ⵏ ⵓⵙⵉⵔⴰ ⴰⴷⵉⴱⵍⵓⵎⴰⵙⵉ, ⴷ ⵓⵏⵎⵀⴰⵍ ⵏ ⵜⵙⴷⵍⵉⵙⵜ ⵜⴰⵏⴰⵎⵓⵔⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵎⴰⵙⵙ ⵎⵓⵃⵎⵎⴰⴷ ⵍⴼⵕⵕⴰⵏ.
ⵉⴳⴰ ⵓⴱⴰⵥⴰⵕ ⵢⴰⵏ ⵓⵏⵎⵓⵇⵇⴰⵔ ⵏⵏⴰ ⵉⵙⵏⵎⴰⵍⴰ ⵓⵙⵉⵔⴰ ⴰⴷⵉⴱⵍⵓⵎⴰⵙⵉ ⴽⵓⵏ ⴰⵙⴳⴳⵯⴰⵙ ⴳ ⵜⴳⵍⴷⵉⵜ ⵙ ⵓⵙⵎⵖⵕ ⵏ ⵉⵜⴳⴰⵔⵏ ⵏ ⵜⵉⴷⴷⵓⴽⵍⴰ ⴷ ⵡⴰⵏⵏⴰⵍ ⵏ ⵜⵎⴰⴳⵔⴰⵡⵉⵏ ⵡⴰⵔ ⵜⵓⵏⴱⵉⴹⵉⵏ ⵏⵏⴰ ⵉⵙⵡⵡⵓⵔⵉⵏ ⴳ ⵉⴳⵔ ⵏ ⵡⴰⵏⵏⴰⵍ ⵏ ⵉⵡⴷⴰⵏ ⵉⵙⵖⴰⵡⵙⴰⵏ.
ⵙ ⵜⵡⵉⵙⵉ ⵏ ⵓⴳⴳⴰⵔ ⵏ 30 ⵏ ⵜⵎⴰⵣⵉⵔⵜ, ⵣⵓⵏⴷ ⵉⴼⵔⵉⵇⵢⴰ ⴷ ⴰⵙⵢⴰ ⴷ ⵎⴰⵔⵉⴽⴰⵏ, ⵓⵕⵓⴱⴱⴰ ⴳ ⵓⴱⴰⵥⴰⵕ ⴰⴷ ⵙⴳ ⵜⵎⵙⵇⴰⴷⵉⵏ ⵏⵏⵙ ⵙ ⴽⵉⴳⴰⵏ ⵏ ⵉⴼⴰⵔⵙⵏ.