ⵜⴰⵎⵢⴰⵇⵇⴰⵏⵜ ⵜⴰⵙⴱⴱⴰⴱⵜ ⴳⵔ ⵍⵎⵖⵔⵉⴱ ⴷ ⴱⵕⵉⵟⴰⵏⵢⴰ.ⴰⵡⵏⵏⵉ ⵏ ⵜⵏⵣⵣⴰⵔⴼⵓⵏ ⵏ ⵍⵓⵏⴹⵓⵏ ⵍⵍⵉⵖ ⵜⵓⴳⵉ ⴰⵙⵓⵜⵔ ⵏ ⵢⴰⵜ ⵜⵎⴰⴳⵔⴰⵡⵜ ⵡⴰⵔ ⵜⴰⵏⴱⴱⴰⴹⵜ ⵏⵏⴰ ⵉⵙⵏⵉⵍⵏ ⵍⴱⵓⵍⵉⵣⴰⵕⵢⵓ ⵉⴳⴰ ⴰⵎⵓⵔⵙ ⵏ ⵜⵎⵢⴰⵇⵇⴰⵏⵜ ⴳⵔ ⵉⵡⴰⵏⴽⵏ ⴰⴷ ( ⵜⴰⴹⴰ ⵜⴰⵎⴰⵜⴰⵢⵜ ⵏ ⵜⵎⵙⵙⵏⵜⵉⵜⵉⵏ ⵏ ⵍⵎⵖⵔⵉⴱ )

26 ⵎⴰⵢⵢⵓ 2023 Version Imprimable

ⴹⴹⴰⵕⵍⴱⵉⴹⴰ - ⵜⵏⵏⴰ ⵜⴰⴹⴰ ⵜⴰⵎⴰⵜⴰⵢⵜ ⵏ ⵜⵎⵙⵙⵏⵜⵉⵜⵉⵏ ⵏ ⵍⵎⵖⵔⵉⴱ ⵎⴰⵙⴷ ⵍⵍⵉⵖ ⵜⵓⴳⵉ ⵜⵏⵣⴰⵔⴼⵓⵜ ⵏ ⵍⵓⵏⴹⵓⵏ ⴰⵙⵙⵓⵜⵔ ⵏⵏⴰ ⵜⴼⴽⴰ ⵢⴰⵜ ⵜⵎⴰⴳⵔⴰⵡⵜ ⵏⵏⴰ ⵉⵙⵏⵉⵍⵏ ⵍⴱⵓⵍⵉⵣⴰⵕⵢⵓ ⵎⴳⴰⵍ ⵏ ⵜⵎⵢⴰⵇⵇⴰⵏⵜ ⵜⴰⵙⴱⴱⴰⴱⴰⵏⵜ ⴳⵔ ⵍⵎⵖⵔⵉⴱ ⴷ ⵜⴳⵍⴷⵉⵜ ⵉⵎⵓⵏⵏ ⵉⴳⴰ ⵢⴰⵏ ⵓⵎⵓⵔⵙ ⵏ ⵜⵙⵏⵓⵔⴰⵢⵉⵏ ⵏ ⵍⵎⵖⵔⵉⴱ ⴷ ⴱⵕⵉⵟⴰⵏⵢⴰ .

ⵜⵙⵏⵓⴱⴳ ⵜⴰⴹⴰ ⴳ ⵢⴰⵏ ⵓⵙⵉⵡⴹ ⵍⵍⵉⵖ ⵜⵓⴳⵉ ⵜⵙⵏⵏⴱⴹⴰⵢⵜ ⴰⵙⵙⵓⵜⵔ ⵜⵏⵏⴰ ⵎⴰⵙⴷ ⵎⴰ ⴰⵏⵏ ⵉⴳⴰ ⵢⴰⵏ ⵓⵎⵓⵔⵙ ⵏ ⵜⵙⵏⵓⵔⴰⵢⵉⵏ ⵏ ⵍⵎⵖⵔⵉⴱ ⴷ ⴱⵕⵉⵟⴰⵏⵢⴰ ⵏⵏⴰ ⵉⵙⴽⴰⵔⵏ ⵉⵙⵏⴼⴰⵍ ⵏ ⵜⵙⴱⴱⴰⴱⵜ , ⴷ ⵜⴷⴷⵓⴽⴽⵍⴰ ⵉⴷⵓⵙⵏ ⴳⵔ ⵙⵏⴰⵜ ⵏ ⵜⵎⵉⵣⴰⵔ ⴰⴷ .

ⵉⵣⴰⵢⴷ ⵓⵙⵉⵡⴹ ⵉⵏⵏⴰ ⵎⴰⵙⴷ ⵜⴰⵙⴱⴰⴱⵜ ⴳⵔ ⵍⵎⵖⵔⵉⴱ ⴷ ⴱⵕⵉⵟⴰⵏⵢⴰ ⵜⵜⵓⴼⵔⴰⴳ ⴽⵓⵍⵍ , ⵉⵏⵏⴰ ⵎⴰⵙ ⵔⴰⴷ ⵉⵍⵉⵏⵜ ⵜⵎⵍⴷⵉⵡⵉⵏ ⵢⴰⴹⵏ ⵉⴷⵓⵙⵏ, ⵏⵏⴰ ⵔⴰⴷ ⵉⵣⴰⵢⴷ ⴰⴷⴷⵓⵔ ⵉ ⵉⵏⵙⵎⵓⵔⵏ ⴷ ⵜⵙⵏⵓⵔⴰⵢⵉⵏ ⴳ ⵜⵎⵉⵣⴰⵔ ⴰⴷ ⵙ ⵙⵏⴰⵜ ⴷ ⵜⵏⴼⵍⵉⵜ ⵜⴰⴷⵎⵙⴰⵏⵜ ⵉⵛⵛⴰⵔⵏ .

ⵜⵙⵙⴽⵯⵜⵉ ⵜⴰⴹⴰ ⵏ ⵜⵙⵏⵓⵔⴰⵢⵉⵏ ⵙ ⵜⵏⴰⴱⴱⴰⵢⵜ ⴳ ⴷⵓⵊⴰⵏⴱⵉⵔ 2022 ⵅ ⵓⵏⵣⴰⵖ ⵏⵏⴰ ⵜⵙⴽⵔ ⵜⵙⵏⵓⵔⴰⵢⵜ ⵡⴰⵔ ⵜⴰⵏⴱⴱⴰⴹⵜ ⴼ ⵓⵎⵢⴰⴷⴰⵙ ⴳⵔ ⵍⵎⵖⵔⵉⴱ ⴷ ⴱⵕⵉⵟⴰⵏⵢⴰ, ⵓⵔ ⵉⵜⵜⵓⵙⵖⵥⵏ ⵓⵡⵏⵏⵉ ⵏ ⵜⵓⵙⵍⵉⴷⵜ ⵏ ⵓⵙⵙⵓⵜⵔ ⵏ ⵜⵎⴰⴳⵔⴰⵡⵜ ⴰⴷ ⵡⴰⵔ ⵜⴰⵏⴱⴱⴰⴹⵜ .

ⵜⵏⵏⴰ ⵜⴰⴹⴰ ⵎⴰⵙ ⵓⵔ ⵔⴰⴷ ⵉⵜⵜⵓⵙⴽⴰⵔ ⵓⵙⵍⵉⴷ ⵉ ⵓⵡⵏⵏⵉ ⵏ ⵜⵙⵏⵏⴱⴹⴰⵢⵜ, ⴰⵢⴰⵏⵏ ⴰⴷ ⵉⵙⴽⴰⵔⵏ ⵉⵡⵜⵜⴰ ⵎⵏⵉⴷ ⵏ ⵡⴰⵏⵏⴰ ⵉⵔⴰⵏ ⵉⵎⵓⴽⵔⵉⵙⵏ ⵉ ⵜⵎⵢⴰⵇⵇⴰⵏⵜ ⵏ ⵜⵙⴱⴱⴰⴱⵜ ⴳⵔ ⵍⵎⵖⵔⵉⴱ ⴷ ⴱⵕⵉⵟⴰⵏⵢⴰ .

ⵉⵙⵏⴼⴰⵍ ⵏ ⵜⵙⴱⴱⴰⴱⵜ ⴳⵔ ⵍⵎⵖⵔⵉⴱ ⴷ ⵜⴳⵍⴷⵉⵜ ⵉⵎⵓⵏⵏ ⵜⵣⴰⵢⴷ ⵙ 50 ⴳ ⵜⵎⵉⴹⵉ ⴳ ⵓⵣⵎⵣ ⵡⵉⵙⵙ ⴽⴽⵓⵥ ⵏ ⵓⵙⴳⴳⵯⴰⵙ ⵏ 2022 ⴳ ⵓⵙⵎⵣⴰⵣⴰⵍ ⴷ ⵜⵉⵣⵉ ⴰⴷ ⵏⵉⵜ ⵏ ⵓⵙⴳⴳⴰⵙ ⵏ 2021 .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B4%B0%E2%B5%8E%E2%B5%A2%E2%B4%B0%E2%B5%87%E2%B5%87%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B5%99%E2%B4%B1%E2%B4%B1%E2%B4%B0%E2%B4%B1%E2%B5%9C-%E2%B4%B3%E2%B5%94-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B7-%E2%B4%B1%E2%B5%95%E2%B5%89%E2%B5%9F%E2%B4%B0%E2%B5%8F%E2%B5%A2%E2%B4%B0%E2%B4%B0%E2%B5%A1%E2%B5%8F%E2%B5%8F%E2%B5%89-%E2%B5%8F-%E2%B5%9C%E2%B5%8F%E2%B5%A3%E2%B5%A3%E2%B4%B0%E2%B5%94%E2%B4%BC%E2%B5%93%E2%B5%8F-%E2%B5%8F-%E2%B5%8D%E2%B5%93%E2%B5%8F%E2%B4%B9%E2%B5%93%E2%B5%8F-%E2%B5%8D%E2%B5%8D%E2%B5%89%E2%B5%96-%E2%B5%9C%E2%B5%93%E2%B4%B3%E2%B5%89-%E2%B4%B0%E2%B5%99%E2%B5%93%E2%B5%9C%E2%B5%94