Published on MAPNews (https://www.mapnews.ma/am)

Accueil > ⴱⴰⴱ ⵏ ⵜⴰⵜⵜⵓⵢⵜ ⴰⴳⵍⴷⵓⵏ ⵎⵓⵍⴰⵢ ⵕⴰⵛⵉⴷ: ⴰⵏⵎⵓⴳⴳⴰⵔ ⴰⴳⵔⴰⵖⵍⴰⵏ ⵏ ⵓⵙⴰⵔⵓ ⴳ ⵡⴰⵎⵓⵔ ⵏ ⵡⴰⴽⵓⵛ ⵜⴰⵙⵖⵔⵜ ⵏ ⵜⵓⵙⵙⵏ ⴰⵏ ⵡⴰⵢⴹ ⴷ ⵓⵏⵢⴰ ⵏ ⵓⴱⵟⵟⵓ ⵏ ⵜⵣⵎⵎⴰⵔ

ⴱⴰⴱ ⵏ ⵜⴰⵜⵜⵓⵢⵜ ⴰⴳⵍⴷⵓⵏ ⵎⵓⵍⴰⵢ ⵕⴰⵛⵉⴷ: ⴰⵏⵎⵓⴳⴳⴰⵔ ⴰⴳⵔⴰⵖⵍⴰⵏ ⵏ ⵓⵙⴰⵔⵓ ⴳ ⵡⴰⵎⵓⵔ ⵏ ⵡⴰⴽⵓⵛ ⵜⴰⵙⵖⵔⵜ ⵏ ⵜⵓⵙⵙⵏ ⴰⵏ ⵡⴰⵢⴹ ⴷ ⵓⵏⵢⴰ ⵏ ⵓⴱⵟⵟⵓ ⵏ ⵜⵣⵎⵎⴰⵔ

21 ⵏⵓⵡⴰⵏⴱⵉⵔ 2023 Version Imprimable
ⵕⵕⴱⴰⵟ - ⵉⵙⵙⵖⵥⵏ ⴱⴰⴱ ⵏ ⵜⴰⵜⵜⵓⵢⵜ ⴰⴳⵍⴷⵓⵏ ⵎⵓⵍⴰⵢ ⵕⴰⵛⵉⴷ , ⴰⵏⵙⵙⵉⵅⴼ ⵏ ⵜⵎⵔⵙⵍⵜ ⵏ ⵓⴳⴷⵓⴷ ⴰⴳⵔⴰⵖⵍⴰⵏ ⵏ ⵓⵙⴰⵔⵓ ⴳ ⵡⴰⵎⵓⵔ ⵏ ⵡⴰⴽⵓⵛ ⵎⴰⵙⴷ ⴰⵏⵎⵓⴳⴳⴰⵔ ⴰⴷ ⵉⴳⴰ ⵢⴰⵜ ⵜⵙⵖⵔⵜ ⴰⴼⴰⴷ ⴰⴷ ⵏⵉⵙⵙⴰⵏ ⵡⴰⵢⴹ, ⴷ ⵜⵎⵍⴷⴰ ⵏ ⵓⵙⴱⵓⵖⵍⵓ ⵏ ⵜⵣⵎⵎⴰⵔ ⵉⴳ ⴰⵡⴷ ⵢⴰⵜⵏ ⵓⵏⵎⵓⴳⴳⴰⵔ ⵏ ⵙⵙⵉⵏⵉⵎⴰ ⵉⴳ ⴰⵢⴷⴰ ⵏ ⵓⴼⵔⴰ ⴰⴼⴰⴷ ⴰⴷ ⵉⵙⴷⴷⵉⴷ ⵜⴰⵎⴰⴷⴷⴰⵙⵜ ⴳⵔ ⵜⵓⵙⵙⵏⵉⵡⵉⵏ ⴷ ⵓⵙⵏⵓⵏⴼ ⵏ ⵉⵖⵔⴼⴰⵏ ⵢⴰⴹⵏ .

ⵉⵏⵏⴰ ⴱⴰⴱ ⵏ ⵜⴰⵜⵜⵓⵢⵜ ⴳ ⵜⴳⵓⵔⵉ ⵏⵏⵙ , ⵏⵏⴰ ⵉⵍⵍⴰⵏ ⴳ ⵡⴰⵏⵙⴰ ⴰⵎⴰⴷⴷⵓⴷ ⵏ ⵜⵎⵔⵙⵍⵜ ⵎⴰⵙⴷ ⴰⵏⵎⵓⴳⴳⴰⵔ ⴰⴷ ⵏ ⵙⵙⵉⵏⵉⵎⴰ ⵉⴷⴷⴰⴷ ⴳ ⵜⵙⵙⵓⵜⵍⵜ ⵏⵏⵙ ⵜⴰⵎⴰⵢⵏⵓⵜ ⵜⵉⵙⵙ ⵙⵉⵎⵔⴰⵡⵜ, ⵉⵙⵙⴽⵯⵜⵉ ⴰⵡⴷ ⵜⴰⵡⴰⵖⵉⵜ ⵏⵏⴰ ⵢⵓⵜⵏ ⵜⴰⵎⵏⴰⴷⵜ ⴰⴷ ⴳ ⵙⵉⵏ ⵢⵉⵔⵏ ⵏⵏⴰ ⵉⵣⵔⵉⵏ .

ⵉⵣⴰⵢⴷ ⴱⴱⴰ ⵏ ⵜⴰⵜⵜⵓⵢⵜ ⴰⴳⵍⴷⵓⵏ ⵎⵓⵍⴰⵢ ⵕⴰⵛⵉⴷ ⴳ ⵜⴳⵓⵔⵉ ⵏⵏⵙ , ⵉⵏⵏⴰ ⵎⴰⵙⴷ ⴰⵎⴰⴹⴰⵍ ⴰⵙⵙ ⴰⴷ ⵉⴳⴰ ⵢⴰⵏ ⵡⴰⵢⴷⴰ ⵏⵏⴰ ⴽⴽⴰⵜⵏⵜ ⵜⵡⴰⵖⵉⵜⵉⵏ , ⵜⴳ ⵙⵙⵉⵏⵉⵎⴰ ⴰⵙⵙ ⴰⴷ ⵢⴰⵏ ⵡⵓⴷⵎ ⵏ ⵜⵓⵙⵙⵏⴰ ⵏ ⵡⴰⵢⵢⴰⴹ ⴷ ⵓⵎⵙⴰⴷⴷⴰⵔ ⴳⵔ ⵜⵓⵙⵏⵉⵡⵉⵏ , ⴷ ⵓⵏⵏⵓⵕⵥⵎ ⴳⵔ ⵉⵡⴷⴰⵏ ⵏ ⵉⵖⵔⴼⴰⵏ ⴰⴽⴽⵯ .

ⵉⵙⵙⵎⵖⵕ ⴱⴰⴱ ⵏ ⵜⴰⵜⵜⵓⵢⵜ ⴰⵡⴷ ⵙ ⵡⴰⴷⴷⵓⵔ ⵏ ⵜⵙⴳⴰ ⴷⴷⵖ ⴳ ⵢⵉⴳⵔ ⵏ ⵓⵎⵙⴰⴷⴷⴰⵔ ⴳⵔ ⵜⵓⵙⵙⵏⵉⵡⵉⵏ .

ⴳ ⵎⴰⴷ ⵉⵥⵍⵉⵏ ⵙ ⵡⴰⵀⵉⵍ ⵏ ⵜⵙⵙⵓⵜⵍⵜ ⴰⴷ, ⴳⵔ 24 ⵏⵓⵡⴰⵏⴱⵉⵔ ⴷ 2 ⴷⵓⵊⴰⵏⴱⵉⵔ ⴷ ⵢⵓⵛⴽⴰⵏ, ⵉⵙⵎⴰⵍ ⴱⴰⴱ ⵏ ⵜⴰⵜⵜⵓⵢⵜ ⴰⴳⵍⴷⵓⵏ ⵎⵓⵍⴰⵢ ⵕⴰⵛⵉⴷ ⵎⴰⵙⴷ ⵜⴰⵙⵙⵓⵜⵍⵜ ⵏ ⵓⵙⴳⴳⴰⵙ ⴰⴷ, ⵜⵜⵓⵙⵙⴰⵏ ⵙ ⵜⵉⵍⵉⵜ ⵏ ⴽⵉⴳⴰⵏ ⵏ ⵉⵏⵎⵎⴰⵙⵙⵓⵜⵏ ⵏⵏⴰ ⵉⵙⵎⴷ ⵜⵉⵏⴼⴽⵉⵜⵉⵏ ⵏⵏⵙ ⴳ ⵉⴳⵔ ⵏ ⵡⴰⵍⴰⵙ ⵏ ⵜⵉⵔⵔⴰ ⵏ ⵓⵎⵣⵔⵓⵢ ⵏ ⵙⵙⵉⵏⵉⵎⴰ . 

ⵉⵣⴰⵢⴷ ⴱⴰⴱ ⵏ ⵜⴰⵜⵜⵓⵢⵜ , ⵉⵏⵏⴰ ⵎⴰⵙ ⵔⴰⴷ ⵜⵜⵓⵙⵎⵖⵕⵏ ⵙⵉⵏ ⵉⵡⵔⵉⴽⵏ  ⵜⵙⵙⵓⵜⵍⵜ ⴰⴷ, ⴰⵙⴽⴱⴰⵕ ⵏ ⴷⴷⴰⵏⵉⵎⴰⵕⴽ ⵎⴰⴷⵙ ⵎⵉⴽⵍⵙⵏ, ⴱⴰⴱ ⵏ ⵜⵏⴼⴽⵉⵜ ⵜⴰⵖⵔⵎⴰⵏⵜ ⴷ ⵓⵎⵙⵙⵓⴼⵖ ⴰⵎⵖⵔⵉⴱⵉ ⴼⴰⵡⵣⵉ ⴱⵏⵙⵄⵉⴷⵉ ⵏⵏⴰ ⵉⵙⴽⵔⵏ ⴽⵉⴳⴰⵏ ⵏ ⵜⵡⵡⵓⵔⵉⵡⵉⵏ ⴳ ⵉⴳⵔ ⵏ ⵙⵙⵉⵏⵉⵎⴰ, ⵉⵏⵏⴰ ⴱⴰⴱ ⵏ ⵜⴰⵜⵜⵓⵢⵜ ⵎⴰⵙⴷ ⵜⴰⵢⵎⵓⵏⵜ ⵏ ⵓⵙⵏⵎⵉⵍⵉ ⴳⵉⵙ ⴽⵉⴳⴰⵏ ⵏ ⵉⵏⵎⵎⴰⵙⵙⵓⵜⵏ ⴳ ⵉⴳⵔ ⵏ ⵙⵙⵉⵏⵉⵎⴰ ⴷ ⵉⵡⵡⵓⵔⴰⵏⵏ ⵏⵏⴰ ⵢⵉⵡⵉⵏ ⵍⵓⵙⴽⴰⵕ ⴷ ⴽⵉⴳⴰⵏ ⵏ ⵉⵎⵙⵏⴼⵍⵓⵍⵏ ⵉⵏⴰⵣⵓⵔⵏ ⴳ ⵉⴳⵔ ⵏ ⵙⵙⵉⵏⵉⵎⴰ ⴳ ⵓⵙⵡⵉⵔ ⴰⵎⴰⴹⵍⴰⵏ , ⵎⴽⵍⵍⵉ ⵔⴰⴷ ⵉⵍⵉⵏ ⴽⵉⴳⴰⵏ ⵏ ⵉⵡⵔⵉⴽⵏ ⵉⵏⵎⴰⵙⵙⵓⵜⵏ ⵏ ⵙⵙⵉⵏⵉⵎⴰ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B1%E2%B4%B0%E2%B4%B1%C2%A0%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F-%E2%B5%8E%E2%B5%93%E2%B5%8D%E2%B4%B0%E2%B5%A2-%E2%B5%95%E2%B4%B0%E2%B5%9B%E2%B5%89%E2%B4%B7-%E2%B4%B0%E2%B5%8F%E2%B5%8E%E2%B5%93%E2%B4%B3%E2%B4%B3%E2%B4%B0%E2%B5%94-%E2%B4%B0%E2%B4%B3%E2%B5%94%E2%B4%B0%E2%B5%96%E2%B5%8D%E2%B4%B0%E2%B5%8F-%E2%B5%8F-%E2%B5%93%E2%B5%99%E2%B4%B0%E2%B5%94%E2%B5%93-%E2%B4%B3-%E2%B5%A1%E2%B4%B0%E2%B5%8E%E2%B5%93%E2%B5%94-%E2%B5%8F-%E2%B5%A1%E2%B4%B0%E2%B4%BD%E2%B5%93%E2%B5%9B-%E2%B5%9C%E2%B4%B0%E2%B5%99%E2%B5%96%E2%B5%94%E2%B5%9C