ⵍⵎⵖⵔⵉⴱ ⴷ ⵜⵜⵛⴰⴷ ⵡⴰⴼⴰⵇⵏ ⴰⴷ ⵙⵓⵍ ⵙⴷⵓⵙⵏ ⴰⴷⵔⴰⵡ ⴰⵙⵉⵏⵔⴰⵏ ⵏⵏⵙⵏ ⴳ ⴽⵔⴰ ⵢⴳⴰⵜⵜ ⵉⴳⵔ

14 ⵖⵓⵛⵜ 2024 Version Imprimable

ⴷⴷⴰⵅⵍⴰ - ⵡⴰⴼⴰⵇⵏ ⵍⵎⵖⵔⵉⴱ ⴷ ⵜⵜⵛⴰⴷ ⴰⴷ "ⵙⵓⵍ ⵙⴷⵓⵙⵏ ⴰⴷⵔⴰⵡ ⴰⵙⵉⵏⵔⴰⵏ ⵏⵏⵙⵏ, ⵉⵜⵜⵓⵙⵔⴰⵙⵏ ⴳ ⵓⵙⴰⵜⵉ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ", ⵎⴰ ⵢⴰⴷ ⵉⵏⵏⴰ ⵢⴰⵏ ⵓⵙⵉⵡⴹ ⵉⵛⵛⴰⵔⵏ ⵍⵍⵉ ⵙⵙⴳⵎⴹⵏ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴰⴱⵉⵢⵏ ⵣⴷⵖⵏⵉⵏ ⴳ ⴱⵕⵕⴰ, ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴷ ⵓⵎⴰⵡⵙⴰⵙ ⵏ ⵓⵡⴰⵏⴽ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵙⵉⴷⴼ ⴰⴼⵔⵉⵇⵉ ⴷ ⵉⵜⵛⴰⴷⵉⵢⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ, ⴰⵎⵙⵡⵉⵍ ⵙ ⵉⵙⵎ ⵏ ⵜⵏⴱⴰⴹⵜ, ⵎⴰⵙⵙ ⵄⴱⴷⵕⵕⵃⵎⴰⵏ ⴽⵓⵍⴰⵎⴰⵍⵍⴰⵀ.

ⵎⵍⴰⵏ ⵙⵓⵍ ⵙⵉⵏ ⵉⵎⴰⵡⵙⴰⵙⵏ, ⵍⵍⵉ ⵢⵎⴰⴳⴳⴰⵔⵏ ⴰⵙⵙ ⵏ ⵓⴽⵕⴰⵙ ⴳ ⴷⴷⴰⵅⵍⴰ, ⵜⵉⵔⴰⵜ ⵏ ⵙⵏⴰⵜ ⵜⵎⵉⵣⴰⵔ ⴰⴷ ⵙⴼⵙⵙⵓⵙⵏⵜ ⵉⵎⵎⵙⴽⴰⵍⵏ ⵉⴷⵎⵙⴰⵏⵉⵏ, ⵙⴷⴷⵉⵙⵏ ⴳ ⵓⵣⵎⵣⵣⵓ ⵢⴰⴷ ⵜⵉⵍⴰⵍⵜ ⵜⴰⵎⵇⵇⵔⴰⵏⵜ ⵏ ⵉⴳⵔ ⵓⵙⵍⵉⴳ.

ⵉⴳⴰ ⵡⵎⴰⴳⴳⵔ ⴰⴷ ⴰⵣⵎⵣⵣⵓ ⵏ ⵓⵙⴳⵎⴹ ⵏ ⵎⵏⵏⴰⵡ ⵏ ⵉⵎⵙⴰⵙⴰⵏ ⵉⴳⴳⵔⵏ ⵙⵍⴰⵡⴰⵏ ⴰⴽⴽⵯ ⵉ ⵓⵙⴳⵔⴰⵢ ⵓⵔ ⵉⵢⵓⴳⴰⵢⵏ, ⴷ ⵓⵎⵢⴰⵡⴰⵙ ⴳ ⵉⴳⵔ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⴰⵔⵣⵣⵓ ⴰⵎⴰⵙⵙⴰⵏ ⴷ ⵉⵙⵍⵡⵡⵉ, ⵓⵍⴰ ⵓⵎⵢⴰⵡⴰⵙ ⴰⵜⵉⵇⵏⵉ ⴳ ⵉⴳⵔ ⵏ ⵓⵙⴰⵢⵍⴰⵍ ⴰⵏⵖⵔⴰⵎ ⴷ ⵓⵎⵢⴰⵡⴰⵙ ⴳ ⵉⴳⵔ ⵏ ⵜⴳⴰⵏⵜ.

ⵡⴰⴼⴰⵇⵏ ⵙⵓⵍ ⵙⵉⵏ ⵉⵎⴰⵡⵙⴰⵙⵏ ⵅⴼ ⵜⵙⵓⵜⵍⵜ ⵜⵉⵙⵙ ⵙⵏⴰⵜ ⵏ ⵜⵙⵇⵇⵉⵎⵜ ⵏ ⵓⵎⵢⴰⵡⴰⵙ ⵜⵎⵖⵔⴰⴱⵉⵜ ⵜⴰⵜⵛⴰⴷⵉⵜ, ⴰⵎⵎⴰⵙ ⵏ ⵓⵚⵉⵚⵢⵓⵔ ⴰⵎⵣⵡⴰⵔⵓ ⵏ 2025 ⴳ ⴷⴷⴰⵅⵍⴰ.

Source URL: https://www.mapnews.ma/am/actualites/%E2%B4%B0%E2%B5%8F%E2%B5%8E%E2%B5%8F%E2%B4%B0%E2%B4%B9/%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B7-%E2%B5%9C%E2%B5%9C%E2%B5%9B%E2%B4%B0%E2%B4%B7-%E2%B5%A1%E2%B4%B0%E2%B4%BC%E2%B4%B0%E2%B5%87%E2%B5%8F-%E2%B4%B0%E2%B4%B7-%E2%B5%99%E2%B5%93%E2%B5%8D-%E2%B5%99%E2%B4%B7%E2%B5%93%E2%B5%99%E2%B5%8F-%E2%B4%B0%E2%B4%B7%E2%B5%94%E2%B4%B0%E2%B5%A1-%E2%B4%B0%E2%B5%99%E2%B5%89%E2%B5%8F%E2%B5%94%E2%B4%B0%E2%B5%8F-%E2%B5%8F%E2%B5%8F%E2%B5%99%E2%B5%8F-%E2%B4%B3-%E2%B4%BD%E2%B5%94%E2%B4%B0-%E2%B5%A2%E2%B4%B3%E2%B4%B0%E2%B5%9C%E2%B5%9C-%E2%B5%89%E2%B4%B3%E2%B5%94