ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⵉⵟⵡⴰⵏ ⴰⵏⴱⵔⴰⵣ ⵓⵍⴰⵎⴱⵉ ⵙⵓⴼⵢⴰⵏ ⵍⴱⵇⵇⴰⵍⵉ

14 ⵖⵓⵛⵜ 2024 Version Imprimable

ⵜⵉⵟⵡⴰⵏ - ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵕⴰⵙ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⴳ ⵜⵉⵟⵡⴰⵏ, ⴰⵏⴱⵔⴰⵣ ⵓⵍⴰⵎⴱⵉ ⵙⵓⴼⵢⴰⵏ ⵍⴱⵇⵇⴰⵍⵉ, ⵍⵍⵉ ⵢⵉⵡⵉⵏ ⵜⵎⴰⴷⴰⵢⵜ ⵏ ⵣⵉⵖ ⵏ 3000 ⵓⵎⵉⵜⵔⵓ ⵎⴰⵡⴰⵏⵉⵄ ⴰⵎⵎⴰⵙ ⵏ ⵉⵔⴰⵔⵏ ⵓⵍⴰⵎⴱⵉⵢⵏ ⵏ ⵓⵏⴱⴷⵓ (ⴱⴰⵔⵉⵣ 2024).

ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴳ ⵓⵣⵎⵣⵣⵓ ⵢⴰⴷ, ⵉ ⵎⴰⵙⵙ ⵙⵓⴼⵢⴰⵏ ⵍⴱⵇⵇⴰⵍⵉ ⵍⵡⵉⵙⴰⵎ ⵏ ⵓⴷⴰⴱⵓ ⵏ ⵓⵙⵎⵉⵍ ⵏ ⵓⵎⴰⵏⴰⵔ.

ⵉⵣⵔⵉ ⵓⵙⵏⵓⴱⴳ ⴰⴷ ⵙ ⵜⵉⵍⵉⵜ ⵏ ⵓⵏⵙⵙⵉⵅⴼ ⵏ ⵜⴼⵉⴹⵉⵕⴰⵍⵉⵜ ⵜⴰⴳⵍⴷⴰⵏⵜ ⵜⴰⵎⵖⵔⴰⴱⵉⵜ ⵏ ⵜⵓⵏⵏⵓⵏⵜ ⵏ ⵜⴳⴳⴰⵍⵉⵏ, ⵄⴱⴷⵙⵙⵍⴰⵎ ⴰⵃⵉⵣⵓⵏ, ⴷ ⵉⵎⵍⴰ ⴰⵏⵀⵍⵍⴰ ⵢⴰⵜⵜⵓⵢⵏ ⵍⵍⵉ ⴰⵔ ⴱⴷⴷⴰ ⵢⵜⵢⴰⴽⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵏⵚⵕ ⵕⴱⴱⵉ, ⵉ ⵢⵄⵔⵔⵉⵎⵏ ⴷ ⵉⴳⵔ ⵏ ⵜⵓⵏⵏⵓⵏⵜ.

ⵢⵓⵛⴽⴰ ⵓⵙⵏⵓⴱⴳ ⴰⴷ ⴷⴼⴼⵉⵔ ⵏ ⵜⵖⴰⵡⵙⴰ ⵜⴰⵅⴰⵜⴰⵔⵜ ⴷ ⵜⵎⵣⵔⴰⵢⵜ ⵍⵍⵉ ⵢⵙⴽⵔ ⵙⵓⴼⵢⴰⵏ ⵍⴱⵇⵇⴰⵍⵉ ⴳ ⵉⵔⴰⵔⵏ ⵓⵍⴰⵎⴱⵉⵢⵏ ⵉⵣⵔⵉⵏ, ⵍⵍⵉⵖ ⵉⵃⵟⵟⴰ ⴰⵣⵡⵍ ⵏⵏⵙ ⵙ ⵜⵡⴰⵍⴰ ⵜⵉⵙⵙ ⵙⵏⴰⵜ ⴷⴼⴼⵉⵔ ⵏ ⵅⵜⴰⵏⵏ ⵏ ⵟⵓⴽⵢⵓ 2020.

Dernière modification : 14 ⵖⵓⵛⵜ 2024

Source URL: https://www.mapnews.ma/am/activites-royales/%E2%B5%89%E2%B5%99%E2%B5%8F%E2%B5%93%E2%B4%B1%E2%B4%B3-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B3-%E2%B5%9C%E2%B5%89%E2%B5%9F%E2%B5%A1%E2%B4%B0%E2%B5%8F-%E2%B4%B0%E2%B5%8F%E2%B4%B1%E2%B5%94%E2%B4%B0%E2%B5%A3-%E2%B5%93%E2%B5%8D%E2%B4%B0%E2%B5%8E%E2%B4%B1%E2%B5%89-%E2%B5%99%E2%B5%93%E2%B4%BC%E2%B5%A2%E2%B4%B0%E2%B5%8F-%E2%B5%8D%E2%B4%B1%E2%B5%87%E2%B5%87%E2%B4%B0%E2%B5%8D%E2%B5%89