ⵉⵔⵣⴼ ⵓⵎⴰⵡⴰⵙ ⵏ ⵜⵉⵄⵄⵓⵔⵎⴰ ⴷ ⵜⴰⴷⵍⵙⴰ ⴷ ⵓⵎⵢⴰⵡⴰⴹ ⴰⵙⵖⵉⵎ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵉⵏⵖⵎⵉⵙⵏ

15 ⵏⵓⵡⴰⵏⴱⵉⵔ 2021 Version Imprimable

ⵕⵕⴱⴰⵟ - ⵉⵙⴽⵔ ⵓⵎⴰⵡⴰⵙ ⵏ ⵜⵉⵄⵄⵓⵔⵎⴰ ⴷ ⵜⴰⴷⵍⵙⴰ ⴷ ⵓⵎⵢⴰⵡⴰⴹ ⵎⴰⵙⵙ ⵎⵓⵢⵎⵎⴷ ⵍⵎⵀⴷⵉ ⴱⵏⵙⵄⵉⴷ ⴰⵙⵙ ⵏ ⵓⵢⵏⴰⵙ ⴳ ⵕⵕⴱⴰⵟ ⴰⵔⵣⴰⴼ ⵏ ⵢⵓⵙⵖⵉⵎ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵉⵏⵖⵎⵉⵙⵏ "ⵎⴰⴱ" ⵍⵍⵉⵖ ⵉⵎⴹⴰⴽⴰⵕ ⴷ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵙⵏⵓⵔⴰⵢⵜ ⵎⴰⵙⵙ ⵅⴰⵍⵉⵍ ⵀⴰⵛⵉⵎⵉ ⵉⴷⵔⵉⵙⵉ

ⵙⴰⵡⵍⵏ ⵉⵎⴹⵉⴽⵉⵕⵏ ⴳⵔ ⵜⵉⴼⵓⵍⵉⵏ ⵙⵏⴰⵜ ⵅⴼ ⵎⴰⵏⵏⴰⵡ ⵏ ⵉⴳⵔⴰⵏ ⵉⵥⵍⵉⵏ ⵙ ⵜⵏⵖⵎⴰⵙⵜ ⵜⴰⵎⵖⵔⵉⴱⵉⵜ ⴷ ⵜⴰⵏⴽⵔⴰ ⵏⵏⵙ ⴷ ⵜⴰⵡⵓⵔⵉ ⵜⴰⵅⴰⵜⴰⵔⵜ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵓⵏⵖⵎⵉⵙⵏ ⵍⵍⵉ ⵉⴳⴰⵏ ⵢⴰⵜ ⵜⵎⵔⵙⵍⵜ ⵜⴰⵙⵜⵔⴰⵜⵉⵊⵉⵜ ⴳ ⵉⴳⵔ ⵏ ⵜⵏⵖⵎⴰⵙⵜ ⵜⴰⵏⴰⵎⵓⵔⵜ.

ⵙ ⵓⵣⵎⵣⵣⵓ ⵢⴰⵏ ⵉⵔⵣⴼ ⵓⵎⴰⵡⴰⵙ ⵏ ⵜⵉⵄⵄⵓⵔⵎⴰ ⴷ ⵜⴰⴷⵍⵙⴰ ⴷ ⵓⵎⵢⴰⵡⴰⴹ ⵎⴰⵙⵙ ⵎⵓⵢⵎⵎⴷ ⵍⵎⵀⴷⵉ ⴱⵏⵙⵄⵉⴷ ⵎⵏⵏⴰⵡ ⵏ ⵜⵉⵏⴰⴼⵓⵜⵉⵏ ⵏ ⵜⵎⵔⵙⵍⵜ ⴰⴷ ⵉⵥⵕ ⴳⵉⵙ ⵜⴰⵡⵓⵔⵉ ⵏⵏⵙ ⵖⵎⴽⵍⵍⵉ ⵢⴰⵏ ⵜⵜⵓⴼⴽⴰⵏ ⵉⵙⵉⵙⴼⵉⵡⵏ ⵅⴼ ⵖⵎⴽⵍⵍⵉ ⵜⵣⵔⴰⵢ ⵜⵡⵓⵔⵉ ⴳ ⵉⴳⵔⴰⵏ ⵏⵏⵙ.

ⴳ ⵢⴰⵜ ⵜⵙⴳⵓⵔⵉ ⵉ ⵢⵓⵙⴰⵔⵓ ⵏ ⵉⵏⵖⵎⵉⵙⵏ ⴰⵎⵖⵔⵉⴱⵉ "ⵎ 24" ⵉⵏⵏⴰ ⵎⴰⵙⵙ ⴱⵏ ⵙⵄⵉⴷ ⵎⴰⵙ ⵉⴽⵛⵎ ⵓⵔⵣⴰⴼ ⴰⴷ ⴳ ⵓⵙⴰⵜⵉ ⵏ ⵉⵔⵣⴰⴼⵏ ⵍⵍⵉ ⵉⵙⴽⴰⵔ ⵉ ⵜⵎⵔⵙⴰⵍⵉⵏ ⵏ ⵜⵏⵖⵎⴰⵙⵜ ⵍⵍⵉ ⵉⵎⵙⴰⵙⴰⵏ ⴷ ⵡⴰⵙⵙ ⴰⵏⴰⵎⵓⵔ ⵏ ⵜⵏⵖⵎⴰⵙⵜ ⴷ ⵓⵎⵢⴰⵡⴰⴹ .

ⵙ ⵓⵣⵎⵣⵣⵓ ⵢⴰⴷ ⵉⵙⵙⴼⵓⵍⴽⵉ ⵓⵎⴰⵡⴰⵙ ⵏ ⵜⵉⵄⵄⵓⵔⵎⴰ ⴷ ⵜⴰⴷⵍⵙⴰ ⴷ ⵓⵎⵢⴰⵡⴰⴹ ⵎⴰⵙⵙ ⵎⵓⵢⵎⵎⴷ ⵍⵎⵀⴷⵉ ⴱⵏⵙⵄⵉⴷ ⵜⵓⴳⴳⴰⵙ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵉⵏⵖⵎⵉⵙⵜ "ⵎⴰⴱ" ⴰⴼⴰⴷ ⵜⴰⵏⴽⵔⴰ ⵙ ⵉⴳⵔ ⵏ ⵜⵏⵖⵎⴰⵙⵜ ⵜⴰⵏⴰⵎⵓⵔⵜ.

ⵉⵔⵏⵓ ⵉⵏⵏⴰ ⵎⴰⵙⵙ ⵎⵓⵃⵎⵎⴷ ⵍⵎⵀⴷⵉ ⴱⵏⵙⵄⵉⴷ ⵎⴰⵙ ⵉⴳⴰ ⵓⵔⵣⴰⴼ ⴰⴷⴰ ⴰⵣⵎⵣⵓ ⵓⵍⴰ ⴰⴷ ⵉⴱⵉⴷ ⵅⴼ ⵉⵙⵜⵉⵏ ⵉⵎⴰⵢⵏⵓⵜⵏ ⵉⵖⵓⴷⴰⵏ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵉⵏⵖⵎⵉⵙⵏ

Dernière modification : 15 ⵏⵓⵡⴰⵏⴱⵉⵔ 2021

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%89%E2%B5%94%E2%B5%A3%E2%B4%BC-%E2%B5%93%E2%B5%8E%E2%B4%B0%E2%B5%A1%E2%B4%B0%E2%B5%99-%E2%B5%8F-%E2%B5%9C%E2%B5%89%E2%B5%84%E2%B5%84%E2%B5%93%E2%B5%94%E2%B5%8E%E2%B4%B0-%E2%B4%B7-%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0-%E2%B4%B7-%E2%B5%93%E2%B5%8E%E2%B5%A2%E2%B4%B0%E2%B5%A1%E2%B4%B0%E2%B4%B9-%E2%B4%B0%E2%B5%99%E2%B5%96%E2%B5%89%E2%B5%8E-%E2%B5%8F-%E2%B5%9C%E2%B5%99%E2%B5%8F%E2%B5%93%E2%B5%94%E2%B4%B0%E2%B5%A2%E2%B5%9C-%E2%B5%9C%E2%B4%B0%E2%B5%8E%E2%B5%96%E2%B5%94%E2%B5%89%E2%B4%B1%E2%B5%89%E2%B5%9C-%E2%B5%8F-%E2%B5%89%E2%B5%8F%E2%B5%96%E2%B5%8E%E2%B5%89%E2%B5%99%E2%B5%8F