ⵉⵏⵏⴰ ⵓⵙⵉⵡⴹ ⵏ ⵓⴱⵕⵍⴰⵎⴰⵏ ⵎⴰⵙⴷ ⵉⵏⵙⵙⵉⵅⴼⵏ ⴷ ⵜⵏⵙⵙⵉⵅⴼⵉⵏ ⵏ ⵜⵎⵔⵙⴰⵍ ⵏ ⵓⵣⵣⵓⴳⵣ ⵏ ⵉⵙⵍⴳⴰⵏⵏ ⴳ ⵎⴰⵔⵉⴽⴰⵏ ⵜⴰⵏⴰⵎⵎⴰⵙⵜ ⴷ ⵍⴽⴰⵕⴰⵢⵢⵉⴱ ⴷ ⵍⵎⵉⴽⵙⵉⴽ ⴷ ⵉⴳⵎⴰⵎⵏ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴷ ⵉⵎⵙⵜⴳⴳⴰⵔⵏ ⵓⵏⴱⵉⴹⵏ ⵔⴰⴷ ⵉⵍⵉⵏ ⴳ ⵜⵙⵙⵓⵜⵍⵜ ⴷⴷⵅ ⴰⴼⴰⴷ ⴰⴷ ⵎⵔⴰⵔⴰⵏ ⴰⵡⴰⵍ ⵅⴼ ⵉⵜⴳⴰⵔⵏ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ ⵔⴰⴷ ⵉⵜⵜⵓⵎⵔⴰⵔⴰ ⵡⴰⵡⴰⵍ ⵅⴼ ⵓⵙⵏⵜⵍ ⵏ ⵓⵎⵢⴰⵡⴰⵙ ⴷ ⵓⵙⵏⴼⵍ ⴳⵔ ⵜⵉⵎⵓⵔⴰ ⵜⵉⴼⵔⵉⵇⵉⵢⵉⵏ ⴷ ⵜⵉⵏ ⵎⴰⵔⵉⴽⴰⵏ ⵜⴰⵏⴰⵎⵎⴰⵙⵜ ⴷ ⵍⴽⴰⵕⴰⵢⵢⵉⴱ ⴷ ⵍⵎⵉⴽⵙⵉⴽ, ⴷ ⵓⴼⵙⴰⵔ ⵏ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴳ ⵉⴳⵔ ⵏ ⵓⵣⵡⴰⴳ ⴷ ⵉⴳⵔ ⵏ ⵜⴰⵔⵏⴰ ⵉⵙⵎⴰⵢⵏⵓⵜⵏ .
ⵎⴽⵍⵍⵉ ⵔⴰⴷ ⵙⴽⵔⵏ ⵉⵏⵙⵙⵉⵅⴼⵏ ⴷ ⵜⵏⵙⵙⵉⵅⴼⵉⵏ ⵏ ⵜⵎⵔⵙⴰⵍ ⵜⵓⵏⴱⵉⴹⵉⵏ ⴷ ⵉⴷⵡⴰⵍⵏ ⵉⴱⵕⵍⴰⵎⴰⵏⵉⵏ ⴳ ⵎⴰⵔⵉⴽⴰⵏ ⵜⴰⵏⴰⵎⵎⴰⵙⵜ ⴷ ⵍⴽⴰⵕⴰⵢⵢⵉⴱ ⴷ ⵍⵎⵉⴽⵙⵉⴽ ⴽⵉⴳⴰⵏ ⵏ ⵉⵏⵎⵓⵇⵇⴰⵔⵏ ⴷ ⵉⵎⵙⵜⴳⴳⴰⵔⵏ ⵏ ⵍⵎⵖⵔⵉⴱ .
ⵉⵣⴰⵢⴷ ⵓⵙⴰⴳⵯⵎ ⴰⴷ ⵏ ⵉⵏⵖⵎⵉⵙⵏ, ⵉⵏⵏⴰ ⵎⴰⵙⴷ ⵜⵉⵡⵡⵓⵔⵉⵡⵉⵏ ⵏ ⵜⴰⵙⵙⵓⵜⵍⵜ ⴷⴷⵖ ⵏⵏⴰ ⵅⴼ ⵉⵍⵍⴰ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⵓⵏⴱⵉⴹⵜ ⵏ ⵙⴰⵍⴼⴰⴹⵓⵕ ⴷ ⵓⵏⵙⵙⵉⵅⴼ ⵏ ⵍⴼⵓⴱⵔⵉⵍ,ⵔⴰⴷ ⴳⵉⵙ ⵜⵉⵍⵉ ⵜⴳⵓⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵕⴰⵛⵉⴷ ⵟⵟⴰⵍⴱⵉ ⵍⵄⴰⵍⴰⵎⵉ, ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⵕⵏ ⵎⴰⵙⵙ ⵏⵏⴰⵄⵉⵎ ⵎⵢⵢⴰⵕⴰ, ⵔⴰⴷ ⴳⵉⵙ ⵜⵜⵓⵙⴽⴰⵔ ⵜⵖⵔⵉ ⴷ ⵓⵙⴳⵎⴹ ⵅⴼ ⵉⵙⵏⴼⴰⵕⵏ ⵏⵏⴰ ⵍⵍⴰⵏⵉⵏ ⴳ ⵡⴰⵀⵉⵍ ⵏ ⵜⵡⵡⵓⵔⵉⵡⵉⵏ .