ⵉⵣⴰⵢⴷ ⵎⴰⵙⵙ ⵍⵊⴰⵡⴰⵀⵉⵔⵉ ⴳ ⵓⵎⵔⴰⵔⴰ ⵏ ⵡⴰⵡⴰⵍ ⵏⵏⵙ ⴳ ⵎⴰⴷ ⵉⵣⵍⵉⵏ ⵙ ⵓⴳⴰⴷⴰⵣ ⴰⵎⴰⴹⵍⴰⵏ ⴳ ⵜⵉⵏⴰⵡⵜ ⵏ ⵓⵏⵎⵓⵇⵇⴰⵔ ⵡⵉⵙⵙⵙ ⴽⵕⴰⴹ ⵏ ⵓⵙⵇⵇⵉⵎ ⵏ ⵓⴱⴰⵏⴽ ⵏ ⵍⵎⵖⵔⵉⴱ ⴳ ⵉⵎⵉⵔ ⵏ ⵓⵙⴳⴳⵯⴰⵙ ⵏ 2022 ⵎⴰⵙⴷ ⵜⴰⵙⵃⴹⴰⵡⵜ ⵔⴰⴷ ⵜⵙⵙⵎⵔⵙ ⴽⵉⴳⴰⵏ ⵏ ⵜⵎⴰⵎⴽⵉⵏ ⴷ ⵜⵖⴰⵔⴰⵙⵉⵏ ⴷ ⵓⵙⵏⵢⵓⴷⴷⵓ ⴷ ⵜⴳⵔⴰⵡⵉⵏ ⴷ ⵓⵎⴷⵔⴰⵡⵏ ⵉⵎⴰⴹⵍⴰⵏⵏ .
ⵉⵙⵎⴰⵍ ⵍⵡⴰⵍⵉ ⵏ ⵓⴱⴰⵏⴽ ⵏ ⵍⵎⵖⵔⵉⴱ ⵎⴰⵙⴷ ⴳ ⵓⵙⴰⵜⵉ ⵏ ⵓⵙⴼⵍⵙ ⵏ ⵜⵙⵃⴹⴰⵡⵜ ⵎⴰⵙ ⴷⴰⵔⵏⵖ ⵍⵍⴰⵏ ⵙⵉⵏ ⵉⵙⵓⴳⴰⵎ ⵏⵏⴰ ⵔⴰⴷ ⵜⵙⵙⵎⵔⵙ ⵜⵙⵃⴹⴰⵡⵜ ⵉⴳⴰ ⵍⵃⴰⵍ ⴰⵔⴰⵢ ⴷ ⵓⵏⵖⴰⵍ ⴷ ⵉⵣⵔⴼⴰⵏ ⵏ ⵓⵙⵙⴼⵓⵖ ⵏ ⵜⴷⵔⵉⵎⵜ ⵉⵥⵍⵉⵏ .
ⵉⵏⵏⴰ ⵎⴰⵙ ⵔⴰⴷ ⵜⵙⵙⵎⵔⵙ ⵜⵙⵃⴹⴰⵡⵜ ⵙⵉⵏ ⵉⵙⵓⴳⴰⵎ ⴰⴷ ⵏⵏⴰ ⵓⵔ ⵉⵎⵢⴰⴳⴰⵍⵏ ⴷ ⵓⵙⵍⴳⵏ ⴰⴷⵙⵍⴰⵏ ⵏ ⵓⴱⴰⵏⴽ ⵏ ⵍⵎⵖⵔⵉⴱ ⵏⵖⴷ ⵉⵙⵍⴳⴰⵏⵏ ⵏ ⵜⵎⴰⴳⵔⴰⵡⵉⵏ ⵜⵉⵎⴰⴹⵍⴰⵏⵉⵏ ⵙⵍⴰⵡⴰⵏ ⴰⴽⴽⵯ ⴰⴼⵏⵉⵇ ⵏ ⵓⵙⴼⵍⵙ ⴰⵎⴰⴹⵍⴰⵏ ⵏⵏⴰ ⵅⴼ ⵏⵎⵔⴰⵔⴰ ⴰⵡⴰⵍ ⴳ ⵎⴰⴷ ⵉⵣⵍⵉⵏ ⵙ ⵙⵉⵏ ⵉⵙⵓⴳⴰⵎ ⴰⴷ
ⴳ ⵡⴰⵢⵢⵓⵔ ⵏ ⵢⵓⵏⵢⵓ ⵉⵣⵔⵉⵏ ⵉⴽⴽⴰ ⵜⵜ ⵉⵏⵏ ⵎⴰⵙ ⵍⵊⴰⵡⴰⵀⵔⵉ ⵉⵎⵔⴰⵔⴰ ⴰⵡⴰⵍ ⴳ ⵎⴰⴷ ⵉⵥⵍⵉⵏ ⵙ ⵜⵙⵃⴹⴰⵡⵜ ⴷ ⵉⴱⴰⵏⴽⵏ ⵉⵎⴰⵛⵛⴰⵔⵏ ⵎⴰⵙ ⵔⴰⴷ ⵉⴷⴷⵓ ⵓⴱⴰⵏⴽ ⵙ ⵓⴳⴰⴷⴰⵣ ⴰⵎⴰⴹⵍⴰⵏ .
ⵉⴽⴽⴰ ⵜⵜ ⵉⵏⵏ ⵉⵏⵏⴰ ⵎⴰⵙⴷⴷ 40 ⵎⵍⵢⴰⵕ ⴷⵔⵀⵎ ⴰⴷ ⵉⵍⵍⴰⵏ ⴳ ⵉⵕⵟⵟⴰⵍⵏ ⵏ ⵓⵙⵍⴳⵏ ⵏ ⵜⴷⵔⵉⵎⵜ ⵏ 2022 ⵔⴰⴷ ⵜⵜⵓⵙⵎⵔⴰⵙ ⵎⴰⴷ ⵉⵜⵜⴳⴳⴰⵏ 15 ⴰⵔ 20 ⵎⵍⵢⴰⵕ ⴷⵔⵀⵎ ⵙⴳ ⵜⵎⵔⵙⴰⵍ ⵏ ⵜⵏⴼⵍⵉⵜ ⵏⵏⴰ ⵉⵎⵢⴰⵏⴰⵡⵏ ,ⴰⵢⵏⵏⴰ ⴷ ⵉⵖⴰⵎⴰⵏ ⵔⴰⴷ ⵉⵜⵜⵢⴰⴼⴰ ⴳ ⵉⴳⴰⴷⴰⵣⵏ ⵏ ⵓⵙⴼⵍⵙ ⴰⵎⴰⴹⵍⴰⵏ