Published on MAPNews (https://www.mapnews.ma/am)

Accueil > ⵜⴰⵎⵏⵜⵉⵍⵜ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ ⴳ ⵓⵙⵇⵇⵉⵎ ⵏ ⵜⵏⴼⵔⵓⵜ ⴳ ⵓⵙⴰⵜⵉ ⵏ ⵜⵉⴽⴽⵉ ⵏ ⵜⵉⵣⵉ ⵏ ⵓⵏⵎⴰⵍⵍⵓ ⵏ ⵍⵎⵉⵏⵓⵕⵚⵓ

ⵜⴰⵎⵏⵜⵉⵍⵜ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ ⴳ ⵓⵙⵇⵇⵉⵎ ⵏ ⵜⵏⴼⵔⵓⵜ ⴳ ⵓⵙⴰⵜⵉ ⵏ ⵜⵉⴽⴽⵉ ⵏ ⵜⵉⵣⵉ ⵏ ⵓⵏⵎⴰⵍⵍⵓ ⵏ ⵍⵎⵉⵏⵓⵕⵚⵓ

06 ⴽⵟⵓⴱⵕ 2022 Version Imprimable
ⵜⵉⵎⵜⵜⴰ ⵉⵎⵓⵏⵏ -  ⵔⴰⴷ ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵜⵏⴼⵔⵓⵜ ⵏⵏⴰ ⵉⵡⴰⵍⴰⵏ ⵉ ⵜⵎⵜⵜⴰ ⵉⵎⵓⵏⵏ ⴳ ⴽⵜⵓⴱⵕ ⴰⴷ ⴽⵕⴰⴷ ⵉⴳⵉⵡⵔⵏ ⴰⴼⴰⴷ ⴰⴷ ⵉⵎⵔⴰⵔⴰ ⴰⵡⴰⵍ ⵅⴼ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ, ⴰⴼⴰⴷ ⴰⴷ ⵙⵓⵍⵏⵜ ⵜⵉⵍⴰⵍ ⵏ ⵍⵎⵉⵏⵓⵕⵚⵓ ⴷ ⵓⵙⴷⴷⵉⴷ ⵏ ⵜⵣⵎⵎⴰⵔ ⵏ ⵜⵎⵜⵜⴰ ⵉⵎⵓⵏⵏ ⴷ ⵓⵙⵙⴷⵓⵙ ⵏ ⴷⴷⵣⴰⵢⵔ ⴰⴼⴰⴷ ⴰⴷ ⵜⴹⴼⵕ ⴰⵏⵎⴰⵍⵍⵓ ⵓⵟⵟⵓⵏ 2602 .

ⵉⵜⵜⵓⴷⴼⴰⵕ ⵓⵏⵎⴰⵍⵍⵓ ⴰⴷ ⴳ 29 ⴽⵜⵓⴱⵕ 2021, ⵍⵍⵉⵖ ⵉⵙⴽⵔ ⵓⵙⵇⵇⵉⵎ ⵏ ⵜⵏⴼⵔⵓⵜ ⴰⴼⵙⵙⴰⵢ ⴰⵙⵔⵜⴰⵏ ⴰⴼⴰⴷ ⴰⴷ ⵉⴼⵓⴽⴽⵓ ⵓⵎⵓⴽⵔⵉⵙ ⵏⵏⴰ ⵉⵍⵍⴰⵏ ⵅⴼ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ .

ⵙⴳ ⵜⵖⴰⵔⴰⵙⵉⵏ ⴰⴷ ⵏ ⵜⵏⴼⵔⵓⵜ ⴰⵏⵎⴰⵍⵍⵓ ⵏ ⵜⵉⵏⴰⵡⵉⵏ ⵏⵏⴰ ⵉⴳⴰⵏ ⵜⴰⵖⴰⵔⴰⵙⵜ ⵜⴰⵡⵍⴰⵡⴰⵍⵜ ⵏ ⵓⵙⴽⴽⵉⵏ ⴰⵙⵔⵜⴰⵏ, ⵏⵏⴰ ⵅⴼ ⵍⵍⴰⵏ ⵉⵎⵓⴽⵔⵉⵙⵏ ⴷ ⵜⵔⵓⵍⴰ ⵙ ⴷⴰⵜ ⵏⵏⴰ ⵜⵙⴽⴰⵔ ⴷⴷⵣⴰⵢⵔ ⴷ ⵍⴱⵓⵍⵉⵣⴰⵕⵢⵓ .

ⵉⵏⵏⴰ ⵓⵙⵇⵇⵉⵎ ⵏ ⵜⵏⴼⵔⵓⵜ ⵎⴰⵙⴷ ⵉⵇⵇⴰⵏ ⴰⴷ ⵜⵜⵓⵙⴽⴰⵔⵏⵜ ⴽⵉⴳⴰⵏ ⵏ ⵜⵉⵏⴰⵡⵉⵏ ⴳ ⵉⴳⵔ ⴰⴷ, ⵙⴳ ⵍⵍⵉⵖ ⵜ ⵉⵏⵏⴰ ⵓⵏⵙⵙⵉⵅⴼ ⴰⵎⴰⵜⴰⵢ ⵏ ⵜⵎⵜⵜⴰ ⵉⵎⵓⵏⵏ ⵎⴰⵙⵙ ⵀⵓⵔⵜⵙ ⴽⵓⵍⵕ ⴳ ⵓⵙⴳⴳⵯⴰⵙ ⵏ 2018 ⵉⵡⵙⵏ ⴳ ⵓⵙⴰⵜⵉ ⴰⴷ ⴽⴽⵓⵥ ⵉⵎⴷⵔⴰⵡⵏ, ⵍⵎⵖⵔⵉⴱ , ⴷⴷⵣⴰⵢⵔ, ⵎⵓⵕⵉⵟⴰⵏⵢⴰ ⴷ ⵍⴱⵓⵍⵉⵣⴰⵕⵢⵓ .

ⵎⴳⴰⵍ ⵏ ⴷⴷⵣⴰⵢⵔ ⴷ ⴱⵓⵍⵉⵣⴰⵕⵢⵓ ⵉⵙⵙⵖⵥⵏ ⵓⵙⵇⵇⵉⵎ ⵏ ⵜⵏⴼⵔⵓⵜ ⴰⵏⵏⴰⵍ ⵏ ⵍⵎⵖⵔⵉⴱ ⴳ ⵎⴰⴷ ⵉⵥⵍⵉⵏ ⵙ ⵓⵙⵏⴱⴷ ⴰⵏⵉⵎⴰⵏ ⵍⵍⵉⵖ ⵉⴳⴰ ⴰⴼⵙⵙⴰⵢ ⵏ ⵓⵎⵓⴽⵔⵉⵙ ⴰⴷ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ, ⵓⵔ ⵉⵖⵉ ⵓⴼⵙⵙⴰⵢ ⴰⴱⵍⴰ ⴰⴷ ⵉⴳ ⴰⵙⵔⵜⴰⵏ ⴷ ⵡⵉⵏ ⵜⵉⴷⵜ ⵅⴼ ⵉⵍⵍⴰ ⵓⵎⵙⴰⵙⴰ ⴰⵎⴰⴹⵍⴰⵏ .

ⵉⴳⵔⴰⵡⵏ ⵏ ⵓⵙⵇⵇⵉⵎ ⵏ ⵜⵏⴼⵔⵓⵜ ⵜⵜⵓⵙⴽⴰⵔⵏ ⴳ ⵓⵙⴰⵜⵉ ⵏ ⵉⵙⵏⴼⴰⵔⵏ ⵉⵎⵇⵔⴰⵏⵏ ⵏⵏⴰ ⵜⵙⴽⵔ ⵜⴳⵍⴷⵉⵜ ⵏ ⵍⵎⵖⵔⵉⴱ , ⴷ ⵡⴰⵏⵏⴰⵍ ⵏ ⵜⵎⵙⴰⵔⵜ ⵏ ⵜⵏⵣⵔⵓⴼⵜ ⴷ ⵓⵣⵔⴼ ⵏ ⵜⴳⵍⴷⵉⵜ ⵏⵏⵖ ⵅⴼ ⵉⴽⴰⵍⵉⵡⵏ ⵏⵏⵙ ⴷ ⵜⵙⵏⵜⴰⵢⵜ ⵏ ⵓⵙⵏⴱⴹ ⴰⵏⵉⵎⴰⵏ .

ⵣⵓⵏⴷ ⴰⵙⴷⵓⵙ ⵏ ⵜⵎⵜⵜⴰ ⵉⵎⵓⵏⵏ ⵏ ⵜⵏⵙⵙⵉⵅⴼⵜ ⵏ ⵍⵎⵖⵔⵉⴱ ⵅⴼ ⵉⴽⴰⵍⵉⵡⵏ ⵏ ⵉⴼⴼⵓⵙ ⵏⵏⵙ, ⴷ ⵡⴰⵏⵏⴰⵍ ⵏ ⵉⵡⴰⵏⴽⵏ ⵉⴳⵎⴰⵎⵏ ⴰⵡⴷ ⵏⵜⵜⵏⵉ ⵏⵏⴰ ⵉⵙⵏⵉⵍⵏ ⴰⵙⵏⴱⴹ ⴰⵏⵉⵎⴰⵏ ⵣⵓⵏⴷ ⵙⴱⴱⴰⵏⵢⴰ ⴷ ⴰⵍⵎⴰⵏⵢⴰ ⴷ ⵀⵓⵍⴰⵏⴹⴰ ⴷ ⵜⴷⵉⵏⴰⵎⵉⵜ ⵜⴰⵡⵕⵓⴱⴱⵉⵜ ⵉ ⵓⵙⵏⴱⴷ ⴰⴷ ⴰⵏⵉⵎⴰⵏ .

ⴰⴼⴰⴷ ⴰⴷ ⵉⵜⵜⵓⵎⵔⴰⵔⴰ ⵡⴰⵡⴰⵍ ⵅⴼ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ, ⵉⵙⴽⵔ ⵓⵙⵇⵇⵉⵎ ⵢⴰⵏ ⵓⵏⵇⵇⵉⵙ ⴰⵙⴳⴳⵯⴰⵙⴰⵏ ⵅⴼ ⵓⵙⵏⵜⵍ ⴰⴷ,ⵔⴰⴷ ⵉⵙⴽⵔ ⴳ 10 ⴽⵜⵓⴱⵕⴰⴳⵔⴰⵡ ⵏ ⵜⵎⵓⵕⴰ ⵢⵉⵡⵙⵏ ⴳ ⵓⵏⵎⴰⵍⵍⵓ ⵏ ⵍⵎⵉⵏⵓⵕⵚⵓ, ⴷ ⵉⴳⵔⴰⵡⵏ ⵉⵇⵇⵏⴻⵏ ⴳ 17 ⴽⵜⵓⴱⵕ, ⴷ ⵉⵏⵙⵙⵉⵅⴼⵏ ⵏ ⵜⵎⵜⵜⴰ ⵉⵎⵓⵏⵏ ⴰⵍⵉⴽⵙⴰⵏⴹⴰⵕ ⴷ ⵓⵎⴰⵣⴰⵏ ⵏ ⵜⵎⵜⵜⴰ ⵉⵎⵓⵏⵏ ⵙⵜⴰⴼⴰⵏ ⵎⵉⵙⵜⵓⵔⴰ .

ⵔⴰⴷ ⵉⵜⵜⵓⵙⴳⵎⴹ ⵅⴼ ⵎⴰ ⴰⴷ ⴳ ⵎⴰⴷ ⵉⵥⵍⵉⵏ ⵙ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ ⴰⵙⵙ ⵏ 27 ⴽⵜⵓⴱⵕ .

ⵍⵍⵉⵖ ⵏⵏ ⵉⴽⴽⴰ ⵓⵎⴰⵣⴰⵏ ⵏ ⵜⵎⵜⵜⴰ ⵉⵎⵓⵏⵏ ⵙⵏⴰⵜ ⵏ ⵜⵉⴽⴽⴰⵍ ⵜⴰⵏⵣⵔⵓⴼⵜ ⵜⴰⵎⵖⵔⵉⴱⵉⵜ ⵉⵎⵎⴰⴳⴳⴰⵔ ⴷ ⵉⵎⵏⴰⴷⵏ ⴰⴼⴰⴷ ⴰⴷ ⵙⵙⵉⴷⵔⵏ ⴰⵏⵎⴰⵍⴰ ⵏ ⵜⵉⵏⴰⵡⵉⵏ ⵏⵏⴰ ⵔⴰⴷ ⵉⴳ ⴰⴼⵙⵙⴰⵢ ⴰⵙⵔⵜⴰⵏ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜⵙ ⵓⵙⴷⵓⵙ ⵏ ⵓⵙⵏⴱⴹ ⴰⵏⵉⵎⴰⵏ .

Dernière modification : 06 ⴽⵟⵓⴱⵕ 2022
Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B4%B0%E2%B5%8E%E2%B5%8F%E2%B5%9C%E2%B5%89%E2%B5%8D%E2%B5%9C-%E2%B5%8F-%E2%B5%9C%E2%B5%8F%E2%B5%A3%E2%B5%94%E2%B5%93%E2%B4%BC%E2%B5%9C-%E2%B5%9C%E2%B4%B0%E2%B5%8E%E2%B5%96%E2%B5%94%E2%B5%89%E2%B4%B1%E2%B5%89%E2%B5%9C-%E2%B4%B3-%E2%B5%93%E2%B5%99%E2%B5%87%E2%B5%87%E2%B5%89%E2%B5%8E-%E2%B5%8F-%E2%B5%9C%E2%B5%8F%E2%B4%BC%E2%B5%94%E2%B5%93%E2%B5%9C-%E2%B4%B3-%E2%B5%93%E2%B5%99%E2%B4%B0%E2%B5%9C%E2%B5%89-%E2%B5%8F-%E2%B5%9C%E2%B5%89%E2%B4%BD%E2%B4%BD%E2%B5%89-%E2%B5%8F-%E2%B5%9C%E2%B5%89%E2%B5%A3%E2%B5%89-%E2%B5%8F-%E2%B5%93%E2%B5%8F%E2%B5%8E%E2%B4%B0%E2%B5%8D%E2%B5%8D%E2%B5%93-%E2%B5%8F