ⴷ ⵉⵏⵏⴰ ⵎⴰⵙⵙ ⵛⵛⵔⵇⴰⵡⵉ ⵏⵏⴰ ⵉⴳⴰⵏ ⴰⵙⵙ ⴰⴷ ⴰⵙⵉⵏⴰⵙ ⵉⵏⴱⴳⵉ ⴳ ⵓⵙⴰⴳⵔⴰⵡ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵢⵜ ⵏ ⵉⵏⵖⵎⵉⵙⵏ ⵉ ⵓⵙⵎⴳⴷⴰⵍ ⵏ ⵓⵙⵏⵜⵍ" ⵜⴰⵙⵏⵓⵔⴰⵢⵜ ⵏ ⵜⴳⵎⵎⵉ ⵏ ⵓⵥⵕⴼ ⵏ ⵍⵇⵓⴷⵙ ⴰⴳⵯⵔⵔⴰⵎ...25 ⵏ ⵓⵙⴳⴳⵯⵙ ⵏ ⵜⵉⴽⴽⵉ ⴳ ⵜⵡⵓⵔⵉ ⵏ ⵍⵇⵓⴷⵙ ⴷ ⵉⴳⴳⵯⵔⵔⴰⵎⵏ” ⵎⴰⵙ ⴷ ⵜⴰⵖⴰⵡⵙⴰ ⴰⴷ ⵜⵓⵎⵏⵉⴳⵜ ⵔⴰⴷ ⵜⴰⴷⵊ ⵜⴰⵙⵏⵓⵔⴰⵢⵜ ⴰⴷ ⵜⴰⵎⵥ ⴳ ⵜⵎⵙⵉⵔⵉⵏ ⵏⵏⵙ ⵎⴰⵙ ⵜⴳⴰ ⵢⴰⵜ ⵜⵙⵏⵓⵔⴰⵢⵜ ⵜⴰⵏⴼⴳⴰⵏⵜ ⵏⵏⴰ ⴷ ⵖⵓⵔ ⵍⵍⴰⵏ ⵉⵡⵜⵜⴰⵙⵏ ⵉⵏⴰⵎⵓⵏⵏ ⴷ ⵉⴷⵎⵙⴰⵏⵏ, ⴷ ⵉⵇⵇⴰⵏⴷ ⴰⴷ ⵜⵉⵍⵉ ⴰⵡⴷ ⵏⵜⵜⴰⵜ ⴳ ⵓⵙⴰⵜⵉ ⵏ ⵜⵓⵥⵍⴰⵢⵉⵏ ⵏⵏⵙ ⴷ ⵎⴰⵎⵉ ⵜⵥⴹⴰⵕ ⴳ ⵜⵡⵓⵔⵉ ⵏ ⵜⵎⴷⵉⵏⵜ ⴷ ⵉⴷ ⴱⴰⴱ ⵏⵏⵙ ⵍⵎⵓⵔⴰⴱⵉⵟⵉⵏ.
ⵎⴽ ⵍⵍⵉ ⵙ ⵉⵏⵏⴰ ⵡⴰⴷ ⴳ ⵓⵙⴰⵜⵉ ⴰⴷ, ⵎⴰⵙ ⴷ ⵜⴰⵙⵏⵓⵔⴰⵢⵜ ⵏ ⵜⴳⵎⵎⵉ ⵏ ⵍⴳⵓⴷⵙ ⴰⴳⵯⵔⵔⴰⵎ ⵏⵏⴰ ⵉⵙⴽⴰⵔⵏ ⵜⴰⵡⵓⵔⵉ ⵏⵏⵙ ⴳ ⵉⴳⴳⵉ ⵏ ⵡⴰⴽⴰⵍ ⴳ ⵎⴰⵙ ⵜⴳⴰ ⵢⴰⵜ ⵜⴰⵍⵍⴰⵍⵜ ⵉⵥⵉⵍⵏ ⵏ ⵓⵣⴷⴷⵓⵜ ⵏ ⵡⴰⵏⵏⴰⵍ ⴰⵄⵕⴰⴱ ⴷ ⵓⵎⵓⵙⵍⵎ ⵏ ⵜⵎⴷⵉⵏⵜ ⵜⴰⴳⵯⵔⵔⴰⵎⵜ, ⵎⴰⵙ ⵜⵙⴽⵔ ⵢⴰⵏ ⵓⵎⵓⵔⵙ ⴳ ⵓⵙⵡⵓⴷⴷⵓ ⵏ ⵉⵥⵕⴼⴰⵏ ⵙ ⵜⵎⵏⴰⴹⵉⵏ ⵏⵏⵙ ⴷ ⵉⴷ ⴱⴰⴱ ⵏⵏⵙ, ⵎⴽ ⵍⵍⵉ ⵙ ⵉⵏⵏⴰ ⴰⵡⴷ ⵎⴰⵙ ⴷ ⵜⴰⵡⵓⵔⵉ ⵏⵏⵙ ⵜⴱⵓⵖⵍⴰ ⵙ ⵢⴰⵏ ⵔⴰⵙⵍⵎⴰⵍ ⴰⴷⵙⵍⴰⵏ , ⵏⵏⴰ ⵉⴳⴰⵏ ⵜⵉⵍⵉⵜ ⵏ ⵓⴽⴰⴱⴰⵕ ⵏ ⵜⵙⵏⵓⵔⴰⵢⵜ ⴳ ⵓⴱⴰⵔⴰⵣ, ⵏⵏⴰ ⴷⵔⵔⵓⵏ ⴰⴽⴷ ⵉⴳⵯⵔⵔⴰⵎⵏ ⵜⵉⵏⵎⵎⴰⵔⵏ ⵏⵏⵙ ⵜⵉⴽⵓⵢⴰⵙⵉⵏ, ⴰⵡⴷ ⴰⵔ ⴰⵙⵏ ⵉⵜⵜⵊⵔⵓ ⵉ ⵉⵎⵖⵔⵉⴱⵉⵢⵏ ⴷ ⵉⴼⴰⵍⴰⵚⵟⵉⵏⵉⵢⵏ ⴰⵢⵍⵍⵉ ⵉⵜⵜⵊⵔⵓⵏ ⵉ ⵉⵎⵣⴷⴰⵖⵏ ⵙⴳ ⵜⵏⵎⵎⴰⵔ ⵏⵏⴰ ⵉⵍⵍⴰⵏ ⴳ ⵜⵓⴷⵔⵜ ⵏⵏⵙ ⵜⴰⴽⵓⵢⴰⵙⵜ ⴳ ⵍⵇⵓⴷⵙ”.
ⵉⵙⴷⴷⵉⴷ ⴰⵡⴷ ⵎⴰⵙ ⴷ ⵜⵉⵔⵉⵜ ⵜⵍⵍⴰ ⵖⵓⵔ ⵎⴰⵕⵕⴰ ⵎⴰⴷ ⵉⴹⴼⵕⵏ ⴰⴷⴷⴰⴷ ⵉⴳⴳⵉ ⵏ ⵡⴰⴽⴰⵍ, ⵎⴰⵙ ⴷ ⵉⵙⵖⵉⵡⵙⵏ ⵏ ⵓⵚⴼⴰⴹ ⵏ ⵜⵎⴰⴳⵉⵜ ⵏ ⵜⵎⴷⵉⵏⵜ ⴰⴷ ⴷ ⵓⵙⵏⴼⵍ ⵏ ⵡⴰⴷⴷⴰⴷ ⵏⵏⵙ ⴰⵙⵍⴳⴰⵏ ⵓⵔⴰⴷ ⵙⵓⵍ ⵢⵉⵍⵉ, ⵎⵉⵏⵣⵉ ⵜⴰⵎⴷⵉⵏⵜ ⴰⴷ ⵜⵍⵍⴰ ⴷ ⵔⴰⴷ ⴱⴷⴷⴰ ⵜⵉⵍⵉ ⴷ ⵔⴰⴷ ⵜⴳ ⴰⵎⵎⴰⵙ ⴰⵖⵔⵎⴰⵏ ⵏⵏⴰ ⵔⴰⴷ ⵉⵙⵎⵓⵏ ⵉⵎⴹⴼⴰⵕ ⵏ ⵉⵙⵖⴰⵏⵏ ⵏ ⵉⴳⵏⵏⴰ , ⵏⵏⴰ ⵉⵙⵎⵓⵏ ⵓⵍⴰⵡⵏ ⵏⵏⵙ ⵉⴳ ⴳⵉⵙ ⵜⴰⵍⵓⵏⵜ ⴷ ⵜⵉⵏⴷⵉⵜⵉⵏ ⵏ ⵜⵓⴷⵔⵜ.
ⵉⴹⴼⵕ ⵎⴰⵙ ⴷ ⴰⵛⵏⵓⵛⵛⴳ ⵙ ⵓⵎⵢⴰⵙⵙⴰ ⴰⴳⴰⵎⴰⵏ ⴷ ⵓⴷⵎⵙⴰⵏ ⴷ ⵓⴷⵉⵎⵓⵖⵔⴰⴼⵉ ⴷ ⵓⵡⵏⵏⴰⴷ ⵏ ⵜⵎⴷⵉⵏⵜ ⴰⴷ ⵜⴰⴳⵯⵔⵔⴰⵎⵜ ⵉⴳⴰ ⵢⴰⵏ ⵉⵎⵉⵍⵖ ⴰⵣⴳⴰⵍ ⵏⵏⴰ ⵉⵙⴽⴰⵔⵏ ⴰⵎⵎⵓⴽⴽⵔⵙ ⵏ ⵡⴰⴷⴷⴰⴷ ⵏ ⵜⵓⴷⵔⵜ ⵖⵓⵔ ⵉⴼⴰⵍⴰⵚⵟⵉⵏⵉⵢⵏ, ⵎⴰⴷ ⵢⴰⴽⴽⴰⵏ ⵢⴰⵏ ⵡⴰⴷⴷⴰⴷ ⵏ ⴰⴳⵉ ⵏⵏⴰ ⵉⵜⵜⴰⴽⵊⵊⴰⵏ ⵉⵄⵔⵔⵉⵎⵏ ⴰⴷ ⴰⵍⵉⵏ ⵉⵎⵓⴽⵔⵉⵙⵏ , ⵎⵇⵇⴰⵔ ⴳⴰⵏ ⵉⴼⴰⵍⴰⵚⵟⵉⵏⵉⵢⵏ ⵉⵎⵣⵔⴰⵡⵏ ⵏ ⵜⵓⴷⵔⵜ ⵏⵏⴰ ⵉⵙⴰⵡⴰⵍⵏ ⵅⴼ ⵉⵣⵔⴼⴰⵏ ⵏⵏⵙⵏ ⵏ ⵜⵓⴷⵔⵜ ⴷ ⵡⴰⴽⴰⵍ ⵏⵏⵙ ⵙ ⵜⵍⴻⵍⵍⵉ ⴷ ⵜⵉⵏⴷⵉ.
ⵉⵎⴰⵇⵇⴰⵔⴷ ⵓⵏⵎⵓⵇⵇⴰⵔ ⴰⴷ ⴰⴽⴷ ⵓⵙⵙⴽⵯⵜⵉ ⵏ ⵡⴰⵎⵓⴷ ⵏ ⵏⵏⵓⵇⵔⵜ ⵏ ⵜⵙⵏⵓⵔⴰⵢⵜ ⵏ ⵜⴳⵎⵎⵉ ⵏ ⵍⵇⵓⴷⵙ ⴰⴳⵯⵔⵔⴰⵎ, ⴷ ⵉⴳ ⵢⴰⵏ ⵓⵣⵎⵣ ⵏ ⵓⵏⵎⵎⴰⵍ ⵏ ⵜⵎⴰⵖⵓⵏⵜ ⵏ ⵜⵎⵙⴽⴰⵔ ⵏ ⵜⵙⵏⵓⵔⴰⵢⵓⵜ ⴳ ⵍⵇⵓⴷⵙ ⵙⴳ 25 ⵏ ⵓⵙⴳⴳⵯⴰⵙ ⵏⵏⵉ ⵉⵣⵔⵉⵏ.
ⴷ ⵜⵍⵍⴰ ⵜⵙⵏⵓⵔⴰⵢⵜ ⴰⴷ ⵙⴳ ⵓⵙⴳⴳⵯⴰⵙ ⵏ 1998 ⵙ ⵜⵙⵏⵜⴰⵢⵜ ⵏ ⵓⴳⵍⵍⵉⴷ ⵍⵃⴰⵙⴰⵏ ⵡⵉⵙⵙ ⵙⵉⵏ ⴰⴷ ⵜ ⵉⵔⵃⵎ ⵕⴱⴱⵉ , ⴰⵡⵜⵜⴰⵙ ⵏⵏⵙ ⵉⴳⴰ ⴰⵃⵟⵟⵓ ⵅⴼ ⵜⵎⴷⵉⵏⵜ ⵜⴰⴳⵯⵔⵔⴰⵎⵜ ⴷ ⵡⴰⵏⵏⴰⵍ ⵏ ⵉⵎⵣⴷⴰⵖⵏ ⵏ ⵍⵇⵓⴷⵙ ⴷ ⵓⴱⴷⴷⴰⴷ ⵏⵏⵙ ⵎⴳⴰⵍ ⵏ ⵎⴰⵕⵕⴰ ⴰⵏⴰⵡⵏ ⵏ ⵓⵚⴼⴰⴹ ⵏ ⵜⵎⴰⴳⵉⵜ ⵏⵏⵙⵏ ⴷ ⵡⴰⵢⴳⴰ ⵏⵏⵙⵏ ⵏ ⵓⵙⵖⴰⵏ ⵏⵉⵖ ⴰⵎⵣⵔⵓⵢ ⵏⵉⵖ ⵜⴰⴷⵎⵙⴰ ⵏⵉⵖ ⵜⵉⴳⵯⵎⵎⴰ.