Published on MAPNews (https://www.mapnews.ma/am)

Accueil > ⴰⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵉⵙⴼⵓⴳⵍⴰ ⵙ ⵡⴰⵙⵙ ⴰⵎⴰⴹⵍⴰⵏ ⵏ ⵜⵎⵖⴰⵔⵜ ⴷⴷⵓ ⵏ ⵜⵎⴰⵜⴰⵔⵜ-ⵜⴰⵥⵓⵕⵉ ⴷ ⵓⵙⴷⵓⵙ ⵏ ⵜⵣⵎⵎⴰⵔ ⵏ ⵜⵎⵖⴰⵔⵉⵏ-

ⴰⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵉⵙⴼⵓⴳⵍⴰ ⵙ ⵡⴰⵙⵙ ⴰⵎⴰⴹⵍⴰⵏ ⵏ ⵜⵎⵖⴰⵔⵜ ⴷⴷⵓ ⵏ ⵜⵎⴰⵜⴰⵔⵜ-ⵜⴰⵥⵓⵕⵉ ⴷ ⵓⵙⴷⵓⵙ ⵏ ⵜⵣⵎⵎⴰⵔ ⵏ ⵜⵎⵖⴰⵔⵉⵏ-

09 ⵎⴰⵕⵚ 2023 Version Imprimable
ⵕⵕⴱⴰⵟ - ⵉⵙⴼⵓⴳⵍⴰ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴳ ⵓⵙⵙⴰⵏ ⵣⵔⵉⵏ ⴳ ⵕⵕⴱⴰⵟ ⵙ ⵡⴰⵙⵙ ⴰⵎⴰⴹⵍⴰⵏ ⵏ ⵜⵎⵖⴰⵔⵜ ⵏⵏⴰ ⵉⵎⵙⴰⵙⴰⵏ ⴷ 08 ⵎⴰⵕⵚ ⴳ ⴽⵓ ⴰⵙⴳⴳⵯⴰⵙ, ⴷⴷⵓ ⵏ ⵜⵎⴰⵜⴰⵔⵜ -ⵜⴰⵥⵓⵕⵉ ⴷ ⵓⵙⴷⵓⵙ ⵏ ⵜⵣⵎⵎⴰⵔ ⵏ ⵜⵎⵖⴰⵔⵉⵏ- .

ⵉⵏⵏⴰ ⵎⴰⵙⵙ ⴰⵏⴼⵍⵓⵙ ⴰⵎⴰⵜⴰⵢ ⵏ ⵓⵙⵉⵏⴰⴳ ⵍⵃⵓⵙⴰⵢⵏ ⵍⵎⵓⵊⴰⵀⵉⴷ ⴳ ⵓⵎⵔⴰⵔⴰ ⵏ ⵡⴰⵡⴰⵍ ⵏⵏⵙ ⴷ ⵜⴰⴳⴳⵓⵔⵜ ⵜⴰⵎⴰⵣⵉⵖⵜ ⵏⵏⴰ ⵉⵡⴰⵍⴰⵏ ⵉ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ, ⵎⴰⵙⴷⴷ ⴰⵙⵉⵏⴰⴳ ⴰⵔ ⵉⵙⴼⵓⴳⵍⵓ ⵙ ⵡⴰⵙⵙ ⴰⴷ ⵣⵓⵏⴷ ⴰⴽⴽⵯ ⵜⵉⵎⵔⵙⴰⵍ ⵏⵏⴰ ⵉⵙⵡⵡⵓⵔⵉⵏ ⴳ ⵉⴳⵔ ⴰⵏⴼⴳⴰⵏ ⵙ ⵓⵎⴰⵜⴰ , ⴷ ⵡⵉⵏ ⵜⵎⵖⴰⵔⵜ ⵙ ⵓⵎⴰⵜⴰ , ⵙ ⵓⵙⴼⵓⴳⵍⵓ ⵙ ⵜⵡⵡⵓⵔⵉⵡⵉⵏ ⵏⵏⴰ ⴰⴽⴽ ⵜⵜⴳⴳⴰ ⵜⵎⵖⴰⵔⵜ ⵙⵍⴰⵡⴰⵏ ⴰⴽⴽⵯ ⵉⴳⵔ ⵍⵍⵉⵖ ⴰⵔ ⵉⵙⵡⵡⵓⵔⵉ ⵓⵙⵉⵏⴰⴳ ⵏⵏⴰ ⵉⵣⴷⵉⵏ ⴷ ⵓⵙⴱⵓⵖⵍⵓ ⵏ ⵜⵣⵎⵎⴰⵔ ⵏ ⵜⵎⵖⴰⵔⵜ ⴳ ⵎⴰⴷ ⵉⵥⵍⵉⵏ ⵙ ⵓⵙⴱⵓⵖⵍⵓ ⵏ ⵜⵓⵙⵙⵏⴰ ⴷ ⵜⴷⵍⵙⴰ ⵜⴰⵎⴰⵣⵉⵖⵜ .

ⵉⵏⵏⴰ ⵎⴰⵙⵙ ⵍⵎⵓⵊⴰⵀⵉⴷ ⵎⴰⵙ ⵜⵉⵡⵙ ⵜⵎⵖⴰⵔⵜ ⴳ ⵓⵙⴱⵓⵖⵍⵓ ⵏ ⴽⵉⴳⴰⵏ ⵏ ⵉⴳⵔⴰⵏ ⴷ ⵉⵙⵡⵉⵔⵏ  ⴳ ⵜⴳⴰ ⵜⵎⵖⴰⵔⵜ ⵏ ⵓⴳⴰⵎⴰ ⵏⵖⴷ ⵜⵉⵏ ⵜⵖⵔⵎⵜ ⴳ ⵉⴳⵔⴰⵏ ⵏ ⵓⵙⴷⵓⵙ ⵏ ⵜⵎⴰⵣⵉⵖⵜ ⵣⵓⵏⴷ ⴰⵙⵙⵍⵎⴷ ⵏⵖⴷ ⴰⵙⵏⵖⵎⵙ, ⵉⵣⴰⵢⴷ ⵉⵏⵏⴰ ⵎⴰⵙⴷ ⴰⵙⴼⵓⴳⵍⵓ ⵏⵖⴷ ⴰⵙⵙ ⴰⴷ ⵉⴳⴰ ⵢⴰⵏ ⵓⵙⵎⵖⵔ ⵏ ⵜⵣⵎⵎⴰⵔ ⴷ ⵜⵏⴰⴼⵓⵜⵉⵏ ⵏⵏⴰ ⵜⴰⴽⴽⴰ ⵜⵎⵖⴰⵔⵜ .

ⴰⵙⴼⵓⴳⵍⵓ ⵙ ⵡⴰⵙⵙ ⴰⴷ ⴳ ⵓⴳⵏⵙ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⵏⵏⴰ ⵉⵙⵙⵎⵖⵕⵏ ⵙ ⴽⵉⴳⴰⵏ ⵏ ⵜⵎⵖⴰⵔⵉⵏ ⵏⵏⴰ ⵉⴼⴽⴰⵏ ⵜⵉⵏⴰⴼⵓⵜⵉⵏ ⵏⵏⵙⵏⵜ ⵉ ⵜⴷⵍⵙⴰ ⴷ ⵜⵓⵜⵍⴰⵢⵜ ⵜⵉⵎⴰⵣⵉⵖⵉⵏ  ⵙ ⵓⵎⴰⵜⴰ .

ⴳ ⵉⴳⵔⴰⵏ ⵏ ⵜⵥⵓⵕⵉ ⴰⵎ ⵎⴰⵙⵙⴰ ⵄⵉⵛⴰ ⵍⵄⵕⵊⵉ ⴳ ⵉⴳⵔ ⵏ ⵜⵥⵓⵔⵉ ⵏ ⵉⴽⵯⵍⴰⵏ ⴷ ⵎⴰⵙⵙⴰ ⵉⵎⴰⵏ ⴱⵓⵙⵏⵏⴰⵏ ⵜⵉⴼⵢⵓⵔ ⴳ ⵉⴳⵔ ⵏ ⵍⵍⵖⴰ ⴷ ⵜⵎⴷⵢⴰⵣⵜ ⴷ ⵜⵔⴰⴱⴱⵓⵜ ⵏ -ⵜⵉⵎⵖⴰⵔⵉⵏ- ⴳ ⵉⴳⵔ ⵏ ⵔⵔⴽⵣ ⴰⵜⵔⴰⵔ .

ⵜⵉⵏⵉ ⵎⴰⵙⵙⴰ ⴰⴳⵏⴰⵡ ⵎⴰⵙ ⵜⵙⴽⵔ ⴰⴷⵍⵉⵙ ⴼ ⵓⵙⵏⵜⵍ ⵏ ⵜⵎⵖⴰⵔⵜ ⵙⵍⴰⵡⴰⵏ ⴰⴽⴽⵯ ⵡⴰⵍⵍⵉ ⵉⵣⵍⵉⵏ ⵙ ⵓⵙⵙⵍⵎⴷ ⴷ ⵜⵎⵖⴰⵔⵉⵏ ⵏ ⵜⵎⵢⴰⵡⴰⵙⵉⵏ ⴰⴼⴰⴷ ⴰⴷ ⵜⵖⵉ ⵜⵎⵖⴰⵔⵜ ⴰⴷ ⵜⴹⴼⵕ ⵜⴰⵙⵓⵜⵉⵏ ⴷ ⵉⴷⴷⴰⵏ .

ⵙ ⵜⵎⵍⴷⴰ ⴰⴷ, ⵎⵎⵔⵏⵜ ⴽⵉⴳⴰⵏ ⵜⵎⵖⴰⵔⵉⵏ ⵏⵏⴰ ⵎⵓ ⵉⵜⵜⵓⵙⴽⴰⵔ ⵓⵙⵎⵖⵔ ⴷⴷⵅ, ⵉⵏⵉⵏⵜ ⵎⴰⵙ ⵔⴰⴷ ⵉⵣⴰⵢⴷ ⵎⴰ ⴰⴷ ⵉ ⵜⵣⵎⵎⴰⵔ ⵏⵏⵙⵏⵜ . 

Dernière modification : 09 ⵎⴰⵕⵚ 2023
Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B4%B0%E2%B5%99%E2%B5%89%E2%B5%8F%E2%B4%B0%E2%B4%B3-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F-%E2%B5%8F-%E2%B5%9C%E2%B5%93%E2%B5%99%E2%B5%99%E2%B5%8F%E2%B4%B0-%E2%B5%9C%E2%B4%B0%E2%B5%8E%E2%B4%B0%E2%B5%A3%E2%B5%89%E2%B5%96%E2%B5%9C-%E2%B5%89%E2%B5%99%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%99-%E2%B5%A1%E2%B4%B0%E2%B5%99%E2%B5%99-%E2%B4%B0%E2%B5%8E%E2%B4%B0%E2%B4%B9%E2%B5%8D%E2%B4%B0%E2%B5%8F-%E2%B5%8F-%E2%B5%9C%E2%B5%8E%E2%B5%96%E2%B4%B0%E2%B5%94%E2%B5%9C-%E2%B4%B7%E2%B4%B7%E2%B5%93-%E2%B5%8F-%E2%B5%9C%E2%B5%8E%E2%B4%B0%E2%B5%9C%E2%B4%B0%E2%B5%94%E2%B5%9C