Published on MAPNews (https://www.mapnews.ma/am)

Accueil > ⵜⴰⴱⵔⴰⵜⵜ ⵏ ⵜⵎⵏⵉⵍⵜ ⵏⵏⴰ ⵉⵜⵜⵢⴰⵣⴰⵏⵏ ⵉ ⴱⴰⴱ ⵏ ⵡⴰⴷⴷⵓⵔ ⵙⴳ ⴷⴰⵔ ⵜⵡⵊⴰ ⵏ ⵉⵙⵔⴷⴰⵙ ⵉⴳⵍⴷⴰⵏⵏ ⵙ ⵜⵎⵍⴷⴰ ⵏ ⵓⴽⵯⵜⵜⴰⵢ ⵡⵉⵙⵙ 67 ⵏ ⵓⵙⴽⴽⵉⵔ ⵏⵏⵙ
  1. Accueil
  2. Activités royales

ⵜⴰⴱⵔⴰⵜⵜ ⵏ ⵜⵎⵏⵉⵍⵜ ⵏⵏⴰ ⵉⵜⵜⵢⴰⵣⴰⵏⵏ ⵉ ⴱⴰⴱ ⵏ ⵡⴰⴷⴷⵓⵔ ⵙⴳ ⴷⴰⵔ ⵜⵡⵊⴰ ⵏ ⵉⵙⵔⴷⴰⵙ ⵉⴳⵍⴷⴰⵏⵏ ⵙ ⵜⵎⵍⴷⴰ ⵏ ⵓⴽⵯⵜⵜⴰⵢ ⵡⵉⵙⵙ 67 ⵏ ⵓⵙⴽⴽⵉⵔ ⵏⵏⵙ

15 ⵎⴰⵢⵢⵓ 2023 Version Imprimable
ⵕⵕⴱⴰⵟ - ⵜⵓⵣⵏ ⵜⵡⵊⴰ ⵏ ⵉⵙⵔⴷⴰⵙ ⵉⴳⵍⴷⴰⵏⵏ ⵢⴰⵜ ⵜⴱⵔⴰⵜⵜ ⵏ ⵜⵎⵏⵉⵍⵜ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⴰⵏⵙⵙⵉⵅⴼ ⴰⵎⴰⵜⴰⵢⵏ ⵉⵙⵔⴷⴰⵙ ⵉⴳⵍⴷⴰⵏⵏ ⵙ ⵜⵎⵍⴷⴰ ⵏ ⵓⴽⵯⵜⵜⴰⵢ ⵡⵉⵙⵙ 67 ⵏ ⵓⵙⴽⴽⵉⵔ ⵏⵏⵙ.

"ⵙ ⵜⵎⵍⴷⴰ ⵏ ⵓⴽⵯⵜⵜⴰⵢ ⵡⵉⵙⵙ 67 ⵏ ⵓⵙⴽⴽⵉⵔ ⵏ ⵉⵙⵔⴷⴰⵙ ⵉⴳⵍⴷⴰⵏⵏ , ⵉⴳⴰ ⴰⴷⴷⵓⵔ ⵉ ⵜⴰⵡⵊⴰ ⵏ ⵉⵙⵔⴷⴰⵙ ⵉⴳⵍⴷⴰⵏⵏ ⴰⴷ ⵜⴰⵣⵏ ⵜⵉⴳⵓⵔⵉⵡⵉⵏ ⵏ ⵓⵡⵇⵇⵕ ⴷ ⵓⴼⵔⴰ ⴷ ⵜⴷⵓⵙⵉ ⵉⵣⴷⴷⵉⴳⵏ ⴽⵯⵏⵏⵉ ⵓⵍⴰ ⵜⴰⵡⵊⴰ ⵏⵏⵓⵏ ⵜⴰⴳⵍⴷⴰⵏⵜ ,ⵜⵉⵍⵉ ⵜⴳⵍⴷⵉⵜ ⵏⵏⵖ ⴳ ⵓⴼⵔⴰ ⴷ ⵓⴱⵓⵖⵍⵓ ⴰⵎⴰⵜⴰⵢ.

ⵉⵙⵔⴷⴰⵙⵏ ⵏⵏⵓⵏ ⵉⴳⵍⴷⴰⵏⵏ ⵙ ⵓⵎⵢⴰⵏⴰⵡ ⵏⵏⵙⵏ ⵜⵉⵏ ⵡⴰⴽⴰⵍ, ⵜⵉⵏ ⵉⴳⵏⵡⴰⵏ,ⴷ ⵜⵉⵏ ⵢⵉⵍⵍ, ⴷ ⵉⴷ ⵊⴰⴹⴰⵕⵎⵉⵢⵢⴰ,ⴽⵯⵜⵉⵏ ⴰⴽⴽⵯ ⴰⵎⵎⴰⴽⵏ ⵢⴰⵜⵜⵓⵢⵏ ⵏ ⵓⴽⵯⵜⵜⴰⵢ ⴰⴷ, ⴷ ⵉⵜⴳⴰⵔⵏ ⴷ ⵡⴰⵜⵉⴳⵏ ⵉⵏⴰⵎⵓⵔⵏ ⴰⴼⴰⴷ ⴰⴷ ⵉⵏⵉⵏ ⵎⴰⵙ ⴱⴷⴷⴰ ⵍⵍⴰⵏ ⴹⴰⵔⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴼⴰⴷ ⴰⴷ ⴼⵔⴳⵏ ⵜⴰⵎⴰⵣⵉⵔⵜ ⵏⵏⵖ ⴼⵔⴳⵏ ⴰⵡⴷ ⴰⵎⵙⴰⵙⴰ ⵏ ⵜⴳⵍⴷⵉⵜ ⵏⵏⵖ , ⵔⴰⴷ ⵙⴼⴰⵙⴽⴰⵏ ⵙ ⴽⵉⴳⴰⵏ ⵏ ⵜⵖⴰⵡⵙⵉⵡⵉⵏ ⴰⴼⴰⴷ ⴰⴷ ⵜⵉⵍⵉ ⵜⴰⵎⵓⵏⵜ ⴷ ⵜⴰⵜⵜⵓⵢⵜ ⵏ ⵜⴳⵍⴷⵉⵜ ⵏⵏⵖ ⵜⴰⴳⵯⵔⵔⴰⵎⵜ.

ⵉⴳⵎⴰⵎⵏ ⴰⴽⴽⵯ ⵏ ⵉⵙⵔⴷⴰⵙ ⵏⵏⵓⵏ ⴷⴰⵔⵙⵏ ⵉⵜⴳⴰⵔⵏ ⴷ ⵡⴰⵜⵉⴳⵏ ⵉⵎⴰⵜⴰⵢⵏ ⵏⵏⴰ ⴷ ⴷⵉⴳⵓⵏ ⴳⵎⴰⵏ ⵎⴽⵍⵍⵉⴷ ⵏⴽⵯⵜⵉ ⴰⵙⴼⴰⵙⴽⴰ ⵏ ⵉⵇⵇⴱⵓⵔⵏ ⵏ ⵜⵡⵊⴰ ⵏⵏⵖ ⵏ ⵉⵙⵔⴷⴰⵙ ⵉⴳⵍⴷⴰⵏⵏ ⴷ ⵉⵔⵏⵏⵓⵜⵏ ⴰⴽⴽⵯ ⵏ ⵉⵙⵔⴷⴰⵙ ⵉⴳⵍⴷⴰⵏⵏ ⴳ ⵉⴳⵔⴰⵏ ⵉⵎⴰⴹⵍⴰⵏⵏ ⴷ ⵉⵏⴰⵎⵓⵔⵏ.

ⴳ ⵡⴰⵙⵙ ⴰⴷ ⵉⴱⵓⵖⵍⴰⵏ ⵔⴰⴷ ⵜⵙⵙⴽⵯⵜⵉ ⵜⵡⵊⴰ ⵏ ⵉⵙⵔⴷⴰⵙ ⵜⵉⴼⵔⴽⵉⵏ ⴰⴽⴽⵯ ⵏⵏⴰ ⴳ ⵣⵔⵉⵏ ⵉⴳⵍⴷⴰⵏⵏ ⵉⴳⵍⵍⵉⵏ ⵏ ⵎⵓⵃⵎⵎⴰⴷ ⵡⵉⵙⵙ ⵙⵎⵎⵓⵙ ⴷ ⵉⴳⵍⵍⵉⵏ ⵏ ⵍⵃⴰⵙⴰⵏ ⵡⵉⵙⵙ ⵙⵉⵏ ⵜⴰⵎⵍⵍⴰ ⵏ ⴱⴰⴱ ⵏ ⵉⴳⵏⵡⴰⵏ ⴼⵍⵍⴰⵙⵏ ⵍⵍⵉⵖ ⴼⴽⴰⵏ ⵙⴼⴰⵙⴽⴰⵏ ⵙ ⴽⵉⴳⴰⵏ ⴰⴼⴰⴷ ⴰⴷ ⵉⴳ ⵍⵎⵖⵔⵉⴱ ⴰⵏⵙⵉⵎⴰⵏ ⵢⵉⵍⵉ ⴳⵉⵙ ⵓⴼⵔⴰ.

ⴰⴷ ⴽⵯⵏ ⵉⵃⴼⴹ ⴱⴰⴱ ⵏ ⵉⴳⵏⵡⴰⵏ ⴰ ⵎⵓⵍⴰⵢ ⵎⴽⵏⵏⴰ ⵙ ⵉⴼⵔⴳ ⴰⵡⴰⵍ ⵏⵏⵙ ,ⵢⴰⵊⵊⵉⴽⵯⵏ ⴰⴷ ⴱⴷⴷⴰ ⵜⴳⵉⵎ ⵜⴰⵏⴰⵍⵉⵜ ⴷ ⵓⴼⵔⴰⴳ ⵉ ⵜⵎⴰⵣⵉⵔⵜ ⴰⴷ, ⵜⵙⵙⴷⵓⵙⵎ ⵜⴰⵏⴼⵍⵉⵜ ⴳ ⵜⵎⴰⵣⵉⵔⵜ ⵏⵏⵖ ⵉⵙⵙⴷⵓⵙ ⵜⴰⵣⴷⴰⵢⵜ ⴳⵔⴰⵜⵓⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⵓⵍⴰ ⴳⵎⴰⵜⵓⵏ ⴱⴰⴱ ⵏ ⵜⴰⵜⵜⵓⵢⵜ ⵎⵓⵍⴰⵢ ⵕⴰⵛⵉⴷ ⴷ ⵜⵡⵊⴰ ⵜⴰⴳⵍⴷⴰⵏⵜ ⴰⴽⴽⵯ .

ⴰⴼⵔⴰ ⴼ ⵡⴰⴷⴷⵓⵔ ⵏⵏⵓⵏ ⵢⴰⵜⵜⵓⵢⵏ."

Dernière modification : 15 ⵎⴰⵢⵢⵓ 2023
Source URL: https://www.mapnews.ma/am/activites-royales/%E2%B5%9C%E2%B4%B0%E2%B4%B1%E2%B5%94%E2%B4%B0%E2%B5%9C%E2%B5%9C-%E2%B5%8F-%E2%B5%9C%E2%B5%8E%E2%B5%8F%E2%B5%89%E2%B5%8D%E2%B5%9C-%E2%B5%8F%E2%B5%8F%E2%B4%B0-%E2%B5%89%E2%B5%9C%E2%B5%9C%E2%B5%A2%E2%B4%B0%E2%B5%A3%E2%B4%B0%E2%B5%8F%E2%B5%8F-%E2%B5%89-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%99%E2%B4%B3-%E2%B4%B7%E2%B4%B0%E2%B5%94-%E2%B5%9C%E2%B5%A1%E2%B5%8A%E2%B4%B0-%E2%B5%8F-%E2%B5%89%E2%B5%99%E2%B5%94%E2%B4%B7%E2%B4%B0%E2%B5%99-%E2%B5%89%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%8F-%E2%B5%99-%E2%B5%9C%E2%B5%8E%E2%B5%8D%E2%B4%B7%E2%B4%B0