ⵜⴰⵎⵔⴰⵔⵓⵜ ⵅⴼ ⴽⵔⴰ ⵏ ⵉⵎⴰⵙⵙⵏ ⵉⵙⵏⵖⵎⴰⵙⵏ ⵏⵏⴰ ⵉⵙⴰⵡⵍⵏ ⵜⵉⴳⵉⵔⴰ ⴰⴷ ⵅⴼ ⵓⵙⵜⴰⵢ ⵏ ⵜⴳⵍⴷⵉⵜ ⴰⴷ ⵜⴽⵛⵎ ⵉ ⵜⴳⵔⵓⵎⵎⴰ ⵏ "ⴱⵔⵉⴽⵙ" ⵏⵉⵖ ⵜⴰⵣⵎⵔⵜ ⵏ ⵜⴷⵔⴰⵡⵜ ⵏⵏⵙ ⴳ ⵓⴳⵔⴰⵡ ⵏⵏⴰ ⴷ ⵢⵓⵛⴽⴰⵏ "ⴱⵔⵉⴽⵙ/ⴰⴼⵔⵉⵇⵢⴰ" ⵉⵜⵜⵓⵣⵎⴰⵔⵏ ⴰⴷ ⵢⵉⵍⵉ ⴳ 24 ⵖⵓⵛⵜ ⴳ ⵊⵓⵀⴰⵏⵙⴱⵓⵔⴳ ⴳ ⵢⵉⴼⴼⵓⵙ ⵏ ⴰⴼⵔⵉⵇⵢⴰ, ⵉⴱⴷⵔ ⵓⵖⴱⴰⵍⵓ ⵎⴰⵙ ⵓⵢⴰ ⵓⵔ ⵉⵣⴷⵉ ⵙ ⵜⵙⵏⵜⴰⵢⵜ ⴷ ⵉⴽⴽⴰⵏ "ⴱⵔⵉⴽⵙ" ⵏⵉⵖ ⵜⴰⵎⵓⵏⵜ ⵜⴰⴼⵔⵉⵇⵉⵜ, ⵎⴰⵛⴰ ⵙ ⵜⵙⵏⵜⴰⵢⵜ ⴷ ⵉⴽⴽⴰⵏ ⴷⴰⵔ ⵉⴼⴼⵓⵙ ⵏ ⵉⴼⵔⵉⵇⵢⴰ, ⵙ ⵓⴼⵔⵉⵙ ⵏⵏⵙ ⴰⵏⴰⵎⵓⵔ.
ⵉⵙⵙⵉⵙⴼⵉⵡ ⵓⵖⴱⴰⵍⵓ "ⵎⴰⵙ ⴷ ⴰⴳⵔⴰⵡ ⵉⵏⵎⴰⵍⴰ ⵅⴼ ⵢⴰⵜ ⵜⵙⵉⵍⴰ ⵏ ⵜⵙⵏⵜⴰⵢⵜ ⵏ ⵢⴰⵜ ⵜⵙⴳⴰ ⵏ ⵜⵏⴱⴰⴹⵜ ⵏ ⵢⵉⴼⴼⵓⵙ ⵏ ⵉⴼⵔⵉⵇⵢⴰ, ⵉⵔⵏⵓ ⵎⴰⵙ ⴷ ⵍⵎⵖⵔⵉⴱ ⵉⵙⵜⴰⵍ ⵜⴰⵙⵏⵜⴰⵢⵜ ⴰⴷ ⴷⴷⵓ ⵏ ⵜⵉⴼⴰⵡⵜ ⵏ ⵜⵣⴷⴰⵢⵜ ⵏⵏⵙ ⵜⴰⵙⵉⵏⵔⴰⵏⵜ ⵓⵔ ⵉⵣⴳⴰⵏ ⴷ ⵜⵎⴰⵣⵉⵔⵜ ⴰⴷ.
ⵙ ⴰⵀⵍⵍⵉ ⴷ ⵢⵉⵡⵉ ⵓⵖⴱⴰⵍⵓ ⴰⴷ ⵏⵉⵜ, ⵎⴰⵙ ⴷ ⵉⴼⴼⵓⵙ ⵏ ⵉⴼⵔⵉⵇⵢⴰ ⴰⵔ ⴱⴷⴷⴰ ⵜⵎⵎⴰⵍ ⵜⴰⴷⵓⵜ ⵏⵏⵙ ⵎⵏⵉⴷ ⵍⵎⵖⵔⵉⴱ, ⵜⴰⵙⵉ ⵙ ⵜⴱⵔⵉⴷⵜ ⵉⵏⵎⴰⵍⴰⵏ ⵉⵎⵏⴰⴷⵏ ⵅⵛⵏⵏⵉⵏ ⵙ ⵎⴰⴷ ⵉⵥⵍⵉⵏ ⵜⴰⵎⵙⵔⵜ ⵏ ⵜⵏⵣⵔⵓⴼⵜ ⵜⴰⵎⵖⵔⴰⴱⵉⵜ.
ⵉⵎⵍⴰ ⵎⴰⵙ ⴷ ⴱⵔⵉⵜⵓⵔⵢⴰ ⵜⵙⵙⵉⴳⵜ ⵅⴼ ⵓⵙⵡⵉⵔ ⴰⴳⵯⵏⵙⴰⵏ, ⴷ ⴳ ⵓⵙⴰⵜⵉ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ ⵜⵉⵎⵙⴽⵉⵔⵉⵏ ⵏⵏⵙ ⵙⵙⵓⵏⴹⵏⵉⵏ ⵙ ⵜⵡⵉⵍⴰ ⵉⴼⴰⵡⵏ ⵉ ⵜⵏⵓⴼⴰ ⵜⵉⵎⴰⵜⴰⵢⵉⵏ ⵏ ⵍⵎⵖⵔⵉⴱ.
ⵉⵙⴷⴷⵉⴷ ⵓⵖⴱⴰⵍⵓ ⵉⵜⵜⵓⵙⵙⵓⵔⴼⴰⵏ ⵏ ⵜⵎⴰⵡⴰⵙⵜ ⵎⴰⵙ ⴷ ⵜⴰⴷⵉⴱⵍⵓⵎⴰⵙⵉⵜ ⵏ ⵢⵉⴼⴼⵓⵙ ⵏ ⵉⴼⵔⵉⵇⵢⴰ ⵜⴻⵜⵜⵡⴰⵙⵙⴰⵏ ⵙ ⵓⵙⵡⵓⴷⴷⵓ ⵏⵏⵙ ⵡⴰⵔ ⵜⴰⴷⵖⵔⵜ ⴷ ⵡⴰⵔ ⴰⵙⵖⵉⵡⵙ ⴳ ⵢⵉⴳⵔ ⵏ ⵓⵙⵏⵎⴰⵍⴰ ⵏ ⵣⵓⵏ ⴷ ⴰⵏⴰⵡ ⴰⴷ ⵏ ⵜⵎⵙⴰⵔⵉⵏ.
ⴰⵏⵥⴰ ⵅⴼ ⵓⵢⴰ, ⵉⵎⴰⵜⵔ ⵓⵖⴱⴰⵍⵓ ⴰⴷ ⵏⵉⵜ ⵜⵉⵕⵥⵉ ⵜⴰⴱⵕⵓⴽⵓⵍⵉⵜ ⵉⵏⵏⴳⵎⵔⵏ ⴷ ⵉⵣⵓⵛⵛⵏⵏ ⵏⵏⴰ ⵙ ⴷ ⵜⵓⵛⴽⴰ ⵜⵖⵓⵔⵉ ⵏ ⵍⵎⵖⵔⵉⴱ ⵙ ⵓⴳⵔⴰⵡ ⴰⴷ. ⵎⴰⴷ ⵉⵅⵛⵏⵏ ⴼ ⵓⵢⴰ, ⵎⴰⵙ ⴷ ⵜⵓⴳⵜⵜ ⵏ ⵉⵡⴰⵏⴽⵏ ⴷ ⵉⵏⴳⵎⴰⵎⵏ ⵖⵔⴰⵏ ⴰⵙⵏ ⵙ ⵜⵡⵉⵍⴰ ⵉⵙⵇⵇⴷⵛⵏ ⵙⴳ ⴷⴰⵔ ⵜⵎⴰⵣⵉⵔⵜ ⵏⵏⴰ ⵉⵙⴱⵔⵔⴽⵏ, ⴱⵍⴰ ⴽⵔⴰ ⵏ ⵜⴰⵙⵉⵍⴰ ⵏ ⵜⵉⴷⵜ, ⵏⵉⵖ ⴰⵎⵛⴰⵡⴰⵕ ⵏ ⴷⴰⵜ ⴷ ⵜⵎⵉⵣⴰⵔ ⵜⵉⴳⵎⴰⵎⵉⵏ ⵢⴰⴹⵏ ⴳ ⵜⴳⵔⵓⵎⵎⴰ ⵏ "ⴱⵔⵉⴽⵙ".
ⵉⵙⴷⴷⵉⴷ ⵓⵖⴱⴰⵍⵓ ⴰⴷ ⵏⵉⵜ, ⵉⴼⴰⵡ ⵎⴰⵙ ⴷ ⵉⴼⴼⵓⵙ ⵏ ⵉⴼⵔⵉⵇⵢⴰ ⵔⴰⴷ ⵜⵎⵎⴰⵖ ⴰⴷ ⵜⵙⵙⵉⵏⴼ ⵜⴰⴳⴰⵎⴰ ⵏ ⵜⵡⵓⵔⵉ ⴰⴷ ⴷ ⵓⵡⵜⵜⴰⵙ ⵏⵏⵙ ⵖ ⵉⵍⵍⴰ ⵓⵙⵡⵓⵔⵉ ⵏ ⵜⵙⴳⴳⵉⵡⵉⵏ ⵓⵔ ⵉⵜⵜⵢⴰⵡⴱⴷⴰⵔⵏ. ⵉⵎⵍⴰ ⵎⴰⵙ ⴷ ⵍⵎⵖⵔⵉⴱ ⵉⵜⵜⵓⵙⵙⴰⵏⴼ ⵙⴳ ⵜⵉⵣⵡⵉⵔⵉ, ⴽⵓ ⵜⴰⵎⵔⴰⵔⵓⵜ ⵏ ⴽⵔⴰ ⵏ ⵜⵎⵙⴽⵔⵜ ⵜⵓⵎⵏⵉⴳⵜ ⵎⵏⵉⴷ ⵏ ⵜⵖⵓⵔⵉ ⵏ ⵢⵉⴼⴼⵓⵙ ⵏ ⵉⴼⵔⵉⵇⵢⴰ.
ⵎⴰⴷ ⵉⵥⵍⵉⵏ ⵙ ⵜⵣⴷⴰⵢⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵜⴳⵔⵓⵎⵎⴰ ⵏ ⴱⵔⵉⴽⵙ, ⵉⵣⵎⵎⴻⵎ ⵓⵖⴱⴰⵍⵓ ⵉⵜⵜⵓⵙⵙⵓⵔⴼⴰⵏ ⵏ ⵜⵎⴰⵡⴰⵙⵜ ⵎⴰⵙ ⴷ ⵜⴰⴷⵉⴱⵍⵓⵎⴰⵙⵉⵜ ⵏ ⵉⴼⴼⵓⵙ ⵏ ⵉⴼⵔⵉⵇⵢⴰ ⵜⴼⴽⴰ ⵜⵉⴽⴽⵍⵉⵜ ⵢⴰⴹⵏ ⵉ ⵢⵉⵅⴼ ⵏⵏⵙ ⴰⵣⵔⴼ ⵏ ⵓⵙⵉⵡⵍ ⵅⴼ ⵍⵎⵖⵔⵉⴱ ⴷ ⵜⵣⴷⴰⵢⵜ ⵏⵏⵙ ⴷ ⵉⵡⴰⵏⴽⵏ ⵏ ⴱⵔⵉⴽⵙ, ⴱⵍⴰ ⴷⵉⴷⵙ ⴽⵔⴰ ⵏ ⵓⵎⵛⴰⵡⴰⵕ ⴳ ⴷⴰⵜ, ⵉⴳ ⵎⴰⵢⴰⴷ ⴷ "ⵜⵡⴰⵍⵉⵜⵉⵏ" ⵏⵏⴰ ⵓⵔ ⵉⵎⵎⴰⵍⵏ ⵃⵜⵜⴰ ⴽⵔⴰ ⵜⵉⵍⵍⴰⵡⵜ.
ⵙ ⵎⴰⴷ ⵉⵥⵍⵉⵏ ⵙ ⵓⵖⴱⴰⵍⵓ ⴰⴷ ⵏⵉⵜ, ⵍⵎⵖⵔⵉⴱ ⵉⵙⴽⵔ ⵜⵉⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⵉⵙⵜⴰⵡⵀⵎⵎⴰⵏ ⴷ ⵜⵎⵣⵡⴰⵔ ⴷ ⴽⴽⵓⵥ ⵉⴳⵎⴰⵎⵏ ⵢⴰⴹⵏ ⵏ ⵜⴳⵔⵓⵎⵎⴰ, ⵉⵙ ⵜ ⴰⴽⴽⵯ ⵜⵙⵎⵓⵏ ⴷ ⴽⵕⴰⴹ ⴳⵉⵙⵏ ⵜⵉⵎⵢⴰⵇⵇⴰⵏⵉⵏ ⵏ ⵜⴷⵔⴰⵡⵜ ⵜⵉⵙⵜⵕⴰⵜⵉⵊⵉⵢⵉⵏ. ⴳ ⵓⵎⵏⵉⴷ ⵏⵏⵙ, ⵜⴰⴳⵍⴷⵉⵜ ⵓⵔ ⵊⵊⵓⵏ ⵜⴼⴽⵉ ⴽⵔⴰ ⵏ ⵓⵜⵜⵔ ⴰⵎⴰⴷⴷⵓⴷ ⵏ ⵡⴰⴷⴰⴼ ⵙ ⵜⴳⵔⵓⵎⵎⴰ ⵏ "ⴱⵔⵉⴽⵙ".
ⵉⴹⴼⵕ ⵎⴰⵙ ⴷ" ⵓⴳⴳⴰⵔ ⵏ ⵎⴰⵢⴰⴷ, ⵓⵔ ⵉⵍⵍⵉ ⴰⵔ ⵖⵉⵍⴰⴷ ⴽⵔⴰ ⵏ ⵓⵙⴰⵜⵉ ⵏ ⵜⵡⵓⵔⵉ ⵏⵉⵖ ⴽⵔⴰ ⵏ ⵜⵎⴳⴳⵉⵢⵉⵏ ⴰⵔ ⵜⵙⵏⵎⵉⵍⵉ ⴰⵙⵉⵔⵉⵡ ⵏ ⵓⴳⵔⴰⵡ ⴰⴷ".
ⵢⴰⵎⵥ ⵓⵖⴱⴰⵍⵓ ⵉⵜⵜⵓⵙⵙⵓⵔⴼⴰⵏ ⵎⴰⵙ ⴷ "ⵉⵎⴰⵍ ⵏ ⵜⵣⴷⴰⵢⵉⵏ ⵏ ⵍⵎⵖⵔⵉⴱ ⴷ ⵓⴳⵔⴰⵡ ⴰⴷ, ⵙⵡⴰ ⴳ ⵓⵙⵡⵉⵔ ⵏ ⵜⴳⴰⵎⴰⵜ ⵏⵏⵙ ⵏⵉⵖ ⵜⵓⵎⴰⵢⵜ ⵏⵏⵙ, "ⵔⴰⴷ ⵜⴽⵛⵎ ⴳ ⵓⵙⴰⵜⵉ ⴰⵎⴰⵜⴰⵢ ⴷ ⵉⵙⵡⴰⵍⴰⵜⵏ ⵉⵙⵜⵕⴰⵜⵉⵊⵉⵢⵏ ⵏ ⵜⵙⵔⵜⵉⵜ ⵜⴰⴱⵕⵕⴰⵏⵜ ⵏ ⵜⴳⵍⴷⵉⵜ, ⵎⴽⵍⵍⵉ ⵜⵏⵜ ⵉⵙⵡⵓⵜⵜⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ".
ⵉⵙⴷⴷⵉⴷ ⵎⴰⵙ ⴷ "ⵍⵎⵖⵔⵉⴱ ⵔⴰⴷ ⴱⴷⴷⴰ ⵉⵖⴰⵎⴰ ⵢⵓⵎⵥ ⵙ ⵜⵎⵢⴰⵏⴰⵡⵜ ⵏ ⵉⴳⵎⴰⵎⵏ ⵕⵡⴰⵏⵉⵏ ⴷ ⵎⵢⴰⵡⴰⵙⵏⵉⵏ ⴷ ⵉⵙⵎⴰⵢⵏⵓⵏ" ⵉⵙⵎⴰⵜⵔ ⵎⴰⵙ ⵜⴰⴳⵍⴷⵉⵜ ⵓⵔ ⴷ ⵜⵎⵛⴰⵛⴽⴰ ⴰⴷ ⴳⵉⵏⵜ ⵜⵎⵙⵓⵍⵉⵏ ⵉⴷ ⵎⵎⵓ ⵉⴳⵎⴰⵎⵏ ⵉⵎⵢⴰⵏⴰⵡⵏ ⵜⵉⵏ ⵓⵙⵔⵇⴱ ⵅⴼ ⵜⴱⴹⵉⵜ ⵏⵉⵖ ⴰⴷ ⵏⵏ ⴽⵛⵛⵎⵏⵜ ⴳ ⵉⵙⴽⴽⵉⵏⵏ ⵉⴳⵯⵏⵙⴰⵏⵏ ⵏ ⵉⵡⴰⵏⴽⵏ ⵏⴱⴹⵏⵉⵏ. ⵏⵉⵖ ⴰⵙⴽⴰⵔ ⵏ ⵜⵎⵔⵓⵔⴰ ⵏⵏⴰ ⵔⴰⴷ ⵉⴳⵔⴰⵡⵍ ⴳ ⴽⵔⴰ ⵏ ⵡⴰⵙⵙ ⴳ ⵡⵓⵙⵙⴰⵏ, ⵅⴼ ⵉⵎⵙⵏⵜⴰⵢ ⵏⵏⵙ.