ⵜⵉⵏⵉ ⵎⴰⵙⵙⴰ ⵊⵢⵓⵕⵊⵢⵉⴼⴰ, ⴳ ⵢⴰⵏ ⵓⵎⵙⴰⵡⴰⵍ ⵉⵥⵍⵉⵏ ⵙ ⵜⵙⵏⵓⵔⴰⵢⵜ ⵍⵎⵖⵔⵉⴱ ⵍⵄⴰⵕⴰⴱⵉ ⵉ ⵉⵏⵖⵎⵉⵙⵏ, "ⵙⵡⵡⵓⵔⵉⵖ ⴷ ⴰⵎⴰⵣⴰⵏ ⴰⵏⴰⴼⴳⴰⵏ, ⵙⵎⵎⵓⵙ ⵉⵙⴳⴳⵯⴰⵙⵏ, ⵥⵕⵉⵖ ⴳ ⴽⵉⴳⴰⵏ ⵏ ⵜⵎⵍⴷⵉⵡⵉⵏ, ⵎⴰⵙ ⴷ ⵜⵥⴹⴰⵕ ⵜⵓⵎⴰⵙⵜ ⴰⴷ ⵜⵣⵔⵉ ⴳ ⵡⴰⴷⴷⴰⴷⵏ ⵉⵀⵔⵛⵏ ⵉⵖ ⵉⵍⵍⴰ ⵓⵎⵢⴰⵡⴰⵙ. ⵎⴰⵢⴰⴷ ⴰⴷ ⵉⵙⴽⵔ ⵍⵎⵖⵔⵉⴱ ⵙ ⵓⵏⵙⵙⵉⵅⴼ ⵏ ⵓⴳⵍⵍⵉⴷ ⴱⴰⴱ ⵏ ⵓⴷⴷⵓⵔ".
ⵜⵙⵎⴷ ⵜⵏⵎⵀⴰⵍⵜ ⵏ ⵜⵎⵔⵙⵍⵜ ⵏ ⵜⴷⵔⵉⵎⵜ ⵜⴰⴳⵔⴰⵖⵍⴰⵏⵜ ⵎⴰⵙⴷ "ⵎⴰⵅⵛⵛⴰⵢⵏ ⴰⴷ ⵎⵓⵏⵏ ⴰⵢⵜ ⵜⵎⴰⵣⵉⵔⵜ ⴳ ⵡⴰⴷⴷⴰⴷ ⵉⵀⵔⵛⵏ" ⵎⵍⵏ ⵜⵉⵡⵉⵙⵉ ⵏⵏⵙⵏ.
ⵜⵙⴼⴰⵍⴽⵉ ⵓⵍⴰ, ⴳ ⵜⵙⴳⴰ ⴰⴹⵏⵉ, ⴰⵎⵢⴰⵡⴰⵙ ⵏ ⵉⵎⵖⵔⴰⴱⵉⵢⵏ ⵍⵍⵉ ⴷ ⵢⵓⵎⴰⵏⵏ ⴹⴰⵕⵜ ⵏ ⵓⵏⴷⵓⴷⵉ ⵏ ⵍⵃⵓⵣ.
ⵜⵏⵏⴰ ⵎⴰⵙ ⴷ ⴰⵎⵢⴰⵡⴰⵙ ⴰⴷ ⵉⴳⴰ ⵣⴳ ⴰⵢⵍⵍⵉ ⵙ ⵜⵜⵉⵢⵙⵙⴰⵏⵏ ⵉⵎⵖⵔⴰⴱⵉⵢⵏ, ⵜⵉⵏⵉ "ⵙⵙⵏⵖ, ⵉⵙ ⵔⴰⴷ ⴰⵖ ⵙⴽⵔⵏ ⴰⵙⴱⵔⵔⴽ ⵉⴼⵓⵍⴽⵉⵏ ⵓⵍⴰ ⵏⴽⴽⵯⵏⵉ" ⴳ ⵎⵕⵕⴰⴽⵛ ⴳ ⴽⵜⵓⴱⵕ ⴷ ⵢⵓⵛⴽⴰⵏ.
ⵜⴱⴷⴷ ⵜⵏⵎⵀⴰⵍⵜ ⵜⴰⵎⴰⵜⵓⵜ ⵏ ⵓⴼⵏⵉⵇ ⴰⴳⵔⴰⵖⵍⴰⵏ ⵅⴼ ⴰⴷ ⵉⵍⵉⵏ ⵉⵏⵎⵓⵇⵇⴰⵔⵏ ⵉⵙⴳⴳⵯⵙⴰⵏⵏ ⵏ ⵓⴼⵏⵉⵇ ⴷ ⴰⴳⵔⴰⵖⵍⴰⵏ ⵣⴳ 9 ⴰⵔ 15 ⴽⵜⵓⴱⵕ ⴳ ⵎⵕⵕⴰⴽⵛ.