ⴰⵎⴷⵓⴷⵉ ⵏ ⵍⵃⴰⵡⵣ..ⵔⴰⴷ ⵜⴼⴽⴰ ⵜⴰⵏⴱⴰⴹⵜ ⴽⵓⵍ ⵏ ⵜⵉⵥⴹⵕⴰ ⴳ ⵜⵉⴽⵍⵉ ⵏ ⵓⵍⵍⴰⵙ ⵏ ⵜⵓⵚⴽⴰ ⵉⵖⴰⵡⵍⵏ (ⵎⴰⵙⵙ ⴰⵅⵏⵏⵓⵛ)

25 ⵛⵓⵜⴰⵏⴱⵉⵔ 2023 Version Imprimable

ⵕⵕⴱⴰⵟ - ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵄⴰⵣⵉⵣ ⴰⵅⵏⵏⵓⵛ ⵡⴰⵙⵙ ⵏ ⵓⵢⵏⴰⵙ ⵎⴰⵙ ⵔⴰⴷ ⵜⴼⴽⴰ ⵜⴰⵏⴱⴰⴹⵜ ⴽⵓⵍ ⵏ ⵜⵉⵥⴹⵕⴰ ⴳ ⵜⵉⴽⵍⵉ ⵏ ⵓⵍⵍⴰⵙ ⵏ ⵜⵓⵚⴽⴰ ⵉⵖⴰⵡⵍⵏ ⵏⵏⴰ ⵉⵣⴷⵉⵏ ⴳ ⵜⵏⵎⵍⵉⵏ ⴷ ⵚⵚⴱⵉⵟⴰⵕ ⴷ ⵜⵏⴰⴼⵓⵜⵉⵏ ⵉⴷⴷⵓⵔⵏ ⵏⵏⴰ ⵉⵕⵥⴰⵏ ⴷⴼⴼⵉⵔ ⵏ ⵓⵎⴷⵓⴷⵉ

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵏⵙⵙⵉⵅⴼⵜ ⵏ ⵜⵏⴱⴰⴹⵜ ⵎⴰⵙ ⵉⵙⴰⵡⵍ ⵎⴰⵙⵙ ⴰⵅⵏⵏⵓⵛ ⵍⵍⵉⵖ ⵉⵙⵙⵉⵅⴼ ⵏ ⵓⴳⵔⴰⵡ ⵡⵉⵙⵙ ⴽⴽⵓⵣ ⴳⵔ ⵜⵎⴰⵡⴰⵙⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵖⴰⵡⴰⵙ ⵏ ⵓⵍⵍⵙ ⵏ ⵜⵓⵚⴽⴰ ⴷ ⴰⵙⵖⵔⵜ ⴰⵍⴰⵜⴰⵢ ⵏ ⵜⵙⴳⴳⵉⵡⵉⵏ ⵉⵕⵥⵏ ⴷ ⵓⵎⵏⴷⵓⴷⵉ ⵎⴰⵙ ⵉⵜⵜⵓⵙⴽⴰ ⵏ ⵉⵙⵏⵜⵉⵏ ⴰⴷ ⵔⴰⴷ ⵜⵜⵓⵥⵕⴼ ⵙⴳ ⵓⵙⵎⵉⴹⴰⵍ ⴰⵎⵣⵍⵉ ⵏ ⵜⴱⴷⴰⴷⵜ ⵉⵣⵍⵉⵏ ⵙ ⵓⵙⵡⵓⴷⴷⵓ ⵏ ⵉⵕⵥⴰⵏ ⵏ ⵓⵏⵎⵓⴷⴷⵉ ⵏⵏⴰ ⵉⵜⵜⵓⵙⴽⴰⵔⵏ ⵙ ⵓⵣⵣⵉⴳⵔ ⵏ ⵡⴰⵏⴰⴹ ⵏ ⵓⴷⴷⵓⵔ ⴰⴳⵍⵍⵉⴷ .

ⵉⵙⵓⵍ ⵉⵏⵏⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙ ⴳ ⵓⵙⵙⴰⵏ ⵉⴷⴷⴰⵏ ⵔⴰⴷ ⵉⵍⵉⵏ ⵉⴳⵔⴰⵡⵏ ⵉⴹⴼⴰⵕⵏ ⵎⴰⵢⴰⴷ ⵡⵜⵜⴰⵙⵏ ⵏ ⵓⵣⴷⵓⵢ ⴷ ⵓⵙⵔⵙ ⵏ ⵜⴽⵍⴰⵢ ⵉⴳⴳⵯⵔⴰⵏ ⵅⴼ ⵜⵏⴰⵢⵜ ⵉⵣⵍⵉⵏ ⵏ ⵓⵙⵔⵙ ⵏ ⵉⵙⵏⵜⵉⵏ ⵏ ⵓⵏⴳⵎⵓⵏ ⴳ ⵜⵙⴳⴳⵉⵡⵉⵏ ⵉⵕⵥⴰⵏ

ⵉⵙⵓⵍ ⵉⵏⵏⴰ ⵎⴰⵙ ⵜⵙⵓⵍ ⵜⴰⴷⵉⵏⴰⵎⵉⵜ ⵏ ⵓⵍⵍⴰⵙ ⴷ ⵜⵓⵚⴽⴰ ⴷ ⵓⵙⵖⵔⵜ ⵏ ⵜⵓⵚⴽⵉⵡⵉⵏ ⵜⴰⵏⴰⴷⴷⵉⵡⵏ ⵉⵕⵥⴰⵏ ⵓⵍⴰ ⴰⵙⴷⵓⵙ ⵏ ⵜⴳⵎⵉ ⵜⴰⵏⴰⵎⵓⵏⵜ ⴷ ⵜⴰⴷⵎⵙⴰⵏⵜ ⴳ ⵜⵙⴳⴳⵉⵡⵉⵏ ⴰⴷ .

ⵉⵣⴰⵢⴷ ⵓⵙⵉⵡⴹ ⵎⴰⵙ ⵓⴳⵔⴰⵡ ⵏⵏⴰ ⵉⵜⴹⴼⵓⵕ ⴳⵉⵙ ⵏ ⵓⵙⵔⵙ ⵏ ⵓⵖⴰⵡⴰⵙ ⵉⵙⵉⴷⴼⵏ ⴷ ⵎⵏⵏⴰⵡⵜ ⵉⴳⵔⴰⵏ ⵙ ⵓⵣⵣⵉⴳⵔ ⵏ ⵜⵓⵎⵍⴰⵢⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵉⵙⴰⵡⵍ ⵅⴼ ⵓⵙⵏⵜⵉ ⵏ ⵓⵙⴽⵔ ⵏ ⵜⵙⵏⵓⵔⴰⵢⵜ ⵉⵣⵍⵉⵏ ⵏ ⵜⵏⴼⵔⵓⵜ ⵏ ⵓⵙⵔⵙ ⵏ ⵉⵔⵡⵉⵏ ⵏ ⵓⵖⴰⵡⴰⵙ ⴰⴷ ⵔⴰⴷ ⵜⵡⵓⵔⵉ ⵏ ⵓⵣⵣⵉⴳⵔ ⵏ ⵓⵍⵍⴰⵙ ⵏ ⵜⵜⵓⵚⴽⴰ ⴷ ⵓⵙⵖⵔⵜ ⵓⵍⴰ ⵓⵙⵔⵙ ⵏ ⵉⵙⵙⴰⵔⵓⵏ ⵏ ⵉⵎⴰⵍ ⵎⴰⵢⴰⴷ ⵔⴰⴷ ⵜⵉⵍⵉ ⴳ ⵜⵙⴳⴳⵉⵡⵉⵏ ⵉⵕⵥⴰⵏ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%8E%E2%B4%B7%E2%B5%93%E2%B4%B7%E2%B5%89-%E2%B5%8F-%E2%B5%8D%E2%B5%83%E2%B4%B0%E2%B5%A1%E2%B5%A3%E2%B5%94%E2%B4%B0%E2%B4%B7-%E2%B5%9C%E2%B4%BC%E2%B4%BD%E2%B4%B0-%E2%B5%9C%E2%B4%B0%E2%B5%8F%E2%B4%B1%E2%B4%B0%E2%B4%B9%E2%B5%9C-%E2%B4%BD%E2%B5%93%E2%B5%8D-%E2%B5%8F-%E2%B5%9C%E2%B5%89%E2%B5%A5%E2%B4%B9%E2%B5%95%E2%B4%B0-%E2%B4%B3-%E2%B5%9C%E2%B5%89%E2%B4%BD%E2%B5%8D%E2%B5%89%C2%A0-%E2%B5%8F-%E2%B5%93%E2%B5%8D%E2%B5%8D%E2%B4%B0%E2%B5%99-%E2%B5%8F-%E2%B5%9C%E2%B5%93%E2%B5%9A%E2%B4%BD%E2%B4%B0-%E2%B5%89%E2%B5%96%E2%B4%B0%E2%B5%A1%E2%B5%8D%E2%B5%8F-%E2%B5%8E%E2%B4%B0%E2%B5%99%E2%B5%99