ⵉⵏⵏⵓⵕⵥⵎ ⵓⵙⵏⵓⴱⴱⵛ ⵅⴼ ⵜⵎⵙⵉⵔⵜ ⵏ ⵓⵣⵓⵣⵣⵔ ⵏ ⵜⴽⵔⴽⴰⵙ, ⴽⵛⵎⵏ ⴳⵉⵙ ⵜⵓⴳⵜⵜ ⵏ ⵉⵡⵔⵉⴽⵏ ⴷ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⴳ ⵜⵎⵏⵜⵉⵍⵜ ⵏ ⵓⵙⵖⵏⵣⵉ ⴰⴳⵔⴰⵖⵍⴰⵏ ⵏ ⵉⵙⴷⵓⵀⴷⵓⵜⵏ (ⴰⴳⵏⵙⴰⵙ ⴰⵎⴰⵜⵓ ⵏ ⵓⴳⵍⵍⵉⴷ ⴷⴰⵔ ⵜⵙⵏⴱⴹⴰⵢⵜ ⵏ ⵡⴰⵍⴰⵙ ⴳ ⵜⴳⵎⵎⵉ ⵜⵓⵎⵍⵉⵍⵜ)

09 ⵉⵏⵏⴰⵢⵔ 2024 Version Imprimable

ⴹⴹⴰⵕⵍⴱⵉⴹⴰ - ⵜⵏⵏⴰ ⵜⵎⵙⴹⴼⴰⵕⵜ ⵜⴰⵎⴰⵜⵓⵜ ⴳ ⵜⵙⵏⴱⴹⴰⵢⵜ ⵏ ⵡⴰⵍⴰⵙ ⴳ ⵜⴳⵎⵎⵉ ⵜⵓⵎⵍⵉⵍⵜ ⴰⴷ ⵕⵥⵎⵏ ⴰⵛⵏⵓⴱⴱⵛ ⵅⴼ ⵜⵎⵙⵉⵔⵜ ⵏ ⵓⵣⵓⵣⵣⵔ ⵏ ⵜⴽⵔⴽⴰⵙ, ⵍⵍⵉⵖ ⴽⵛⵎⵏ ⵜⵓⴳⵜⵜ ⵏ ⵉⵡⵔⵉⴽⵏ ⵓⵍⴰ ⵜⵉⵎⵔⵙⴰⵍ ⵜⵉⵏⴰⵎⵓⵔⵉⵏ ⴳ ⵜⵎⵏⵜⵉⵍⵜ ⵏ ⵓⵙⵖⵏⵣⵉ ⴰⴳⵔⴰⵖⵍⴰⵏ ⵏ ⵉⵙⴷⵓⵀⴷⵓⵜⵏ, ⵍⵍⵉ ⵅⴼ ⵉⵜⵜⵢⴰⵎⴰⵥ 25 ⵏ ⵢⴰⵏ.

ⵢⵉⵡⵉ ⴷ ⵓⵙⵉⵡⴹ ⵏ ⵓⴳⵏⵙⴰⵙ ⵏ ⵓⴳⵍⵍⵉⴷ ⴷⴰⵔ ⵜⵙⵏⴱⴹⴰⵢⵜ ⵏ ⵡⴰⵍⴰⵙ ⴳ ⵜⴳⵎⵎⵉ ⵜⵓⵎⵍⵉⵍⵜ, ⵎⴰⵙⴷ ⵎⴰⵢⴰⴷ ⵢⵓⵛⴽⴰⴷ ⴹⴰⵕⵜ ⵏ ⵎⴰⴷ ⵥⵕⴰⵏ ⴰⵢⵍⵍⵉ ⵉⵜⵜⵉⴼⵙⴰⵔⵏ ⴳ ⵉⵎⴰⵙⵙⵏ ⵉⵎⴰⵟⵟⵓⵏⵏ ⵅⴼ ⴽⵉⴳⴰⵏ ⵏ ⵉⵡⵔⵉⴽⵏ ⴷ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⴰⵔ ⵜⵜⵉⵏⵉⵏ ⵎⴰⵙ ⴽⵛⵎⵏ ⴳ ⵓⵙⵖⵏⵣⵉ ⴰⴳⵔⴰⵖⵍⴰⵏ ⵏ ⵉⵙⴷⵓⵀⴷⵓⵜⵏ, ⴷ ⵍⵍⵉⵖ ⵜⵜⵢⴰⵎⴰⵥⵏ 25 ⵏ ⵢⴰⵏ, ⴳⵉⵙⵏ ⵡⵉⴷ ⵉⵙⵡⵓⵔⵉⵏ ⴳ ⵜⴳⵔⴰⵡⵉⵏ ⵜⵉⵏⵎⵏⴰⴹⵉⵏ ⴷ ⵉⵎⵙⵡⵓⵔⵉⵏ ⵉⵡⴰⵍⴰⵏ ⴰⵙⴽⴽⵉⵔ ⵏ ⵓⵣⵔⴼ.

ⵉⵙⵎⴷ ⵓⵙⵉⵡⴹ, ⵉⵙⴽⴰⵏ ⵅⴼ ⵓⵣⵔⴼ ⵏ ⵓⵍⴽⴰⵎ ⵏ ⵓⵏⵖⵎⵙ ⵉⵍⵍⴰⵏ ⴳ ⵓⴷⵓⵙⵜⵓⵔ ⵏ ⵜⴳⵍⴷⵉⵜ, ⵉⵏⵏⴰ ⵉⴳⵏⵙⴰ ⴰⵎⴰⵜⵓ ⵏ ⵓⴳⵍⵍⵉⴷ ⴷⴰⵔ ⵜⵙⵏⴱⴹⴰⵢⵜ ⵏ ⵡⴰⵍⴰⵙ ⴳ ⵜⴳⵎⵎⵉ ⵜⵓⵎⵍⵉⵍⵜ ⵎⴰⵙ ⵢⴰⴷ ⵉⵏⵏⴰ ⴳ ⵡⴰⵡⴰⵍ ⵏⵏⵙ ⴰⵙⵙ ⵏ 24 ⴷⵓⵊⴰⵏⴱⵉⵔ 2023 ⵉⵙ ⵍⵍⴰⵏ ⵜⵓⴳⵜⵜ ⵏ ⵉⵡⵔⵉⴽⵏ ⵓⵔ ⴷⴰⵔⵙⵏ ⴽⵔⴰ ⵏ ⵓⴼⵓⵙ ⴳ ⵜⵎⵏⵜⵉⵍⵜ ⴰⴷ, ⵖⵉⵍⴰⴷ ⴰⵔ ⵙⵓⵍ ⴷⵉⵙⵏ ⵙⵏⵓⴱⴱⵛⵏ ⴼⴰⴷ ⴰⴷ ⵙⴷⵓⵙⵏ ⵜⵉⴷⵜ ⵏ ⵜⵎⵙⴽⵉⵔⵉⵏ ⴰⴷ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%8F%E2%B5%8F%E2%B5%93%E2%B5%95%E2%B5%A5%E2%B5%8E-%E2%B5%93%E2%B5%99%E2%B5%8F%E2%B5%93%E2%B4%B1%E2%B4%B1%E2%B5%9B-%E2%B5%85%E2%B4%BC-%E2%B5%9C%E2%B5%8E%E2%B5%99%E2%B5%89%E2%B5%94%E2%B5%9C-%E2%B5%8F-%E2%B5%93%E2%B5%A3%E2%B5%93%E2%B5%A3%E2%B5%A3%E2%B5%94-%E2%B5%8F-%E2%B5%9C%E2%B4%BD%E2%B5%94%E2%B4%BD%E2%B4%B0%E2%B5%99-%E2%B4%BD%E2%B5%9B%E2%B5%8E%E2%B5%8F-%E2%B4%B3%E2%B5%89%E2%B5%99-%E2%B5%9C%E2%B5%93%E2%B4%B3%E2%B5%9C%E2%B5%9C-%E2%B5%8F-%E2%B5%89%E2%B5%A1%E2%B5%94%E2%B5%89%E2%B4%BD%E2%B5%8F-%E2%B4%B7-%E2%B5%9C%E2%B5%8E%E2%B5%94%E2%B5%99%E2%B4%B0%E2%B5%8D