ⵃⴰⴹⵕⵏ ⵙⵓⵍ ⵉ ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⴰⴷ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵃⴰⵎⴰⴷ ⴱⵏ ⵄⵉⵙⴰ ⴰⵍ ⵅⴰⵍⵉⴼⴰ, ⴰⴳⵍⵍⵉⴷ ⵏ ⵍⴱⴰⵃⵕⴰⵢⵏ, ⴷ ⵎⴰⵙⵙ ⵉⵎⴰⵏⵓⵢⵉⵍ ⵎⴰⴽⵕⵓⵏ, ⴰⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⴼⵕⴰⵏⵚⴰ, ⴷ ⵜⴰⵎⵖⴰⵕⵜ ⵏⵏⵙ, ⵎⴰⵙⵙⴰ ⴱⵔⵉⵊⵉⵜ ⵎⴰⴽⵕⵓⵏ, ⴷ ⴰⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵜⵓⵙⵍⵉⵎⵜ ⵏ ⴰⴼⵖⴰⵏⵉⵙⵜⴰⵏ, ⵎⴰⵙⵙ ⵎⵓⵃⵎⵎⴷ ⴰⵛⵕⴰⴼ ⵖⴰⵏⵉ, ⵓⵍⴰ ⵉⵙⵎⴷⵢⴰⵏ ⵉⵎⵇⵕⴰⵏ ⵏ ⵎⵏⵏⴰⵡ ⵏ ⵜⵎⵉⵣⴰⵔ ⵏ ⵍⵅⴰⵍⵉⵊ.
ⴳ ⵓⵣⵎⵣⵣⵓ ⵢⴰⴷ, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⵉⵔⵣⵣⵉⴼⵏ ⵉ ⵜⴰⵙⵏⵏⵉⵖⵜ ⵏ "ⵍⵍⵓⴼⵔ ⴰⴱⵓ ⴹⴰⴱⵉ", ⵎⴰⵢⴰⴷ ⵉⴳⴰⵏ ⵉⴳⵉⵏ ⵏ ⵜⵥⵓⵕⵉ ⵉⵎⵣⵔⴰⵢⵏ ⵏ ⵜⴰⵙⵓⵜ ⵜⵉⵙⵙ 19, ⵙⵍⴰⵡⴰⵏ ⴰⴽⴽⵯ ⵢⴰⵏ ⴰⵔⵔⴰ ⵏ ⵍⵇⵓⵕⴰⵏ ⵍⵄⴰⴹⵉⵎ, ⵢⴰⵜ ⵜⴰⵎⵓⴽⵃⵍⵉⵜ, ⵢⴰⵏ ⵙⵙⵉⴼ, ⴷ ⵢⴰⵜ ⵜⴰⴳⴳⵓⵔⵜ ⵏ ⵓⴽⵛⵛⵓⴹ ⵏ ⵉⴷⴳⵍ ⵢⵓⵛⴽⴰⵏ ⵙⴳ ⴼⴰⵙ.
ⴳ ⵓⵣⵎⵣⵣⵓ ⵏ ⵜⴼⵓⴳⵍⴰ ⵢⴰⴷ, ⵍⵍⵉⵖ ⵜⵜⵓⵙⴽⴰⵔⵏ ⵜⵉⵏⴽⴷⴰⵏ ⵉⵏⴰⵥⵓⵕⵏ ⴷ ⵏ ⵓⵥⴰⵡⴰⵏ, ⵉⵏⵏⴰ ⴱⴰⴱ ⵏ ⵜⴰⵜⵜⵓⵢⵜ ⵛⵛⵉⵅ ⵎⵓⵃⵎⵎⴷ ⴱⵏ ⵕⴰⵛⵉⴷ ⴰⵍ ⵎⴰⴽⵜⵓⵎ, ⴳ ⵢⴰⵏ ⵉⵏⴰⵡ, ⵉⵙ ⵜⵙⵎⴰⵏ ⵜⵙⵏⵏⵉⵖⵜ ⵏ "ⵍⵍⵓⴼⵔ ⴰⴱⵓ ⴹⴰⴱⵉ" ⵍⵇⴱⵍⵜ ⴷ ⵜⴰⴳⵓⵜ, ⴷ ⵜⴳⴰ ⵢⴰⵜ ⵜⵉⵍⴳⴳⵯⵉⵜ ⴳⵔ ⵜⵉⵖⵔⵎⵉⵏ.
ⴷⴼⴼⵉⵔ ⵏⵏⵙ, ⵉⵙⴰⵡⵍ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⴼⵕⴰⵏⵚⴰ, ⵉⵎⴰⵏⵓⵢⵉⵍ ⵎⴰⴽⵕⵓⵏ, ⵉⵏⵏⴰ ⵉⵙ ⵉⴳⴰ "ⵍⵍⵓⴼⵔ ⴰⴱⵓ ⴹⴰⴱⵉ" ⵢⴰⵜ ⵜⵢⴰⴼⵓⵜ ⵏ ⵜⵎⵢⴰⵇⵇⴰⵏⵜ ⵉⵙⴳⵎⴹⵏ ⴳ 2007, ⵎⴰⵢⴰⴷ ⵉⵥⴹⴰⵕⵏ ⴰⴷ ⵉⵙⵎⵓⵏ ⵜⵉⴷⵍⵙⴰⵏ, ⵓⵍⴰ ⵍⵇⴱⵍⵜ ⴷ ⵜⴰⴳⵓⵜ.
ⵜⴰⴷⵔⴰⵡⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⴰⴼⵓⴳⵍⴰ ⵢⴰⴷ ⵜⵎⵍⴰ ⴰⵜⵉⴳ ⵍⵍⵉ ⵢⴼⴽⴰ ⵉ ⵜⵏⴽⵔⴰ ⵙ ⵜⵉⵥⵓⵕⵉⵡⵉⵏ ⴷ ⵜⴰⴷⵍⵙⴰ. ⴼ ⵖⵉⴽⴰⵏ ⴰⴼⴷ ⵢⵉⵡⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵏⵏⴰⵍ ⵏⵏⵙ ⵉ ⵜⵣⵓⵏⵉ ⵏ ⵜⵉⵥⵓⵕⵉⵡⵉⵏ ⵏ ⵍⵉⵙⵍⴰⵎ ⵏ ⵜⵙⵏⵏⵉⵖⵜ ⵏ "ⵍⵍⵓⴼⵔ" ⴳ ⴱⴰⵔⵉⵣ, ⵙⵍⴰⵡⴰⵏ ⴰⴽⴽⵯ ⵙ ⵓⵙⵙⵓⴼⵖ ⵏ ⵓⴳⵎⵎⴰⴹ ⵏ ⵜⵉⵥⵓⵕⵉⵡⵉⵏ ⵏ ⵍⵉⵙⵍⴰⵎ.
ⵃⴰⴹⵕⵏ ⵉ ⵜⴰⴼⵓⴳⵍⴰ ⵢⴰⴷ ⵉⴳⵎⴰⵎⵏ ⵏ ⵜⴰⵎⵓⵔⴰⵢⵜ ⵜⴰⵎⴰⴷⴷⵓⴷⵜ ⵉⵎⴰⵏⵏ ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵓⵔⵣⴰⴼ ⴰⴷ ⵏ ⵜⵉⴷⴷⵓⴽⵍⴰ ⴷ ⵜⵡⵓⵔⵉ ⵙ ⵍⵉⵎⴰⵕⴰⵜ ⵜⵉⵄⵕⴰⴱⵉⵏ ⵉⵎⵓⵏⵏ, ⵙⵍⴰⵡⴰⵏ ⴰⴽⴽⵯ ⵉⵎⵛⵛⵉⵡⵕⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵎⴰⵙⵙ ⴼⵓⴻⴰⴷ ⵄⵍⵉ ⵍⵀⵉⵎⵎⴰ, ⴷ ⵎⴰⵙⵙ ⵢⴰⵙⵉⵔ ⵥⵏⴰⴳⵉ, ⴷ ⵎⴰⵙⵙ ⵄⴱⴷⵍⵍⵟⵉⴼ ⵎⵏⵓⵏⵉ, ⵓⵍⴰ ⵎⴰⵙⵙ ⵎⵓⵃⵎⵎⴷ ⵍⵄⵕⵊ, ⴰⵎⴰⵡⵙⴰⵙ ⵏ ⵜⴷⵍⵙⴰ ⴷ ⵓⵎⵢⴰⵡⴰⴹ, ⴷ ⵎⴰⵙⵙ ⵎⵀⴷⵉ ⵇⵟⴱⵉ, ⴰⵏⵙⵙⵉⵅⴼ ⵏ ⵜⵉⵎⵔⵙⵍⵜ ⵜⴰⵏⴰⵎⵓⵔⵜ ⵏ ⵜⵉⵙⵏⵏⵉⵖⵉⵏ.